THUTO 50
Nsha Uwo u Nga Shatha Chini?—Ipithu 2
Bana i chipo chi no dwa ku na Jehova. Ngono wa ka lingilila kuti bazwadzi ba thokomele chipo ichecho. Jehova u no pa bazwadzi kumbuludzo ye ku thama ichecho. I nga batsha ne bana ku thama kuti buchilo gwe nsha gu shathise.
1. Jehova u no kumbuludza bazwadzi chini?
Jehova wa ka lingilila kuti bazwadzi ba de bana baabo ne ku zwipa chibaka ba nabo. Kakale u no shaka kuti bazwadzi ba bakilile bana babo mu zwithu zwi nga ba kubadza, ne ku shingisa milayontewo ye Baibili ku ba diya. (Zwiani 1:8) U no budza botate kuti: “Koga [bana benyu] mubakudzile mu . . . kulaya kwa She.” (Bala Baefeso 6:4.) Jehova u no shatha ha bazwadzi be thama cha a no ba budza, ne ku sa lechedzele bangwe ku kudza bana babo.
2. Jehova u no kumbuludza bana chini?
Jehova u no layila bana eti: “Ihwani bazwadzi benyu.” (Bala Bakolosa 3:20.) Ha bana be hlonipha ne ku teedza bazwadzi, ba no shathisa Jehova ne bazwadzi babo. (Zwiani 23:22-25) Jesu wa ka siyila bana chilakidzilo chibuyanana ha a chi ngwana. Nenguba a ka be a ka zwilizanila, wa ka be e teedza ne ku hlonipha bazwadzi babe.—Luka 2:51, 52.
3. Mu nga be bakhwinya be Ndzimu chini se nsha?
Ha ili kuti u nzwadzi, u no shaka kuti bana babo ba de Jehova koga sa we. U nga thama ichechi chini? Ne ku thama chi no lebgwa ne Baibili ha iti: “[Matama a Jehova] uadiye bana babo, ulebeleke nge kwawo uligele mu ng’umba iyo ne uyenda mu zila.” (Ditironomi 6:7) Ku ‘diya’ ko dwa ku buyilila chingwe. Pangwe u no ziba kuti wa ka fanila ku buyilila chingwe, kuti bana babo ba chi alakane. Ndimana iyeyi i no dwa kuti wa ka fanila ku shaka, zwibaka zwe ku lebesana ne bana babo ne kwa Jehova. I chithu cha ka lulwama ku zwibigila nako viki ne viki ku namata Jehova se nsha. Ha u sina bana, ku zwipa chibaka viki ne viki ku zwidiya Dama le Ndzimu kowo ku batsha.
ZWIDIYE KWA KA NGINILILA
I mikumbulo ipi i nga batsha bose mu nsha ku zwiwa ba ka bakililika ne ku shatha?
4. Diya bana babo ne ludo
Ku diya bana i nshingo nkulu. Baibili i nga ku batsha chini? Bala Jakuba 1:19, 20, mu be mu lebesana ne kwe buzo dzi no tobela:
-
Bazwadzi ba nga lakidza bana babo ludo chini ha be lebesana nabo?
-
Ini bazwadzi ba sa ka fanila ku chemela bana ha bali zhele bugali? a
5. Bakilila bana babo
Ili ku bakilila bana babo, ko sheteka kuti u lebesane ne nngwe ne nngwe wabo ne kwe ku shanganila ngubo. Ichecho cha ka sima. Zana VIDIYO, mu be mu lebesana ne kwe buzo dzi no tobela.
-
Ini bazwadzi bangwe be simigwa ne ku lebesana ne bana babo ne kwe ku shanganila ngubo?
-
Bazwadzi bangwe ba ka shingisa zila dzipi ku chenesela bana babo ne kwe ku shanganila ngubo?
Ku yenda ne buporofiti, shango ya Satani i no dwilila i bipila mbeli. Bala 2 Timoti 3:1, 13, mu be mu lebesana ne kwe buzo i no tobela:
-
Bangwe be bathu babi ba ku no lebgwa ne kwabo mu ndimana 13 ba no shanganila ngubo ne bana. Iko, ini bazwadzi ba ka fanila ku diya bana babo ne kwe ku shanganila ngubo, ne se kwa ba nga zwivikila mu bathu ibaba?
A wa gala u ziba?
Bafakazi ba Jehova ba na zwithu zwinjinji zwi no batsha bazwadzi ku diya bana babo ne kwe ku shanganila ngubo ne se kwa ba nga zwivikila. Ku bona chilakidzilo, bona zwi no tobela:
-
Bakilila Bana Babo (vidiyo)
-
“Ku Diya Bana ne Kwe ku Shanganila Ngubo” (Mukani! No. 5 2016)
6. Teta bazwadzi babo
Bana ne batshwa ba nga lakidza kuti ba no teta bazwadzi ne zila ya ba no lebeleka nabo nayo. Zana VIDIYO, mu be mu lebesana ne kwe buzo i no tobela.
-
Ini ili chingwe chi no tolegwa pezhugwi, ha nthu nchechana e lebesana ne bazwadzi babe ne zila ye ku teta?
-
Nthu nchechana u nga lebesana chini ne bazwadzi babe ne zila i no lakidza ku ba kudza?
Bala Zwiani 1:8, mu be mu lebesana ne kwe buzo i no tobela:
-
Nthu nchechana wa ka fanila thamani ha bazwadzi babe be nkumbuludza?
7. Namatani Jehova muli nsha
Bafakazi ba Jehova ba no zwibigila nako ne be misha yabo viki ne viki kuti ba khone ku namata bali bose. Ku namata ikoko ku nga thamiwa chini? Zana VIDIYO, mu be mu lebesana ne kwe buzo dzi no tobela.
-
Nsha u nga dwilila u na ku namata kwe nsha viki ne viki chini?
-
Nzwadzi u nga thamani kuti ku namata kwe nsha ku shathise?—Bona itshwantsho chi no tangisa thuto iyeyi.
-
Ini chi nga thama kuti ku sime ku zwidiya muli mose?
Mu Iziraela wa ntolo, Jehova wa ka be a ka lingilila kuti misha i dwilile i lebesana ne kwe Hwalo. Bala Ditironomi 6:6, 7, mu be mu lebesana ne kwe buzo i no tobela:
-
Mu nga shingisa chini nlayontewo iwoyo?
Cha mu nga thama mu ku namata kwe nsha:
-
Baakanyilani zwidiyo zwe gubungano.
-
Balani ne ku lebesana ne kwe mbiko ye Baibili ya mu no shathila se nsha.
-
Ha mu na bana ba tukununu, zwitoleleni zwa ka thamigwa bana mu jw.org.
-
Ha mu na batshwa, lebesanani ne kwe misholo i no leba nekwe batshwa mu jw.org.
-
Kumbulani ne ku zana muli bathu ba mu mbiko ingwe ye Baibili.
-
Lingililani ne ku lebesana ne kwe vidiyo ingwe mu jw.org.
BATHU BANGWE BA KATI: “Baibili ya ka simila bana.”
-
Iwe u nga tini?
CHA WA ZWIDIYA
Jehova u no shaka kuti bazwadzi ba de, ba diye, ne ku bakilila bana babo; bana ba hloniphe ne ku teedza bazwadzi; ba mu nsha be namate Ndzimu bali bose.
U Nga Tini?
-
Bazwadzi ba nga diya ne ku bakilila bana babo chini?
-
Bana ba nga lakidza chini kuti ba no kudza bazwadzi babo?
-
Ku zwibigila nako viki ne viki ku namata muli nsha ku nga batsha neni?
SHAKISISA
Bana ba nga zwidiyani kuti ba be balume ne bakadzi ba ka kula?
“Dilo Tse Thataro Tse Bana ba Tlhokang go di Rutiwa” (Tsogang! No. 2 2019)
Zwidiye ne kwe kumbuludzo ye Baibili ku na ba no thokomela bazwadzi ba chi kwegula.
“Baibili Ikatini ne Kwe ku Thokomela Bazwadzi ba Chi Kwegula?” (Web article)
Bona se kwa nlume wa ka be a si nga zibe kuti u nga kudza bana babe chini, a ka khona ku be tate ba ka lulwama.
Bona se kwa botate ba nga simisa bukhwinya gwabo ne bana babo be chiisana.
“Botate ba Nga be Bakhwinya be Bana Babo be Chiisana Chini?” (Thungamakole, November 1, 2011)
a Mu Baibili, “kudiya” kene ku chemela ko dwa ku layila, ku kumbuludza, ne ku batsha ngwana ku shandula zila i sa ka lulwama ye ku kumbula kene ku zwibata. Ha ku to dwa ku suta.—Zwiani 4:1.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
