QUIMELTUN 50
¿Chumafuimi ñi ayüucüleal tami familia? (Troquiñ 2)
Pu pichiqueche quiñe regalo reque felei Jehová mu cüpalu. Jehová ayüquei tati pu chau ñi cüme adnieafiel tañi pu pichiqueche, feimu eluquefi cümeque ngülam. Jehová ca eluquefi cümeque ngülam tati pu fotüm ca pu ñahue ñi inayafiel, femngechi ñi ayüucüleal tati familia.
1. Jehová, ¿chem ngülam eluquefi tati pu chau ca ñuque?
Jehová ayüquei tati pu chau ca tati pu ñuque ñi piuqueyeafiel tañi pu pichiqueche ca elcünual tiempo ñi müleal quisu engün meu. Cafei Jehová ayüquei ñi cuñiutucuafiel fillque huesaque dungu meu ca quelluafiel ñi inayal Biblia ñi ngülam (Proverbios 1:8). Biblia feipifi tati pu chau: “Ngülamtuafimün [tamün fotüm ca ñahue] chumngechi ayüniei ta Chau Jehová” (papeltuaimi Efesios 6:4). Pu chau ca ñuque mülei ñi inanieal Jehová ñi ngülam ñi tremümafiel tañi pu pichiqueche ca ngelai ñi elfalcünulelafiel ta caquelu pu che ñi tremümaeteu engün. Pu chau ca ñuque inafile com tüfachi ngülam, Jehová rume ayüucüleai.
2. Jehová, ¿chem ngülam eluquefi tati pu yall?
Jehová feipifi pu yall cam pu püñeñ, com dungu mu “feyentuqueafimün tamün chau ca tamün ñuque” (papeltuaimi Colosenses 3:20). Tati pu yall inaniefile ñi feipieteu tañi pu chau rume ayühulafi engu ca ayühulafi ta Jehová (Proverbios 23:22-25). Jesús inayentufali, quisu huelulcauquelafui, huelu tañi pu chau huelulcauquefulu rume, Jesús fentecünulai tañi yamniefiel ca allcütufiel engu (Lucas 2:51, 52).
3. Ti familia, ¿chumafui tañi doi fülmanieafiel ta Jehová?
Eimi nielmi yall ayüpelaimi chi ñi ca piuqueyerpuafiel engün ta Jehová. Fei ¿chem chumafuimi tami quelluafiel engün? Mülei tami inanieafiel Biblia tañi ngülam feipilu: “Mülei tami quimeltulelafiel tami pu fotüm ca ñahue, ca mülei tami nütramelafiel anücünuhulmi tami ruca mu, ca miyahulmi rüpü mu, ca cudualmi, ca huitralmi” (Deuteronomio 6:7). Eimi quimniepelaimi chi tami cüme quimeltuafiel tami pu yall, duamfali fillque rupa feipiafiel tami cüpa quimeltulelfiel engün. Feimu tüfachi troquiñ Biblia ngülamtuqueimu tami nütramcayafiel fill antü tami pu yall Jehová meu. Cafei rume cümei fill semana tati familia ñi elantücünual ñi chillcatual Biblia. Nienolmi rume yall ca femafuimi.
DOI QUIMAIMI
Ngüneduamaiñ quiñeque ngülam pu familia ñi cüme feleal ca ayüucüleal.
4. Com tami piuque mu tremümafimi tami pu yall
Tremümafiel quiñe pichiche rume cüdaungeafui. Fei Biblia, ¿chumngechi quelluafeimu? Papeltuaiñ Santiago 1:19, 20, ca ngüneduamaiñ tüfachi epu ramtun:
-
Pu chau ca ñuque nütramcafile tañi pu yall, ¿chumngechi pengelelafuingün tañi piuqueyeniefiel engün?
-
¿Chumngelu (chemu) tati chau cam ñuque illculen mu ngelai ñi norümtuafiel tañi pu yall?
5. Cuñiutucuniefinge tami pu yall
Yehuen-ngele rume, mülei tami quimeltulelafiel tami pu pichiqueche cudumuhun dungu meu. Peaiñ ti VIDEO, ca ngüneduamaiñ tüfachi epu ramtun.
-
¿Chumngelu cüdautuafui pu chau ca ñuque ñi nütramcayafiel tañi pu yall cudumuhun dungu meu?
-
¿Chem dungu quellueyu tati pu chau ñi nütramcayafiel tañi pu yall tüfachi dungu meu?
Chumngechi ñi feipin tati Biblia, tüfachi Mapu ñi ngüneniefiel ta Huecüfü doi huesa amulei. Papeltuaiñ 2 Timoteo 3:1, 13, ca ngüneduamaiñ tüfachi ramtun:
-
Quiñeque huesaque che nütramcangelu ti troquiñ 13 meu, nüntuquefilu tati pu pichiqueche. Feimu, ¿chumngelu duamfali tati pu chau ñi nütramcalelafiel ñi pu pichiqueche cudumuhun dungu meu? Ca ¿chumngelu cümeafui ñi quimelelngeal chumngechi ñi incañpehual engün?
¡Tüfei!
Pu Dunguquelu Ineingen Jehová entuingün fillque quellun quelluquefilu pu chau ca ñuque ñi nütramcalelafiel ñi pu pichiqueche cudumuhun dungu meu ca chumngechi ñi incañpehual engün. Tüfa ta quiñeque:
-
“Tami nütramcalelafiel tami pu yall cudumuhun dungu meu, ¿chem quelluafeimu?” (¡Tami quimafel! num. 5 2016 tripantu)
6. Yamnieafimi tami chau ca ñuque
Tati pu pichiqueche ca tati pu hueche mülei ñi yamnieafiel tañi pu chau. Tüfachi yamün quimfalquei chumngechi tañi dunguquefiel tañi chau ca ñuque. Peaiñ ti VIDEO, ca ngüneduamaiñ tüfachi epu ramtun.
-
Pu hueche, ¿chumngelu mülei ñi nütramcayafiel tañi pu chau yamün meu?
-
Pu hueche, ¿chumngechi pengelelafui tañi yamniefiel tañi chau ca ñuque?
Papeltuaiñ Proverbios 1:8, ca ngüneduamaiñ tüfachi ramtun:
-
Ti hueche, ¿chem chumai ngülamtuelieyeu tañi chau cam tañi ñuque?
7. Com tami familia engu poyeafimi ta Jehová
Pu Dunguquelu Ineingen Jehová fill semana elcünuqueingün quiñe antü ñi chillcatual Biblia quiñentrür tañi familia engu. ¿Chumqueingün quiñentrür chillcatulu? Peaiñ ti VIDEO, ca ngüneduamaiñ tüfachi cüla ramtun.
-
¿Chem quelluafeyu tati familia quiñentrür chillcatuafiel tati Biblia?
-
¿Chem chumafuingu tati chau ca ñuque ñi ayüfalngeal ca ñi cümelcayaeteu tati chillcatun familia engu? (Pefinge ti hunen adentun tüfachi quimeltun meu).
-
Eimi tami familia meu, ¿chem dungu catrütuafeimünmeu tamün quiñentrür chillcatual Biblia?
Cuifi meu Jehová ayüquefui tati pu israelche ñi nütramcalelafiel tañi pu familia Jehová tañi dungu. Papeltuaiñ Deuteronomio 6:6, 7, ca ngüneduamaiñ tüfachi ramtun:
-
¿Chumngechi inayafuimi ñi feipin tüfachi troquiñ Biblia?
Fillque dungu femafuimi chillcatulmi Biblia tami familia engu:
-
Pepicayafuimün chem ñi ngüneduamngeal trahun meu.
-
Ngüneduamafuimün quiñe nütram Biblia meu tamün ayüniefiel.
-
Nielmi pichiqueche con-nge ta jw.org mu ca entunge feichi quellun pu pichiquechengealu.
-
Nielmi huechequeche con-nge ta jw.org ca ngüneduamnge feichi quellun pu huechequechengealu.
-
Eimi ca tami pu yall tucutuhuafuimün chumngechi ñi tucutuuquefel cuifi feichi pu che tripalu Biblia meu ca adentucünuafuimün quiñe nütram Biblia mu.
-
Ngüneduamafuimün fillque video tripalu jw.org mu.
QUIÑEQUE CHE FEIPIAFEIMU: “Nieiñ fillque duam, feimu nielaiñ tiempo taiñ quimeltulelafiel taiñ pu yall Biblia ñi feipin”.
-
¿Chem piafuimi?
TAMI QUIMEL
Jehová ayüquei pu chau ñi piuqueyeafiel, pepicayafiel ca cuñiutucuafiel tañi pu yall. Ca femngechi pu yall mülei ñi yamnieafiel tañi chau ca ñuque. Ca Jehová ayüquei pu familia quiñentrür tañi poyeaeteu.
¿Chem piafuimi?
-
Pu chau ca ñuque, ¿chumngechi pepicayafuingün ca cuñiutucuafuingün tañi pu yall?
-
Pu yall, ¿chumngechi pengelafuingün ñi yamniefiel tañi chau ca ñuque?
-
Pu familia quiñentrür chillcatule fill semana, ¿chumngechi cümelcayafeyu?
CA PEAFUIMI
¿Chem falinque ngülam quelluafui tami pu pichiqueche ñi cüme tremal engün?
“Kayu falin dungu ñi kimelelngeal pu pichikeche” (¡Tami quimafel! num. 2 2019)
Ngüneduamnge quiñeque ngülam quellualu pu cuidaquefilu fütaqueche.
“¿Ayüi Chau Dios taiñ cuidayafiel taiñ pu chau?” (Troquiñ internet mu)
Ngüneduamnge chumi quiñe huentru ñi doi cüme chaungeal.
Jehová quimeltueyumu chumngechi tremümafiel tayu pichiqueche (5:58)
Ngüneduamnge chumngechi quiñe chau doi cüme yeucüleafui tañi pu yall meu.
“¿Chumafui pu chau tañi fülmanieafiel tañi pu yall?” (Ti Huerquen 1 noviembre, 2011)
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
