ILUẸMHIN 49

Be Ha Re Azagba-uwa Nọnsẹ Ha Ghọnghọn?—Obọ 1

Khue

Ukpẹdẹ eghọnghọn, ọle ukpẹdẹ nin ọria bọ ọdọ la re okhuo khin. Ọne okpea bi okhuo ne la bọ egbe ki wo ha guanọ nin eghọnghọn nọnsele tọ sẹbhi ighegheghe. Ọ dẹ sabọ ha yi iriọ. Kristiẹn ne bunbun ne re obọ rẹkhan adia ne ribhi Baibo dọ kere ghe eghọnghọn dẹ sabọ tọ bhi azagba-uwa.

1. Adia nela iBaibo re nin ọdọ?

Ọdọ, ọle iJehova mun ọlẹn ọle bhi obọ nọn ha re emhin khian bhi azagba-uwa. (Tie Ephesians 5:23.) Jehova guanọ nin ọne okpea ha re azagba-uwa nọnsọle khian bhi uwedẹ nin ọne azagba-uwa ha da miẹn elele. Baibo yọle: “Ene ọdọ, bha wo ha hoẹmhọn ikhuo bha.” (Ephesians 5:25) Be ọdọ ha rẹ rẹman yẹ ghe ọle hoẹmhọn okhuo ọle? Ọle ki ha re obọ esili mun okhuo ọle bhi uwa bi olele. Ọle ki ha gbega okhuo ọle yẹ ha gbẹloghe ọle. (1 Timothy 5:8) Rẹ gbera enin, ọle ki rẹkpa okhuo ọle rẹ ha sikẹ iJehova. (Matthew 4:4) Bhi ọsi ijiẹmhin, ọle dẹ sabọ deba okhuo ọle nan erọnmhọn la tie iBaibo. Ọdọ ha re inian ha gbẹloghe okhuo ọle, ikolu nin ọle bi Jehova ko mhọnlẹn ki deziẹn.—Tie 1 Peter 3:7.

2. Adia nela iBaibo re nin ene amhẹn?

Baibo yọle nin amhẹn “ha mun ekpẹn nọn dinmhin nin ọdọ ọle.” (Ephesians 5:33) Be ha rẹkpa amhẹn rẹ sabọ lu ọnan? Ọle dẹ sabọ ria ẹmhọn ikpẹ esili nin ọdọ ọle mhọn, bi uwedẹ nọn rẹ wẹnna kaka nọn rẹ gbẹloghe azagba-uwa nọnsọle. Ọle dẹ yẹ sabọ rẹman ghe ọle mun ekpẹn nọn dinmhin nin ọdọ ọle sade ọle re obọ ba emhanmhan ọsi ọdọ ọle. Uwedẹ ọbhebhe hi, nin ọle rẹ ha re ekpẹn ne ọdọ ọle talọ, aharẹmiẹn ọdọ ọle iga iJehova.

3. Be ọdọ bi amhẹn ha lu nin ele rẹ ziẹn ikolu nọnsele?

Baibo yọle ghe okpea bi okhuo ha bọ egbe, “ele veva ki dọ ha yi efun-egbe ọkpa.” (Matthew 19:5) Ọnan rẹman ghe ele ida re otọ nin emhin soso nọn ha sabọ waa ele a, la re oyẹẹ nọnsele fuọfuọ a. Bhiriọ, ọkhẹke nin ele ko ha gbe ẹghe a nin egbe, ele ha yẹ ha taan ọkhọle a man egbe. Rẹ gbera iJehova, ọ bha khẹke nin ọdọ la amhẹn ji emhin ọbhebhe la ọria ọbhebhe lu uhọnmhọn-emhin gbera okhuo ọle la ọdọ ọle. Ele ida deba ọria nọn iyi okhuo ele la ọdọ ele ha mhọn ikolu nọn sikẹ egbe gbe.

MANMAN LẸN OTỌLE NỌNSẸN

Luẹ adia eso bhi Baibo ne ha rẹkpa uwẹ ziẹn ibọdọ bi ireokhuo nọnsẹ.

4. Ọdọ, hoẹmhọn okhuo ẹ yẹ ha gbẹloghe ọle nọnsẹn

Baibo yọle nin “ene ọdọ hoẹmhọn amhẹn ele beji ele rẹ hoẹmhọn egbe nọnsele.” (Ephesians 5:28, 29) Be iBaibo re ọnan ta? Ghe ọne IVIDIO, bha ha zilo nyan inọnta nọn rẹkhan ọlẹn.

VIDIO: Ọdọ, Hoẹmhọn Amhẹn Uwẹ Beji Uwẹ Rẹ Hoẹmhọn Egbe Nọnsẹ (9:53)

Be hi uwedẹ eso nin ọdọ ha rẹ rẹman ghe ọle manman hoẹmhọn okhuo ọle?

Tie Colossians 3:12, bha ha zilo nyan ọne inọnta nan:

Be ọdọ ha rẹ re ene ikpẹ nan man yẹ bhi uwedẹ nin ọle rẹ ne okhuo ọle lu emhin?

5. Amhẹn, hoẹmhọn ọdọ ẹ yẹ ha mun ekpẹn nanlẹn

Baibo yọle nin amhẹn ha mun ekpẹn nin ọdọ ọle, aharẹmiẹn ọne okpea iga iJehova. Tie 1 Peter 3:1, 2, bha ha zilo nyan ene inọnta nan:

Ahamiẹn ghe ọdọ uwẹ iga iJehova, uwẹ dẹ wo ha guanọ nin ọle dọ deba uwẹ ha ga iJehova. Ọnela uwẹ riale ọ dẹ rẹkpa ọle nẹ? Nin uwẹ rẹ wo ha tẹmhọn Osẹnobulua man ọlẹn ẹghe rebhe, la nin uwẹ rẹ ha re ikpẹ esili man bhi iẹnlẹn nọnsẹ? Bezẹle nin uwẹ da ta iriọ?

Ọdọ bi amhẹn ha kuobọgbe, emhanmhan nọnsele dẹ sabọ kiọnlẹn. Ẹgheso, asabọmiẹn ọne okhuo bha re obọ bhi ebi ọdọ ọle ho nọn lu. Ahamiẹn iriọ, ọle dẹ sabọ re ekpẹn-ekpẹn taman ọdọ ọle ebi ọle ghe emhin yẹ. Ọrẹyiriọ, ọkhẹke nin ọle yere ghe, ọdọ ọle iJehova mun ọlẹn ọle bhi obọ nọn rẹ ha tare ebi a ha rẹ lu emhin yẹ bhi azagba-uwa. Bhiriọ, ọkhẹke nin ọle dọnmhegbe rẹ re obọ ba emhin nin ọdọ ọle zẹ nọn rẹ lu. Ọle ha lu iriọ, eghọnghọn bi ọfure ki ha ribhi ọne azagba-uwa. Tie 1 Peter 3:3-5, bha ha zilo nyan ọne inọnta nan:

Ẹlo nela iJehova rẹ ghe amhẹn nọn mun ekpẹn nin ọdọ ọle?

6. Uwẹ dẹ sabọ khọn ọnọghọ bhi ibọdọ bi ireokhuo nọnsẹ

A bha miẹn ọdọ bi amhẹn nin emhin rebhe gba nan. Bhiriọ, ọkhẹke nin ele kuobọgbe rẹ ha khọn ọnọghọ nọn ki rẹ khin nọn zegbere bhi ibọdọ bi ireokhuo nọnsele. Ghe ọne IVIDIO, bha ha zilo nyan inọnta ne rẹkhan ọlẹn.

VIDIO: Ebi A Rẹ Ziẹn Ikolu ọsi Okhuo bi Ọdọ Yẹ (5:44)

Be hi emhin ne rẹman ghe ọdọ bi amhẹn nan rẹman bhi ọne ividio bha yẹ sikẹ egbe bii ọnikhẹ?
Emhin nela ele lu nin ele rẹ ziẹn ikolu nọnsele?

Tie 1 Corinthians 10:24 bi Colossians 3:13. Bha ha tie ene iBaibo fo, bha re ọne inọnta nan rẹ zilo nyan ene iBaibo kẹkẹ:

Be adia nọn ribhi ọne iBaibo nan ha rẹ rẹkpa okhuo bi ọdọ ziẹn ikolu nọnsele yẹ?

Baibo yọle nin mhan ha mun ekpẹn nin egbe. Mhan ha mun ekpẹn nin ọria, mhan ida ha re obọ oya mun ọlẹn, mhan ki ha lu ọle nọnsẹn. Tie Romans 12:10, bha ha zilo nyan ene inọnta nan:

Ọ be khẹke nin ọdọ la amhẹn ha khẹ nin ọzeva ọle ka mun ekpẹn nanlẹn? Bezẹle nin uwẹ da ta iriọ?

ẸBHO ESO SABỌ YỌLE: “Ibọdọ bi ireokhuo nọnsẹmhan iyẹ titi bii ọnikhẹ.”

Be uwẹ ha ta nin uwẹ rẹ rẹkpa ele lẹn ghe Baibo dẹ sabọ rẹkpa ele?

EBI MHAN LUẸLE

Ọdọ bi amhẹn dẹ sabọ ha ghọnghọn sade ele hoẹmhọn egbe, mun ekpẹn nin egbe, yẹ re obọ rẹkhan adia ne ribhi Baibo.

Uwẹ Be Yẹ Yere?

Be ọdọ ha lu nin eghọnghọn rẹ ha ribhi azagba-uwa nọnsọle?
Be amhẹn ha lu nin eghọnghọn rẹ ha ribhi azagba-uwa?
Ahamiẹn ọdọ la amhẹn uwẹ khin, adia nela bhi Baibo ha sabọ rẹkpa uwẹ rẹ ziẹn ibọdọ bi ireokhuo nọnsẹ?

Gbẹn ẹdẹ nin uwẹ luẹ ọne iluẹmhin nan fo ọbhi enan:

Lu Ọnan

Ahamiẹn ọdọ la amhẹn uwẹ khin, guanọ ọkpa bhi ebe ne tẹmhọn ibọdọ bi ireokhuo bhi jw.org rẹ deba okhuo ẹ la ọdọ ẹ zilo.

Ọbhebhe:

Your other goal