KAPITE 50
Koleā e Tonu Ke Fai Ke Fiafia Ai Lou Gā Fāmili?—Koga 2
Ko fānau, ko neʼa alofa meia Seova. E kole e Seova ki mātuʼa ke lotou tokaga fakamālielie ki le neʼa alofa lenā. E ʼaga aia o soli ni tokoi ki mātuʼa ke mafai lalātou fakasoko le koga lenā. E toe soli e ia ni tokoi ki fānau ke mafai lalātou tokoi ki le maʼuli fiafia o le fāmili.
1. Koā tokoi e soli e Seova ki mātuʼa?
E loto Seova ke alofa a mātuʼa ki alātou fānau ti ke lasi ake le temi e lotou fakatasi ai mo lātou. E toe loto aia ki mātuʼa, ke lotou puipui alātou fānau ti mo fakaʼaogaʼi a pelesepeto keakoʼi ai lātou. (Taagapati 1:8) E pati aia ki tamana: “Ke kotou taupau latou, o fakatonutonu latou ti mo ako latou ke popoto [“o mulimuli ki le neʼa leia e pati ki ai a Seova,” NWT].” (Lau Efeso 6:4.) E fiafia Seova mokā akoʼi e mātuʼa alātou fānau o mulimuli ki le tokoi leinei, kae e leʼaise lotou tuku loa le maʼua lenā ke fakasoko e se tasi.
2. Koā tokoi e soli e Seova ki fānau?
E pati Seova ki fānau: “Kotou fakalogo . . . ki okoutou matua.” (Lau Kolose 3:20.) E fiafia Seova mo mātuʼa mokā fakaʼapaʼapa a fānau mo fakalogo kia lātou. (Taagapati 23:22-25) Na tuku mai e Sesu se faifaitaki mālie i lona koi ʼikiʼiki. Logo ai na saosaoa, kae na fakaʼapaʼapa mo fakalogo ki ona mātuʼa.—Luka 2:51, 52.
3. E fefeʼaki le fakafeofi tuʼumaʼu o lotātou fāmili ki le Atua?
Kāpau ko koe ko se tamana pe ko se tinana, e matala ia, e ke loto ke alofa au fānau kia Seova. E fefeʼaki lau tokoi kia lātou? Mo kāpau e ke fai le neʼa leinei e pati i le Tosi-Tapu: ‘Ke ke akoʼi a folafola a Seova ki au fānau, ti ke ke māsau kia lātou mokā ke nofo loa i lou kāiga, mokā ke fanoga i le ala la.’ (Tetelonome 6:7, NWT) Ko le pati leia “akoʼi” ko lona fakaʼuiga ke fai liuliuga le koga lenā. E kotou iloa, e tonu ke kotou fakasā liuliuga se neʼa ki akotou fānau ke mafai lalātou ʼaga o manatuʼi. Ko le fakaʼuiga o le vaega leinei e tonu ke kotou afa tuʼumaʼu ni faigamālie ke kotou māsau ki akotou fānau o uiga mo Seova. E mālie ke kotou toʼo se temi i vāsaʼa fuli ke kotou ako le Tosi-Tapu fakafāmili. Kāpau e lekise maʼua sokolua fānau, e mālie faʼi ke kolua fai le koga lenā.
MANATU LOLOTO
Ta tioʼi pe koleā e mafai ke fai e lātou takitautokatasi o le gā fāmili ke lotou fiafia fuli ai ti mo saosaoa mei faʼasiga tuʼutāmaki.
4. Ke akoʼi akolua fānau aki le alofa
E leʼaise ko se koga e faigaofie le akoʼi o se fānau. E mafai ke tokoi fefeʼaki atu le Tosi-Tapu? Lau Sakopo 1:19, 20, ti fai a vesili anei:
-
E fakasā fefeʼaki e mātuʼa mokā e lotou māsau mo alātou fānau, e lotou alofa kia lātou?
-
Koleā e leʼaise tonu ai ki se tasi i mātuʼa ke fakatonutonuʼi lana fānau i le temi e ʼita ai? a
5. Puipui akolua fānau
Kāpau e kolua fia puipui akolua fānau, ti e maʼuiga ke kolua māsau mo lātou ki fēlavei fakatino. E mafai ke faigataʼa kia kolua le māsau ki le koga lenā. Tioʼi le GĀ ʼATA, ti fai a vesili e soa atu ki ai.
-
Koleā e faigataʼa ki ʼiki mātuʼa lalātou māsau ki fēlavei fakatino mo alātou fānau?
-
Koleā na fai e mātuʼa ke mafai ai lalātou fai le koga lenā?
Kua fakakikite i le Tosi-Tapu a le liliu o le mālama o Satana o ʼasilisili veli. Lau 2 Timoteo 3:1, 13, ti fai le vesili leinei:
-
Ko le kakai agaveli alā e māsau ki ai i le vaega 13, e kau ai lātou alā e fakaʼalikiʼiʼia le gā kau toe liliki la. Koleā leia e maʼuiga ai ke māsau a mātuʼa ki fēlavei fakatino ki alātou fānau ti mo fakasā pe fefeʼaki lolātou puipui mei faʼasiga kakai anā?
E ke iloa ko ia?
E lasi a puleʼaki e soli e le Kau Famāʼoki a Seova ki mātuʼa, ke tokoi ai kia lātou ke mafai lalātou māsau ki alātou fānau o uiga mo fēlavei fakatino ti mo puipui lātou mei olātou fakaʼalikiʼi. Ko nei ni tokoi:
-
Puipui Akolua Fānau (gā ʼata)
-
“Parler de sexualité à son enfant” (Kotou ʼAʼala! N° 5 2016)
6. Fakaʼapaʼapa ki ou mātuʼa
E fakasā e fānau mo le kau tupulaga e lotou fakaʼapaʼapa ki olātou mātuʼa i alātou faʼasiga māsau kia lātou. Tioʼi le GĀ ʼATA, ti fai a vesili e soa atu ki ai.
-
Koleā e tonu ai ki se tupulaga ke felogoi mo ona mātuʼa i se aga fakaʼapaʼapa?
-
E fakasā fefeʼaki e se tupulaga e fakaʼapaʼapa ki ona mātuʼa mokā māsau aia kia lāua?
Lau Taagapati 1:8, ti fai le vesili leinei:
-
Koleā e tonu ke fai e se tupulaga mo kāpau e soli e ona mātuʼa se tokoi kiate ia?
7. Kotou ako fakatasi le Tosi-Tapu
E fakatuʼutuʼu e gā fāmili alā e tausi kia Seova se temi i vāsaʼa fuli ke lotou fai ai salātou ako fakafāmili. Koleā e lotou fai i le ako lenā? Tioʼi le GĀ ʼATA, ti fai a vesili e soa atu ki ai.
-
Koleā e mafai ke fai e se fāmili ke lotou fakasoko tuʼumaʼu ai lalātou Ako Fakafāmili?
-
Koleā e mafai ke fai e se tasi i mātuʼa ke iai se uiga o le ako fakafāmili ti ke fakatupu fiafia ai?—Tioʼi le ʼuluaki paaki o le kapite leinei.
-
Koleā e mafai ke tāʼofi ai lakotou ako fakatasi leia o le Tosi-Tapu?
Na loto Seova ke māsau tuʼumaʼu a fāmili Iselaele ki lana Folafola. Lau Tetelonome 6:6, 7, ti fai le vesili leinei:
-
E fefeʼaki a lau ʼaga o maʼuliʼi le pelesepeto leinei?
Ni tokoi ki le ako fakafāmili:
-
Le teuteuʼi o fono.
-
Lau se fakamatala i le Tosi-Tapu e mālieʼia e lou gā fāmili ti mo mamāsau ki ai.
-
Kāpau koi liliki akolua fānau, kolua toʼo mei le jw.org se gā mānogi e ʼaoga kia lātou.
-
Kāpau kua lalasi akolua fānau, mamāsau mo lātou ki se aletike i le jw.org.
-
Kotou faifaitakiʼi se fakamatala o le Tosi-Tapu.
-
Kotou tioʼi se gā ʼata i le jw.org ti mo mamāsau ki ai.
E PATI A ʼIKI: “E faigataʼa ki fānau lalātou matala ki le Tosi-Tapu.”
-
Koleā loa lau manatu?
MANATU TĀFITO
E loto Seova ke alofa a mātuʼa ki alātou fanau, mo akoʼi ti mo puipui lātou. E toe loto aia ke lotou fakaʼapaʼapa mo fakalogo ki olātou mātuʼa ti ke lotou ako fakatasi le Tosi-Tapu.
Fakamanatu
-
E mafai ke akoʼi mo puipui fefeʼaki e mātuʼa alātou fānau?
-
E mafai ke fakaʼapaʼapa fefeʼaki a fānau ki olātou mātuʼa?
-
Koā a fua mālilie e tou maʼua mo kāpau e tou toʼo se temi i vāsaʼa fuli ki le fai o se ako fakafāmili?
A ʼIKI MANATU
E fefeʼaki lakolua tokoi ki akolua fānau koi liliki ke lotou liliu o aga fakapotopoto?
Ni tokoi ʼaoga kia lātou alā e tokaga fakamālielie ki se tasi i olātou mātuʼa kua gagaʼe.
Le isitolia o se tagata na leʼaise iloa e ia pe fefeʼaki lana ʼaga o tausi ni fānau kae na liliu loa ko se tamana agamālie.
Na Akoʼi Mai e Seova Le Faʼasiga Takitaki o Lomatou Gā Fāmili (5:58)
Koleā e mafai ke fai e se tamana ke fakamakekeʼi ai ana felogoi mo lona vosa.
“E mafai ke fakafeofi fefeʼaki se tamana ki lona vosa?” (Tule Leʼo, aso 1 o Novepeli 2011)
a I le Tosi-Tapu, ko le pati leia e “fakatonutonuʼi” ko lona fakaʼuiga ke akoʼi mo takitaki le fānau ti mo tokoi kiate ia ke fetogi lana manatu mo lana aga leia e leʼaise mālie. E leʼaise fakaʼuiga loa e faʼī fakaveliveliʼi.—Taagapati 4:1.
