Bantu bakwelanaka mbo badingaka ti nsayi’awu ya tilumbu tia makwela yazingila mankululu. Mpe bulendi bâ. Bakristo bakwelana tûka ntama, mpe bayizi sa ngolo mu sarila malongi ma Bibila, bazebi ti bulendi bâ.

1. Ntia malongi Bibila dihanaka kwe babakala?

Yehova wasola bakala mu bâ mfumu kanda. (Tanga Bisi-Efeze 5:23.) Yehova wamulomba mu bongaka nzengolo zinatina kanda diandi ndandu. Bibila ditêle kwe babakala: “Tatamaneno mu zolo bakento beno.” (Bisi-Efeze 5:25, NWT) Bwe wuta zolo tâ? Bakala die na luzolo, mu nsayi na buzitu kabongelaka mukento’andi ku nzo na ha meso ma bantu. Mu mpasi kamukengerelaka, mpe ngolo kasaka mu lungisa nsatu zandi za mutima na za tinsuni. (1 Timote 5:8) Musamu wuyôkele mfumu, nsatu zandi za timpeve kalungisaka. (Matie 4:4) Mu tifwani, na mukento’andi kasambilaka mpe katangaka Bibila. Bu kakipaka mukento’andi, tindiku tia mbote ti bâka nandi na Yehova.​—Tanga 1 Piere 3:7.

2. Ntia malongi Bibila dihanaka kwe bakento?

Zu dia Nzambi ditêle ti mukento “wufweti bâ na buzitu bwabwingi kwe bakala diandi.” (Bisi-Efeze 5:33, NWT) Bwe kalendi bwa sila? Lendi dimbitila mu bifu bia mbote bia bakala diandi, na ngolo zi kasaka mu mu kipa yandi na bala bawu. Lendi songela buzitu mpe bu kasingasa nzengolo za bakala diandi na bu kamuzonzelaka mu nsayi, ni bu sa ti kasarilaka Nzambi ko.

3. Bwe bantu ba kwelana balendi yikila makwela mawu ngolo?

Bibila ditêle mu bantu ba kwelana: “Mbo bâba nitu yimosi.” (Matie 19:5) Wuzololo tâ ti bafweti telamana misamu milendi ba hambasa. Buna, bafweti vulu yôkesaka ntangu ba bole mu kabanaka mabanza mpe bafweti songasanaka luzolo. Ka bafweti’â babika kani tina peleko kani muntu ko​—tala ti ka Yehova ko—​wayôka muntu wu bakwela. Keba basaka mu lembo bâ ndiku ya mutima ya muntu wakaka.

 YIKA NDILU

4. Babakala​—zoloko mpe tomo kipaka mukento’aku

5. Bakento—zoloko mpe zitisaka bakala diaku

Bibila dilombele kwe bakento mu zitisaka babakala bawu ni bu sa ti Yehova kasarilaka peleko kani. Tangeno 1 Piere 3:1, 2, mpe zonzeleno biyuvu ebi:

• Tala ti bakala die naku dilembo sarilaka Nzambi, kampe zololo ti yandi mpe kasarila Yehova. Ngano bwe lendi tomo mu bakisila? Ngano benzi ti fweti mu samuninaka ntangu zazansoni, peleko bubote mu mu songelaka luzolo, nsayi na buzitu? Mu bungu dia nti?

Bakento na babakala balendi bonga nzengolo za mbote ha timosi. Kâ, ntangu zazaka mukento wulendi lembo tambula nzengolo za bakala diandi.  Yandi lendi zonzela mabanza mandi mu buzitu na mu tidzunu, kâ fweti zaba ti Yehova kwe bakala kahana dema dia bongaka nzengolo za mbote mu bungu dia kanda diandi. Mukento wufweti sarila ngolo mu singasaka nzengolo za bakala diandi. Buna, mbo kasa ti kanda diabâ mu nsayi. Tangeno 1 Piere 3:3-5, mpe zonzeleno tiyuvu eti:

• Bwe Yehova kamwinaka mukento bu wusongelaka buzitu kwe bakala diandi?

6. Lendi nunga misamu mia mu makwela

 MU BUKUFI

Mukento na bakala balendi bâ mu nsayi bu bazolosonoko, bu batizitisaka na bu basarilaka mitieno mia Bibila.

Biyuvu bia mbambukulu

• Bwe bakala dilendi sa mu bâ na makwela ma nsayi?

• Bwe mukento wulendi sa mu bâ na makwela ma nsayi?

• Tala ti wa kwela wena, ntia mitieno mia Bibila milendi ku bakisa mu yika makwela maku ngolo?