JIʼTE 50
Tchi paʼ you toundye fing ne pe tchum ŋwègne a—Jeng 2
Pekhu be taʼ poutchi be fe m bi Jéova. Jéova hente bi mta po ge wap tchente dé poutchi bô. Jéova ha mthôk pepoung mye a fing ne kwite mta po ne ghe ya a. Mthôk mye daʼte ba ywe ye pekhu fing ne ghe, te ne kwite ge toundye yap pe tchum ŋwègne a.
1. Jéova ha ya thôk bi mta po ?
Jéova tcheng ge mta po koung po pap, neng tchye medou mtam pou a wap paʼ wap fing a. É tcheng ba ge mta po pômte po pap ne ywe tchwepoung neng gwim mkhète Bible ne ne thôk wap. (Mghôm jyenwe 1:8) É gôm bi mta po ge : “Po kwye [po pô] . . . ne mthôk mye a fe bi Jéova a.” (Ké Éféso 6:4.) Jéova ŋwègne tchwe ye mta po ging ne mkhète mye tchwe ye wap bo thôk po pap a, ba tchwe ye wap te thak ge mouʼ mo ne ghe ya bô a pe.
2. Jéova ha ya thôk bi pekhu ?
Jéova gôm bi pekhu ge : “Po pe djouʼgne bi pe tse wô.” (Ké Kolosai 3:20.) Tchwe ye pekhu djouʼgne neng ha mkouʼ mta pap a, wap gre ge Jéova ba mta pap ŋwègne. (Mghôm jyenwe 23:22-25) Yéso le ha taʼ foʼte pepoung tchwe ye é le be mou a. Ba m be ye é le be taʼ mo dôlô a, é le djouʼgne neng be ha mkouʼ mta pye.—Loukasi 2:51, 52.
3. Toundye o fing ne tchente fouʼte ne é ha beng Jéova m tchi ge ke ?
O pe taʼ ta ke taʼ ma le, be o bo tcheng ge po pou koung Jéova paʼ wou a. O fing ne kouʼgne ne ghe ya m tchi ge ke ? Pe gre ywe ye Bible gôm a : “O gô ghe ge [mghôm Jéova] pe tchum mkwègne po pou, neng pe ghôm ma bi pou tchwe ye o gô pe tchum dye o be o tchwe si a, tchwe ye o gô po ghing ne medjye a.” (Bate mtchoʼ 6:7) Ne ‘ghe ge taʼ ywe pe tchum kwègneʼ mo, thoute ge ne jiʼte ya bii mtchum mtchum. Dendeng poʼo, o jye ge a gô pe she mtchum, tcheng ge o ping gôm she potse bi po pou te a ghe ge wap kamte. Khè Bible yenge thoute ge o gô pe ba tchwekele tcheng msô ne gôm nwe ne Jéova bi po pou. A be taʼ ywe pepoung ne pe djap tam goung mgapdzu awè ne ne jiʼte Bible pou a toundye o. A pe bo ka ghe pekhu; be kwaʼ wou o gô tsu pé ne pe goung mgapdzu awè jiʼte Ghôm Si.
PING TCHENG NE GÔ DZE
Yô mthôk mye a fing ne kwite goung pô tchum toundye, ne tchwe te pwôk ba ne ghe ŋwègne a.
4. Le koungne thôk po pou
Ne tôk taʼ mou fing ne tuô, Bible fing ne kwite o m tchi ge ke ? Ké Yakop 1:19, 20, neng gômte ne mhente menge :
-
Mta po fing ne laʼte koungne tchwe ye wap bo gômte pou a po pap a m tchi ge ke ?
-
Nweke taʼ ta ke taʼ ma le, te gô le yèloung tchôkte mou é a ? *
5. Pômte po pou
Ne ne bômte po pou, a be mtuôdeng téʼ ge o ghômte pou a baya mou le ne sèkse. A fing ne tuô ne ghe ya. Yô VIDÉO, neng dou gômte ne mhente menge.
-
Nweke a tchuô bi she mta po ne ghôm nwe ne sèkse pou a po pap ?
-
She mta po ghe m ge ke te ne ne gôm nwe ne sèkse pou a po pap ?
Paʼ mghôm gamdoʼ le tchwadzu gôm a, dzu Sata bo bôk pôk ne gô pe m dze. Ké 2 Timotio 3:1, 13, neng dou gômte ne hente yenge :
-
She ne pô pye pou gôm nwe ne pou tchum khè 13 a, be pô pye wap gre mtse nôm ne pekhu a. Poʼo, nweke a be mtuôdeng ge mta po ghôm nwe bi po pap ne sèkse, neng gôm bi pou tchi paʼ wap fing ne pômte mne map ne pô tchwepoung bô a ?
A ke be o ji jye le ?
Mkwithè Jéova be wap ghe medou potse tsye a fing ne kwite mta po ne ghômte ne sèkse pou a po pap a, ba ne pômte wap ne pô pye wap gre mtse nôm ne pekhu a. She mfoʼte, lé :
-
Po pômte po pô (vidéo)
-
“Parler de sexualité à son enfant” (Réveillez-vous ! no 5 2016)
6. Ha mkouʼ mta pou
Pekhu ba po msem fing ne laʼte mkouʼ bi mta pap, tchye m ne tchi paʼ wap ne gôm nwe bi pou a. Yô VIDÉO, neng dou gômte ne mhente menge.
-
Nweke a be mtuôdeng ge taʼ mou le mkouʼ te ne gômte pou a mta pye ?
-
Taʼ mou fing ne ghôm nwe bi mta pye, ne taʼ tchi ye a gô ha mkouʼ map a m tchi ge ke ?
Ké Mghôm jyenwe 1:8, neng gômte ne hente yenge :
-
Taʼ mou gô ghe la tchwe ye mta pye bo gôm bii ge é ghe taʼ ywe a ?
7. Pemte gamte Jéova pou a toundye o
Mtoundye pye wap be Mkwithè Jéova a, djap taʼ tam ne baya gapdzu le ne ne gre jiʼte toundye. Jiʼte toundye bô fing ne pe ge ke ? Yô VIDÉO, neng dou gômte ne mhente menge.
-
Taʼ toundye fing ne ghe la, te ne ne be gre jiʼte toundye goung mgapdzu awè ?
-
Taʼ pepa ke taʼ mema le, fing ne ghe la te ne gre ge jiʼte toundye tchyete tchum ŋwègne neng kwite ?—Lé foto ne thoʼ yeng jiʼte.
-
Ke fing ne ghe ge a tuô bi you toundye ne pemte jiʼte ywe ?
Tchum Israèl tchwedze, Jéova le byap ge mtoundye pe goung mtam awè gôm nwe ne Ghôm tsye. Ké Bate mtchoʼ 6:6, 7, neng gômte ne hente yenge :
-
O fing ne ying ne khète yenge m tchi ge ke ?
She potse tsye o fing ne ghe ne jiʼte toundye a :
-
Po nyapte mtchouʼte.
-
Po ké taʼ tôné Bible ye toundye o bo khoung a, po neng dou gômte ne.
-
A pe be o ghe pekhu, o ghe téléshagé ke thé ne pipa le, taʼ ywe faʼ bi pekhu ne jw.org.
-
A pe be o ghe po msem, po ghômte ne taʼ ywe bveve ye a ne jw.org bo dé po msem a.
-
Po a pou le taʼ tôné Bible, neng kwègne ge po be pô tchum tôné bô; po neng gre paʼ wap a.
-
Po a pou yô taʼ vidéo ne jw.org neng gômte ne.
SHE PÔ GÔM GE : “Bible be a tuô tèʼ bi pekhu.”
-
O gô paʼ ge ke ?
YE NE KHAMTE
Jéova tcheng ge mta po koung, jiʼte, neng bômte po pap; ge pekhu ha mkouʼ bi mta pap neng djouʼgne bi pou; ba ge mtoundye pemte gamte é.
O lagne ke ?
-
Mta po fing ne jiʼte neng bômte po pap m tchi ge ke ?
-
Pekhu fing ne laʼte ge wap gre mkouʼ mta pap m tchi ge ke ?
-
Ne yap taʼ tam ne gre jiʼte toundye goung mgapdzu awè ha ma mtsupé ?
YÔ SHE POTSE NE
Ma potse gô nyapte mou o ne ji taʼ getso ?
“Six valeurs à transmettre aux enfants” (Réveillez-vous ! no 2 2019)
Yô mthôk mye Bible ha bi pô pye wap dé mta pap pye wap vo a.
“Prendre soin de ses parents âgés : quʼen dit la Bible ?” (Ne jw.org)
Yô tchi paʼ taʼ mbè ye é late bo jye tchi ne gwim po pye a pe, le ji taʼ ta pepoung a.
Yô tchi paʼ mpepa fing ne soumte yap ne pe mso pou a po pap pebè a.
“Comment un père peut-il rester proche de son fils ?” (La Tour de Garde, 1er novembre 2011)
^ Tchum Bible, “ne tchôkte” thoute ge, ne jiʼte, ne laʼte jye bi taʼ mou, ba ne pôgnesi é ne ne kwite é ne kwyepgne taʼ ma tchwepoung ke taʼ tchi ne sè tchwepoung le. A te daʼ thoute ge ne le mou djô gôʼ, ke ne ghe ywe tchwepoung ne é le pe.—Mghôm jyenwe 4:1.
