Srø kasharawarmerape kasharaik kualøm kasraktø pøntraikpe manakatikwayasik køntrai isupelø køn. Treekwan nepuntrun. Cristoyelø yana kasharawarmerape Biblia maik taikwan møra marøpelø kuikkutri kasraktø amøñipelø køn.

1. ¿Bibliape kekwan chi tap wammera tranøpik kø?

Jeupape kekwan nui yampu metrap aship pasrøntrai wesruik køn (leu Efesios 5:23). Inchawai Jeupa isupik køn nui yampu chiyutøkucha tap køntrai isua maramik kui. Bibliape kelan ikwan marinkarupik køn: “Nømui sralane undaguelø kømig køn [cha]” (Efesios 5:25). ¿Trenchippe manchatrentera? Kan kek untakikpe nui srawan untaktøka waminchip nømtø putrainuk kape katøkan misakmera pøntrainukkucha, tap pera pasrap chi palaikwan chishtø trantrun nø kasraktø wantrai (1 Timoteo 5:8). Kekpe mas nuik marøppe, nui srawan Jeupawaimay kemallchai purukumik køn (Mateo 4:4). Por ejemplo, nui sraimpa Biblian lep, Tiuspa waminchip intamik køn. Kekpe nui srawan untaktøka tap køntrai marene, nø Jeupapa tap lintikpe minchimøntrun (leu 1 Pedro 3:7).

2. ¿Bibliape srawan chi tap wammera tranøpik kø?

Tiuswai Wampe trenchipik køn sralømerape “kelane maig købash inchimø, kørig tøgar kømig køn [cha]” (Efesios 5:33). ¿Mantø treek martrap? Nui kek tapik tøkakuilanpa, nunpa nui urekwanpa untaktøka ashipik kuikwan isumik køn. Trektøwai nui kek chi martrap isuilan kørikpala purukumik køn, untaktøka waminchip, katøkanelan nui kekwan Jeupawan adoramíik kuinkucha kalø waminchimøwai intamik køn.

3. ¿Kasharawarmerape pailø tap pøntrøntrap chi martrap?

Biblia trenchipik køn kasharawarmerane: “Tru pailøbe kan asrtø kønrruncha” (Mateo 19:5). Trenchippe chi atrintøkucha ampumay imay elachimumik kui inchawai utø wesramik køn chu urastøkucha pailø puraamtrap. Incha maik mørøraikwan, chi isuikwan chikucha sørømø untaktøka wamintamik køn. Inchawai pailø kasharawa pøntrainukpe Jeupape mas nuik køntrun trukutri nui srai kape nui kek køntrun. Incha pailø pøntrainukpe katøkan nui kek kømíikpape kape nui srai kømíikpape mentra trak linchap pøntrømumik køn.

 MAS NEPUA KUSREU

4. Kekpe, nui srawan untarap trektøwai chi palai wapen tranamik køn

5. Sraimpe, nui kekwan untarawa kørikpala pasramik køn

Bibliape trenchipik køn, sraimpe nui kekwan kørikpala untaktøka pasramik køncha nø Jeupawaiwan marøpik kui lata marmíik kui lata. Ley 1 Pedro 3:1, 2, yu leinuk pinaku paílan waminchap:

• Ñui kek Jeupawan nepua ashmíik køpene, ñipe isupik kuintrun ñui kek Jeupawan nepua ashchai. ¿Ñui kekwan chu urastøkucha Tiuswayelan wamincha kape kørikpalatø ñi tap kenamariktrawa kanapsru chintera? ¿Chinchatre øyeek isuku?

Sraimpa kekpa chikøpen martrap isuiløyu tap wamincha tapelø martrun. Pailøpa chu urastøkucha lata lata isumuintrun inchentø sraimpe nø isuilan tammay kørikpala nui kekwan wamintamik køn. Trektøwai nøpe tørtø tøkakømik køn  nakchak umpu chikutrimpunø møk misakwan pera aship marøp pasrøntrai tranik kui. Inchawai sraimpe kekwan purukumik køn. Treek marape, nakchak umpu latrø kasrak putramik køntrun. Ley 1 Pedro 3:3-5, yu leinuk pinaku paíkwan waminchap:

• ¿Srai nui kekwan untaktøka kørikpala pasrøpen Jeupape maik ashipik kø?

6. Kasharawa pøntrainuk murelø puintøkucha tamaramtik køntrun

 ¿CHI KUSREKU?

Sraimpa kekpa nakchak umpu kasraktø putramik køntrun ilan marape: pailø misra untak kenamarøp, kørikpala pøntrap, Biblia maik taikwan øsik amønainuk marøp.

Kusreikwan katøle isuntrap

• ¿Kekpe chi maramik kø nakchak umpu kasraktø lincha pøntrøntrap?

• ¿Sraimpe chi maramik kø nakchak umpu kasraktø lincha pøntrøntrap?

• Ñi kasharawai kuape, ¿Bibliayukutri mø versículosmera purukuntrera kasharawa kanpalatø tap pøntrøntrap?