LESONI 50
Ena Marau Vakacava Nomu Vuvale?—Wase 2
Era isolisoli i Jiova na gone, e namaka vei ira na itubutubu mera qaravi ira vinaka. Mera cakava qori, e vakarautaka o Jiova na ivakasala yaga. Ena vukei ira tale ga na gone mera cakava na ka me marau kina na vuvale.
1. Na ivakasala cava e solia o Jiova vei ira na itubutubu?
E namaka o Jiova vei ira na itubutubu mera lomani luvedra. Mera vakayagataka e levu nodra gauna vei ira. E vinakata tale ga mera taqomaki luvedra, mera vakavulici ira ena ivakavuvuli vakaivolatabu. (Vosa Vakaibalebale 1:8) E tukuna vei ira na tama: “Ni tuberi ira tiko ga [na luvemuni] ena . . . ivakasala i Jiova.” (Wilika Efeso 6:4.) E marau o Jiova nira muria na nona veidusimaki na itubutubu nira susugi luvedra, ra qai sega ni solia na itavi qori vua e dua tale.
2. Na cava na ivakasala i Jiova vei ira na gone?
E tukuna o Jiova vei ira na gone: “Ni talairawarawa vei ira na nomuni itubutubu.” (Wilika Kolosa 3:20.) Nira dokai ira nodra itubutubu na gone ra qai talairawarawa, ena marau o Jiova kei ira na itubutubu. (Vosa Vakaibalebale 23:22-25) E ivakaraitaki vinaka o Jisu ni se gone. Dina ni uasivi, e talairawarawa tiko ga qai dokai rau nona itubutubu.—Luke 2:51, 52.
3. Sala cava dou na volekata kina na Kalou vakavuvale?
Ke o dua na itubutubu o lomani Jiova, o na vinakata tale ga mera lomani Jiova na luvemu. O na cakava vakacava qori? O na muria na ka e tukuni ena iVolatabu: “Mo tugana [na vosa i Jiova] vei luvemu, mo dau tukuna ni o dabe ena nomu vale, ni o taubale e gaunisala.” (Vakarua 6:7) Na cava na ibalebale ni “tugana”? Qori nomu tukuna tiko ga na ka o vakavulica. Me vaka ga nomu dau vuki tukuna eso na ka vei ratou na luvemu me ratou kua ni guilecava. E vakabibitaki ena tikinivolatabu qo, mo qara e dua na gauna mo tukuni Jiova tiko ga vei ratou na luvemu. E vinaka mo dou lokuca e dua na gauna e veimacawa, mo dou sokalou kina vakavuvale. Ke o sega ni vakaluveni, ena yaga tale ga ke o vulica na Vosa ni Kalou ena veimacawa.
VAKEKELI
Dikeva eso na ka yaga dou rawa ni cakava vata vakavuvale, me dei qai marau kina na vuvale.
4. Me yavutaki ena loloma na nomu vakavulici luvemu
E sega ni rawarawa na nodra tuberi na gone. Ia ena veivuke vakacava na iVolatabu? Wilika Jemesa 1:19, 20, qai veivosakitaka na taro qo:
-
Era na vakaraitaka vakacava na itubutubu na loloma nira veivosaki kei luvedra?
-
Na cava mera kua ni vakavulici luvedra kina na itubutubu ena gauna era cudru tu kina? a
5. Taqomaki luvemu
Mera taqomaki na luvemu, e bibi mo veitalanoataka yadua kei ira na ka me baleta na veiyacovi. E sega ni rawarawa qori. Sarava na VIDIO, qai veivosakitaka na taro tarava.
-
Na cava e dredre kina vei ira na itubutubu mera veivosakitaka na veiyacovi kei luvedra?
-
Era vakamacalataka vakacava eso na itubutubu na ka me baleta na veiyacovi vei luvedra?
Me vaka e parofisaitaki, sa qai ca tiko ga na vuravura i Setani. Wilika 2 Timoci 3:1, 13, qai veivosakitaka na taro qo:
-
Eso vei ira na daucaka ca e tukuni tiko ena tikina e 13 era dau vaqaseni ira na gone. Na cava e bibi kina vei ira na itubutubu mera vakavulici luvedra me baleta na veiyacovi, kei na sala mera taqomaki ira kina vei ira na dauveivaqaseni?
O bau kila?
Era vakarautaka na iVakadinadina i Jiova e levu na ivukevuke mera vakavulici luvedra kina na itubutubu me baleta na veiyacovi kei na nodra taqomaki vei ira na dauveivaqaseni. Kena ivakaraitaki, raica:
-
Taqomaki Luvemu (vidio)
-
“Vakavulici Luvemu me Baleta na Veiyacovi” (Yadra! Nb. 5 2016)
6. Dokai rau nomu itubutubu
Era na dokai ira nodra itubutubu na gone kei ira na itabagone ena ivakarau ni nodra vosa. Sarava na VIDIO, qai veivosakitaka na taro tarava.
-
Na cava ena yaga kina vei ira na gone mera vosa ena veidokai vei ira nodra itubutubu?
-
Na cava me cakava e dua na gone me veidokai nona ivosavosa vua nona itubutubu?
Wilika Vosa Vakaibalebale 1:8, qai veivosakitaka na taro qo:
-
Na cava me cakava e dua na gone ni dusimaki koya nona itubutubu?
7. Dou sokaloutaki Jiova vakavuvale
Era lokuca na vuvale iVakadinadina i Jiova e dua na gauna e veimacawa mera sokalou vata kina. Na cava eso na ka e rawa ni caka ena gauna qori? Sarava na VIDIO, qai veivosakitaka na taro tarava.
-
Na cava me cakava na vuvale me wasoma kina na nodratou sokalou?
-
Na cava me cakava na itubutubu me yaga qai marautaki na sokalou vakavuvale?—Raica na imatai ni iyaloyalo ena lesoni qo.
-
Na cava e rawa ni vakadredretaka na nomudou sokalou vata?
E Isireli makawa, e namaka o Jiova vei ira na vuvale mera veivosakitaka wasoma na iVolatabu. Wilika Vakarua 6:6, 7, qai veivosakitaka na taro qo:
-
O na muria vakacava na tikinivolatabu qori?
Vakatutu ni sokalou vakavuvale:
-
Vakavakarau ena soqoni.
-
Wilika qai veivosakitaka e dua na italanoa vakaivolatabu ena yaga ena vuvale.
-
Ke o vakaluveni lalai, mo download se tabaka na ka mera cakava na gone ena jw.org.
-
Ke o vakaluveni itabagone, veivosakitaka eso na ulutaga me baleti ira na itabagone ena jw.org.
-
Dramataka e dua na italanoa vakaivolatabu kei ratou na luvemu.
-
Sarava qai veivosakitaka e dua na vidio ena jw.org.
KA ERA KAYA ESO: “Sa rui vereverea vei ira na gone na iVolatabu.”
-
Na cava o na kaya?
KA O VULICA
E vinakata o Jiova vei ira na itubutubu mera lomani luvedra, vakavulici ira qai taqomaki ira. O ira na gone mera dokai ira nodra itubutubu qai talairawarawa vei ira, mera sokalou tale ga vakavuvale.
Railesuvi
-
Era na vakavulici ira vakacava na gone na itubutubu qai taqomaki ira?
-
Era na vakaraitaka vakacava na gone nira rokovi ira na itubutubu?
-
E yaga vakacava ni tiko na gauna e veimacawa mera sokalou kina na vuvale?
IKURI
Na lesoni cava ena vukei luvemu nira tubu tiko?
Dikeva na ivakasala vakaivolatabu me baleta nodra qaravi na itabaqase.
“Cava na Rai ni iVolatabu ena Nodra Qaravi na iTubutubu iTabaqase?” (Ulutaga ena jw.org)
A sega ni kila e dua na tama na sala me tuberi ratou kina na luvena. Ia raica na ka e qai cakava me dua kina na tama vinaka.
Dikeva na sala mera veivolekati kina na tama kei luvedra tagane.
a Ena iVolatabu, na “veivakavulici” e dusia na veivakasalataki, veidusimaki, kei na veivakadodonutaki. Ena sega ni caka ena itovo kaukaua se veivakalolomataki.—Vosa Vakaibalebale 4:1.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
