LESSON 50
Akia afé nda bot dzoé é ne nying a mintak?(Ngab 2)
Bòn be ne éfaa ya sò abe Yéhova. Yéhova a yi na bebondé be nòng ndzug ai bò. Asu yi na be bò ésié té mbeng, Yéhova a ve bebondé melebega. A kat fe bòngò é dzom ba yeane bò asu yi na nda bot dzaba é nying a mintak.
1. Melebega mefé Yéhova a ve bebondé?
Yéhova a yi na bebondé be ding bòn baba, be lot fe abui abog ai bò. A yi fe na be tuene baala bòn baba, be belen fe ai ayegele ya Bibel asu yi na be nèè bò (Minkana 1:8). A dzo ai bésia na: “Ve mi yaligi [nèè] bò ai melebega, ai nyegelen Nti” (Langʼa Éfési 6:4). Yéhova a ne mintak éyòng bebondé ba tong melebega meté ai éyòng ba ve ki mot mfe mbege ya nèè bòn baba.
2. Melebega mefé Yéhova a ve bòngò?
Yéhova a dzo ai bòngò na: “Bòen bebondé bân mewog” (Langʼa Kolosi 3:20). É bòngò ba lugu bebondé baba be wogo fe bò, ba ve Yéhova ai bebondé baba mintak a nnem (Minkana 23:22-25). Yésus a nga ve mbembe mvulna éyòng a nga be mòngò. Tò nde a nga be tegè ai nsem, a nga be wogo bebondé boé, a lugu fe bò (Lukas 2:51, 52).
3. Akia afé o ne bò na nda bot dzoé é subu Zamba babi?
Nge o ne mbondé, wò yi fò na bòn boé be ding Yéhova ane wòmen. Akia afé o ne bò vòli? Bibel a dzo na: “Wò yi yegele biè [bibug bi Yéhova] bòn boé, a kòbò bò biè éyòng o toa a nda dzoé, ai éyòng wò wulu a zen” (Deutérònòm 6:7). A yegele a tilen na wò yeane bò yin o bâlen fe é mam wò yi na wò kalen bò. Yeme na, wò yeane kare bâlen bòngò dzom zing abui biyòng asu yi na be kare dò tsog. Éfus Bibel té ya tilen hm na, wò yeane dzeng mezen ya yegele bòn boé é mam ma bebe Yéhova mban. A ne mbeng na o dzeng abog sòndò ase, asu yi na o kare yègè Bibel ai nda bot dzoé, ngeki étam nge o bele ki bòngò.
TUENE FAG
Bi tam yen dzé mot ose ya nda bot a yeane bò asu yi na be tòbò a mintak ai évovoé été.
4. Vaa bòn boé ayegele éding été
A yegele mòngò wa kare ki bò ébugubu. Nde hm, akia afé Bibel a ne wò dzam vòli? Langʼa Yakòbus 1:19, 20 ai yalen minsili mi tsaa mi:
-
Akia afé bebondé be ne dzam lere na ba ding bòn baba éyòng ba lèè ai bò?
-
Asu dzé wò yeane ki ve mòn woé éndegele éyòng wò wog olun? a
5. Kalega bòn boé
Asu yi na o tuene kala bòn boé, a ne ai nfi abui na, o lèè ai mbòk ose ya abe bò adzo da bebe fam ai mininga. A ne été na dzam té a ne wò dzam ndegele. Bebege VIDÉO ai yalen minsili mi tsaa mi:
-
Asu dzé da ndegele bebondé bezing na be lèè ai bòn baba é mam ma bebe fam ai mininga?
-
Dzé bebondé bevòk be nga bò asu yi na be kui na be lèè ai bòn baba é mam ma bebe fam ai mininga?
Ane minkulen medzo ya Bibel mi nga béndé, émò Satan ya yi ke osu é bò abé abui. Langʼa 2 Timotéus 3:1, 13 ai yalen a nsili hi:
-
A tang bebé bebot ya éfus 13 ya dzo ai bò, bi ne lang é ba ba ndamen bòngò ai mvit mam bisok. Amu dzé é ne hm nfi na bebondé be lèè ai bòn baba é mam ma bebe fam ai mininga, be timigi fe bò akia be ne kamen ai bòbeben?
Ye o mbe yeme dò?
Beboala be Yéhova ba kuli abui bipkélé asu bebondé a bia vòli bò na be yem lèè ai bòn baba é mam ma bebe fam ai mininga, be yem fe bò kala a bebé bebot. Bivòk ya été bi:
6. Lugen bebondé bân
Bòngò ai binanga ba lere na ba lugu bebondé baba akia ya ba lèè ai bò. Bebege VIDÉO ai yalen minsili mi tsaa mi:
-
Nfi mbé énanga mot ya nòng éyòng a lèè ai bebondé boé ai ésémé ése?
-
Akia afé énanga mot é ne lere na ya lugu bebondé boé éyòng a lèè ai bò?
Langʼa Minkana 1:8 ai yalen a nsili hi:
-
Dzé énanga é ne bò éyòng bebondé boé ba ve nyè melebega mezing?
7. Kangʼeni Yéhova fufulu a nda bot
Menda mebot Beboala be Yéhova ma telé nguma abog sòndò ase asu ayègè ya nda bot. Ayègè té da fulen ai dzé? Bebege VIDÉO ai yalen minsili mi tsaa mi:
-
Dzé nda bot é ne dzam bò asu yi na be bò ayègè ya nda bot daba mban?
-
Dzé mbondé a ne dzam bò asu yi na ayègè ya nda bot dié a tòbò mbeng a bò fe ai nfi? (Bebege fora ya mekèè me ayègè).
-
Dzé é ne dzam ndegele na ayègè Bibel ya nda bot a bòben?
Yéhova a nga be yi na menda mebot ya ayòng Israel me lèè é mam me bebege Ébug dzié mban. Langʼa Deutérònòm 6:6, 7 ai yalen a nsili hi:
-
Akia afé o ne dzam tong é tin mvéndé nyi?
É mam bi ne bò ayègè ya nda bot:
-
Mi ne komezen bikoen fufulu.
-
Mi ne lang nlang ya Bibel a mot ose ya nda bot a ding ai a fas wa fufulu.
-
Nge o bele ban bòngò, o ne wari ésié ya bebe bòngò a jw.org.
-
Nge o bele binanga, o ne lèè ai bò fufulu nlangʼen o bebege binanga a jw.org.
-
A voé ane nlang Bibel zing o nga loren.
-
A bebe vidéo a jw.org ai a fas fufulu.
ABUI BOT DA DZO NA: “Bibel a ne ayié ya wog asu bòngò.”
-
Akia afé o ne yalen?
OBALBAS
Yéhova a yi na bebondé be ding, be yegele, be baala fe bòn baba, ai na bòngò be lugu bebondé baba be bò fe bò mewog. A yi fe na menda mebot me kang nyè fufulu.
Dzé bia baala
-
Akia afé bebondé be ne dzam yegele be baala fe bòn baba?
-
Akia afé bòngò be ne dzam semé bebondé baba?
-
Bemaa befé nda bot dzoé ya bi éyòng mia bò ayègè ya nda bot mban?
O NE FE BEBE
Akia afé o ne komesen mòn woé asu énying dzié éyòng a yi kui nya moro?
“Six valeurs à transmettre aux enfants” (Réveillez-vous! No. 2 2019)
Melebega ya Bibel me ne ai nfi asu é ba ba nòng ndzug ai mbondé a yomboya.
“Prendre soin de ses parents âgés: quʼen dit la Bible?” (Nlangʼen a jw.org)
Nlang é mot a nga be yeme ki akia ya a mbe dzam nèè bòn boé, ve a nga kèène tòbò mbembe ésia.
Akia ya ésia a ne dzam bi mbembe élat ai ndomen dzié.
“Comment un père peut-il rester proche de son fils?” (La Tour de Garde, 1er novembre 2011)
a A Bibel, “a ve mòngò éndegele” a tilen na a yegele, a tòngʼlò, ai a vòli nyè na a tséndé mbe fulu zing. Nala wa tilen ki na a tibili nyè (Minkana 4:1).
