PELAJARAN 50

Boha do Carana Asa Bahagia Akka Keluarga?—Bagian 2

PANGOLU

Hadiah sian Jahowa do anakkotta. Jadi dipangido Jahowa do asa dijaga jala diurus natua-tua gellengna. Dilehon Jahowa do petunjuk na denggan asa boi nasida mangulahon i. Jala dilehon Jahowa do tong nasehat tu akka anakkon asa boi nasida dohot natua-tuana marlas ni roha.

1. Petunjuk aha do na dilehon Jahowa tu natua-tua?

Lomo do roha ni Jahowa molo dihaholongi natua-tua gellengna jala dilehon nasida godang tikki rap dohot gellengna i. Lomo do tong rohana asa dijaga natua-natua gellengna sian akka parjahat, jala asa dipakke nasida prinsip ni Bibel lao mangajari gellengna i. (Poda 1:8) Didok Jahowa do tu akka ama, ‘Pagodang-godang ma ianakkonmuna marhite mamodai nasida hombar tu lomo ni roha ni Jahowa.’ (Jaha Epesus 6:4.) Las do roha ni Jahowa molo diihutton natua-tua petunjuk na sian Bibel lao pagodang-godakkon gellengna. Jala dang dilehon nasida tanggung jawab i tu na asing.

2. Nasehat aha do na dilehon Jahowa tu akka dakdanak?

Didok Jahowa do tu akka dakdanak, “Oloi hamu ma natua-tuamuna.” (Jaha Kolosse 3:20.) Molo dihormati jala dioloi dakdanak natua-tuana, gabe las ma roha ni Jahowa dohot natua-tuana i. (Poda 23:22-25) Dibahen Jesus do sitiruon tu akka dakdanak. Tikki gelleng dope ibana, sai dioloi ibana do hata ni natua-tuana. Jala dihormati ibana do nasida, nang pe sempurna ibana.—Lukas 2:51, 52.

3. Boha do carana asa jonok hubunganmuna na sekeluarga tu Jahowa?

Molo sahalak natua-tua hamu, pasti lomo do rohamuna asa dohot gellengmuna makkaholongi Jahowa. Boha do carana asa holong roha ni gellengmuna tu Jahowa? Ihutton ma na didok Bibel, ‘Ikkon disuanton hamu do Hata ni Jahowa tu bagasan roha ni anakkonmuna. Ajarhon ma i tikki rap hundul hamu di jabu dohot tikki di pardalanan.’ (5 Musa 6:7) Hata “disuanton” lapatanna dipaboa sesering mungkin. Setuju do ra hamu, biasana ikkon sering do hamu mangajari gellengmuna asa boi diingot nasida i. Jadi ikkon sering do hamu makkata-hatai taringot Jahowa tu gellengmuna. Denggan do molo dibahen hamu jadwal ganup minggu lao pelajaran keluarga. Molo tung pe dang adong gellengmuna, sai adong do manfaatna molo taratur hamu marsiajar Bibel ganup minggu.

ASA LAM TAATTUSI

Taida ma akka saran na boi mangurupi sude anggota keluarga asa merasa aman jala marlas ni roha.

4. Patudu ma holong tikki mangajari gellengmuna

Pasti dang mura di natua-tua mangajari gellengna. Jaha Jakobus 1:19, 20, dung i bahas ma sukkun-sukkun on :

Songon dia do natua-tua patuduhon holong tikki makkatai dohot gellengna?
Denggan do molo tikki muruk natua-tua mamissang gellengna? a

5. Jaga ma gellengmuna sian akka parjahat

Sada cara lao manjaga gellengmuna, ikkon dipaboa hamu do taringot seks tu nasida. Alai olo do ra maol dihilala hamu paboahon i. Putar ma VIDEO, dung i bahas ma sukkun-sukkun on:

VIDEO: Jaga ma Gellengmuna sian na Jahat (2:58)

Boasa maol dihilala akka natua-tua di video i lao paboahon taringot seks tu gellengna?
Boha do cara ni nasida paboahon taringot seks tu gellengna?

Songon naung dipaboa hian di Bibel, lam tu jahatna do akka halak di portibi on. Jaha 2 Timoteus 3:1, 13, dung i bahas ma sukkun-sukkun on:

Piga-piga parjahat na dipaboa di ayat 13 mangulahon pelecehan seksual tu dakdanak. Jadi boasa porlu diajari natua-tua gellengna taringot seks dohot taringot cara melindungi diri asa unang gabe korban pelecehan seksual?

Diboto hamu do?

Godang do dibahen Saksi Jahowa akka sijahaon dohot video na boi mangurupi natua-tua paboahon taringot seks tu gellengna, jala songon dia asa unang gabe korban pelecehan seksual gellengna i. Contohna ida ma:

Jaga ma Ianakhonmuna (video)
Belajarlah dari Sang Guru Agung, pasal 10 dohot 32
“Paboa ma tu Gellengmuna taringot Seks” (Dungo ma! No. 5 2016)

6. Hormati ma natua-tuamuna

Molo sopan akka dakdanak dohot remaja makkatai tu natua-tuana, on patuduhon na dihormati nasida do natua-tuana i. Putar ma VIDEO, dung i bahas ma sukkun-sukkun on:

VIDEO: Songon dia Ahu Boi Mangkatai tu Natuatuangku? (2:19)

Aha ma manfaatna molo sopan akka na poso makkatai tu natua-tuana?
Molo dihormati akka na poso natua-tuana, boha do seharusna cara ni nasida makkatai tu natua-tuana i?

Jaha Poda 1:8, dung i bahas ma sukkun-sukkun on:

Molo dipissang natua-tua sahalak na poso, boha do seharusna sikapna?

7. Manomba Jahowa rap dohot keluarga

Ganup minggu, dibahen Saksi Jahowa do jadwal asa boi nasida sekeluarga marsiajar taringot Jahowa. Boha do cara ni nasida mangulahon i? Putar ma VIDEO, dung i bahas ma sukkun-sukkun on:

VIDEO: Panombaon na Sasaripe: Ambatambat dohot Labana (8:04)

Boha do carana asa taratur hamu mambahen pelajaran keluarga?
Aha do na boi diulahon natua-tua asa unang bosan gellengna tikki pelajaran keluarga?—Ida gambar di mula ni pelajaran on.
Aha do na mambahen hamu maol rap marsiajar Bibel dohot keluargamuna?

Di jaman ni Israel najolo, dipangido Jahowa do asa taratur akka keluarga marsiajar taringot Hata ni Debata. Jaha 5 Musa 6:6, 7, dung i bahas ma sukkun-sukkun on:

Boha do caramuna menerappon prinsip on?

Akka saran na boi dipakke tikki pelajaran keluarga:

Mambahen persiapan tu na lao dibahas tikki parpunguan.
Manjaha dohot mambahas cerita na adong di Bibel na boi mambahen las roha ni keluargamuna.
Molo adong anakkonmuna na gelleng dope, download manang cetak ma lembar kegiatan tu akka dakdanak na adong di jw.org.
Molo adong anakkonmuna na remaja, bahas ma sada artikel khusus tu akka na poso na adong di jw.org.
Peragahon ma sada cerita na adong di Bibel rap dohot anakkonmuna.
Tonton jala bahas ma sada video na adong di jw.org.

ADONG DO NA MANDOK: “Sibuk do iba karejo. Dang adong be tikki niba mangajari gelleng taringot Bibel.”

Molo adong na mandok songon i, boha do alusmuna?

KESIMPULAN

Dipangido Jahowa do natua-tua asa makkaholongi, mangajari, jala manjaga gellengna. Dipangido Jahowa do tu akka dakdanak asa dihormati jala dioloi nasida natua-tuana. Jala ikkon taratur do nasida pelajaran keluarga.

Tinjauan

Boha do cara ni natua-tua mangajari dohot manjaga gellengna?
Boha do cara ni dakdanak patuduhon na dihormati nasida natua-tuana?
Aha do manfaatna molo taratur pelajaran keluarga dibahen ganup minggu?

Sae diparsiajari tanggal:

Coba ma jo on

Sukkun ma tu dongan di huria akka aha ma muse na boi diulahon tikki pelajaran keluarga.

Manang:

Your other goal

LULUI MA

Aha do na porlu diajarhon natua-tua tu gellengna?

“Onom Sifat na Porlu Dipelajari Dakdanak” (Dungo ma! No. 2 2019)

Jaha ma nasehat na sian Bibel taringot mangurus natua-tua.

“Aha do na Didok Bibel taringot Mangurus Natua-tua Naung Matua?” (Artikel web)

Tonton ma pengalaman ni sahalak bawa na marhasil pabalgahon gellengna, nang pe di mulana dang diboto ibana boha carana.

Pangajarion ni Jahowa Mangurupi Hami Pagodanggodangkon Ianakhon (5:58)

Jaha ma boha do carana asa boi kompak sahalak bapak tu anakna.

“Boha do Carana Asa Kompak Sahalak Bapak tu Anakna?” (Joujou Paboahon, 1 November 2011)

a Di Bibel, hata “mamissang” boi do lapatanna mangajar-ajari, mangalehon petunjuk, jala mangurupi gellengna asa mamboto kesalahanna. Dang na berarti manonggaki manang kejam menghukum gellengna.—Poda 4:1.