DISÁ 50
Kyebhi ki Utena Kukala ni Mwiji Wasanguluka?—Mbandu ya 2
O twana ujitu wa Jihova. Mwene ukingila kwila o jitata alanga kyambote o ujitu yú. Jihova ubhana itendelesu yambote phala kukwatekesa o jitata kubhanga kiki. O itendelesu ya Nzambi ikwatekesa we o twana kubhanga o mbandu yâ phala o mwiji usanguluke.
1. Itendelesu yebhi ibhana Jihova ku jitata?
Jihova wamesena kwila o jitata azola o twana twâ anga abhita kithangana kyasoko ni ene. Mwene wamesena kwila o jitata alanga o twana twâ ni ku alonga o itumu ya Nzambi bhukaxi ka Bibidya. (Jisabhu 1:8) Mwene wambela o jitata: ‘Kolokotenu mu kubazela ni kulonga [anenu] kala kya tumu Jihova.’ (Tanga Efezu 6:4.) Jihova usanguluka kyavulu kyoso o jitata kya belesela o kitendelesu kiki. Mwene usanguluka kyoso kyamona kwila o jitata amubhanga yoso phala kusasa o twana, sé kwabhana ku athu engi phala kwasasa.
2. Itendelesu yebhi ibhana Jihova ku twana?
Jihova utendelesa o twana: ‘Tumakenu o jitata jenu.’ (Tanga Kolose 3:20.) Kyoso twana kya belesela anga a xila o jitata, asangulukisa Jihova, o jitata asanguluka we. (Jisabhu 23:22-25) Jezú wabhana phangu yambote kyoso kyexile monandenge. Mwene wexile muthu wayuka, maji né kiki wasuluka ni kubelesela ni kuxila o jitata jê kexile athu ayuka.—Luka 2:51, 52.
3. Kyebhi o mwiji ki utena kuzukama dingi kwa Nzambi?
Se u tata mba u mama, ni kidi kyoso wamesena kwila o twana twé azola Jihova kala kiwazolo eye. Kyebhi kimutena kubhanga kiki? Mu kubhanga izwela o Bibidya: “An’é u a longa mwene o ku bhaka ni ku kumbidila [o mak’â Jihova], o ki u xikama m’onzo yé, banza maka enyá; o ki u kala mu kwenda njila, enda ni maka enyá.” (Matendelelu 6:7) O “kulonga” kulombolola kubhitulula o ima. Enu nange mwejiya kwila, phala o twana kubhaka o ima i mwa mulonga, kubhinga kubhitulula jiveji javulu. O velusu yiyi ya muzwela kwila o jitata atokala kusota kithangana phala kuzwela ni twana twâ ya lungu ni Jihova. Kima kyambote semana joso kukala ni kithangana phala kubhanga o ubhezelu ku mwiji. Né mwene se kiwale ni twana, kima kyambote kukatula kithangana phala kudilonga o Mak’â Nzambi semana yoso.
DILONGE DINGI
Tala o jindunge jitena kukwatekesa o mwiji kudilanga ni kukala ni kusanguluka.
4. Longa o twana twé ni henda
Kulonga o twana kutena kubhonza. Kyebhi o Bibidya itena kukwatekesa? Tanga Tiyaku 1:19, 20, mukusuluka bhanga o ibhwidisu ya kayela:
-
HKyebhi o jitata kyatena kulondekesa henda kyoso kya mu dizwelesa ni twana twâ?
-
HMukonda dyahi o tata mba mama kyoso kyala ni njinda katokala kubazela o mona? a
5. Langa o twana twê
Phala kulanga o twana twê, kima kyambote kuzwela nawu ya lungu ni uyala mba uhatu, né mwene se ki udivu kyambote mu kuzwela o maka yá. Tala OVIDYU, mukusuluka bhanga o ibhwidisu ya kayela.
-
Mukonda dyahi kubhonza phala o jitata kuzwela ni twana twâ ya lungu ni uyala mba uhatu?
-
Sayi jitata azwela ni twana twâ ya lungu ni uyala mba uhatu mu maukexilu ebhi?
Kala kyambe o Bibidya, o kuyibha ku mundu yú wa Satanaji kwa mu dibandekesa dingi. Tanga 2 Timote 3:1, 13, mukusuluka bhanga o kibhwidisu kya kayela:
-
O velusu ya 13 izwela ya lungu ni athu ayibha, sayi ya ene muzangata mba kuta phanda ku ana jindenge. Kyenyiki, mukonda dyahi kima kyambote o jitata kuzwela ni twana twâ ya lungu ni uyala mba uhatu ni ku alonga kudilanga ku athu ene muzangata o ana jindenge?
Eye wakijidile?
O Jimbangi ja Jihova ala ni madivulu avulu ene mukwatekesa o jitata kuzwela ni twana twâ ya lungu ni uyala mba uhatu ni ku alonga kudilanga ku athu ene muzangata o ana jindenge. Tala phangu imoxi:
-
Langa Otwana Twé (vidyu)
-
““Longa o Twana Twê ya Lungu ni Uyala mba Uhatu” (Despertai!, n.º 5 de 2016)
6. Xila o jitata jé
O ana jindenge ni minzangala alondekesa kwila axila o jitata jâ mu ukexilu wakuzwela nawu. Tala OVIDYU, mukusuluka bhanga o ibhwidisu ya kayela.
-
Mukonda dyahi kima kyambote o minzangala kubhanga nguzu phala kudizwelesa ni jitata jâ?
-
Kyebhi o munzangala kyatena kulondekesa kuxila mukuzwela ni jitata jâ?
Tanga Jisabhu 1:8, mukusuluka bhanga o kibhwidisu kya kayela:
-
Ihi yatokala kubhanga o munzangala kyoso o jitata jê kya mutangela ihi yatokala o kubhanga?
7. Bhangenu o ubhezelu ku mwiji
O Jimbangi ja Jihova ene mukatula kithangana semana joso phala kudilonga o Bibidya kumoxi. O ukexilu yú wakudilonga awixana ubhezelu ku mwiji. Kyebhi kyene mubhanga o ubhezelu yú? Tala OVIDYU, mukusuluka bhanga o ibhwidisu ya kayela.
-
Kyebhi o mwiji ki utena kudisokejeka phala kukala ni Ubhezelu ku Mwiji semana joso?
-
Kyebhi o jitata kyatena kubhanga o ubhezelu ku mwiji mu ukexilu ukwatekesa o twana kudivwa kyambote?—Tala o foto kudimatekenu dya disá didi.
-
Mudyé, ihi yeji tena kubhonzesa o ubhezelu ku mwiji?
Mukulu, Jihova wamesenene kwila o miji ku mundu wa Izalayele atanga o Mikanda ikola izuwa yoso. Tanga Matendelelu 6:6, 7, mukusuluka bhanga o kibhwidisu kya kayela:
-
Kyebhi ki utena kukumbidila o kitumu kiki ku mwenyu wé?
Jindunge phala kubhanga o ubhezelu ku mwiji:
-
Kupelepalala o milongi ya yônge.
-
Kutanga musoso wa Bibidya anga mu dizwelesa ya lungu ni musoso yú.
-
Se wala ni twana, katula tumikanda mba tuvidyu phala o ana jindenge yala mu sayite jw.org.
-
Se wala ni twana twa minzangala, zwela nawu ya lungu ni milongi ya minzangala yala mu sayite jw.org.
-
Bhanga ifika ya musoso wa Bibidya kumoxi ni twana twé.
-
Kutala vidyu mu sayite jw.org anga mudizwelesa ya lungu ni vidyu.
ATHU AVULU AMBA: “Twala ni ikalakalu yavulu phala kubhanga, kitwala ni kithangana phala kulonga o twana twetu ya lungu ni Bibidya.”
-
Ihi iweji zwela?
IHI IWADILONGO
Jihova wamesena kwila (1) o jitata azola, alonga ni kulanga o twana twâ, (2) o twana abelesela ni kuxila o jitata, (3) o miji amubheza kumoxi.
Kubhitulula
-
Kyebhi o jitata kyatena kulonga ni kulanga o twana twâ?
-
Kyebhi o twana kyatena kulondekesa kwila amuxila o jitata jâ?
-
Mukonda dyahi kima kyambote kubhanga o ubhezelu ku mwiji semana joso?
TOKWESA DINGI
Madisá ebhi andakwatekesa o twana twé kyoso kyanda kula?
“Madisá Asamanu Phala Kulonga o Twana Twê” (Despertai!, n.º 2 de 2019)
Tala o itendelesu ya Bibidya ya lungu ni yó ene mulanga o jitata jakuka kya.
“Ihi izwela o Bibidya ya Lungu ni Kulanga o Jitata Akuka Kya?” (Milongi ya jw.org)
Sayi diyala kejidile kyebhi kyeji sasa o twana twê, maji wakituka tata yambote. Tala ihi yamukwatekesa.
Tala kyebhi o tata kyatena kukala ni ukamba wambote ni mone.
a Mu Bibidya, o kizwelu “kubazela” kya lungu ni kulonga ni kubhana itendelesu. Kikilombolola kutalatala kyayibha o muthu.—Jisabhu 19:18.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
