LECCION 50
Igi nabir babgan na mimmiganbo yeer iddodi gusmalale
Jehova, dulemarga mimmigan ugmaidid. Degsoggu abeged, babgan nueggwa na mimmigan aggwedi gumalad, aagala babganga binsaed nuegan dagmaid. Jehova, mimmiganga binsaed nuegan dagmabalid, nabir negyaggi yeer iddodi gumalaga.
1. ¿Jehova igi babganga sogmai?
Jehova abeged, babgana, nangana, na mimmigan sabgumalad, na mimmiganbo ibmar imagmalad. Jehova abebalid, babgan nueggwa na mimmigan aggwemalad, nueggwa e igargi mimmigan odurdagmarbalid (Proverbios 1:8). Aagala, Bibliagi mimmigan nigmaladga weyob soglenaid: ‘Jehova igar nuegangi na mimmigan unadi imagmalo’ (Efesios 6:4 absogo). Jehova yeer dagdaed, babgan na e sunnad Jehova igargi e mimmigan odurdagmalar, dule baid Jehova igargi e mimmigan odurdaggega imagsurmalar.
2. ¿Jehova igi mimmiganga sogmai?
Jehova mimmiganga sogmaid: “Be babganba bela be ibsamalo” (Colosenses 3:20 absogo). Mimmigan e sergan sogedba ibmar imagdamalale, e sergan yeer iddodamalad, Jehova yeer iddomadamogad (Proverbios 23:22-25). Ebbenne Jesus bibbigwaun e serganba ibmar imagdi gusmogad, edi dule nued gusa inigwale, binsassulid, an sergandi isgued nigmarsoggu, an eba igar imaggosurye, ibigwensur na e sergan imagdi gussulid (Lucas 2:51, 52).
3. Bela neguyagi Jehova ai nuedga gumalagala, ¿ibu imagged abelemala?
Be, mimmigan niggale, be abemogar gebed beyobi be mimmigan Jehova sogedba igar imagdi gumarmogad. Degiile, weyob Bibliagi soglenaidba be igar imagger gebed: “We gayaburbamar, be mimmigangala, be gannar gannar sogdii nanamalo. Be neggi be gudiile, igarba be gudiile” (Deuteronomio 6:7). Gannar gannar mimmiganga ibmar soged nue abeleged, ar be wisid, mimmigandi gadi ibmar iedaed. Degsoggu, bane bane be wassi amimogar gebed, Jehova igargi be mimmiganbo sunmaggega. Iddoged irba be wassi amibaloed, be gwenagan buraggwa Biblia durdagbaliga. Mimmigan saddemalad amba wassi amiged abelemarmogad, iddoged irba Biblia durdagmarmogaga.
NUEGGWA WE IBMAR DURDAGMARGOLO
Wegine be durdaggoed, mimmigan nigmalad ibu imaged abelemala nabir na mimmiganbo yeer iddodi gumalaga.
4. Mer urwedgi na mimmiganga ibmar sogdao
Mimmigan unaed ibigwensursulid. ¿Bibliagi ibmar soglenaid nabir be bendasardibe? Santiago 1:19, 20 absomalo, we ibmargi sunmagmarbalo:
-
Babgan na mimmiganga ibmar soggarmalale, ¿igi mag daglesale nue na mimmigan sabmala?
-
¿Ibigala babgan sae iddodiidgi mimmiganga ibmar soger nuedsuli? a
5. Nueggwa na mimmigan aggwemalo
Mer dulemar be mimmigan abgangi dodomalagala, nueggwa we ibmargi be mimmiganbo be sunmagged abeleged. Abar binge we ibmargi mimmiganbo sunmagdamalad. VIDEO dagmalo, we ibmargi sunmagmarbalo:
-
¿Ibigala abar dulemar binge na e mimmiganga abgan igargi sunmagdamala?
-
¿Abar babgan ibu imasdamala, nabir na e mimmiganbo we igargi sunmaggega?
Bibliagi soglenaiyobi, Nia bela beladse neg oissos gunaid. 2 Timoteo 3:1, 13 absomalo, we ibmargi sunmagmarbalo:
-
Versiculo 13 gi dulemar isganagangi sunmaglenaid, abar aa dulemar gadi burwigan abgangi dodomalad. Degsoggu, ¿ibigala babgan, abgan igargi nueggwa na e mimmigan odurdagged abelemala? ¿Ibu babgan nabir imasmarbalile e mimmigan mer dulemar isganaganse yardaglemalaga?
¿Be wisina?
Jehova sordagan buggidar gardamar onimamaid, videomala, babgan, abgan igargi na e mimmigan odurdagmalaga. We ibmarmar:
-
“Igi be nabir be mimmibo abgan igargi sunmasale” (¡Despertad!, num. 5, 2016 gad)
6. Mimmigan, mer ibigwensur na sergan imagmalo
Mimmigan e serganbo sunmaggalir ibigwensur na e sergan imagged abelesulid. VIDEO dagmalo, we ibmargi sunmagmarbalo:
-
¿Ibigala mimmigan ibigwensur na e sergan imagged abelesuli?
-
¿Ibu nabir mimmigan imasmalale, nuedgi na e serganbo sunmaggega?
Proverbios 1:8 absomalo, we ibmargi sunmagmarbalo:
-
¿Mimmigan igi daed abelege, e babdibe, e nandibe, ega ibmar soggalir?
7. Na gwenagan buraggwa Jehova igar durdagmalo
Jehova sordagan iddoged irba wassi amimalad, gwenagan buraggwa Jehova igar durdagmalaga. ¿Ibu durdasdamala? VIDEO dagmalo, we ibmargi sunmagmarbalo:
-
Iddoged irba mer gwenagan buraggwa Bab igar durdaglesur guegala, ¿ibu imagged abelege?
-
¿Ibu nabir babgan imasmalale, Bab igar durdaggarmalar nabir yeer iddobuggwa gumalaga? (We leccion gebbe nodedgi foto naid daggo).
-
¿Begala beedse gualirdibe, be gwenagan buraggwa be Bab igar durdagmogaga? ¿Ibigala deyob be binsae?
Ebbenne Jehova abesad, israelitamar na e mimmiganga Bab igargi sunmagmalad. Deuteronomio 6:6, 7 absomalo, we ibmargi sunmagmarbalo:
-
¿Igi be nabir Deuteronomiogi ibmar soglenaidba igar imasmogale?
Nabir bemar we ibmar imasaled:
-
Igar iddogedgi ibmar durdaglegoed, buraggwa durdagmalad.
-
Nabir bemar Bibliagi ibmar soggwen absobalid.
-
Mimmigan anba burwigwale, jw.org gi ibmar nanaid ega descargar saed, imprimir saodibe.
-
Bad yagbamalardina, jw.org gi nusganaganga ibmar soglenaid be amigoed.
-
Bibliagi ibmar soglenanaid barwisomalodibe.
-
Jw.org gi videomar nanaid dagmalodibe.
ABAR SOGDAMALAD: “Bibliadi mimmigangadsulid”.
-
¿Igi bedi sogmoga?
WE IGARGI SUNMAGLESAD
Jehova abemaid, babgan na mimmigan sabgumalad, babgan na mimmigan unaed, babgan nueggwa na mimmigan aggwemarbalid. Abebalid, mimmigan e serganba igar saed. Negyaggi buraggwa eg arbadi gumalad abebalid.
Ibu be durdasa
-
¿Babgan ibu nabir imasmalale, nuedgi na mimmigan unamalaga, geb nueggwa na mimmigan aggwemarbaliga?
-
¿Igi mag daglesale, mimmigan na ibigwensur e sergan imagsurmala?
-
¿Ibigala iddoged irba gwenagan buraggwa Bab igar durdagged nue abelege?
NABIR BE WE IBMAR DURDASBALILED
¿Ibu ibmargi nabir be na mimmigan odurdasale?
“Mimmigan nue we ibmar durdagged abeleged” (¡Despertad!, num. 2, 2019 gad)
Sergan aggwedimaladga wegine binsaed nuegan daglenaid.
“¿Bab Dummad sogmadibe, be babgan sered gusar be aggoye?” (We garda jw.org gi nosad)
Wegine soglenaid, igi dule wargwen nabir na nueggwa mimmigan odungusa.
Jehova, anmar odurdasad, anmar na mimmigan odurdagmogaga (5:58)
Wegine soglenaid, igi babgan nabir na mimmiganbo yeer iddodi gusale.
“¿Ibu babgan imagger gebe, na mimmigan ai nuedga gumalaga?” (La Atalaya, noviembre 1, 2011 gad)
a Bibliagi emar unaedgi sunmaglenaile, emar bendaggedgi sunmaglenadaed, emarga igar nudaggedgi, sabsur emar imaggedgi sunmaglenasurdaed (Proverbios 4:1).
