49 KAQ YACHAKUNËKIPAQ
¿Imatan casädukunata yanapanqa kushishqa kawakuyänampaq?
Casakuyanqan junaq kushishqa kayanqannöllam, casädukunaqa imëyaqpis kushishqa këta munayan. Peru tsëpaqqa, Diosnintsikpa Palabranchö consëjukunatam cäsukuyänan. Tsëta rurarmi casädu wawqikuna y panikunaqa mëtsika watapa kushishqa kawakuyan.
1 KAQ: ¿Ima nintan Bibliachö casädu ollqukunapaq?
Jehoväqa ollqu kaqkunatam familianta diriginampaq churashqa (leyi Efesius 5:23). Tsëmi imata decidirpis familian kushishqa kanampaq decidinan. Bibliachömi ollqukunata kënö nin: “Warmikikunata kuyar sïguiyë” (Efesius 5:25). Tsëmi ollqu kaqqa japallankuna këkar o jukkuna rikëkäyaptimpis warminta kuyëpa y respëtuwan tratanan, imëka mana allikunapitam cuidanan, necesitanqankunapaqmi trabajanan y kushishqatam katsinan (1 Timoteu 5:8). Masqa yarpachakunan warminwan juntu Jehoväpita alli yachakuyänampaqmi (Mateu 4:4). Jehoväman ishkan mañakuyaptin y Bibliata leyiyaptinqa mas allim kanqa. Warminta cuidar y kuyarqa Jehoväwanmi imëpis amïgu kanqa (leyi 1 Pëdru 3:7).
2 KAQ: ¿Ima nintan Bibliachö casäda warmikunapaq?
Diosnintsikqa Palabranchömi warmikunata kënö nin: “Tsënöllam casäda warmipis, qowanta o runanta alläpa respetanan” (Efesius 5:33). Tsëmi warmiqa këkunata rurar qowanta respetanan: imakunachö qowan o runan alli kanqanta pensar, pëta y wamrankunata cuidanampaq y manteninampaq kallpachakunqanta valorar, decidinqankunachö yanapar y pëpaq imëpis allita parlar. Jehoväta qowan o runan mana sirwiptimpis tsëtaqa rurananmi.
3 KAQ: ¿Imatataq casädukuna rurayänan kushishqa kawakuyänampaq?
Casädukunapaqmi Bibliachö kënö nin: “Ishkanmi jukllëllana kayanqa” (Mateu 19:5). Tsëmi casädukunaqa kallpachakuyänan imëpis juntu kayänampaq, y pensayanqanta o imanö sientikuyanqanta mana mantsapakushpa parlayänampaq. Casädukunaqa imëkapitapis masqa majankunatam valorayänan. Mana majankunawanqa manam piwampis alläpa parlar kayänantsu o alläpa amïgu kayänantsu.
MASLLA YACHAKUSHUN
Majëkiwan kushishqa kawakunëkipaq Bibliachö consëjukuna yanapashunëkipaq kaqtam yachakushun.
4 KAQ: Ollqukuna, warmikikunata kuyayë y cuidayë
Bibliachömi kënö nin: “Tsënöllam casädu ollqukunapis kikinkunapa cuerpunkunatanö warminkunata kuyayänan” (Efesius 5:28, 29). ¿Imanötan ollqukunaqa tsëta rurayanman? VIDEUTA rikäyë y këpaq parlayë:
-
¿Imatataq juk ollqu ruranman warminta kuyarqa?
Leyiyë Colosensis 3:12 ima ninqanta y këpaq parlayë:
-
Kë textuchö ninqannö, ¿imanötan juk casädu nuna kanman?
5 KAQ: Warmikuna, qowëkikunata o runëkikunata kuyayë y respetayë
Bibliachömi nin Jehoväta sirwiyaptin o mana sirwiyaptimpis warmikuna qowankunata o runankunata respetayänampaq. Leyiyë 1 Pëdru 3:1, 2 ima ninqanta y këpaq parlayë:
-
Qowëki o runëki Jehoväta sirwinampaqqa, ¿Diospita cada rätu parlapanqëkiku o alli portakur respetanqëkiku yanapanqa? ¿Imanir?
Casädukuna imatapis ishkankuna juntu decidirqa allim decidiyanqa. Peru qowan o runan decidinqanwan mana acuerdu karqa, ¿imataraq warmi ruranman? Pacienciawan y respëtuwanmi parlapänan. Yarpänanmi familiankunata dirigiyänampaqqa ollqu kaqkunata Jehovä churan1 Pëdru 3:3-5 ima ninqanta y këpaq parlayë:
qanta. Tsëmi qowan o runan imata decidiptimpis kushishqa yanapanan. Tsënö ruraptinmi familian kushishqa kanqa. Leyiyë-
¿Imanötan Jehovä sientikun warmikuna qowankunata o runankunata respetayaptin?
6 KAQ: Casädu vïdachö problëmakuna kaptimpis arreglëtaqa puëdiyanmi
Casädu vïdankunachö ima problëmapis kaptinqa ishkankunam yanapanakuyänan tsë problëmata arreglayänampaq. VIDEUTA rikäyë y këkunapaq parlayë:
-
Kë videuchö rikanqantsiknöpis, ¿Josëtawan Juänataqa imatan pasëkarqan?
-
¿Imatataq rurayarqan yapë kushishqa kayänampaq?
Leyiyë 1 Corintius 10:24 y Colosensis 3:13 ima ninqanta, y cada versïculuta leyirir këpaq parlayë:
-
Kë textuchö ninqanta cäsukuyanqanqa, ¿imanötan casädukunata yanapan kushishqa kayänampaq?
Bibliachömi nin juknintsik juknintsik respetanakunapaq y kuyëpa tratanakunapaq. Leyiyë Romänus 12:10 ima ninqanta y këpaq parlayë:
-
¿Imanirtan casädukunaqa majan respetanantaraq shuyaränantsu kikimpis respetanampaq?
WAKIN IMA NIYANQAN: “Majäwanqa mananam unënönatsu imatapis juntu rurayä y manam kushishqanatsu kayä”.
-
Tsënö niyäshuptikiqa, ¿imanöraq Bibliachö consëjukunawan yanaparinkiman?
KËTAM YACHAKURQUNKI
Casädukunaqa kuyanakur, respetanakur y Bibliachö consëjukunata cäsukurmi kushishqa kawakuyanqa.
¿Yarpankiku?
-
¿Imatataq casädu ollquqa ruranan warminwan kushishqa kawakunampaq?
-
¿Imatataq casäda warmiqa ruranan qowanwan o runanwan kushishqa kawakunampaq?
-
Casädu kaptikiqa, ¿Bibliachö ima ninqantan yanapashunkiman majëkiwan kushishqa kawakunëkipaq?
MASTA YACHAKUY
Familiëkiwan kushishqa kawakunëkipaq ima yanapashunëkipaq kaqta yachakuy.
Jehovä mandakunqankunata cäsukur casädukuna kushishqa kayanqanta wiyë videuyoq müsicachö.
Warmikuna qowankunata o runankunata imanir respetayänampaq kaqta yachakuy.
“¿Imanirtaq warmi qowampa mandädonchö kanman?” (Täpakoq, 1 de mäyu 2010)
Juk nunawan warmin problëmankunata altsayänampaq ima yanapanqanta rikë.
Jehoväpa consëjunkunata cäsukurmi casädu vidäkunachö mas kushishqana kayä (5:14)