UKPEPN̄KPỌ 50
Nso Idinam Ufọk Mbufo Enem?
Nditọ ẹdi enọ Abasi. Jehovah Abasi oyom mme ete ye eka ẹkama nditọ mmọ ọfọn. Enye etịn̄ nte mmọ ẹdinamde oro. Item esie onyụn̄ ekeme n̄ko ndin̄wam nditọ ẹsinam ufọk mmọ enen̄ede enem.
1. Ewe item ke Jehovah ọnọ mme ete ye eka?
Jehovah oyom mme ete ye eka ẹma nditọ mmọ ẹnyụn̄ ẹsinen̄ede ẹnyene ini ẹnọ mmọ. Enye ọdọhọ yak mme ete ye eka ẹkpeme nditọ mmọ man mme owo idinam nditọ mmọ n̄kpọ. Enye oyom mmọ ẹsida se idọn̄ọde ke Bible ẹkpep nditọ mmọ n̄kpọ n̄ko. (Mme N̄ke 1:8) Bible ọdọhọ mme ete, ete: “Ẹkama [nditọ mbufo] ke ntụnọ ye ke item Jehovah.” (Kot Ephesus 6:4.) Esinem Jehovah mme ete ye eka ẹma ẹkama nditọ mmọ nte enye ọdọhọde, utu ke ndimen nditọ mmọ nsọk mbon en̄wen ẹkama.
2. Ewe item ke Jehovah ọnọ nditọ?
Jehovah ọdọhọ nditọ ete: “Ẹkop uyo ẹnọ mme ete ye eka mbufo.” (Kot Colossae 3:20.) Esinem Jehovah tutu nditọ ẹma ẹkop uyo ẹnọ mme ete ye eka mmọ; mme ete ye eka mmọ ẹsinyụn̄ ẹnem esịt n̄ko. (Mme N̄ke 23:22-25) Ini Jesus ekedide eyenọwọn̄, enye ama enen̄ede owụt nte nditọ ẹkpesinamde n̄kpọ. Kpa ye oro enye ọkọfọnde ama, enye ama esikop uyo ete ye eka esie onyụn̄ okpono mmọ.—Luke 2:51, 52.
3. Nso ke ẹkpenam man kpukpru mbufo ke ubon mbufo ẹkpere Abasi?
Ekpedi edi ete m̀mê eka, imọdiọn̄ọ ke omoyom nditọ fo ẹnen̄ede ẹma Jehovah. Edinam didie yak mmọ ẹma enye? Bible ọdọhọ ete: “Afo onyụn̄ enyene ndidọdiọn̄ n̄kpep eyen fo mme ikọ [Jehovah] emi nnyụn̄ ntịn̄ mban̄a mmọ ke ini afo etiede ke ufọk fo ye ke ini afo asan̄ade ke usụn̄.” (Deuteronomy 6:7) Ikọ oro “ndidọdiọn̄ n̄kpep” ọwọrọ ndikpep owo n̄kpọ mfiak n̄kpep, ediwak ini. Imenịm ke ọmọdiọn̄ọ ke esiyom ẹtịn̄ n̄kpọ kiet ẹfiak ẹtịn̄ ediwak ini man nditọwọn̄ ẹkeme nditi. Ọwọrọ itie Bible oro ọdọhọ yak afo esima ndiyom ini ntie ye nditọ fo nneme n̄kpọ mban̄a Jehovah. Ọfọn ẹnyene ini ke urua emi ẹsida ẹtie ntre nte ubon ẹkpep Ikọ Abasi. Ekpededi unyeneke eyen, edisụk idadia ufọn ekpesisio ini enịm ke urua ekpep Ikọ Abasi.
SỊN IDEM KPEP
Se nsio nsio n̄kpọ emi afo ekemede ndinam man ubon mbufo enem, mbufo ẹnyụn̄ ẹdiana kiet.
4. Kûsukpep nditọ fo n̄kpọ ikọ ikọ
Isimemke utom ndikpep nditọwọn̄ n̄kpọ. Edi Bible ekeme ndin̄wam fi. Kot James 1:19, 20, ekem ẹbọrọ mbụme emi ẹnyụn̄ ẹneme ẹban̄a mmọ:
-
Nso ke mme ete ye eka ẹkpenam man ẹwụt nditọ mmọ ke ini ẹtịn̄de ikọ ye mmọ ke imama mmọ?
-
Ntak emi mîsifọnke ete m̀mê eka otụnọ eyen ke iyatesịt? a
5. Kpeme nditọ fo
Edieke mûyomke owo asabade eyen fo, ọfọn ekpep eyen fo kiet kiet n̄kpọ aban̄a idan̄. Imọdiọn̄ọ ke ekeme ndisọn̄ ndineme utọ n̄kpọ oro ye eyen fo. Se VIDIO emi, ekem ẹbọrọ mbụme emi ẹnyụn̄ ẹneme ẹban̄a mmọ.
-
Nso isinam ọsọn̄ ndusụk mme ete ye eka nditịn̄ n̄kpọ mban̄a idan̄ ye nditọ mmọ?
-
Ndusụk mme ete ye eka ẹsinam didie ẹtịn̄ n̄kpọ ẹban̄a idan̄ ye nditọ mmọ?
Edi eyo esiere ererimbot Satan emi ọdiọk akan akpa—Ikọ Abasi ama etetịn̄ ke edidi ntre. Kot 2 Timothy 3:1, 13, ekem ẹbọrọ mbụme emi ẹnyụn̄ ẹneme ẹban̄a enye:
-
Ndusụk mme owo emi Bible okotde mme idiọkowo ke ufan̄ikọ 13 ẹsisabade nditọwọn̄. Nso iwụt ke ọfọn mme ete ye eka ẹkpep nditọ mmọ n̄kpọ ẹban̄a idan̄, ẹnyụn̄ ẹkpeme mmọ man owo idisabade mmọ?
Ndi ọmọdiọn̄ọ?
Mme Ntiense Jehovah ẹsion̄o nsio nsio n̄kpọ emi ekemede ndin̄wam mme ete ye eka ẹkpep nditọ mmọ n̄kpọ ẹban̄a idan̄ ẹnyụn̄ ẹkpeme mmọ man owo idisabade mmọ. Ke uwụtn̄kpọ, mmọ ẹma ẹsio:
-
Kpeme Nditọ Fo (vidio)
-
“Ndikpep Eyen Fo Mban̄a Idan̄” (Ẹdemede! No. 5 2016)
6. Kpono ete ye eka fo
Nte nditọwọn̄ ye mme uyen ẹsitịn̄de ikọ ye mme ete ye eka mmọ esiwụt m̀mê mmọ ẹkpono mme ete ye eka mmọ m̀mê ikponoke. Se VIDIO emi, ekem ẹbọrọ mbụme oro ẹtienede ẹnyụn̄ ẹneme ẹban̄a mmọ.
-
Ntak emi ọfọnde nditọ ẹsitịn̄ ikọ ukpono ukpono ye mme ete ye eka mmọ?
-
Eyen ekpetịn̄ ikọ didie ye ete ye eka man owụt ke imokpono mmọ?
Kot Mme N̄ke 1:8, ekem ẹbọrọ mbụme emi ẹnyụn̄ ẹneme ẹban̄a enye:
-
Nditọwọn̄ ye mme uyen ẹkpesinam n̄kpọ didie mme ete ye eka ẹma ẹdọhọ mmọ se ẹkpenamde?
7. Ẹsitie kiet nte ubon ẹkpono Jehovah
Ubon Mme Ntiense Jehovah ẹsisio ini kpukpru urua ẹda ẹtie ntre ẹkpono Abasi. Nso ye nso ke ẹkeme ndinam ke utọ ini oro? Se VIDIO emi, ekem ẹbọrọ mbụme emi ẹnyụn̄ ẹneme ẹban̄a mmọ.
-
Nso idinam ubon ẹsinyene ini ẹnịm Utuakibuot Ubon?
-
Nso ke ete m̀mê eka ekeme ndinam man esinenem ubon mmọ nditie ntre n̄kpono Abasi?—Se ndise ke ntọn̄ọ ukpepn̄kpọ emi.
-
Ekere ke nso ikeme ndinam ọsọn̄ ubon mbufo ndisitie ntre n̄kpep Ikọ Abasi?
Ke eset, Jehovah ama ọdọhọ mme ubon ke Israel ete ẹsitie kiet ẹkpep Ikọ Abasi. Kot Deuteronomy 6:6, 7, ekem ẹbọrọ mbụme emi ẹnyụn̄ ẹneme ẹban̄a enye:
-
Didie ke afo ekeme ndinam se Bible etịn̄de emi?
Se ẹkemede ndinam ke utuakibuot ubon:
-
Ẹmekeme nditịm idem nnọ mbono esop.
-
Ẹmekeme ndikot nnyụn̄ nneme mbụk Bible oro ẹmade.
-
Ekpedi emenyene n̄kpri nditọ, ka jw.org kosio m̀mê kemịn̄ se ẹkpedade ẹkpep nditọwọn̄ n̄kpọ.
-
Ekpenyene nditọ emi ẹdide uyen, kosio ibuotikọ aban̄ade mme uyen ke jw.org ẹneme.
-
Da mbụk Bible nam drama ye nditọ fo.
-
Ẹse ẹnyụn̄ ẹneme vidio emi ẹsịnde ke jw.org.
NDUSỤK OWO ẸSIDỌHỌ ẸTE: “Nnyeneke ini se n̄kpep nditọ mi Bible.”
-
Nso ke ọkpọbọrọ utọ owo oro?
SE IKPEPDE
Jehovah oyom mme ete ye ẹka ẹma nditọ mmọ, ẹkpep mmọ n̄kpọ, ẹnyụn̄ ẹkpeme mmọ. Enye oyom nditọ ẹkpono ẹnyụn̄ ẹkop uyo ẹnọ mme ete ye eka mmọ, onyụn̄ oyom ubon ẹdiana kiet ẹkpono imọ.
Se M̀mê Emeti
-
Didie ke mme ete ye eka ẹkpekpep nditọ mmọ n̄kpọ ẹnyụn̄ ẹkpeme mmọ?
-
Nso ke nditọ ẹkpenam man ẹwụt ke imokpono mme ete ye eka mmimọ?
-
Nso ufọn ke ubon ẹdidia mmọ ẹkpesisio ini ke urua ẹtie ntre ẹkpep Ikọ Abasi?
KPEP N̄KPỌ EN̄WEN
Nso ke ekpekpep eyen fo man an̄wam enye, enye ama okpon owo?
“N̄kpọ Itiokiet Emi Ekpekpepde Nditọ Fo” (Ẹdemede! No. 2 2019)
Se item Bible emi ekemede ndin̄wam mbon oro ẹsede ẹban̄a mme ete ye eka mmọ.
“Nso ke Bible Etịn̄ Aban̄a Ndise Mban̄a Ete ye Eka Emi Ẹma Ẹkesọn̄?” (Odu ke jw.org)
Se se ikan̄wamde ete kiet emi mîkesidiọn̄ọke nte akpakamade nditọ esie.
Se se mme ete ẹkpenamde man nditọ mmọ irenowo ẹkpere mmọ.
“Nso ke Mme Ete Ẹkpenam man Ẹkpere Nditọiren Mmọ Idem?” (Enyọn̄-Ukpeme, November 1, 2011)
a Ke Bible, ikọ oro “ntụnọ” esiwak ndiwọrọ ndikpep owo n̄kpọ, nditeme owo se akpanamde, nnyụn̄ nnen̄ede owo. Isiwọrọke ndidiọk owo ukama m̀mê ndinam n̄kpọ ye enye ibak ibak.—Mme N̄ke 4:1.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
