PIÖÖC 50
Ye Këdï Lëu Bïï Kɔc ë Pandu Piɔ̈ɔ̈th Miɛt?—Baŋ 2
Mïth aa miɔ̈c tënë Yekoba. Akɔɔr kɔc ke dhiëth mïth bïk nyiin aa tïït ye miɔ̈c kënë. Yekoba acï wëët piɛth yiën kɔc ke dhiëth mïth bï ke kuɔny bïk ë kënë looi. Wëëtde aya alëu bï mïth kuɔny bï naŋ kë konykë ë ciɛɛŋ ë baai yic.
1. Ye wëët ŋö ye Yekoba yiën kɔc ke dhiëth mïth?
Aye Yekoba ŋɔ̈ɔ̈th bï kɔc ke dhiëth mïth mïthken ya nhiaar ku yekë dhaman nɔ̈k ke keek. Ku awïc kɔc ke dhiëth mïth aya bïk keek ya gël ë kärɛc yiic ku yekë lööŋke Baibol kɔc ë kuɔny ë pïïric luöi bïï keek ke piɔ̈ɔ̈c. (Kɛ̈ŋ 1:8) Aye lɛ̈k wärken ë mïth: ‘Wek wärken ë mïth . . . yakë mïthkun muk ë wëët ë Bɛ̈nydït [Yekoba] yic.’ (Epethiei 6:4) Yekoba ee puɔ̈u miɛt tɛ̈ ye wärken ë mïth mïthken bɛ̈i nhial ku cïkkë keek yiën kɔc kɔ̈k bïk ke bɛ̈i nhial.
2. Ye wëët ŋö ye Yekoba yiën mïth?
Yekoba ee mïth wɛ̈ɛ̈t: “Wek mïth, yak ka ke kɔc ë dhiëëth week piŋ ë këriëëcic ëbɛ̈n.” (Kuen Kolothai 3:20) Tɛ̈ ye mïth kɔc ke dhiëth keek theek, ka Yekoba ku kɔc ke dhiëth keek miɛɛt piɔ̈ɔ̈th. (Kɛ̈ŋ 23:22-25) Yecu acï kueer piɛth nyuɔɔth wäär ye yen meth. Cɔk anɔn ë cïn en kë dak ye guɔ̈p, ke cï ŋot ke theek kɔc ke dhiëth en nɔŋ kë dak ke gup.—Luk 2:51, 52.
3. Ye këdï lëu bïï week röt thiäk Nhialic ke we ye kɔc baai?
Na nɔŋ nɔm mïth, ke cïn dak ë puɔ̈u yïn ë mïthku wïc bïk Yekoba ya nhiaar cït man nhiɛɛr yïn yen. Ye këdï lëu bïï yïn kënë looi? Ee kueer bïï yïn këye Baibol lueel looi: “Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.” (Nyöŋ de Löŋic 6:7) Ba wël “tääu ke piɔ̈ɔ̈th” ee wɛ̈t bïï raan ye ya beeric ë kë gäkic. Kën rot dac looi, aŋic nɔn dhil yïn käŋ ya bɛ̈ɛ̈riic mïthku bïk keek jäl aa muk ë ke nïïm. Cöök ë Baibol aye nyuɔɔth nɔn dhil yïn rot ya guiir ba ya jam ke mïthku ë thaathok ëbën alɔŋ de Yekoba. Ee këpiɛth apɛi bäk dhaman ya bɛ̈ibei ë yithbuɔ yic ke we ye kɔc baai bïï week duɔ̈ɔ̈r ë thëi baai ya looi. Na ciënkë nïïm mïth, ke week ŋot ke we bï këpiɛth yök tɛ̈ ye week dhaman bɛ̈ibei ë yithbuɔ yic bïï week Baibol ya kueen ëtök.
YÄP DÏT
Tïŋ kë lëu bï miɛt ë piɔ̈ndun juakic bï pïïrdun baai cɔl adik.
4. Ye mïthku piɔ̈ɔ̈c ke yï nɔŋ nhiëër
Piööc ë meth ee kërilic apɛi. Ye këdï lëu bïï Baibol yï kuɔny? Kuen Jakop 1:19, 20, ku jälkë thiëc kä jäämiic:
-
Ye këdï lëu bïï kɔc nɔŋ mïth nhiëër ya nyuɔɔth tɛ̈ jiɛɛm keek ke mïthken?
-
Ye wɛ̈tŋö cïï raan nɔŋ mïth mïthke bï ya wɛ̈ɛ̈t ke cï puɔ̈u riääk? a
5. Ye mïthku gël ë kërac
Ku bäk mïthkuön gël, ee kë thiekic bäk ya jam ke mïthkuön ë biäk tɔ̈c ë tik ke moc. Ku kënë alëu bï we cɔl ariöc thook bäk jam alɔŋ ee kënë. Puɔl ë BIDEO, ku jälkë thiëc bɔ̈ jäämiic.
-
Ye wɛ̈tŋö ee yen yic riɛl tënë kɔc ke dhiëth mïth bïk ya jam ke mïthken ë wɛ̈t ë tɔ̈c tik ke moc?
-
Ye kueer yïndï cïï kɔc kɔ̈k ke dhiëth mïth tɔ̈c tik ke moc ŋiɛc laaric tënë mïthken?
Cït man ɣɔn cïï ye lueel, pinynɔm ë Cetän ajä lɔ ke jɔ rɛ̈ɛ̈c apɛi. Kuen 2 Timotheo 3:1, 13, ku jälkë thiëc kënë jäämic:
-
Kɔc rɛɛc ë ke cï ke lueel ë cöök thiin kënë yic aa ke cï mïth yɔ̈ɔ̈k 13 bïk tɔ̈c ke keek. Ka yen, ye wɛ̈tŋö ee yen yic thiɛk bï kɔc ke dhiëth mïth ya jam ke mïthken ë biäk ë tɔ̈c tik ke moc?
Nadɛ̈ ŋic?
Ciëëtke Yekoba aacä awereek juëc gät bei lëu bïk kɔc ke dhiëth mïth kuɔny bïk mïthken aa piɔ̈ɔ̈c alɔŋ tɔ̈c tik ke moc ku gëlkë keek tënë kɔc lëu bï keek yɔŋ. Cït man, Tïŋ:
-
Gël Mïthku ë Kärɛc Yiic (Bideo)
-
“Piɔ̈ɔ̈cë Mïthku ë Biäk ë Tɔ̈c Tik ke Moc” (Awake! No. 5 2016)
6. Ye kɔc ke dhiëth yïn theek
Mïth kor ku mïth cï ŋuɛ̈ɛ̈n aa lëu bïk kɔc ke dhiëth keek ya theek ë kueer ye keek jiɛɛm thïn ke keek. Puɔl ë BIDEO, ku jälkë thiëc bɔ̈ jäämiic.
-
Ye wɛ̈tŋö piɛɛth yen bï raan koor ya jam ke kɔc ke dhiëth yen ë kueer athɛɛk?
-
Ye këdï lëu bïï raanthii ya jam ke kɔc ke dhiëth yen ë dhöl ye nyuɔɔth nɔn ye yen ke thieekiic?
Kuen Kɛ̈ŋ 1:8, ku jälkë thiëc kënë jäämic:
-
Ye këdï lëu bïï raanthii ye ya dhuknɔm tɛ̈ cïï kɔc ke dhiëth en ye cɔ̈k nɔm piny?
7. Yakë Yekoba door ke we ye kɔc baai
Bɛ̈ɛ̈i ë kɔc ë Ciëëtke Yekoba aa dhaman bɛ̈ibei ë yithbuɔ yic bïï keek Yekoba ya door ëtök. Ye duɔ̈ɔ̈r ë thëi kënë looi këdï? Puɔl ë BIDEO, ku jälkë thiëc bɔ̈ jäämiic.
-
Ye këdï lëu bïï kɔc baai nïïm nɛŋ duɔ̈ɔ̈r ë thëi ë köölthok ëbën?
-
Yeŋö lëu bïï kɔc ke dhiëth mïth looi bïk duɔ̈ɔ̈rden ë thëi baai cɔl adik ku ye ke miɛɛt piɔ̈ɔ̈th?—Tïŋ thura ë jɔ̈k ë cöök ee Piööc kënë yic.
-
Yeŋö lëu bï ye cɔl arilic tënë week bäk Baibol ya kueen ëtök?
Ë dhaman thɛɛr ë kɔcke Yithrɛɛl, Yekoba ee kɔc baai ŋɔ̈ɔ̈th bïk ya jam ë köölthok ëbën ë cök ke Baibol. Kuen Nyöŋ de Löŋic 6:6, 7, ku jälkë thiëc kënë jäämic:
-
Ye këdï lëu bïï yïn löŋ ë kɔc kuɔny ë pïïric kënë luööi ë duɔ̈ɔ̈rdun baai yic?
Käk kɔc kuɔny ë duɔ̈ɔ̈r ë thëi baai yic:
-
Yakë röt guiir amɛtmɛɛt akutnɔm.
-
Yakë cöök töŋ ë Baibol lëu bïï kɔcke panduön nhiaar kueen ku jälkë jäämic.
-
Na naŋkë nïïm mïth kor, ke we jatkë awereek piny ku wälkë ke bei wën jam ë biäk ë mïth ë kueer dan ë jw.org.
-
Na nɔŋ mïth cï ŋuɛ̈ɛ̈n, ke we jäämkë awereek yiic ë jam alɔŋ mïth cï ŋuɛ̈ɛ̈n ë kueer dan ë jw.org.
-
Kiɛ̈ɛ̈tkë anyiköl ë Baibol we mïthku.
AYE KƆC KƆ̈K LUEEL: “Baibol arilic apɛi bïï mïth deetic.”
-
Yeŋö lëu ba lueel?
JAM CIEKIC
Yekoba awïc kɔc ke dhiëth mïth bïk mïthken ya nhiaar, piɔ̈ɔ̈ckë keek, ku gëlkë keek kärɛc yiic; ku bï mïth kɔc ke dhiëth keek ya piiŋ thook ku thekkë keek; ku ye kɔc baai door ëtök.
Bëër Yic
-
Ye këdï lëu bïï kɔc ke dhiëth mïth mïthken piɔ̈ɔ̈c ku gëlkë keek kärɛc yiic?
-
Ye këdï lëu bïï mïth kɔc ke dhiëth keek ya thieekic?
-
Ye käpiɛɛth ŋö ye bɛ̈nbei thïn tɛ̈ ye kɔc baai dhaman bɛ̈ibei ë yithbuɔ yic bïï keek Yekoba ya door ëtök?
YƆ̈P WËL JUËC KƆ̈K
Ye piööc kou lëu bï mɛnhdu kuɔny bï rot guiir ke lɔ ë dïtic?
“Piööc Kadheteem Wïc Bïï Mïth ke Ŋic” (Awake! No. 2 2019)
Piɔ̈ɔ̈cë wëët piɛɛth ë Baibol ye gäm kɔc ë nyïïn tïït ë mïth.
“Yeŋö ye Baibol Lueel ë Biäk ë Kɔc Nyïïn Tïït ë Kɔc cï Dhiɔp?” (Awereŋ tɔ̈u ë Netic)
Tïŋ tɛ̈ cïï mony ë kuc muŋ ë mïth bɛ̈n tiɛ̈m bï ya wun ë mïth piɛth.
Yekoba Acï Ɣok Piɔ̈ɔ̈c tɛ̈ Bïï Ɣok Mïthkua ya Muɔ̈k Thïn (5:58)
Tïŋ tɛ̈ lëu bïï wärken ë mïth mänhden cɔl aril ke mïthken.
