LESSON 50
Aval avé nda bôte jôé é ne nyiñ meva’ été?—Ngabe 2
Bon be ne dase da so be Yéhôva. A yi na bebiaé be nyoñe ngab a bidima bi bone bite. A ve fe be mbamba melebe me ne volô be na be yeme bo de. Melebe mete me ne fe liti bon jam be ne bo asu na nda bôt é nyiñe meva’ été.
1. Melebe mevé Yéhôva a ve bebiaé?
Yéhôva a yi na bebiaé be nye’e bon bap, a na be lôt abui éyoñ a be. A yi fe na bebiaé be kamane bon bap, a na be belane miñye’elane ya Kalate Zambe asu na be yañele be. (Minkana 1:8) A jô b’ésaa na: “Mi yale’e [bon benan] . . . ñye’elan Tate été.” (Lañe’e Beéphésien 6:4.) Yéhôva a wô’ô mvaé éyoñe bebiaé ba ve ngule na bebien be yale bone bap a lôte na be ve môte mfe mbe’e ôte.
2. Melebe mevé Yéhôva a ve bon?
Yéhôva a jô bon na: “Bo’ane bebiaé benan mewôk.” (Lañe’e Becolossien 3:20.) Éyoñ bon ba semé bebiaé bap a bo be mewôk, ba ve Yéhôva a bebiaé bap nlem avak. (Minkana 23:22-25) Yésus a nga liti mbamba éve’ela mfa’a ôte éyoñ a mbe mongô. Akusa bo nye a mbe teke ayeñ, ve a nga bo bebiaé bé mewôk a semé be.—Luc 2:51, 52.
3. Aval avé nda bôt ése é ne bi mbamba élat a Yéhôva?
Nge ô ne mbiaé, teke bisô na wo yi na benyo bon be nye’e Yéhôva avale womien wo nye’e nye. Ve aval avé ô ne tôé nsôñan ôte? Tôñe’e melebe ya Kalate Zambe ma: “Wo ye bo mbane ya ye’ele bone bôé [mejô me Yéhôva], a laane fe me minlañ éyoñ wo tabe si nda jôé, a éyoñ wo wulu zen.” (Deutéronome 6:7) Bifia “mbane ya ye’ele” bia tinane na wo yiane kate bon bôé mam abui biyoñ. Womien wo yeme na, e wô’ô sili na ô kate bon bôé jam éziñ abui biyoñ asu na be bo teke vuane de. Avale te da da, éfus éte ja lebe wo na ô jeñe fane ya ye’ele bon bôé mejô me Zambe éyoñ ése. E ne mfi na nda bôt é sulane sondô ase asu na é yé’é Kalate Zambe. Nge ô bili ki bon, jeñe’e na ô yé’é Kalate Zambe sondô ase.
TUKA’A FAK
Yene’e mam me ne volô nda bôt ése na é nyiñe mvo’é a meva’a été.
4. Yañele’e benyo bon a nye’an ôse
Ésaé ya yañele bon é nji ve’ele bo tyi’ibi. Aval avé Kalate Zambe a ne volô bebiaé? Lañe’e Jacques 1:19, 20, mvuse ya valé, yala’ane minsili mi:
-
Aval avé bebiaé be ne liti na ba nye’e bon bap éyoñ ba laan a be?
-
Amu jé mbiaé a yiane ki ve mone wé meleb nge ke foñôsô nye éyoñ a ngenan a wô’ô ôlun? a
5. Kama’ane bon bôé
Asu na ô yeme kamane bon bôé, e ne nya mfii na ô laan ajô nkeane binoñ a be. Ve ô ne wô’ô jam ete ôson. Futi’i VIDÉO, mvuse ya valé, yala’ane minsili mi:
-
Amu jé bebiaé béziñ ba yen ayaé ya kobô ajô nkeane binoñ a bon bap?
-
Aval avé bebiaé béziñ be nga kui na be bo de?
Kalate Zambe a nga jô na abé e ne émo Satan ji da ye ke ôsu a nenenen. Lañe’e 2 Timothée 3:1, 13, mvuse ya valé, yala’ane nsili wu:
-
Éfus 13 ja kobô ajô mbia be bôt. Ba béziñ ya été be wô’ô jabe bongô. Ajô te, amu jé e ne mfi na bebiaé be kobô ajô nkeane binoñ a bone bap, a na be liti be aval avé be ne sa’ale mbia be bôte bete?
Ye wo too ô yeme’ek?
Bengaa be Yéhôva be kuliya abui bekalate a bevidéo be ne volô bebiaé na be laan ajô nkeane binoñ a bone bap, a na be ye’ele be aval avé be ne sa’ale bôte be ne kômbô jabe be. Ô ne fombô:
6. Semé’é bebiaé bôé
Bon be ne liti na ba semé bebiaé bap éyoñ ba tabe ntyel a avale ba kobô be. Futi’i VIDÉO, mvuse ya valé, yala’ane minsili mia tôé valé.
-
Amu jé é ne mfi na ésoé é laan a bebiaé bé a ésemé ése?
-
Aval avé ésoé é ne liti bebiaé bé ésemé éyoñ ja laan a be?
Lañe’e Minkana 1:8, mvuse ya valé, yala’ane nsili wu:
-
Jé ésoé é ne bo éyoñ bebiaé bé ba ve nye melep nge ke metiñ?
7. Kaña’ané Yéhôva nda bôt été
Minlô ya menda me bôt mi ne Bengaa be Yéhôva mi wô’ô jeñ éyoñ sondô ase asu na mi kañe Yéhôva nsamba a bibu’a ya menda me bôte map. Aval avé ayé’é ete e wô’ô boban? Futi’i VIDÉO, mvuse ya valé, yala’ane minsili mi:
-
Aval avé nda bôt é ne kui na é bo ayé’é ya nda bôt sondô ase?
-
Jé mbiaé a ne bo asu na ayé’é ya nda bôt e bo mfi a mvaé?—Fombô’ô fôtô a ne atata’a ya nlô ajô wu.
-
Mam mevé me ne bo na nda bôte jôé é kate bo ayé’é ete?
Israël ya melu mvus, Yéhôva a mbe a yi na menda me bôte me bo mbane ya laan ajô ya mimfufube mintilan. Lañe’e Deutéronome 6:6, 7, mvuse ya valé, yala’ane nsili wu:
-
Aval avé ô ne tôñe ñye’elane ôte?
Mam mi ne yé’é éyoñ mia bo ayé’é ya nda bôt:
-
Mi ne kômesane bisulan.
-
Mi ne kobô ajô nkañete éziñe ya Kalate Zambe nda bôte ja nye’e.
-
Nge ô bili mon a ngenane mone mongô, limiti’i bivôé bia ye’ele bon mejô me Zambe e jw.org.
-
Nge ô bili mon a nto ésoé, mi ne laan ajô ya nlô ajô wua bi nga kuli asu bisoé e jw.org.
-
Mi ne bo sisia ya nkañete éziñe ya Kalate Zambe a bon benan.
-
Mi ne limiti vidéo éziñ e jw.org, a laan ajô ya mam mia te yen été.
BÔTE BÉZIÑ BA JÔ NA: “Bi yeme a bisaé aval e ne na, bi bili ki éyoñe ya ye’ele bon bangan mejô me Zambe.”
-
Wo simesan aya?
ÔBALEBAS
Yéhôva a yi na bebiaé be nye’e bon bap, be yañele be, a kamane be. Bon ba yiane semé bebiaé bap, a bo be mewôk. Nda bôt ése ki ja yiane kañe Zambe fufulu.
Ô ne yalan aya?
-
Aval avé bebiaé be ne yañele bone bap a kamane be?
-
Aval avé bone be ne liti bebiaé bap ésemé?
-
Bibotane bivé nda bôte ja ye bi nge ja ve ngule ya bo ayé’é ya nda bôte sondô ase?
MAM MEFE ME NE VOLÔ WO
Miñye’elane mivé mi ne volô mone wôé éyoñ é bo nya môtô?
“Miñye’elane misaman bongô ba yiane nyoñ” (Vee ôyo! No. 2 ya mbu 2019)
Yene’e melebe Kalate Zambe a ve bôte ba nyoñe ngab a bebiaé bap be nto minnôm.
“Prendre soin de ses parents âgés : qu’en dit la Bible ?” (Ô ne koone nye anjeñe mefoé dangan)
Môt éziñ a nji be a yeme’ avale ba yale bon. Tame yen aval avé a nga su’ulane bo mbamba ésaa.
Yene’ aval avé b’ésaa be ne yemete élat jap a bobefam bap.
a E Kalate Zambe, éfia “nleban” é ne tinane na wo ve môte ñye’elan, é ne fe tinane na wo foñôsô nye. Bebiaé ba yiane ki bo de a lôte nné, nge ke éyoñe ba wô’ô ôlun.—Minkana 4:1.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
