NǓKPLƆNKPLƆN 50
Nɛ̌ Xwédo Towe ka Sixu Ðó Awǎjijɛ Gbɔn?: Akpáxwé 2
Vǐ lɛ nyí nǔnina ɖé sín Jehovah gɔ́n. É nɔ ɖó nukún ɖɔ mɛjitɔ́ lɛ ni kpé nukún dó nǔnina enɛ wu ganji. Jehovah sɔnǔ nú wěɖexámɛ e nǔnywɛ kpé lɛ é, bɔ ye sixu d’alɔ mɛjitɔ́ lɛ bɔ ye na wà mɔ̌. Wěɖexámɛ tɔn sixu d’alɔ vǐ lɛ lɔ, bɔ ye lɔ na d’alɔ bɔ xwédo ɔ na ɖó awǎjijɛ.
1. Wě tɛ Jehovah ka ɖè xá mɛjitɔ́ lɛ?
Jehovah ba ɖɔ mɛjitɔ́ lɛ ni yí wǎn nú vǐ yetɔn lɛ, bo nɔ zán hwenu sukpɔ́ xá ye, lee é nyɔ́ bló gbɔn é. É lɛ́ ba ɖɔ mɛjitɔ́ lɛ ni nɔ cyɔn alɔ vǐ yetɔn lɛ jí sín nǔ e na wà nǔ dó ye wu lɛ é sí, bo lɛ́ zán nǔgbododó Biblu tɔn lɛ dó kplɔ́n ye. (Nǔnywɛxó 1:8) É ɖɔ nú tɔ́ lɛ ɖɔ: “Mi hɛn [vǐ mitɔn lɛ] . . . bo na kplɔ́n ye lee Aklunɔ jló gbɔn é.” (Xà Efɛzinu lɛ 6:4.) Nú mɛjitɔ́ lɛ nɔ xwedó alixlɛ́mɛ Jehovah tɔn lɛ hwenu e ye ɖò vǐ yetɔn lɛ kplɔ́n wɛ é, bo ma nɔ jó azɔ̌ enɛ dó nú mɛ ɖevo ǎ ɔ, é nɔ víví n’i.
2. Wě tɛ Jehovah ka ɖè xá vǐ lɛ?
Jehovah kplɔ́n vǐ lɛ ɖɔ: “Mi setónú nú mɛjitɔ́ mitɔn lɛ.” (Xà Kolosinu lɛ 3:20.) Nú vǐ lɛ nɔ sí mɛjitɔ́ yetɔn lɛ bo nɔ setónú nú ye ɔ, enɛ nɔ zɔ́n bɔ xomɛ nɔ hun Jehovah kpo mɛjitɔ́ yetɔn lɛ kpo. (Nǔnywɛxó 23:22-25) Jezu sɔ́ kpɔ́ndéwú ɖagbe ɖé ɖ’ayǐ, hwenu e é ɖò vǔ é. Mɛ maɖóblɔ̌ wɛ é nyí có, é ka setónú nú mɛjitɔ́ tɔn lɛ bo lɛ́ sí ye.—Luki 2:51, 52.
3. Nɛ̌ xwédo mitɔn ka sixu sɛkpɔ́ Jehovah gbɔn?
Nú mɛjitɔ́ ɖé wɛ nú we ɔ, é ɖò wɛn ɖɔ a ba ɖɔ vǐ towe lɛ ni yí wǎn nú Jehovah ganji hwiɖɔhun. Nɛ̌ a ka sixu kpé enɛ wu gbɔn? Gbɔn nǔ elɔ e Biblu ɖɔ é wiwa gblamɛ: “A na kplɔ́n [xó Jehovah tɔn] vǐ towe lɛ. Ayijinjɔn wɛ a ɖè ɖò xwé towe gbè oo, ali jí wɛ a ɖè bo ɖò yiyi wɛ oo, ayimlɔmlɔ wɛ a ɖè oo, fɔ́n wɛ a fɔ́n oo, a na nɔ ɖò xó ɖɔ d’ewu wɛ.” (Sɛ́nflínmɛ 6:7) A sixu ko tuùn ɖɔ emi ɖó na nɔ vɔ́ nǔɖe ɖɔ nú vǐ emitɔn lɛ hwɛhwɛ, bonu ye na flín. Wemafɔ enɛ sín tinmɛ wɛ nyí ɖɔ, a ɖó na nɔ ba ali ɖěɖee nu a na nɔ ɖɔ xó dó Jehovah wu nú vǐ towe lɛ ɖè hwɛhwɛ lɛ é. Linlin ɖagbe ɖokpo wɛ nyí ɖɔ xwédo ɔ bǐ ni nɔ ba hwenu ɖò aklunɔzán gbla ɖokpo ɖokpo mɛ dó kplɔ́n Biblu ɖó kpɔ́. Nú a ma ɖó vǐ ǎ ɔ, hwenu biba ɖò aklunɔzán gbla ɖokpo ɖokpo mɛ dó kplɔ́n Xó Mawu tɔn na hɛn lè wá nú we.
BA DÒ NÚ NǓ D’EJI
Mǐ ni gbéjé wěɖexámɛ tawun tawun ɖěɖee na d’alɔ mɛ e ɖò xwédo ɔ mɛ lɛ é bǐ, bɔ ye na ɖó awǎjijɛ bo lɛ́ nɔ ayijayǐ mɛ lɛ é kpɔ́n.
4. Kplɔ́n vǐ towe lɛ kpo wanyiyi kpo
Vǐ kplɔnkplɔn sixu vɛwǔ. Nɛ̌ Biblu ka sixu d’alɔ we gbɔn? Xà Jaki 1:19, 20, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Nɛ̌ mɛjitɔ́ lɛ ka sixu ɖè wanyiyi xlɛ́ vǐ yetɔn lɛ, hwenu ye ɖò xó ɖɔ xá ye wɛ é gbɔn?
-
Etɛwu mɛjitɔ́ ɖé ma ka ɖó na gbɛ́ nǔ nú vǐ tɔn lɛ gbeɖé, hwenu e é ɖò xomɛsin jí é ǎ? a
5. Cyɔn alɔ vǐ towe lɛ jí
Bonu a na cyɔn alɔ vǐ towe lɛ jí ɔ, é ɖò taji tawun ɖɔ a ni ɖɔ xó xá ye mɛ ɖokpo ɖokpo dó mɛ̌, alǒ xóɖóxámɛ wu. Enɛ sixu vɛwǔ kpɛɖé. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Etɛwu é ka nɔ vɛwǔ nú mɛjitɔ́ ɖé lɛ bonu ye na ɖɔ xó nú vǐ yetɔn lɛ dó mɛ̌, alǒ xóɖóxámɛ wu?
-
Ali tɛ nu mɛjitɔ́ ɖé lɛ ka nɔ tinmɛ nǔ nú vǐ yetɔn lɛ dó mɛ̌ wu ɖè?
Lee è ko ɖɔ ɖ’ayǐ gbɔn é ɔ, gbɛ̀ Satáan tɔn fɔ́n bo ɖò gblegblé d’eji wɛ. Xà 2 Timɔtée 3:1, 13, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Mɛ nyanya e xó è ɖɔ ɖò wemafɔ 13gɔ́ ɔ mɛ lɛ é ɖé lɛ nɔ ɖóxó xá vǐ kpɛví lɛ. Enɛ wu ɔ, etɛwu é ka ɖò taji ɖɔ mɛjitɔ́ lɛ ni kplɔ́n nǔ vǐ yetɔn lɛ dó mɛ̌ wu, bo lɛ́ kplɔ́n nǔ ye dó lee yeɖesunɔ sixu nya xɛ ɖò yeɖée jí sín alǎnnúwatɔ́ mɔ̌hun lɛ sí gbɔn é wu?
A ka tuùn à?
Kúnnuɖetɔ́ Jehovah tɔn lɛ ko ɖè azɔ̌wanú gegě tɔ́n, bɔ ye nɔ d’alɔ mɛjitɔ́ lɛ bonu ye na kplɔ́n nǔ vǐ yetɔn lɛ dó mɛ̌ wu, bo lɛ́ cyɔn alɔ ye jí sín xó ɖó xá vǐ kpɛví lɛ sí. Ði kpɔ́ndéwú ɔ, kpɔ́n:
-
Cyɔn Alɔ Vǐ Towe lɛ Jí (video)
-
“Lee È Na Kplɔ́n Nǔ Vǐ Mɛtɔn Dó Mɛ̌ Wu Gbɔn É” (Réveillez-vous! No. 5 2016)
6. Nɔ sí mɛjitɔ́ towe lɛ
Vǐ lɛ kpo mɛ winnyawinnya lɛ kpo sixu nɔ ɖè sísí xlɛ́ mɛjitɔ́ yetɔn lɛ ɖò ali e nu ye nɔ ɖɔ xó nú ye ɖè é. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Etɛwu é ka ɖò taji ɖɔ mɛ winnyawinnya ɖé ni nɔ ɖɔ xó nú mɛjitɔ́ tɔn lɛ kpo sísí kpo?
-
Nɛ̌ mɛ winnyawinnya ɖé ka sixu ɖɔ xó nú mɛjitɔ́ tɔn lɛ ɖò ali e wlí yɛ̌yi é ɖé nu gbɔn?
Xà Nǔnywɛxó 1:8, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ mɛ winnyawinnya ɖé ka ɖó na wà nǔ gbɔn, hwenu e mɛjitɔ́ tɔn lɛ ɖò alixlɛ́mɛ lɛ na ɛ wɛ é?
7. Mi sɛn Jehovah ɖò xwédo mɛ
Xwédo Kúnnuɖetɔ́ Jehovah tɔn lɛ tɔn lɛ nɔ ba hwenu ɖò aklunɔzán gbla ɖokpo ɖokpo mɛ dó kplɔ́n Xó Mawu tɔn ɖó kpɔ́. Etɛ lɛ a ka sixu wà ɖò sinsɛn-bibló xwédo tɔn enɛ hwenu? Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Nɛ̌ xwédo ɖé ka sixu ɖó sinsɛn-biblo xwédo tɔn sín tuto gbesisɔ tɔn ɖé gbɔn?
-
Nɛ̌ mɛjitɔ́ ɖé ka sixu bló gbɔn bɔ sinsɛn-biblo xwédo tɔn ɔ na kplɔ́n nǔ mɛ bo lɛ́ víví?—Kpɔ́n fɔtóo e ɖò bǐbɛ̌mɛ nǔkplɔnkplɔn elɔ tɔn é.
-
Etɛ lɛ ka sixu zɔ́n bɔ é na vɛwǔ nú xwédo towe bɔ mi na kplɔ́n nǔ ɖó kpɔ́?
Ðò Izlayɛli hwexónu tɔn ɔ, Jehovah byɔ ɖò xwédo lɛ sí ɖɔ ye ni nɔ ɖɔ xó dó Mawuxówema ɔ jí ɖò gbesisɔmɛ. Xà Sɛ́nfínmɛ 6:6, 7, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ a ka sixu zán nǔgbododó enɛ gbɔn?
Wěɖexámɛ ɖé lɛ nú sinsɛn-biblo xwédo tɔn:
-
Mi nɔ sɔnǔ nú kplé agun tɔn lɛ.
-
Mi nɔ xà tan Biblu tɔn e xwédo ɔ na ɖu vivǐ tɔn é ɖé, bo nɔ ɖɔ xó ɖó kpɔ́ d’eji.
-
Nú mi ɖó vǐ kpɛví lɛ hǔn, mi yí alǒ zín azɔ̌zɔ́nmɛ lɛ nú yɔkpɔvu lɛ, ee ɖò jw.org jí é ɖé.
-
Nú mi ɖó vǐ e ɖò winnyawinnyaxwe mɛ lɛ é hǔn, mi ɖɔ xó xá ye dó xóta e kan mɛ winnyawinnya lɛ, bo ɖò jw.org jí lɛ é ɖé jí.
-
Mi kpo vǐ mitɔn lɛ kpo ni nɔ vlɛ́ mɛ e ɖò tan Biblu tɔn ɖé mɛ lɛ é.
-
Mi nɔ kpɔ́n video e ɖò jw.org jí é ɖé, bo nɔ ɖɔ xó ɖó kpɔ́ d’eji.
MƐÐÉ LƐ ÐƆ: “Biblu gɛ́dɛ́ dín, vǐ lɛ sixu mɔ nukúnnú jɛ mɛ ǎ.”
-
Etɛ hwɛ ka na ɖɔ nú mɛ mɔ̌hun?
ETƐ LƐ A KA KPLƆ́N?
Jehovah ba ɖɔ mɛjitɔ́ lɛ ni yí wǎn nú vǐ yetɔn lɛ, kplɔ́n ye bo lɛ́ cyɔn alɔ ye jí; é ba ɖɔ vǐ lɛ ni nɔ sí mɛjitɔ́ yetɔn lɛ bo nɔ setónú nú ye; é lɛ́ ba ɖɔ xwédo lɛ ni sɛn emi ɖó kpɔ́.
Vɔ̌gbɔnji
-
Nɛ̌ mɛjitɔ́ lɛ ka sixu kplɔ́n vǐ yetɔn lɛ bo lɛ́ cyɔn alɔ ye jí gbɔn?
-
Nɛ̌ vǐ lɛ ka sixu wlí yɛ̌yi nú mɛjitɔ́ yetɔn lɛ gbɔn?
-
Nú xwédo ɖé nɔ ba hwenu ɖò aklunɔzán gbla ɖokpo ɖokpo mɛ dó kplɔ́n Biblu ɖó kpɔ́ ɔ, lè tɛ lɛ ye ka na mɔ ɖ’emɛ?
KÍJÉ
Nǔkplɔnkplɔn tɛ lɛ ka na sɔnǔ nú vǐ towe b’ɛ na nyí mɛxo?
“Nǔ E Yɔkpɔvu lɛ Ðó Na Kplɔ́n É Ayizɛ́n” (Fọ́n! No. 2 2019)
Kpɔ́n wě tawun tawun e Biblu ɖè xá mɛ ɖěɖee ɖò nukún kpé dó mɛjitɔ́ yetɔn mɛxomɔ lɛ wu wɛ lɛ é.
“Nukúnkpíkpé Dó Mɛjitɔ́ Mɛxomɔ lɛ Wu: Etɛ Biblu ka Ðɔ D’ewu?” (Xóta Ɛntɛnɛti jí tɔn)
Kpɔ́n lee nya e ma tuùn lee é na kplɔ́n vǐ tɔn lɛ gbɔn ǎ é ɖé wá huzu tɔ́ e kpé vǐ kplɔnkplɔn wu é ɖé gbɔn é.
Jehovah Kplɔ́n Mǐ Bonu Mǐ Na Kpé Nukún Dó Xwédo Mǐtɔn Wu (5:58)
Kpɔ́n lee tɔ́ lɛ sixu hɛn kancica e ɖò ye kpo vǐ sunnu yetɔn lɛ kpo tɛntin é lidǒ gbɔn é.
“Nɛ̌ Tɔ́ lɛ ka Sixu Vɛ́ kpo Vǐ Sunnu Yetɔn lɛ kpo Gbɔn?” (Atɔxwɛ [Gungbe], 1er janvier 2012)
a Ðò Biblu mɛ ɔ, ‘nǔgbɛnúmɛ’ nɔ dó gesí nǔ kpinkplɔn mɛ, ali xíxlɛ́ mɛ kpo mɛ xixo kpo. É nɔ dó gesí alǎnnúwiwa mɛ wu gbeɖé ǎ.—Nǔnywɛxó 15:5.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
