Le máaxoʼob tsʼokaʼan u beeloʼoboʼ u kʼáatoʼob ka yanaktiʼob kiʼimak óolal mantatsʼ jeʼex teʼ kʼiin ka tsʼoʼok u beeloʼoboʼ. Chéen baʼaleʼ, ¿jeʼel wa u béeytaleʼ? Jeʼeleʼ, le máaxoʼob meyajtik Dios úuch tsʼoʼokok u beeloʼob yéetel ku tsʼáaik ichil u kuxtaloʼob baʼax ku yaʼalik le Bibliaoʼ u yojloʼob jeʼel u béeytaleʼ.

1. ¿Baʼax consejoiloʼob ku tsʼáaik le Biblia tiʼ le íichamtsiloʼoboʼ?

Jéeobaeʼ ku yaʼalikeʼ u poolil le familiaoʼ letiʼe íichamtsiloʼ (xok Efesios 5:23). Letiʼeʼ u kʼáat ka kanáantaʼak le familia tumen le íichamtsiloʼ. Le Bibliaoʼ ku yaʼalik tiʼ le íichamtsiloʼoboʼ: «Maʼ u xuʼulul a yaabiltikeʼex a wataneʼex» (Efesios 5:25). ¿Bix jeʼel u beetik le íichamtsil le baʼax ku yaʼalik le Bibliaoʼ? Letiʼe kéen u tratart yéetel yaabilaj u yatan tu táan u maasil wa ichil u yotochoʼ, kéen u kanáante yéetel kéen u tsʼáa baʼax kʼaʼabéettiʼ (1 Timoteo 5:8). Pero u maas kʼaʼanaʼanileʼ ku yilik u yáantik u yatan utiaʼal ka u bisuba yéetel Jéeoba (Mateo 4:4). Por ejemploeʼ ku múul oraroʼob yéetel ku múul xokikoʼob le Bibliaoʼ. Wa le íichamtsil ku yilik u kanáantik u yatanoʼ yaan u seguer u biskuba yéetel Jéeoba (xok 1 Pedro 3:7).

2. ¿Baʼax consejoiloʼob ku tsʼáaik le Biblia tiʼ le atantsiloʼoboʼ?

Le Bibliaoʼ ku yaʼalikeʼ le atantsiloʼ «unaj u jach respetartik u yíicham» (Efesios 5:33). ¿Bix jeʼel u páajtal u beetik leloʼ? Letiʼe kéen tuukulnak tiʼ le jatsʼuts modos yaan tiʼ u yíichamoʼ yéetel le kéen u kʼaʼajs bix u kanáantaʼal letiʼ bey xan u paalal. Tsʼoʼoleʼ ku respetartik xan u yíicham le kéen u apoyart baʼax ku beetik, kéen u tʼan yéetel yaabilaj yéetel kéen tʼaanak maʼalob tiʼ letiʼ kex wa u yíicham maʼ tu meyajtik Jéeoba.

3. ¿Bix jeʼel u maas yaabiltikuba le máaxoʼob tsʼokaʼan u beeloʼoboʼ?

Le Bibliaoʼ ku yaʼalik yoʼolal le máaxoʼob tsʼokaʼan u beeloʼoboʼ: «Yaan u suutoʼob junpʼéeliliʼ wíinklil» (Mateo 19:5). Leloʼ u kʼáat u yaʼaleʼ maʼ unaj u xuʼulul u yeʼeskoʼob u yaabiltmubaʼobiʼ. Utiaʼal leloʼ kʼaʼabéet u jóoʼskoʼob tiempo utiaʼal u múul antaloʼob, u tsikbaltikoʼob bix u yuʼubikubaʼob yéetel u yaʼalikoʼob u yaabiltmubaʼob. Kʼaʼabéet u tsʼáaikoʼob táanil u adorarkoʼob Jéeoba yéetel u kanáantik xan u núupoʼob. Tsʼoʼoleʼ ku kanáantkoʼob maʼ u jach biskubaʼob yéetel juntúul xiib wa juntúul koʼolel maʼ u núupoʼobiʼ.

 UTIAʼAL A MAAS NAʼATIK

4. Íichamtsil, kanáant a watan yéetel yaabilte

5. Atantsil, respetart a wíicham yéetel yaabilte

Le Bibliaoʼ ku yaʼalikeʼ le atantsiloʼ unaj u respetartik u yíicham kex ku meyajtik Jéeoba bey xan wa maʼ. Xokeʼex 1 Pedro 3:1, 2, kéen tsʼoʼokkeʼ ka tsikbaltikeʼex lelaʼ:

• Wa a wíicham maʼ tu meyajtik Jéeobaeʼ maʼ xaaneʼ ka tsʼíiboltik ka u beete. Chéen baʼaleʼ, ¿baʼax ta tʼaan maas jeʼel u yáantajeʼ: a waʼaliktiʼ láalaj hora baʼax ku yaʼalik le Bibliaoʼ wa a weʼesik jatsʼuts modos yéetel a respetartik? ¿Baʼaxten bey a tuklikoʼ?

Ku bin maʼalobil tiʼ le íichamtsil yéetel le atantsil le kéen u múul decidirtoʼob wa baʼaxoʼ. Chéen baʼaleʼ yaan horaeʼ le atantsiloʼ maʼ de acuerdo yéetel le baʼax ku chʼaʼtuklik u yíichamoʼ. Le kéen  úuchuk beyoʼ le atantsiloʼ jeʼel u páajtal u yaʼalik tiʼ u yíicham baʼax ku tuklik, pero unaj u yaʼalik yéetel respeto. Le atantsiloʼ unaj u kʼaʼajsikeʼ Jéeobaeʼ u tsʼaamaj le íichamtsil utiaʼal u kanáantik u familiaoʼ. Le atantsiloʼ unaj u apoyartik le baʼax ku chʼaʼtuklik u yíichamoʼ. Kéen u beet beyoʼ ku beetik u yantal kiʼimak óolal ichil u familia. Xokeʼex 1 Pedro 3:3-5, kéen tsʼoʼokkeʼ ka tsikbaltikeʼex lelaʼ:

• ¿Bix u yuʼubikuba Jéeoba le kéen u yil táan u respetartaʼal le íichamtsil tumen u yatanoʼ?

6. Jeʼel u páajtal a wutskíintikeʼex le problemasoʼ

 BAʼAX TSOʼOLI

Le íichamtsil yéetel le atantsiloʼ jeʼel u kiʼimaktal u yóoloʼob wa ku yeʼeskoʼob yaabilaj ichiloʼob, ku respetarkubaʼob yéetel ku tsʼáaikoʼob ichil u kuxtaloʼob le baʼax ku yaʼalik le Bibliaoʼ.

Baʼax ta kanaj

• ¿Baʼax jeʼel u beetik le íichamtsil utiaʼal u kiʼimaktal u yóol u yatanoʼ?

• ¿Baʼax jeʼel u beetik le atantsil utiaʼal u kiʼimaktal u yóol u yíichamoʼ?

• Wa tsʼokaʼan a beeleʼ, ¿baʼax tekstoil jeʼel u yáantkech utiaʼal a maas yaabiltik a núupeʼ?