49-ШЕ УРОК
Ешлан пиалан лияш мо полша? (1 ужаш)
Мужыраҥме годым марий ден вате пиалышт нигунамат огеш пыте манын ӱшанат. Тыгай илыш чынжымак лийын кертеш. Шуко ий мужыраҥше христиан-влак, кудышт библийысе принцип-влакым кучылтыт, тидым палат.
1. Библий марий-влаклан могай каҥашым пуа?
Иегова марийым еш вуйлан шогалтен. (Ефесян-влаклан 5:23 лудын лекса.) Юмо марий-влак деч шке еш верч тыршымыштым вуча. Библий марий-влаклан каҥашым пуа: «Шке ватыдам йӧратыза» (Ефесян-влаклан 5:25). Марий шке ватым йӧратымыжым кузе ончыкта? Тудо ватыж дене еҥ-влак ончылно гына огыл, а коктын лиймышт годымат поро улеш. Тыгай марий ватыжым кеч-могай эҥгек деч аралаш тырша. Тудын шижмашыже нерген шона да илышыжлан чыла кӱлешаным пуа (1 Тимофейлан 5:8). А эн тӱҥжӧ — тудо ватыжлан Иегова дене кыл кучымашым пеҥгыдемдаш полша (Матфейын 4:4). Мутлан, тудо ватыж дене кумалеш, нуно пырля Библийым лудыт. Марий ватыжым йӧрата да тудын дене поро лиеш гын, Иегова дене кыл кучымашыжым пеҥгыдемда. (1 Петрын 3:7 лудын лекса.)
2. Библий вате-влаклан могай каҥашым пуа?
Юмын Мутшо дене келшышын, вате марийжым келгын пагалышаш (Ефесян-влаклан 5:33). Вате марийжым пагалымым кузе ончыктен кертеш? Тыгай вате марийжын сай койышыж-влак нерген шонкала да, мом марийже тудлан да йочашт-влаклан ышта, чылажымат акла. Тыгак тудо марийжын лукмо решенийже дене келша, тудын дене порын мутлана да пелашыже нерген удан ок ойло, кеч тудын религийже весе.
3. Пелаш-влак йӧратымашыштым кузе вияҥден кертыт?
Библийыште каласыме: «Нуно коктын ик кап да чон лийыт» (Матфейын 19:5). Тугеже, йӧратымаш ынже йӱкшӧ манын, пелаш-влак уло вийым пыштышаш улыт. Тидлан нуно пырля жапым эртарат, чон почын да порын икте-весе дене мутланат. Иегова деч вара икымше верыште иктаж-кӧ але иктаж-мо весе огыл, а пелашышт лийшаш. Нунылан поснак эскерен шогыман: вес еҥ дене пешак лишыл кыл лийшаш огыл.
КЕЛГЫНРАК ШЫМЛЕН НАЛЗА
Пален налза, могай библийысе принцип-влак йӧратымашдам вияҥден кертыт.
4. Марий, шке ватетым йӧрате да тудын верч тырше
Библийыште возымо дене келшышын, марий ватыжым «шке капшым йӧратыме семын йӧратышаш» (Ефесян-влаклан 5:28, 29). Марий тидым кузе ыштен кертеш? ВИДЕОРОЛИКЫМ ончалза да вашмутым пуыза:
-
Марий шке ватым йӧратымыжым да тудын верч тыршымыжым кузе ончыктен кертеш?
Колоссян-влаклан 3:12 лудын лекса да вашмутым пуыза:
-
Марий чыла нине койыш-влакым ешыштыже кузе ончыктен кертеш?
5. Вате, шке мариетым йӧрате да пагале
Библий ватым марийжым пагалаш кумылаҥда, марийже Иеговалан огеш служитле гынат. 1 Петрын 3:1, 2 лудын лекса да вашмутым пуыза:
-
Очыни, марийда Иегован Таныкше огыл. Мутат уке, тудо Иеговам йӧратыже манын, тендан кугу кумылда уло. Тугодым мом ышташ сайрак лиеш ыле: марийлан эре таныклаш але порылык ден пагалымашым ончыкташ? Молан?
Марий ден вате решенийым пырля лукташ тыршат, но южгунам марийжын решенийже ватылан ок келше. Тыгай годым тудо марийжылан шке шонымыжым пагалымаш дене да тыматлын умылтарен кертеш. Но тудлан шарныман: Иегова лач марийлан решенийым лукташ правам пуэн. Сандене вате марийжын решенийжым пагалышаш. Тыге вате ешыште тынысым арала. 1 Петрын 3:3—5 лудын лекса да вашмутым пуыза:
-
Кунам вате марийжым пагала, Иегова мом шижеш?
6. Ешыште нелылыкым сеҥен кертыда
Идеальный мужыраҥмаш уке. Сандене нелылыкым сеҥашлан пелаш-влаклан ик команде семын лийман. ВИДЕОРОЛИКЫМ ончалза да вашмутым пуыза:
-
Нине пелаш-влакын икте-весе дек йӧратымашышт йӱкшаш тӱҥалын манын, кушеч коеш?
-
Йӧратымашыштым вияҥдашлан нуно мом ыштеныт?
1 Коринфян-влаклан 10:24 да Колоссян-влаклан 3:13 лудын лекса. Кажне почеламутым лудын лекме деч вара вашмутым пуыза:
-
Тиде каҥашым кучылтмаш ешыште могай пайдам конден кертеш?
Библий икте-весым пагалаш тарата, вес семынже, пелаш-влаклан поро лийман да икте-весын шонымаш ден шижмашым шотыш налман. Римлян-влаклан 12:10 лудын лекса да вашмутым пуыза:
-
Эн ончыч пелашем мыйым пагалышаш манын шонаш чын мо? Молан?
ИКТАЖ-КӦ КАЛАСЕН КЕРТЕШ: «Мылам чучеш, пуйто йӧратымашна йӱкшен».
-
Кузе шонеда, тыге ойлышо-влаклан могай библийысе принцип-влак полшен кертыт?
ТӰҤ ШОНЫМАШ
Пелаш-влак икте-весым йӧраташ, пагалаш да библийысе принцип-влакым кучылташ тӱҥалыт гын, пиалан лийыт.
Ушештарымаш
-
Еш пиалан лийже манын, марий мом ыштен кертеш?
-
Еш пиалан лийже манын, вате мом ыштен кертеш?
-
Мужыраҥше улыда гын, могай библийысе принцип йӧратымашдам вияҥдаш полшен кертеш?
ЕШАРТЫШЛАН
Еш пиалан лийже манын, кажныже мом ыштен кертеш?
Тиде музыкальный видеоролик гыч те пален налыда, кузе Юмын каҥашыж-влаклан кӧра еш пиалан лийын кертеш.
Пален налза, молан ватылан марийжым еш вуйлан шотлаш кӱлеш.
«Молан ӱдырамашлан марийжым колыштман?» («Орол башне» 15 май, 2010 ий)
Арт ден Зена ешыште лекше нелылыклан кӧра ойырленыт. Ешым угыч чумыраш нунылан мо полшен?
Тыгак тыланда оҥай лийын кертеш
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
