TIMEƔRI TIS 49
Amek ara tili twacult di lfeṛḥ? (aḥric 1)
M’ara yezweǧ wergaz ţ-ţmeṭṭut, ţḥussun s lfeṛḥ d ameqran, yerna ssaramen ad idum i lebda lfeṛḥ-agi. Ayagi mačči d asirem kan, yezmer a d-yeḍru! Imasiḥiyen izewǧen seg wacḥal aya yerna xeddmen lmeǧhud bac ad ṭṭebbiqen lewṣayat n Wedlis Iqedsen ɛelmen s wayagi.
1. D acu i geṭṭalab Wedlis Iqedsen i yergazen izewǧen?
Yahwa iwekkel argaz ad yili d aqerru n twacult (ɣer-ed Ifasusiyen 5:23). Yebɣa-yas ad yeţţaṭṭaf leqrarat ara inefɛen tawacult-is. Adlis Iqedsen yeṭṭalab i yergazen izewǧen: “Mkul yiwen ad iḥemmel tameṭṭut-is” (Ifasusiyen 5:25). D acu i d lmeɛna-s? Argaz iḥemmlen tameṭṭut-is yesbeggin-as-d leḥnana s lehduṛ d lefɛayel, ama zdat n lɣaci ama weḥḥed-sen i llan. Yeţḥarab fell-as yerna ixeddem ayen akk umi i gezmer akken ur ţ-iţxaṣṣa wacemma yerna aţ-ţili di lfeṛḥ akk-d laman (1 Timutawus 5:8). Uyerna, yeţɛawan-iţ iwakken aţ-ţili daymen teqreb ɣer Yahwa (Matta 4:4). Ɣef lemtel, yeţẓalla yid-es yerna qqaren lwaḥid Adlis Iqedsen. Argaz i d-yeţţelhayen ţ-ţmeṭṭut-is s leḥmala ad yesɛu lɛalaqat yelhan akk-d Yahwa (ɣer-ed 1 Buṭrus 3:7).
2. D acu i geṭṭalab Wedlis Iqedsen i tlawin izewǧen?
Adlis Iqedsen yenna-d belli ilaq-as i ‘tmeṭṭut aţ-ţqader argaz-is’ (Ifasusiyen 5:33). D acu i d lmeɛna-s? Tezmer aţ-ţmeyyez ɣef ṣṣifat n wergaz-is akk-d lmeǧhudat i gxeddem bac a d-yelhi yid-es akk-d warraw-nsen. Yelha daɣen aţ-ţeddu si lǧiha-s m’ara yeţţaṭṭaf leqrarat, a s-theddeṛ s leḥnana yerna aţ-ţheddeṛ fell-as ayen yelhan, ɣas m’ur yeţţeɛbad ara Yahwa.
3. Amek i gezmer wergaz ţ-ţmeṭṭut-is ad sseǧhden zzwaǧ-nsen?
Adlis Iqedsen yenna-d belli argaz akk-d tmeṭṭut izewǧen lwaḥid “ad uɣalen, i sin, d yiwet n lǧeţţa” (Matta 19:5). Lmeɛna-s, ilaq ad xedmen i sin yid-sen lmeǧhud akken ur ţţaǧǧan acemma a ten-yefreq. Sbegginen-d ayagi m’ara sɛeddayen daymen lweqt lwaḥid akk-d m’ara heddṛen gar-asen, ɛinani yerna s leḥmala, ɣef wayen i ţxemmimen d wayen i ţḥussun. Ur ţţaǧǧan acemma ad yesɛu azal akteṛ n win (neɣ tin) ukud i zewǧen, ḥaca Yahwa. Mkul yiwen daɣen yeţḥadar mliḥ iwakken ur yeţɛedday ara tilas m’ara yeţɛacaṛ wiyaḍ.
A NNADI A NEFHEM AKTEṚ
A nwali kra n imenzayen n Wedlis Iqedsen i gzemren ad sseǧhden zzwaǧ-nwen.
4. Ay argaz: ḥemmel tameṭṭut-ik yerna lhi-d yid-es
Adlis Iqedsen yeqqar-ed belli ‘ilaq ad iḥemmel wergaz tameṭṭut-is am lǧeţţa-s’ (Ifasusiyen 5:28, 29). D acu i d lmeɛna-s? Walit BIDYU-YAGI, mbeɛd hedṛet ɣef westeqsi i d-iţeddun.
-
Amek i gezmer a d-ibeggen wergaz belli iḥemmel tameṭṭut-is yerna yeţţelhay-ed yid-es?
Ɣret-ed Ikulusiyen 3:12, mbeɛd hedṛet ɣef westeqsi-yagi:
-
Amek i gezmer wergaz a d-ibeggen ṣṣifat-agi i tmeṭṭut-is?
5. A tameṭṭut: ḥemmel argaz-im yerna ţqadar-it
Adlis Iqedsen yeţweṣṣi tameṭṭut aţ-ţqader argaz-is, ɣas m’ur yeţţeɛbad ara Yahwa. Ɣret-ed 1 Buṭrus 3:1, 2, mbeɛd hedṛet ɣef yesteqsiyen-agi:
-
M’ur yelli ara wergaz-im d Inigi n Yahwa, bla ccekk tessarameḍ ad yuɣal yiwen wass ad yeţţeɛbad Yahwa. Ɛlaḥsab-im, d acu ara t-iḥazen akteṛ: ma teţberriḥeḍ-as mebla aḥbas, neɣ ma tesɛiḍ tikli yelhan yerna teţqadareḍ-t? Acuɣer?
Argaz akk-d tmeṭṭut-is ţţemɛawanen akken ad ţţaṭṭafen leqrarat yelhan. Meɛna tikwal tameṭṭut ur tqebbel ara ṛṛay n wergaz-is. Di liḥala-yagi, a s-tini s leɛqel akk-d leqder d acu i teţxemmim, meɛna ilaq aţ-ţesteɛṛef belli d argaz-is i gwekkel Yahwa bac ad yextiṛ d acu i gelhan i twacult-nsen. M’ara yeṭṭef kra n leqrar, aţ-ţexdem ayen akk umi i tezmer bac a t-tɛiwen. Swakka, aţ-ţili lehna deg wexxam. Ɣret-ed 1 Buṭrus 3:3-5, mbeɛd hedṛet ɣef westeqsi-yagi:
-
D acu i geţḥussu Yahwa m’ara yeţwali tameṭṭut teţqadar argaz-is?
6. Tzemrem aţ-ţɣelbem uguren i d-yeţţilin di zzwaǧ-nwen
Ulac zzwaǧ ideg ur d-ţţilin ara iɣeblan. Ilaq ihi ɣef wergaz ţ-ţmeṭṭut-is ad mɛawanen iwakken ad frun uguren ara d-mmagren. Walit BIDYU-YAGI, mbeɛd hedṛet ɣef yesteqsiyen i d-iţeddun.
-
D acu i d-yeţbegginen belli argaz-agi akk-d tmeṭṭut-is bdan ţţemsebɛaden?
-
D acu i xedmen akken ad sseǧhden zzwaǧ-nsen?
Ɣret-ed 1 Ikurintiyen 10:24 akk-d Ikulusiyen 3:13 a (Ṭrejma n ddunit tajdiṭ, s tṛumit). Mkul m’ara d-teɣrem yiwen seg yefyar-agi, hedṛet ɣef westeqsi-yagi:
-
Amek i tezmer lewṣaya-yagi aţ-ţɛiwen argaz akk-d tmeṭṭut-is?
Adlis Iqedsen yeṭṭalab-ed i mkul yiwen seg-neɣ ad yeţɛuzzu wayeḍ. Lmeɛna-s a d-neţbeggin leqder akk-d leḥnana. Iṛumaniyen 12:10 yenna-d: “Di leḥmala n tegmaţ, iḥninet gar-awen; di leqder, wa ad iţɛuzzu wa [“ilit daymen d imezwura aţ-ţeţɛuzzum wiyaḍ”, TMN]”. Hedṛet ɣef yesteqsiyen-agi:
-
Ger wergaz ţ-ţmeṭṭut-is, eɛni ilaq i mkul yiwen ad yeţṛaǧu seg wayeḍ a t-iɛuzz d amezwaru? Acuɣer?
KRA QQAREN: “Nekk d wergaz-iw (neɣ ţ-ţmeṭṭut-iw) nuɣal ur neɛdil ara am zik.”
-
Ma yella win i k-d-yennan akka, amek i tzemreḍ a s-d-tessekneḍ belli Adlis Iqedsen yezmer a t-iɛiwen di zzwaǧ-is?
AYEN I D-NELMED
Argaz ţ-ţmeṭṭut-is zemren ad ɛicen di lfeṛḥ ma myeḥmalen, ţţemqadaren, yerna ṭṭebbiqen imenzayen n Wedlis Iqedsen.
A d-nesmekti
-
D acu i s-ilaq i wergaz a t-yexdem bac ad yili lfeṛḥ di zzwaǧ-is?
-
D acu i s-ilaq i tmeṭṭut a t-texdem bac ad yili lfeṛḥ di zzwaǧ-is?
-
Ma tzewǧeḍ, d acu-ten imenzayen n Wedlis Iqedsen ara k-iɛiwnen aţ-ţesseǧhdeḍ zzwaǧ-ik?
TZEMREḌ AŢ-ŢWALIḌ DAƔEN
Kra n lewṣayat ara k-iɛiwnen akken aţ-ţili twacult-ik di lfeṛḥ.
Yiwen n ccna i d-iheddṛen ɣef lfeṛḥ swayes i ţḥussun wid izewǧen m’ara ṭṭebbiqen lewṣayat n Ṛebbi.
Acu i d lmeɛna-s tameṭṭut aţ-ţḍuɛ argaz-is?
Des femmes qui se soumettent à l’autorité (La Tour de Garde, 15 mai 2010)
Wali amek i gqubel yiwen wergaz ţ-ţmeṭṭut-is iɣeblan imeqranen. Qublen ula d berru.
a Ikulusiyen 3:13, Ṭrejma n ddunit tajdiṭ, s tṛumit: “Ţţemyawit yerna ţţemsamaḥet gar-awen seg wul, ɣas ma yesɛa yiwen ssebba ad icetki ɣef wayeḍ. Akken i wen-isemmeḥ Yahwa seg wul, ţţemsamaḥet seg wul ula d kenwi.”
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
