AKANKAMU 50
Nuatnaikiarusha warinia najanainiakua warasar pujuarminiait? (amuamu)
Uchinkia Jehová amakratniuiti. Uchirtin ainiana nuka ni uchirin penker wainkiarat tusa Jehová wakerawai. Tuma asa ni uchirin penker wainkiarat tusa uchirtin ainiana nuna jintintiainiawai. Uchisha warinia turawartiniait nunasha jintinkrateawai.
1. Uchirtin ainiana nunasha Jehová wari turatarum ta?
Jehovaka uchirtin ainiana nuna ni uchirin aneasarat tura ni uchirijiai iruntrar warinkish turawarat tusa wakerawai. Nuyasha itiurchat amajsarain tusa ni uchirin penker wainkiarat tusa wakerawai. Tura Yuusa chichamen jintinki tsakatmararat tusa wakerawai (Nekatai̱n Jintinkiartin [Proverbios] 1:8). Uchirtin ainiana nuna Yuus junis tawai: “Antsu Yusan shiir enentáimtusarat tusarum tí peṉker jintinkirum tsakatmartarum” (Ipisiunam [Efesios] 6:4 aujsata). Uchirtin ainiana nuka Jehová tana timiatrusan ni uchirin jintinki tsakatmainiakuinkia Jehová warawiti. Jehovaka uchirtin ainiana nuna ni uchirin ninki tsakatmararat tusa wakerawai.
2. Uchisha warinia najanawartiniait?
“Uchitiram, ame apa nukusha tuke umirkatarum” Jehová ainis tawai (Kurusenam [Colosenses] 3:20 aujsata). Uchi ni aparin tura ni nukurin arantuinia asa umirainiakka waramtiksartatui tura Jehovancha waramtiksattawai (Nekatai̱n Jintinkiartin [Proverbios] 23:22-25). Jesuska ni apari tunaarintin ainianak arantuinia asa umirniuyayi (Rúkas [Lucas] 2:51, 52).
3. Uchirtin ainiana nu tura uchisha Yuusan umirkatai tusar warinia najanawartiniait?
Uchiram achiakkumka ame Jehová aneamna aitkiasan uchirsha aneasat tusam wakeratsmeash. Uchiram Jehovan aneasat tusam wari turamniaitiam? Yuus papii tawai: “Túram tuke tsawant akupkámu chicham ame je̱e̱min pujakmesha jintiá wekaakmesha kánakmesha káshik nantakmesha yawe̱tsuk ame uchiram jintintiáwarta” (Muisais Ujakma [Deuteronomio] 6:7). Uchirtin ainiana nuka ni uchirin tuke jintintiawartiniaiti. Uchirtin ainiana nuka ni uchiri warinkisha kajinmatkiarain tusar awakeki awakeki jintintiawartiniaiti. Yuus papii tana aintsan tuke tsawan warinkish najankum ame uchiram jintintiatniuitme. Tuke atsakamutin atumi uchirijiai iruntrarum Yuusa chichame unuimiatratniuitrume. Uchi takakeachkumsha amek Yuusa chichame unuimiatratniuitme.
PENKER NEKAATAI
Uchirtin ainiana nu ni uchirijiai warasar pujuartasa warinia najanawartiniait nu nekaatai.
4. Atumi uchiri jintinkiurmesha aneasmajai jintintiatniuitrume
Atumi uchiri tsakatmartin itiurchat aminiaiti. Yuusa chichamesha itiura yainmakminiaitrum? Sántiak 1:19, 20 aujsarum juna aujmattsatarum:
-
Uchirtin ainiana nu ni uchirijiai aujmatainiaksha itiur aujmattsartiniait?
-
Uchirtiniaitkiursha kajekar pujusar urukamtai uchi chicharkashtiniaitiaj? a
5. Atumi uchirin itiurchat amajsarain tusarum penker wainkiatarum
Atumi uchirin itiurchat amajsarain tusarum ni ayashiniu tura tsanirmashtinia jintintiatniuitrume. Nuna aujmattsatin yupichuchichu aminiaiti. VIDEO iisrum juna aujmattsatarum:
-
Uchirtin ainiana nuka uchirun ni ayashiniun tura tsanirmashtinia nuna jintintiatniun itiurchat iiniaitjiai urukamtai ainis tuinia?
-
Nuna ni uchirijiai aujmattsatniuncha wari yainkiaruit?
Yuusa chichame tana aintsan tsawan nankaamaki weakui aentska ti yajauchin najanainiawai. 2 Timiutéun 3:1, 13 aujsarum juna aujmattsatarum:
-
Akantramuri 13 nui aujmateana aintsan aents yajauch ainiana nu uchin yajauch amajin ainiawai. Nuinkia uchirtin ainiana nu ni uchirijiai urukamtai ayashinian tura tsanirmashtinian aujmattsartiniait? Uchirun yajauch amajsarain tusar warinia itiurkartiniait?
Jusha nekaata
Uchirtin ainiana nu ni uchirin yaksha yajauch amajsarain tusar jintintiawarat tusar testigos de Jehová nukap papiin tura videon najanawaruiti. Juna najanawaruiti:
6. Ame apa tura nukusha arantukarta
Uchi tura uchi natsamarusha ni aparin tura ni nukurin arantukartiniaiti. Ni aparin arantuiniakka nijiai aujmatainiaksha kaje kajet aujmattsachartatui. VIDEO iisrum juna aujmattsatarum:
-
Natsamaru ni aparijiai tura ni nukurijiai aujmateaksha urukamtai arantamujai aujmattsatniuit?
-
Uchi natsamaru ni aparin tura ni nukurin arantakka itiurkatniuit?
Nekatai̱n Jintinkiartin [Proverbios] 1:8 aujsarum juna aujmattsatarum:
-
Uchi natsamarusha ni apari turutskesha ni nukuri junis turatniuitme tutaisha urukatniuit?
7. Atumi uchirijiai iruntrarum Yuusa chichame unuimiartarum
Testigos de Jehovatikia tuke atsakamutin ii uchirijiai Yuusa chichame iruntrar unuimiatniuitji. Nusha itiura najantain? VIDEO iisrum juna aujmattsatarum:
-
Tuke atsakamutin ii uchirijiai Yuusa chichame tamtsuk unuimiartasar wari itiurkamniaitiaj?
-
Uchirtin ainiana nu ni uchirijiai Yuusa chichamen unuimiainiak mashiniu wara warat wakerusmajai unuimiararat tusar warinia turawarminiait? (Juarmanum nakumkamu ana nu iista).
-
Uchirmijiai iruntrarum Yuusa chichame unuimiartincha urukamtai yupichuchichuit?
Israel aentska ni uchirin Yuusnan jintintiawartiniuyayi. Jehová nuna wakerimiayi. Muisais Ujakma [Deuteronomio] 6:6, 7 aujsarum juna aujmattsatarum:
-
Ju jintinkratma amesha itiura umikminiaitiam?
Atumi uchirijiai Yuusa chichame unuimiatkuram ju turamniaitrume:
-
Iruntramunam unuimiatratin iwiarnartarum.
-
Yaunchuk Yuusa umirin armia nu nankaamasmari aujsarum nuna aujmattsatarum.
-
Uchi uchich achiakkurmeka jw.org nui uchiniu takat ana nu jusatarum.
-
Uchiram natsamaruitkiuinka jw.org nui natsamarunu aarma irunna nu aujsatarum.
-
Yuusa chichame yaunchuk nankaamasarma irunna nu uchirmijiai nakumsarum iniakmamsatarum.
-
JW.ORG nui video irunna nu iisrum wari nekaarum nu aujmattsatarum.
CHIKICHKIA JUNIS TINIU AINIAWAI: Uchikia Yuusa chichamen nekaacharminiaiti.
-
Amesha warintinmek?
WARI NEKAAM
Uchirtinkia ni uchirin aneasarat tusa Jehová wakerawai, nuya ni chichamen jintiawar uchiri penker wainkiarat tusa wakerawai. Uchisha ni aparin arantukarat tura umirkarat tusa wakerawai. Mashiniu winia enentaimtursarat tusa wakerawai.
Awakeasrik nekaatin
-
Uchirtin uchirin jintintiainiak itiura jintintiawartiniait, tura itiurchat amajsarain tusar warinia turawartiniait?
-
Uchi apari arantuiniak warinia turawartiniait?
-
Tuke atsakamutin atumi uchirijiai Yuusa chichame unuimiakrumka itiur pujuttarum?
NUKAP NEKAATA
Uchiram uunt ajas penker ati tusam wari jintintiatniuitiam?
Ame uchiram warinia unuimiatrartiniait? (¡Despertad!, núm. 2 2019)
Ame apaksha turutskesh nukuksha uuntmantu ajasu wainiakum pujurkumka ju aujsata.
Aents uchi itiur tsakatmartiniait nuna nekachkusha uchirin penker tsakatmarmiania nu nekaata.
Apa ni uchirijiai itiura shiir amajnaisartiniait nu nekaata.
Apa uchirijiai arantak amajnaisaij tusa warinia turatniuit? (La Atalaya, 1 de noviembre 2011)
a Yuus papiiniumka jintintiatniun tura chicharkatniun aujmatui. Nuna aujmateakka asutiakur nankamsar pujua pujua amajtinian tatsui (Nekatai̱n Jintinkiartin [Proverbios] 4:1).
