EISOMO LYA 50
Okwo Eka Yawe Yakubasa Kugira Ebyera—Ekichweka kya 2
Abaana gabo kuruga ahali Yehova. Nagonza abazaire baikazege egabo egyo. Yehova atekatekire obuhanuzi burungi obwakubasa kujuna abazaire kulera kurungi abaana babo. Kandi, atekatekire obuhanuzi burugi obwakubasa kujuna abaana kukora eka egire ebyera.
1. Yehova nahanuliraki abazaire?
Yehova nagonza abazaire bagonze abaana babo kandi bakozese akanya kangi bali hamoi nabo. Mara Yehova nayenda abazaire balinde abaana babo batagwebaho bintu bibi kandi bakozese ekanuni z’Ebibulia zibe musingi gw’okumanyiza abaana babo. (Emigani 1:8) Nagambira ati abashaija “Mubalere [abaana banyu] n’okubegesa . . . nk’okwo Omukama alikugonza.” (Shoma Abaefeso 6:4.) Yehova nashemelerwa abazaire orwo balikuhondera enyolekeleraye omu kulera abaana babo, n’okwelinda kuha omuntu ondijo omuruka ogwo.
2. Yehova nahanulira atai abaana?
Yehova nagambira ati abaana: “Mugire omuhuliro abazaire banyu.” (Shoma Abakolosai 3:20.) Orwo abaana balikugira omuhuliro n’okukunira abazaire babo, nibashemeleza Yehova n’abazaire babo. (Emigani 23:22-25) Yesu akataho obulebero burungi orwo yabaire akyali mwana. N’orwo yabaire ahikilire, akagira omuhuliro n’okukunira abazairebe.—Luka 2:51, 52.
3. Eka nebasa kwilira etai ahali Katonda?
Koraba oli muzaire, ombutalengeshanyia nogonza abaana bawe bagonze Yehova nk’okwo iwe olikumugonza. Ekyo wakukigobesheleza otai? Omu kuhondera obuhanuzi obu obuli omu Bibulia: “[Ebigambo bya Yehova] obyegese abana bawe n’obwegendeleza obifumore orwo orakashuntamaga omwawe n’orwo orabaga nogenda omu muhanda.” (Obwijukiro Bw’ebiragiro 6:7) ‘Obwegendeleza’ nibumanyisa kwegesa omu kushuba shubamu. Rundi nomanya nk’okwo abaana bawe babase kwijuka ekyo wabegesa noyetaga kukishuba shubamu. Eihandiko eli nilimanyisa nk’okwo noyetaga kugira akanya k’okufumora n’abaana bawe ebikwete ahali Yehova obutosha. Buli wiki kirungi kutekateka akanya ak’okwegashaniza ahali Yehova mwemire hamoi. Koraba otaina baana, naiwe nobasa kugoshoka koratekateka akanya buli wiki kwega ekigambo kya Katonda.
MANYURUZA
Enjuza omanye ebintu ebyakubasa kukora eka egire emilembe n’ebyera.
4. Abaana bawe obegese omu ngonzi
Rundi yakubaho echangamoto orw’olikwegesa abaana. Ebibulia nebasa etai kukujuna? Shoma Yakobo 1:19, 20, mushube mufumoreho ebibazo ebi:
-
Abazaire nibabasa kwolekya batai engonzi orwo balikufumora n’abaana babo?
-
Kubaki omuzaire talikwetagwa nakati kuhana mwana orwo alikuba anigaire? *
5. Olinde abaana bawe
Obase kulinda abaana bawe batakolerwa kubi ebikwete aha ngono, kintu ky’omugasho muno kufumora na buli mwana ekikwete aha ngono. Rundi tikyakuba kyangu kukora otyo. Yolekya EVIDEO, mushube mufumoreho ebibazo ebili kuhonderaho.
-
Kubaki abazaire abandi nibagumirwa kufumora n’abaana babo ebikwete aha ngono?
-
Abazaire abandi bakozeise mihandaki kufumora n’abaana babo ebikwete aha ngono?
Nk’okwo kyarangirwe omu nsi elikutwarwa Sitani, ebibi nibigendelera kweyongera. Shoma 2 Timoteo 3:1, 13, mushube mufumoreho ekibazo eki:
-
Abantu ababi abalikugambwa omurujuru rwa 13 nibahamba abaana. Kityo kubaki kilikintu ky’omugasho abazaire kufumora n’abaana babo kabutekire ebikikwete aha ngono, n’okubashoborora okwo bakubasa kwelinda abantu abakubasa kubakorera kubi?
Isi, nomanya?
Abajulizi ba Yehova batekatekire amakuru gangi agakubasa kujuna abazaire kushoborora abaana babo ebikwete aha ngono, n’okwo bakubasa kubalinda batakorerwa kubi? Obulebero nibwobu, leba:
-
Olinde Abaana Bawe (evideo)
-
“Yegesa Abaana Bawe Ebikwete aha Ngono” (Amkeni! Na. 5 2016)
6. Okunire abazaire bawe
Abasigazi n’abaisiki hamoi n’abaana nibolekya abazaire babo amakune kuraba omu ngeli eyo balikufumora nabo. Yolekya EVIDEO, mushube mufumoreho ebibazo ebili kuhonderaho.
-
Kubaki kilikintu ky’omugasho omusigazi anga omwisiki kufumora n’abazairebe omu makune?
-
Omusigazi anga omwisiki nabasa atai kufumora n’abazirebe omu makune?
Shoma Emigani 1:8, mushube mufumoreho ekibazo eki:
-
Omusigazi anga omwisiki nayetagwa kukoraki orwo alikuhabwa enyolekelera kuruga aha bazairebe?
7. Okwo eka yakwegashaniza ahali Yehova eyemire hamoi
Buli wiki amaka ga Abajulizi ba Yehova nigatekateka akanya ak’okwegashaniza ahali Yehova gemire hamoi. Omwegashanizo ogwo ogw’eka gukwatirainemu bintuki? Yolekya EVIDEO, mushube mufumoreho ebibazo ebili kuhonderaho.
-
Eka nebasa kutekateka etai eratiba ey’okukora omwegashanizo gw’eka obutosha?
-
Abazaire nibabasa kutekateka batai omwegashanizo gw’eka ogwina amagoba kandi oguli kushemera?—Leba epicha eli ambandizo y’eisomo eli.
-
Nikihai ekyakukora mugumirwe omu ka yanyu kwega mwemire hamoi?
Omwihanga elya karai elya Isiraeli, Yehova akaragira eka zifumore obutosha ebikwete amahandiko. Shoma Obwijukiro Bw’ebiragiro 6:6, 7, mushube mufumoreho ekibazo eki:
-
Nobasa kukozesa otai ekanuni egi?
Ebintu ebyo mwakubasa kukora omu mwegashanizo gw’eka:
-
Kutekateka enkiiko z’enteko.
-
Kushoma n’okufumoraho ebaruro y’Ebibulia ey’eka yanyu elikushemelerwa.
-
Koraba oina abaana, pakurura anga ochapishe emakala emoiho ey’abaana ezili omuli jw.org/sw.
-
Koraba oina abasigazi anga abaisiki, fumoraho emakala emoiho ekweteho abasigazi n’abaisiki ezili omuli jw.org/sw.
-
Igiza ebaruro y’Ebibulia hamoi n’abaana banyu.
-
Mulebe n’okufumoraho emoiho y’evideo ezili omuli jw.org/sw.
ABANTU ABANDI NIBAGAMBA BATI: “Abaana tibaina kubasa kushobokerwa Bibulia.”
-
Isi iwe oina bitekelezoki?
OMUBIGUFI
Yehova nayenda abazaire bagonze, begese, n’okulinda abaana babo, kandi abaana, bakunire n’okugira omuhuliro aha bazaire babo, mara nayenda eka zimwegashanizeho zemire hamoi.
Isi ebi wakubihorora otai?
-
Abazaire nibabasa kwegesa n’okulinda batai abaana babo?
-
Kandi abaana nibabasa kukunira batai abazaire babo?
-
Alimu magobaki ag’okutekateka akanya buli wiki kwegashaniza ahali Yehova Mwemire hamoi?
ENJUZA MUNO
Omwana nayetagwa kwega masomoki agaramujuna karaba yakuzire?
“Amasomo Mukaga Ago Wakwegesa Abaana Bawe” (Amkeni! Na. 2 2019)
Yega omanye obuhanuzi obwe Ebibulia elikuha balinya abali kwikazage abazaire ababaire bagurusi.
“Ebibulia Negambaki Akikwete Okwikazage Abazaire Ababaire Bagurusi?” (Emakala eli omutandao)
Leba omanye omushaija ayabaire atali kumanya ngeli ey’okulera abaanabe okwo yabasize kuba muzaire murungi.
Yega omanye abashaija okwo bakubasa kukukora obunywanyi bwabo bube burungi aha baana bojo.
^ Omu Bibulia ekigambo, “kuhana” nikitekamu okwegesa, okuhabura, n’okugorora. Ekyo tikili kumanyisa nakati kukorera kubi omwana omu bukatili.—Emigani 4:1.
