ახლად შეუღლებულებს სურთ, ყოველთვის ისეთი ბედნიერები იყვნენ, როგორებიც ქორწილის დღეს. ეს შეუძლებელი ნამდვილად არაა. დიდი ხნის დაქორწინებული ქრისტიანები, რომლებიც ზედმიწევნით მიჰყვებიან ბიბლიურ მითითებებს, საკუთარი გამოცდილებით დარწმუნდნენ ამაში.

1. რას ურჩევს ბიბლია ქმრებს?

იეჰოვამ ოჯახისთავის პასუხისმგებლობა ქმარს დააკისრა (წაიკითხეთ ეფესოელების 5:23). ღმერთი მოელის, რომ იგი ოჯახის საკეთილდღეოდ მიიღებს გადაწყვეტილებებს. ბიბლია ქმრებს მოუწოდებს: „გიყვარდეთ თქვენი ცოლები“ (ეფესოელები 5:25). თუ ქმარს უყვარს ცოლი, შინ თუ გარეთ პატივისცემით ექცევა და ყველაფერს აკეთებს, რომ დაიცვას და იზრუნოს მის ფიზიკურ თუ ემოციურ მოთხოვნილებებზე (1 ტიმოთე 5:8). რაც ყველაზე მნიშვნელოვანია, იგი ზრუნავს, რომ მის მეუღლეს იეჰოვასთან ახლო ურთიერთობა ჰქონდეს (მათე 4:4). მაგალითად, ის ლოცულობს და კითხულობს ბიბლიას მასთან ერთად. თუ ქმარი სიყვარულსა და მზრუნველობას არ მოაკლებს თავის ცოლს, იეჰოვასთან ახლო ურთიერთობა ექნება (წაიკითხეთ 1 პეტრეს 3:7).

2. რას ურჩევს ბიბლია ცოლებს?

ღვთის სიტყვაში ნათქვამია: „ცოლი დიდ პატივს უნდა სცემდეს ქმარს“ (ეფესოელები 5:33). რით აჩვენებს ცოლი, რომ პატივს სცემს თავის მეუღლეს? ის ფიქრობს ქმრის კარგ თვისებებზე და იმაზე, თუ რა შრომას წევს ოჯახისთვის. აგრეთვე მხარს უჭერს მეუღლის გადაწყვეტილებებს და მაშინაც კი, თუ იგი იეჰოვას არ ემსახურება, პატივისცემით ესაუბრება და სხვებთანაც ყოველთვის ღირსეულად საუბრობს მასზე.

3. როგორ შეუძლიათ მეუღლეებს ერთმანეთთან ურთიერთობის განმტკიცება?

ბიბლიაში დაქორწინებულებზე წერია: „ორნი ერთი ხორცი იქნებიან“ (მათე 19:5). ეს იმას ნიშნავს, რომ ისინი ყველანაირად უნდა ეცადონ, ერთმანეთისგან არ გაუცხოვდნენ. ამას იმ შემთხვევაში შეძლებენ, თუ ხშირად გაატარებენ ერთად დროს და ღიად და სიყვარულით გაუზიარებენ ერთმანეთს თავიანთ გრძნობებსა თუ ფიქრებს. იეჰოვას გარდა, მათთვის მეუღლეზე მნიშვნელოვანი არავინ და არაფერი უნდა გახდეს. მათ განსაკუთრებული სიფრთხილე მართებთ, რომ სხვასთან არ ჰქონდეთ ზედმეტად ახლო ურთიერთობა.

 გაიღრმავეთ ცოდნა

4. ქმრებო, გიყვარდეთ თქვენი ცოლები და იზრუნეთ მათზე

5. ცოლებო, გიყვარდეთ თქვენი ქმრები და პატივი ეცით მათ

ბიბლია ცოლებს მოუწოდებს, პატივი სცენ თავიანთ ქმრებს იმისდა მიუხედავად, ემსახურებიან თუ არა ისინი იეჰოვას. წაიკითხეთ 1 პეტრეს 3:1, 2 და იმსჯელეთ ქვემოთ დასმულ კითხვებზე:

• თუ თქვენი ქმარი არ იზიარებს თქვენს რწმენას, ალბათ, ძალიან გინდათ, რომ ერთ დღეს ისიც იეჰოვას მსახური გახდეს. თქვენი აზრით, რა უფრო გამოიღებს სასურველ შედეგს — გამუდმებით ქადაგება თუ კარგი საქციელი და პატივისცემა? რატომ ფიქრობთ ასე?

ცოლ-ქმარს ერთობლივად კარგი გადაწყვეტილებების მიღება შეუძლია. თუმცა ზოგჯერ შეიძლება ცოლი არ ეთანხმებოდეს ქმარს. ასეთ  დროს მან მშვიდად და პატივისცემით უნდა გამოთქვას თავისი აზრი, თუმცა არც ის უნდა დაავიწყდეს, რომ საბოლოო გადაწყვეტილების მიღების პასუხისმგებლობა იეჰოვამ ქმარს დააკისრა. ცოლი ყველანაირად უნდა ეცადოს, მხარი დაუჭიროს მეუღლის გადაწყვეტილებას. ამგვარად, ის ოჯახში თბილ და სასიამოვნო ატმოსფეროს შეუწყობს ხელს. წაიკითხეთ 1 პეტრეს 3:3—5 და იმსჯელეთ ქვემოთ დასმულ კითხვაზე:

• რას გრძნობს იეჰოვა, როცა ცოლი პატივისცემას იჩენს ქმრისადმი?

6. თქვენ შეძლებთ პრობლემების მოგვარებას

 შეჯამება:

ცოლ-ქმარი ბედნიერი იქნება, თუ ერთმანეთის მიმართ სიყვარულსა და პატივისცემას გამოავლენს და ბიბლიურ პრინციპებს გაითვალისწინებს.

გასამეორებელი კითხვები:

• როგორ უნდა შეუწყოს ქმარმა ხელი ოჯახის ბედნიერებას?

• როგორ უნდა შეუწყოს ცოლმა ხელი ოჯახის ბედნიერებას?

• თუ დაქორწინებული ხართ, რომელი ბიბლიური პრინციპი დაგეხმარებათ, განამტკიცოთ მეუღლესთან ურთიერთობა?