TOƁƁERE 50

Ko honno ɓeynguure mon nden heɓirta weltaare ? (Senngo 2)

LECTURE

Ɓiɓɓe ko dokkal Yahuwah Alla. Himo faalaa yo mawɓe ɓen danko ɓe moƴƴa. Yahuwah Alla no jonni ɓe waajuuji moƴƴi fii wallitagol ɓe waɗugol ɗun. Himo yamiri fayɓe ɓen kadi ko ɓe haani waɗude fii no ɓeynguure nden heɓira weltaare.

1. Ko honɗun Yahuwah Alla waajii mawɓe ɓen ?

Yahuwah Alla no faalaa yo mawɓe ɓen yiɗu ɓiɓɓe maɓɓe ɓen e ɓe ɓurta feƴƴindirgol saa’i e maɓɓe. Himo faalaa kadi yo mawɓe ɓen danndu ɓe e hoore huutorgol tugaale Deftere Alla nden fii eltugol ɓe (Tindi 1:8, VPFJ). O daalani baabaaɓe ɓen : « ne’iree ɓe waajagol ɓe, eltira [ɓe] laawol Joomiraaɗo on » (janngee Efeesi 6:4). Yahuwah Alla weltoto si tawii neene on e baaba on no ne’ude ɓiɓɓe maɓɓe ɓen e ɓe accaali hay gooto ne’ana ɓe.

2. Ko honɗun Yahuwah Alla waajii ɓiɓɓe ɓen ?

Yahuwah Alla no yamiri ɓiɓɓe ɓen : « ɗoftee mawɓe mon ɓen » (janngee Koloosi 3:20). Si ɓiɓɓe ɓen teddinii mawɓe maɓɓe ɓen e ɓe ɗoftike ɓe, ɓe weltinay ɓe e Yahuwah Alla kadi (Tindi 23:22-25, VPFJ). Ko annabi Iisaa wonunoo paykun, o holluno misal moƴƴal. Fii kala hari ko o aaden timmuɗo, o ɗoftino mawɓe makko ɓen e o teddinno ɓe (Luuka 2:51, 52).

3. Ko honno ɓeynguure mon nden ɓurtirta ɓadaade Alla ?

Si hiɗon mari ɓiɓɓe, hiɗon faalaa yo ɓe yiɗu Yahuwah Alla wano no yiɗirɗon mo non. Ko honno waawirton ɓe wallude ? E hoore waɗugol ko Deftere Alla nden wi’i kon : « Hiɗa haani jannude ɓiɗɗo maa on [konnguɗi Yahuwah ɗin] si hiɗon jooɗii ka suudu e si hiɗon yahude ka hoore laawol » (Yaɲɲannde sariyaaji ɗin 6:7). « Jannugol » ko fillitagol huunde haa naata ka ɓernde. Ko wano non, hiɗon haani fillitanaade paykun mon kun fii no kun annditira. Oo aaya no holli hiɗon haani ɗaɓɓude saa’i ka yewton paykun mon kun fii Yahuwah Alla. No moƴƴi ka waɗon saa’i yontere kala fii rewugol Alla ka ɓeynguure. Hay si on alaa ɓiɓɓe, no wondi e nafa waɗugol saa’i yontere kala fii janngugol Daaluyee Alla on.

LUGGINEE

Ndaaree piiji wallayɗi on danndugol ɓeynguure mon nden e heɓugol weltaare.

4. Ne’ee ɓiɓɓe mon ɓen e hoore giggol

Ne’ugol paykun welaa fii. Ko honno Deftere Alla nden wallirta on ? Janngee Yaquuba 1:19, 20 e yewton fii ɗee lanndaale :

Ko honno mawɓe ɓen hollirta hiɓe yiɗi ɓiɓɓe maɓɓe ɓen si hiɓe yewtidude e maɓɓe ?
Fii honɗun mawɓe ɓen haanaa donkinde ɓiɓɓe ɓen si hiɓe tikki a ?

5. Danndee ɓiɓɓe mon ɓen

Fii danndugol ɓiɓɓe mon ɓen, no hitti moƴƴa ka yewtidon e maɓɓe fii waalido. Wonnde, haray no satti fii. Fijinee VIDIO on e yewton fii lanndaale jokkituɗe ɗen.

VIDIO : Danndee ɓiɓɓe mon ɓen e bone (2:58)

Fii honɗun no sattani mawɓe goo fii yewtugol ɓiɓɓe maɓɓe ɓen fii waalido ?
Ko honno mawɓe goo yewtiri ɓiɓɓe maɓɓe ɓen fii waalido ?

Wano annabaaɓe ɓen hiitornoo non, aduna Seytaane on no ɓurta tun bonude. Janngee 2 Timotee 3:1, 13 e yewton fii ngal lanndal :

Ko tawaa e ɓee yimɓe bonɓe, haalaaɓe fii mun ka aaya 13, ko doolooɓe fayɓe bonna ɓe. Ko ɗun waɗi, fii honɗun no hitti ka mawɓe ɓen yewtida e fayɓe maɓɓe ɓen fii waalido e no ɓe danndirta hoore maɓɓe e ɓee doolooɓe fayɓe bonna ɓe ?

Hari hiɗon anndi ?

Seedeeɓe Yahuwah ɓen no waɗude defte e vidiooji ko wallata mawɓe ɓen jannugol ɓiɓɓe maɓɓe ɓen fii waalido e ko danndata ɓe e ɓee doolooɓe fayɓe bonna ɓe. E piide misal, ndaaree :

Danndee fayɓe mon ɓen (vidio)
Heɗee Jannoowo mawɗo on, simooje 10 e 32
« Jannee ɓiɗɗo mon on fii waalido » (Finee ! n° 5 2016)

6. Teddinee mawɓe mon ɓen

Fayɓe, sukaaɓe e jiwɓe no holla mawɓe maɓɓe ɓen teddungal no ɓe yewtirta ɓe non. Fijinee VIDIO on e yewton fii lanndaale jokkituɗe ɗen.

VIDIO : Ko honno mi yewtirta mawɓe an ɓen ? (2:19)

Ko honɗun e nafa woodani suka maa jiwo yewtidugol e mawɓe makko ɓen e hoore teddungal ?
Ko honno suka maa jiwo hollirta himo teddini mawɓe mun ɓen si himo yewtude ɓe ?

Janngee Tindi 1:8 (VPFJ) e yewton fii ngal lanndal :

Ko honɗun suka maa jiwo waɗata si mawɓe makko ɓen waajike mo fii ko o haani waɗude ?

7. Rewugol Yahuwah Alla ka ɓeynguure

Seedeeɓe Yahuwah ɓen no waɗa saa’i yontere kala fii rewugol Alla ka ɓeynguure. Ko honno rewugol Alla ka ɓeynguure feƴƴirta ? Fijinee VIDIO on e yewton fii lanndaale jokkituɗe ɗen.

VIDIO : Rewugol Alla ka ɓeynguure : satteendeeji e weltaare (8:04)

Ko honno ɓeynguure nden gerdirta fii rewugol Alla ka ɓeynguure soono woo ?
Ko honno mawɓe ɓen gerdirta fii yo ɓe heɓu weltaare e nafa rewugol Alla ka ɓeynguure ? (Ndaaree pirinti on ka fuɗɗoode ndee toɓɓere).
Ko honɗun sattanta ɓeynguure mon nden janngugol Deftere Alla nden ?

Yahuwah Alla no faalanoo yo Isra’iilayankeeɓe ɓen ɓaawo ɗoo haalu soono woo fii Daaluyee makko on. Janngee Yaɲɲannde sariyaaji ɗin 6:6, 7 e yewton fii ngal lanndal :

Ko honno waawirton huutorde ngal tugalal ?

Ko wallata on rewugol Alla ka ɓeynguure :

Hebilee fii pottite moftal ngal.
Janngee taariika Deftere Alla mo ɓeynguure mon nden yiɗi e yewton fii mun.
Si hiɗon mari fayɓe, loowee maa muulon goɗɗun fii fayɓe ka jw.org.
Si hiɗon mari sukaaɓe maa jiwɓe, yewtee fii winndannde sukaaɓe e jiwɓe ka jw.org.
Miijitee waɗon wa si onon e ɓiɓɓe mon ɓen hiɗon e nder taariika Deftere Alla nden.
Ndaaree vidio ka jw.org e yewton fii mun.

WOƁƁE GOO NO WI’A : « Deftere Alla nden no sattani fayɓe ɓen moƴƴa faamude. »

Ko honɗun wi’oton ?

RAWNOODE

Yahuwah Alla no faalaa yo mawɓe ɓen yiɗu fayɓe maɓɓe ɓen, ɓe ne’a ɓe e ɓe dannda ɓe. Himo faalaa kadi yo fayɓe ɓen teddin mawɓe maɓɓe ɓen e yo ɓeynguure nden fow rewu mo.

Ndartannde

Ko honno mawɓe ɓen ne’irta ɓiɓɓe maɓɓe ɓen e dannda ɓe ?
Ko honno ɓiɓɓe ɓen hollirta hiɓe teddini mawɓe maɓɓe ɓen ?
Ko honɗun e nafa ɓeynguure nden heɓata si nde waɗii saa’i yontere kala fii rewugol Alla ka ɓeynguure ?

Toɓɓere nden no timminaa :

Faandaare

Lanndee woɓɓe ka moftal fii piiji ɗi ɓe huutorta rewugol Alla ka ɓeynguure.

Huunde goo