Óras ki dôs algen ta kaza, es ta spéra ma kel alegria ki es xinti na dia di ses kazamentu ta dura pa tudu ténpu. I kel-li pode kontise. Alguns sérvu di Jeová ki dja ten txeu ténpu kazadu i ki ta sforsa pa aplika kes konsedju di Bíblia, sabe ma es pode ten un kazamentu filís.

1. Ki konsedju Bíblia ta da pa maridus?

Jeová skodje maridu pa ser xéfi di família. (Lé Efésios 5:23.) Jeová ta spéra ma el ta toma disizons ki ta djuda família. Bíblia ta fla maridus: ‘Nhos kontinua ta ama nhos mudjer’. (Efésios 5:25) Kuzê ki kel-li krê fla? Un maridu ki ta mostra amor, ta trata se mudjer ku bondadi óras ki es sta na kaza i óras ki es sta ku otus algen tanbê. El ta proteje se mudjer i el ta faze se midjór pa pô-l filís i da-l kes kuza ki el meste. (1 Timóteo 5:8) Má más inportanti inda, el ta djuda-l ten un amizadi fórti ku Jeová. (Mateus 4:4) Pur izénplu, el ta ora i el ta lé Bíblia ku se mudjer. Óras ki un maridu ta kuida di se mudjer ku amor, el ta konsigi mante se amizadi ku Jeová. — Lé 1 Pedro 3:7.

2. Ki konsedju Bíblia ta da pa mudjeris?

Bíblia ta fla ma un mudjer ‘debe ruspeta se maridu di korason.’ (Efésios 5:33) Modi ki el pode faze kel-la? El pode pensa na kes bon kualidadi ki se maridu ten, i sforsu ki el ta faze pa kuida di el i di ses fidjus. El ta apoia disizons di se maridu. Tanbê, el ta mostra ruspetu na manera ki el ta pâpia ku el i na manera ki el ta pâpia di el ku otus algen, sikrê se maridu ka ta adora Jeová.

3. Modi ki un maridu ku un mudjer pode bira ses kazamentu más fórti?

Bíblia ta fla sobri maridu ku mudjer: ‘Es dôs ta bira un karni sô’. (Mateus 19:5) Kel-li krê fla ma es debe luta kóntra kalker kuza ki pode poi ses amor ta bira más poku. Es ta faze kel-la óras ki es ta pasa txeu ténpu djuntu i es é onéstu ku kunpanheru. Tanbê, óras ki es ta fla kunpanheru ku amor, kuzê ki es ta pensa i kuzê ki es ta xinti. Alén di Jeová, es ka ta dexa nada nen ningen bira más inportanti pa es di ki kel algen ki es sta kazadu ku el. Es ta toma txeu kuidadu pa es ka kria un tipu di amizadi ki es debe ten sô ku ses maridu ô ses mudjer.

 SABE MÁS

4. Maridu, ama i kuida dretu di bu mudjer

5. Mudjer, ama i ruspeta bu maridu

Bíblia ta insentiva un mudjer pa ruspeta se maridu, ka ta nporta si el ta sirbi Jeová ô nau. Lé 1 Pedro 3:1, 2, i dipôs pâpia sobri kes pergunta li:

• Si bu maridu ka ta sirbi Jeová, di sertéza bu krê pa el faze kel-la. Kuzê ki bu ta atxa ma pode djuda-l? Bu debe sta tudu óra ta pâpia ku el di Bíblia ô é midjór bu trata-l ku ruspetu i bondadi i ser un bon mudjer? Pamodi?

Maridu ku mudjer pode toma bons disizon djuntu. Má, alvês un mudjer pode ka konkorda ku un  disizon di se maridu. Óras ki kel-li ta kontise, el pode fla-l ku kalma i ruspetu kuzê ki el ta pensa. Má, el debe lenbra ma Jeová da se maridu responsabilidadi di disidi kuzê ki é midjór pa família. El debe faze se midjór pa el apoia disizon di se maridu. Óras ki el ta faze si, el ta djuda se família ser filís. Lé 1 Pedro 3:3-5, i dipôs pâpia sobri kel pergunta li:

• Modi ki Jeová ta xinti óras ki un mudjer ta mostra ruspetu pa se maridu?

6. Bu pode vense prublémas na bu kazamentu

 REZUMU

Un maridu ku un mudjer pode ser filís óras ki es ta ama kunpanheru, es ta ruspeta kunpanheru i es ta sigi konsedjus di Bíblia.

Perguntas di rezumu

• Kuzê ki un maridu pode faze pa se kazamentu ser filís?

• Kuzê ki un mudjer pode faze pa se kazamentu ser filís?

• Si bo é kazadu, ki konsedju di Bíblia pode djuda bu kazamentu bira más fórti?