ZASEŊƆ 50
Ho Deodoma Wan Eŋɛ La Wani Ta’an Tara Pupeelum?—Bɔberɛ 2
Kɔma dela bo’olum n ze’ele Yehowa zɛ’an na. A boti la dɔɣereba bisa ba kɔma soŋa. Yehowa bo dɔɣereba la ka’aŋɔ ti la soŋɛ ba ti ba ta’an bisa ba kɔma soŋa. A ka’aŋɔ la me ta’an soŋɛ kɔma ti ba laɣum basɛ ti ba deo la poan tara pupeelum.
1. Yehowa ka’am dɔɣereba la wani?
Yehowa boti la dɔɣereba nɔŋɛ ba kɔma ge tiregɛ nyɛta nɛŋa sɔsa la ba. A boti la dɔɣereba tɛ’ɛla ba kɔma daaŋɔ yɛla poan ge tara Baabule naresum yɛla pa’ala ba. (Magaha 1:8) A yele sɔdoma yeti: “Dekɛ ya Yehowa . . . pa’alegɔ la ugera [ya kɔma].” (Kaalɛ Epesus 6:4.) Yehowa puurɛ ni pee mɛ dɔɣereba san dɔla a pa’alegɔ la ta’an bisa ba kɔma ge ka tara ba kɔma la bɔ’ɔra nɛreba basɛba ti ba bisa ba.
2. Yehowa ka’am kɔma la wani?
Yehowa yele kɔma yeti: “Nana ya dɔɣereba.” (Kaalɛ Kolose 3:20.) Kɔma san bɔ’ɔra ba dɔɣereba gilema ge nana ba, ba ni basɛ ti Yehowa la ba dɔɣereba puurɛ pee mɛ. (Magaha 23:22-25) Yezu n yuun de bia la, a yuun eŋɛ la makesonɛ. A yuun ani la kasi ge a yuun nani a dɔɣereba mɛ ge bɔ’ɔra ba gilema.—Luke 2:51, 52.
3. Hon la ho deodoma wan eŋɛ la wani ta’an ana du’a du’a la Naayinɛ?
Ho san dɛna dɔɣera, nɔkpe’ene kai ti ho boti la ho kɔma nɔŋɛ Yehowa wuu hon nɔŋɛ en se’em la. Ho wan eŋɛ la wani ta’an eŋɛ bala? La dela ho ita sɛla ti Baabule la yele la: “Ho nari ti ho tɔɣera [Yehowa yetɔɣum] taɣesa bɔ’ɔra ho dayɔɔsi ge tɔɣera a bɔ’ɔra ba se’em ma’a ti ho zi’a ho yire la se’em ma’a ti ho kena sore zuo.” (Tɛɛnhegɔ 6:7) Hon “tɔɣera a taɣesa” vuurɛ dela, hon pa’ali ba saŋa woo. Ho mi ti la nari ti ho ni tɔɣera yɛla taɣesa bɔ’ɔra ho kɔma la wan eŋɛ se’em ti ba ta’an tɛra. Baabule gulesegɔ wa vuurɛ dela, la nari ti ho nyɛta nɛŋa saŋa woo tɔɣera Yehowa yɛla bɔ’ɔra ho kɔma. La ani soŋa ti ho nyɛta saŋa bakwai woo ti hon la ho deodoma ita ya deodoma pu’usegɔ. Ho san ka tara kɔma, la wan ana soŋa bɔ’ɔra hɔ ti ho nyɛta nɛŋa bakwai woo zamesa Naayinɛ Yetɔɣum.
VIISƐ PA’ASƐ
Geele bisɛ yelese’a n wan soŋɛ ti ho deodoma tara pupeelum la bɔnsoŋa.
4. Pa’ala ho kɔma ge nɔŋɛ ba
Kɔma kumesegɔ daɣɛ naana. Baabule la wan ta’an soŋɛ la wani? Kaalɛ Yames 1:19, 20 ge nyaa sɔsɛ sokere ana wa:
-
Dɔɣereba wan eŋɛ la wani pa’alɛ ti ba tari nɔŋerɛ ba san sɔsa la ba kɔma?
-
Beni n sɔi ti dɔɣera ka nara ti a ka’ana a bia se’em ma’a ti a sunsɔa nyie? a
5. Tɛ’ɛla ho kɔma
Ho san bɔta ti ho tɛ’ɛla ho kɔma, la yele pakɛ mɛ ti ho tɔɣɛ ga’aregɔ yɛla pa’alɛ ho bia woo. Valum ta’an tara hɔ ti ho tɔɣera yele ana wa. Ŋmɛ VIDIYO la ge nyaa sɔsɛ sokere ana wa:
-
Beni n sɔi ti la kpe’em bo dɔɣereba basɛba ti ba tɔɣɛ ga’aregɔ yɛla pa’alɛ ba kɔma?
-
Sarɔtɔ ani poan ti dɔɣereba basɛba tɔɣɛ ga’aregɔ yɛla bo ba kɔma?
Wuu Baabule la n tɔɣɛ biŋe se’em la, Sitaana tingɔŋɔ wa kɔ’ɔn malum gaam la be’ero. Kaalɛ 2 Timoti 3:1, 13 ge nyaa sɔsɛ sokere wa:
-
Nɛrebɛ’ɛsi basɛba ti a kaalegɔ zɛ’an 13 tɔɣɛ ba yele la, sa’ani la kɔma. Bala la, beni n sɔi ti la yele pakɛ ti dɔɣereba pa’ala ba kɔma ga’aregɔ yɛla ge me kelum pa’ala ba, ba wan eŋɛ se’em ta’an gu bamesi nɛrebɛ’ɛsi wa zɛ’an?
Hon mi?
Yehowa Sɛɛradoma dekɛ la pa’alegɔ zo’e zo’e bo dɔɣereba ti la soŋɛ ba ti ba ta’an pa’alɛ ba kɔma ga’aregɔ yɛla ge me gu ba ti nɛrebɛ’ɛsi da sa’am ba. Makerɛ n wana, bisɛ:
-
Tɛ’ɛla Ho Kɔma (vidiyo)
-
“Pa’ala Ho Kɔma Ga’aregɔ Yɛla” (Awake! No. 5 2016)
6. Nana ho dɔɣereba
Kɔma la bunbilipaalesi ta’an bɔ’ɔra ba dɔɣereba gilema doose la ba yetɔɣum poan. Ŋmɛ VIDIYO la ge nyaa sɔsɛ sokere ana wa:
-
Beni n sɔi ti nyuurɔ bɔna bim ti bunbilipaalega dɔla gilema sore poan sɔsa la a dɔɣereba?
-
Bunbilipaalega wan eŋɛ la wani sɔsa la a dɔɣereba ti gilema bɔna bim?
Kaalɛ Magaha 1:8 ge nyaa sɔsɛ sokere wa:
-
Bunbilipaalega nari ti a eŋɛ la wani a dɔɣereba san pa’ala en?
7. Hon la ho deodoma naɛ taaba pu’usa Yehowa
Yehowa Sɛɛradoma deodoma ni loe la saŋa bakwai woo ita ba deodoma pu’usegɔ. Deodoma pu’usegɔ wa ani la wani? Ŋmɛ VIDIYO la ge nyaa sɔsɛ sokere ana wa:
-
Deodoma wan ta’an eŋɛ la wani ita Deodoma Pu’usegɔ saŋa woo?
-
Dɔɣera wan eŋɛ la wani ta’an basɛ ti ba deodoma pu’usegɔ tara bɔkerɛ la pupeelum?—Bisɛ zaseŋɔ wa pɔsega foote la.
-
Bem n wan ta’an basɛ ti la kpe’em bo ya ti ya naɛ taaba zamesa?
Diimi Israel saŋa la, Yehowa yuun boti la deodoma sɔsera Baabule la yɛla saŋa woo. Kaalɛ Tɛɛnhegɔ 6:6, 7 ge nyaa sɔsɛ sokere wa:
-
Hon wan eŋɛ la wani ta’an dekɛ naresum yele wa tum tuuma?
Yelese’a ti ho wan ta’an dekɛ pa’asɛ ya deodoma pu’usegɔ poan:
-
Maasum ya tansugere zamesegɔ yɛla.
-
Kaalɛ ge sɔsɛ ya yele Baabule la poan n wan basɛ ti ya deodoma puurɛ pee.
-
Ho san tara kɔma, ve’e bii printɛ kɔma yɛla la ayima n boi jw.org poan la.
-
Ho san tara bunbilipaalesi, sɔsɛ gulesegɔ yɛla la n boi jw.org poan la.
-
Naɛ la ho kɔma ti ya eŋɛ Baabule de’eŋo.
-
Bisɛ ya vidiyo jw.org poan ge sɔsɛ ya de yele.
NƐREBA BASƐBA YETI: “Baabule la ba’ɛ kpe’em bo kɔma mɛ ti ba bɔkɛ.”
-
Hon wan yeti bem?
YELEKPINE
Yehowa boti la dɔɣereba nɔŋɛ ba kɔma, pa’ala ba ge tɛ’ɛla ba; a me boti la kɔma tara gilema bɔ’ɔra ba dɔɣereba ge nana ba; ge me bɔta ti deodoma la laɣum taaba pu’usa en.
Tiisegɔ Sokere
-
Dɔɣereba wan eŋɛ la wani pa’ala ge tɛ’ɛla ba kɔma soŋa?
-
Kɔma wan eŋɛ la wani pa’alɛ ti ba na’aseri ba dɔɣereba mɛ?
-
Bem nyuurɔ n boi bim, deodoma san nyɛta nɛŋa bakwai woo ita deodoma pu’usegɔ?
Ɛ BISƐ
Bem yɛla ti ho wan pa’ala ho kɔma ti la soŋɛ ba, ba san zɔ’ɔra?
Zamesɛ baŋɛ ka’aŋɔ sebo ti Baabule la dekɛ bɔ’ɔra sɛba n biseri ba dɔɣereba.
“Baabule La Tɔɣɛ Sɛba N Biseri Ba Dɔɣereba N Kuregɛ Yele La Wani?” (La boi jw.org)
Bisɛ dɔɣera ayima n yuun ka mi ba ugeri kɔma se’em ge pooren nyaa dɛna sɔsonkɔ.
Geele bisɛ sɔdoma n wan doose sarɔtɔ se’a ti bamam la ba kɔma bɔŋa ana soŋa.
“Sɔdoma Wan Eŋɛ La Wani Ti Bamam La Ba Kɔma Bɔŋa Ana Soŋa?” (The Watchtower, November 1, 2011)
a Baabule la poan, “tubedɔlegerɛ” dela ho pa’ali nɛra ge soŋera en ge me dɛmesa en. La daɣɛ ho muɣesa bii ho namesa nɛra la.—Magaha 4:1.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
