ISHOMO RYA 50
Ni enki ekiri kuretera eka kushemererwa?—Ekicweka ca 2
Abana ni ekiconco ekiri kuruga ahari Yehova. Akaha abazire omurimo g’okubafaho. Yehova naha abazire obuhabuzi oburi kubasa kubakwasa kufa aha bana babo. Nambwenu obwo buhabuzi nibubasa kukwasa abana kugira eki bakora kugira ngu eka ebemu okushemererwa.
1. Ni buha buhabuzi obu Yehova ari kuha abazire?
Yehova nayenda ngu abazire bakunde abana babo kandi bamare obwire na bo oku biri kubasika. Nambwenu Yehova nayenda ngu abazire barinde abana babo ebiri kubasa kubakora kubi bakoresize emisinge ya Bibuli. (Enfumu 1:8) Yehova nagambira abashija ngu: ‘Murere abana banyu nimubegeseza omuri Yehova.’ (Shoma omu Baefeso 6:4.) Yehova nashemererwa abazire ku bari kukuratiza obwo buhabuzi omu kurera abana babo batari kweyihaho obujunanizibwa bwabo ngu babuhe abandi.
2. Ni buha buhabuzi obu Yehova ari kuha abana?
Yehova, nashaba abana: ‘Korobera abazire babo.’ (Shoma omu Bakolosai 3:20.) Abana ku bari kuha ekitinisa abazire babo kandi bakaborobera, nikituma Yehova yashemererwa kandi kishemeza n’abazire babo. (Enfumu 23:22-25) Yesu akataho ecokureberaho kirungi obu yabire ari omwana. N’obu yabire ahikirire, akaba nayorobera abazire beye kandi abaha ekitinisa.—Luka 2:51, 52.
3. Ni bata oku ab’omu ka bari kubasa kuba banywani ba Ruhanga?
Waba ori omuzire, noba ori kwenda ngu abana bawe bakunde Yehova. Eco nobasa kukikora ota? Eco nobasa kukikora ori kuta omu nkora eki Bubuli eri kugamba eri kugira ngu: ‘Ogume oyezirike kwegesa [ekigambo ca Yehova] abana bawe, ogume obiganireho oshutami omu nju yawe ninga nogenda omu muhanda.’ (Eky’Ebiragiro 6:7) ‘Okwezirika kwegesa’ nikimanyisa kwegesa ori kugarukamu ebintu. Nk’oku ori kukimanya, noba oshemerire kuguma ori kugarukiramu abana bawe emirundi myingi kugira ngu bagume bari kubyijuka. Eki cahandikirwe nicereka ku oshemerire kutaho obwire burijo bw’okuguma ori kuganira n’abana bawe ahari Yehova. Nikirungi kutaho obwire buri sande mukega Bibuli hamwe nk’eka. N’obu mwakuba mutine abana, mwataho obwire bw’okweyegesa Ekigambo ca Ruhanga buri sande nikija kubagasira.
YEGA BYINGI
Shwijuma obuhabuzi oburi kutuma ab’omu ka bona bahurira bine oburinzi kandi bashemerirwe.
4. Yegesa abana bawe oyine rukundo
Kwegesa omwana nikibasa kukugumira. Ni bata oku Bibuli eri kubasa kukukwasa kukikora? Shoma omuri Yakobo 1:19, 20, rero muganire ahari ebi bibuzo:
-
Ni bata oku abazire bari kubasa kwereka ku nibakunda abana babo baba bari kuganira na bo?
-
Ahabw’enki omuzire atashemerire kuhana omwana weye yaba acayine ekiniga? *
5. Gumizamu kurinda abana bawe
Kugira ngu orinde abana bawe, ni kirungi ngu oganire na buri mwana aha by’ebisina. Nobasa kuhurira eco kigumire. Zana VIDIYO, rero muganire ahari ebi bibuzo.
-
Ahabw’enki kiri kugumira abazire kuganira n’abana babo aha by’ebisina?
-
Ni buha buryo obu abazire bamwe baganirire n’abana babo aha by’ebisina?
Nk’oku cahanwirwe, ensi ya Sitaane negenda eri kukizaho kuba mbi. Shoma omuri 2 Timoseo 3:1, 13, rero muganire ahari eki kibuzo:
-
Bamwe omu bantu babi abari kugambwa omu runyiriri rwa 13 nibashambanisa abana. Mbwenu shi, ahabw’enki abazire bashemerire kwegesa abana babo aha bikwatirine n’ebisina n’oku bari kubasa kwerinda abari kubasa kubashambanisa?
Waba nokimanya?
Abahamya ba Yehova bine ebikoreso byingi ebiri kukwasa abazire kwegesa abana babo ebikwatirine n’ebisina n’okwerinda abari kubasa kubashisha. Bimwe omuri ebyo ni ebi:
-
Yegera aha Mwegesa mukuru, ekicweka ca 10 n’eca 32
-
“Yegesa omwana wawe ebiri kukwata aha by’ebisina” (Musisimuke! No. 5 2016)
6. Ha abazire bawe ekitinisa
Abana nibabasa kwereka ku nibaha ekitinisa abazire babo omu muringo ogu bari kuganira na bo. Zana VIDIYO, rero muganire ahari ebi bibuzo.
-
Ahabw’enki kiri ec’omugasho abana kuganira n’abazire babo omu muringo gw’ekitinisa?
-
Ni bata oku abana bari kubasa kuganira n’abazire babo omu muringo oguri kwereka ku nibabaha ekitinisa?
Shoma omu Nfumu 1:8, rero muganire ahari eki kibuzo:
-
Ni enki eki omwana ashemerire kukora abazire beye bamuha obuhabuzi?
7. Mwege hamwe Bibuli nk’eka
Amaka g’Abahamya ba Yehova nigataho obwire obutari kuhinduka buri sande bw’okwegera hamwe Bibuli nk’eka. Ni enki eki bari kubasa kukora baba bari kwega Bibuli? Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ni enki ecakwasize ab’omu ka kweteraho entebekanisa y’okuramya kw’eka?
-
Ni enki eki omuzire ari kubasa kukora kugira ngu okuramya kw’eka kunurire buri omwe ori omu ka?—Reba ekishushani ekiri aha mutwe gw’eri ishomo.
-
Ni enki ekiri kubasa kutuma kwegera Bibuli hamwe nk’eka cabagumira?
Omuri Isirayeli ya kare, Yehova akaba nayenda ngu amaka gagume gaganire aha Byahandikirwe. Shoma omu Ky’Ebiragiro 6:6, 7, rero muganire ahari eki kibuzo:
-
Ni bata oku ori kubasa kuta omu nkora ogu musinge?
Ebi muri kubasa kukora omu kuramya kw’eka:
-
Kutebekanisa enterane.
-
Kushoma Bibuli n’okuganira aha nkuru z’omuri Bibuli eziri kubashemeza.
-
Waba oyine abana bato, yiha aha rubuga rwa jw.org ebi bari kubasa kukora ninga obicape.
-
Waba oyine abana b’eminyeto, muganire aha bicweka by’eminyeto ebiri aha rubuga rwa jw.org.
-
Muzane enkuru z’omuri Bibuli n’abana banyu.
-
Murebe za vidiyo z’aha rubuga rwa jw.org kandi muziganireho.
ABANTU ABAMWE NIBAGAMBA NGU: “Titukabona obwire bw’okwegesa abana Bibuli.”
-
Iwe nokigambaho enki?
EMPINYE
Yehova nayenda ngu abazire bakunde abana babo, babegese kandi babarinde. Nayenda ngu abana bahe abazire babo ekitinisa kandi baborobere. Nayenda ngu ab’omu ka begere hamwe Bibuli.
Wayega ki?
-
Ni bata oku abazire bari kubasa kwegesa abana babo kandi bakabarinda?
-
Ni bata oku abana bari kubasa kwereka ku nibaha abazire babo ekitinisa?
-
Ni guha mugasho g’okutaho obwire bw’okwegera Bibuli hamwe nk’eka buri sande?
CONDOZA
Ni biha bintu ebi ori kubasa kwegesa omwana wawe kugira ngu byije kumukwasa yamara kukura?
“Ebintu mukaga ebi abana bashemerire kwega” (Musisimuke! No. 2 2019)
Reba obuhabuzi obu Bibuli eri kuha abari kureberera abazire abakuzire.
Reba oku omushija owabire atari kumanya kureberera abana yabire omuzire murungi.
Yetegereze oku abazire bari kubasa kugumya obunywani obu bine n’abana babo.
^ Omuri Bibuli, “okuhana” nikimanyisa okwegesa omwana, kumuha obuhabuzi n’okumukwasa kuhindura emitwarize ninga emitekatecere yeye mibi. Tikiri kumanyisa kumukorera ebintu bibi.—Enfumu 4:1.
