LECCION 50
Paquemodo Queda Alegre el De Tuyu Familia?—Part 2
El maga anak regalo estaba con Jehova. Ta expecta le que el maga mayores cuida enbuenamente con ese regalo. Si Jehova ta dale buen consejo que puede ayuda con el maga mayores para hace se. Puede tambien este ayuda con el maga anak para hace alegre con el diila familia.
1. Cosa consejo ta dale si Jehova para na maga mayores?
Si Jehova quierre que el maga mayores ama con el diila maga anak y dale manada tiempo para man junto kanila. Quierre tambien le que el maga mayores protege con el diila maga anak na peligro y usa con el maga principio na Biblia para man train kanila. (Proverbio 1:8) Ta habla le con el maga tata: “Hace engranda [con el de ustedes maga anak] na . . . consejo de Jehova.” (Le con el Efeso 6:4, NWT.) Alegre si Jehova si el maga mayores ta sigui con el de suyu direccion si ta hace sila engranda con el diila maga anak y gendeh ta dale con ese responsibilidad na otro.
2. Cosa consejo ta dale si Jehova para na maga anak?
Si Jehova ta manda con el maga anak: “Obedece con el de ustedes maga mayores.” (Le con el Colosa 3:20.) Si el maga anak ta respeta y ta obedece, ta hace sila alegre con Jehova y con el diila mayores. (Proverbio 23:22-25) Ya dale buen ejemplo si Jesus cuando bata le. Maskin perfecto le, ya obedece y ya respeta le con el de suyu mayores.—Lucas 2:51, 52.
3. Paquemodo ustedes queda cerca con Dios como un familia?
Si etu un mayores, asigurao quierre tu que el de tuyu anak ama tambien con Jehova. Puede tu se cumpli si hace tu si cosa ta habla el Biblia: “Debe tu . . . enseña [el Palabra de Jehova] na de tuyu maga anak y converza acerca con este si ta sinta tu na de tuyu casa y si ta camina tu na camino.” (Deuteronomio 6:7) Puede tu pirmi repiti con el cosa tu ta enseña para puede acorda el de tuyu anak. Este texto quierre decir que debe tu busca oportunidad para regular man cuento con el de tuyu anak acerca con Jehova. Bueno si el de ustedes familia dale tiempo cada semana para estudia con el Biblia. Si nuay ustedes anak, puede siempre ustedes beneficia si dale ustedes tiempo cada semana para estudia con el Biblia.
APRENDE PA MAS
Considera con el maga practical sugestion que puede ayuda para queda alegre y protegido el familia.
4. Man train con el de tuyu anak con amor
Posible gendeh facil man train maga anak. Paquemodo puede ayuda el Biblia? Le con el Santiago 1:19, 20 y despues, discuti con este maga pregunta:
-
Paquemodo el maga mayores puede dale mira amor si tan cuento con el diila maga anak?
-
Porque el un mayores gendeh debe disciplina con el de suyu anak si rabiao le? a
5. Protege con el de tuyu anak
Para protege con el de tuyu anak, bien importante que man cuento tu con ele acerca na sex. Posible gendeh este facil para hace. Man play con el VIDEO y despues, discuti con este maga pregunta.
-
Porque dificil na cuanto maga mayores que man cuento con el diila maga anak acerca na sex?
-
Paquemodo el cuanto mayores ya explica con el diila maga anak acerca na sex?
Como cosa ya habla na profecia, el mundo de Satanas ta queda ya mas malo. Le con el 2 Timoteo 3:1, 13 y despues, discuti con este pregunta:
-
El cuanto maga mal gente que ya menciona na versiculo 13 ta refiri na maga persona quien ta comete sexual abuso na maga bata. Porque importante para na maga mayores que enseña con el diila maga anak acerca na sex y si paquemodo sila puede protege con el diila mismo cuerpo?
Sabe ba tu?
Mucho maga publicacion el maga Testigo de Jehova que puede ayuda con el maga mayores para enseña con el diila maga anak acerca na sex y para protege kanila desde na abuso. Por ejemplo, mira con el:
-
“Enseña con el De Tuyu Anak Acerca na Sex” (Awake! Num. 5 2016)
6. Respeta con el de tuyu mayores
El maga bata y el maga jovenes puede dale mira respeto con el diila mayores por medio na diila converzada. Man play con el VIDEO y despues, discuti con el maga pregunta.
-
Porque bueno que el maga anak con respeto converza con el diila maga mayores?
-
Paquemodo el maga anak puede converza con el diila mayores na manera que ta dale mira honor?
Le con el Proverbio 1:8 y despues, discuti con este pregunta:
-
Cosa debe el reaccion del un anak si ta dale con ele instruccion el de suyu mayores?
7. Adora con Jehova como un familia
El maga Testigo de Jehova ta dale especifico tiempo cada semana para estudia con el Biblia como un familia. Paquemodo ta hace con el de familia adoranza? Man play con el VIDEO y despues, discuti con este maga pregunta.
-
Paquemodo el un familia puede tene regular De Familia Adoranza?
-
Cosa puede hace el un mayores para beneficia y man enjoy el familia durante el de familia adoranza?—Mira con el letrato na primer parte de este leccion.
-
Cosa posible el puede hace dificil con el de tuyu familia que junto estudia?
Na Israel de antes, si Jehova ta expecta que el maga familia regular man cuento acerca na Escritura. Le con el Deuteronomio 6:6, 7 y despues, discuti con este pregunta:
-
Paquemodo tu puede aplica con este principio?
Maga idea para na de familia adoranza:
-
Prepara para na maga miting.
-
Le y discuti un istoria na Biblia que man enjoy el de tuyu familia.
-
Si bata pa el de tuyu anak, man download o man print un activity para na maga bata estaba na jw.org.
-
Si teenager el de tuyu anak, discuti un articulo para na maga jovenes na jw.org.
-
Man drama un istoria na Biblia junto na de tuyu maga anak.
-
Mira y discuti un video na jw.org.
EL CUANTO TA HABLA: “Bien dificil para na maga bata que entende con el Biblia.”
-
Cosa tu puede habla?
SUMARIO
Quierre si Jehova que el maga mayores ama, man train y protege con el diila maga anak; que el maga anak respeta y obedece con el diila maga mayores; y que junto el maga familia adora con ele.
Repaso
-
Paquemodo puede man train y protege el maga mayores con el diila maga anak?
-
Paquemodo puede dale mira honor el maga anak con el diila maga mayores?
-
Cosa el maga beneficio si dale tiempo el familia cada semana para junto estudia con el Biblia?
SABE PA MAS
Cosa maga leccion el puede ayuda prepara con el de tuyu anak si queda ya le adulto?
Aprende cuanto maga practical consejo estaba na Biblia para con aquellos quien ta cuida con el diila maga de edad mayores.
“Cosa el Biblia Ta Habla Acerca na Cuidada de Maga Mayores Quien De Edad Ya?” (Articulo na website)
Mira si paquemodo el un hombre quien no sabe si paquemodo hace engranda maga anak ya queda un buen tata.
Considera si paquemodo el maga tata puede hace fuerte con el diila relacion na diila maga anak hombre.
“Paquemodo el Maga Tata Queda Cerca na Diila Anak Hombre?” (The Watchtower, Noviembre 1, 2011)
a Na Biblia, el “disciplina” ta refiri na enseñada, guia y coreccion. Gendeh este ta refiri na abuso o maltratamiento.—Proverbio 4:1.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
