Buñ ni laʼra buny galtzeʼel racladxyibu que mod goyoʼyibu nakit dzú bitzñayibu gacni por tipzó. Né labúu gacni scú. Guirá cristianos ni ma sané xidal íz ni buny galtzeʼel nanyibu que nacni scú portín ronyibu xtem por guisobyibu consej ni sieed ló la Biblia.

1. ¿Xí consej radudy la Biblia a buñguieeu ni ma noʼ tzeʼel?

Jehová bidudy responsabilidadcu a buñguieeu par sanir lainy xfamil (bíil Efesios 5:23). Né ranabbu que ni gony buñguieeu non gacnéni xfamilbu. La Biblia radudy consej reʼ a guirá buñguieeu ni ma noʼ tzeʼel: «Colgandxiʼ tzeelto» (Efesios 5:25). ¿Xí radudyni diitz? Buñguieeu ni nadxiʼ tzeʼel ragobiobu tzeelbu sacró, tanli órni noʼyibu guiropcayibu o órni noʼyibu nisló buñ. Ranbu tzeelbu né ronybu dada rutirigaʼlni láabu par guidudybu ni caquiin tzeelbu ló sentido físico né emocional (1 Timoteo 5:8). Né ni máspa la, láabu rasanirbu par guidudybu ni caquiin tzeelbu ló sentido espiritual (Mateo 4:4). Por ejemplo, ronybu oración né roʼolbu la Biblia toibsi né tzeelbu, pal buñguieeu nadxiʼbu tzeelbu radzakbu Jehová sacró (bíil 1 Pedro 3:7).

2. ¿Xí consej radudy la Biblia a buñgonaʼ ni ma noʼ tzeʼel?

Xtiitz Dios ná que buñgonaʼ «non gap xiroʼ respet tzeʼel» (Efesios 5:33). ¿Ximod labúu gonybu láani? Labúu gonybu pensary ló cualidades sacróyen ni nap tzeelbu né guirá ni rony tzeelbu par gan láabu né par gan guirá xiinyibu. Láaca guislooybu respet ni ná tzeelbu gony, guiniʼbu diitz nadaʼa né guiniʼbu galán de tzeelbu, ná tzeelbu diti nac Testigo.

3. ¿Ximod labúu gony nadipyibu xcaltzeelyibu?

La Biblia rasetlaa ndeʼ par buñ ni ma noʼ tzeʼel: «Guiropyibu sacyibu toibsi beʼel» (Mateo 19:5). Ndeʼ radudy diitz, cueʼyibu tiplad nitisi cós ni gony que galsityibu de saʼyibu. Por ngú, ronyibu que tzoʼyibu toibsi né saʼyibu par guiniʼyibu ni ronyibu pensary né ni rasacyibu né galrronladx. Diti noʼ stoib ni más guisac lainy xcaltzeelyibu, nosi Jehová. Né guiropcayibu racaayibu cuidad que diti cuenunysi guidzakyibu stoib buñ ni diti nac tzeʼelyibu.

 NANOY GUISUIDYNO LÁANI

4. Buñguieeu, gondxiʼ né binladx tzeʼelo

5. Buñgonaʼ, gondxiʼ né gop respet tzeʼelo

La Biblia raibyni buñgonaʼ que gapbu respet tzeelbu ná diti nacbu Testigo. Colgoʼol 1 Pedro 3:1, 2 né colgooy xtiitzni:

• Pal tzeʼelo diti rony adorar a Jehová, sigory naniiny looy que ñonybu láani. ¿Xí láani labúu ñacné láabu: guininélo láabu de Jehová guirá ór la, o que guibiʼbu mod naclo né que naplo respet láabu la? ¿Xigony ronylo pensary scú?

Tanli buñguieeu né buñgonaʼ labúu guiniʼyibu xi láani gonyibu. Per buñgonaʼ diti guirási ór labúu tzoʼbu de acuerdo né tzeelbu. Pal scú nacni, buñgonaʼ labúu guiniʼbu ni ronybu pensary per  guiyopybu mod gonybu láani né respet. Per non guisetnaladxbu que Jehová ma bidudy responsabilidadcu buñguieeu par guiniʼ xi láani ngú ni más galán par xfamilbu. Né ranabbu que buñgonaʼ gonybu rutirigaʼlni láabu por gacnébu tzeelbu. Modreʼ labúu sabanyibu nakit lainy xcaltzeelyibu. Colgoʼol 1 Pedro 3:3-5 né colgooy xtiitzni:

• ¿Ximod rasac Jehová órni rabiʼbu que buñgonaʼ raslooybu respet tzeelbu?

6. Labúu gac reglar galnagan lainy galtzeʼel

 ¿XÍ BISUIDYLO?

Buñguieeu né buñgonaʼ labúu guibanyibu nakit pal nadxiʼyibu saʼyibu, pal rapyibu respet né rasobyibu principios ni sieed ló la Biblia.

Repas

• ¿Xí labúu gony buñguieeu par labúu guibanyibu nakit lainy xcaltzeelyibu?

• ¿Xí labúu gony buñgonaʼ par labúu guibanyibu nakit lainy xcaltzeelyibu?

• Pal ma bunylo galtzeʼel, ¿xí principio ni sieed ló la Biblia labúu gacné looy par gony nadiplo xcaltzeelo?