SOMO LYA 50
Gurhe Omulala Gwakagwarha Obusime?—Chigabi cha 2
Abana luli luhembo lurhengere emwa Yehova. Alonzeze abazere bashishikale olola luhembo bwinja. Ahaanire amahano menja makarhabala abazere bagale kujira ntyo. N’ezola mpanulo ahaanire zakarhabala abana nabo balerhe oku busime omu mulala.
1. Mpanulo zihe Yehova ahere abazere?
Yehova alonzeze abazere bazigire abana babo, bageze n’ebisanzi binene haguma nabo nk’okubyakashokana koshi. Alonzeze kandi abazere balange abana babo ku byoshi byakabajira kubi, n’amakanuni me Biblia gogubage musinji gwa byoshi babayigiriza. (Mezali 1:8) Ebiblia ebwirire b’eshe w’abana: “Mulembe [abana benyu] omu . . . mpanulo za Yehova.” (Osome Waefeso 6:4.) Yehova anayunva asimire ey’abazere bakulikira obwerekezi ahaanire b’okulemba abana n’okurhalekera owindi muntu yeshiyeshi akola kasi.
2. Mpanulo zihe Yehova ahere abana?
Yehova ahere abana linola rhegeko: “Mukenge abazere benyu.” (Osome Wakolosai 3:20.) Amango abana bamakenga n’okurhumikira abazere babo, banabalerhera obusime banasimisa na Yehova. (Mezali 23:22-25) Yesu aliyerekene omufano gwinja amango alichili mwana. Chiro akaba okw’aliri mushinganyanya, aliri arhumika n’okukenga abazere bage.—Luka 2:51, 52.
3. Nka gurhe omulala gwenyu gwakayegera Mungu?
Akaba oli muzere, nta ngangane wakasima abana bawe bazigire Yehova nkoku nawe omuzigiire. Nka gurhe wakarhabalabo bajire ntyo? Omu kujira nk’oku Ebiblia ederhere: “Okwanene kuyigiriza bagala bawe [ebinwa bya Yehova] n’oku biderhako amango oyikere omumwawe n’amango yiwalambagira omu njira.” (Kumbukumbu 6:7) Echinwa “kuyigiriza” kuli kurhabala omuntu amenye echintu omu kuyinja wachigalukira-galukira. Konakuguma, oyinji kw’ahanene binahema ogalukire ebiwaderhere y’abana bawe babiyibuka. Olu lwandiko luyerekene oku buli mango okwanene kuyinja walonza akasanzi k’okubwira abana bawe oku bilolere Yehova. Kuli kwinja bwenene omulala goshi gugwarhe akasanzi k’okuharamya Yehova haguma buli boso. Na chiro akaba orhaherhe abana, wakayunguka omu kurhola ebisanzi by’okuyiga Echinwa cha Mungu buli boso.
HUMBA BWENENE
Lola empanulo wakakolesa yi haba obulanzi n’obusime omu mulala gwawe.
4. Oyigirize abana bawe oku buzigire
Okuyigiriza abana chakaba chibazo. Nka gurhe Ebiblia yakarhabala? Osome Yakobo 1:19, 20, muje mwaganira kw’ebila bibazo:
-
Nka gurhe abazere bakayerekana obuzigire amango bali baganira n’abana babo?
-
Bulagurhe abazere barhakwanene kuhana abana babo amango bayunvirhe oburhe? a
5. Olange abana bawe
Omu kulanga abana bawe, bihemere oganire na buli muguma mubo oku bilolere echijiro ch’obuhya. Byakashusha nka bilerhere eshoni. Ziha EVIDEO, muje mwaganira kw’ebila bibazo.
-
Bulagurhe biba bikomerere bazere baguma okuganira n’abana babo oku bilolere echijiro ch’obuhya?
-
Mu njira ehe bazere baguma bakaganira n’abana babo oku bilolere echijiro ch’obuhya?
Nk’oku byanabaga byaleberwe embere, egulu lya Shetani lili lyagenderera kubiha buli mango. Osome 2 Timoteo 3:1, 13, muje mwaganira kw’echila chibazo:
-
Baguma omu baderherwe omu mustari gwe 13, banakolera abana kubi oku bilolere echijiro ch’obuhya. Chiro akaba ntyo, bulagurhe bili bya kamaro abazere bayigirize abana babo oku bilolere echijiro ch’obuhya na gurhe bakachilanga oku bakabajira kubi?
Walimenyere si?
Abahamirizi ba Yehova bakulire bintu binene byakarhabala abazere bayigirize abana babo oku bilolere echijiro ch’obuhya n’okubalanga oku bakabajira kubi. Lola biguma mu byo:
-
Olange Abana Bawe (video)
-
“Oyigirize Abana Bawe oku Bilolere Echijiro ch’Obuhya” (Amuka! No. 5 2016)
6. Okenge ababusi bawe
Abana n’abakala misole bakayerekana obukenge oku babusi babo omu kuntu banaganira nabo. Ziha EVIDEO, muje mwaganira kw’ebila bibazo.
-
Bulagurhe bili by’akamaro abana baganire n’abazere babo n’obukenge?
-
Gughe abana bakaganira n’abazere babo oku bukenge?
Osome Mezali 1:8, muje mwaganira kw’echila chibazo:
-
Gurhe omwana akwanene kujira amango ababusi bage bamamuhanula?
7. Muharamye Yehova omu mulala gwenyu
Emilala y’Abahamirizi ba Yehova enapanga ebisanzi buli boso by’okuharamya Yehova haguma. Gurhe obola buharamye b’omulala bukwanene bube? Ziha EVIDEO, muje mwaganira kw’ebila bibazo.
-
Gurhe omulala gwakagala kukenga eprograme y’okujira obuharamye b’omulala oku kahunda?
-
Gurhe omuzere akajira y’obuharamye b’omulala bugera bwinja omu bulyo busimisize?—Olole efoto eli oku murhangiro gwa linola somo.
-
Bichi byakarhuma byakomerera omulala gwenyu kuyinja gwayiga haguma?
Omu Izraeli ya mira, Yehova alihirire emilala omurhima eyinje yaganira haguma oku bilolere amandiko. Osome Kumbukumbu 6:6, 7, muje mwaganira kw’echila chibazo:
-
Gurhe mwakakolesa akala kanuni?
Ebi mwakajira omu buharamye b’omulala:
-
Murheganye embuganano z’echibaga.
-
Musome n’okushambala ku ngani nguma ye Biblia yakasimisa omulala gwenyu.
-
Akaba oherhe abana bachili badorho, orhole changwa emprime akasi k’abana oku jw.org.
-
Akaba oherhe abana bali omu myaka y’olubiruko, oganire nabo oku myazi elolere emisole eli oku jw.org.
-
Mujire amasharha haguma n’abana benyu, m’okuba muntu mulebe oderherwe mu ngani nguma y’omu Biblia.
-
Mulole n’okuganira oku video y’oku jw.org.
HALI ABANTU BANADERHA: “Ebiblia erhaba ya bana.”
-
Gurhe woyo owazize?
OKU BUGEKE
Yehova alonzeze abazere bazigire abana babo, babayigirize banabalange; abana nabo bakenge banarhumikire abazere, alonzeze n’emilala emuharamye haguma.
Rhuchiyibusye
-
Gurhe abazere bakayigiriza n’okulanga abana babo?
-
Gurhe abana bakayereka abazere babo obukenge?
-
Nyungu zichi abantu bakapata nka barholere akasanzi k’okuharamya Yehova omu mulala buli boso?
EYINDI MYAZI
Bichi wakayigiriza omwana wawe omu kumurheganya kuba muntu mukulu?
Lola amahano Ebiblia ehaanire oku bilolere okushishikala abazere bakala bashaja.
“Bichi Ebiblia Ederhere oku Bilolere Okushishikala Abazere Bakala Bashaja?” (Mwazi guli oku jw.org)
Lola gurhe omulume orhalimenyere gurhe akalemba abana bage azindaga ey’abere muzere mwinja.
Lola gurhe b’eshe w’abana bakakomeza obuguma haguma na bagala babo.
“Gurhe Wakaba Mwira wa Bagala Bawe?” (Omunara g’Omulanzi, Lusiku 1, Mwezi gwe 11, 2011)
a Omu Biblia, echinwa kuhana chiba chiderhere okuyigiriza, okuyerekeza, n’okuhabuula. Nta mango chiba chiderhere okukolera omwana kubi changwa okumulibuza.—Mezali 4:1.
