LONGI DIA 50
Aweyi Esi Nzo Aku Balenda Kadila ye Kiese?—Ndambu 2
O wana i nkayilu a Yave. Ozolele vo mase batoma lunga-lunganga nkayilu wau. Yave ovananga malongi mamfunu malenda sadisa mase mu lungisa e mbebe yayi. Malongi mandi mesonganga mpe mana wana bafwete vanga kimana e zingu kia nzo kiakala kiakiese.
1. Nkia malongi Yave kevananga kwa mase?
Yave ozolele vo mase bazolanga wan’au yo viokesa yau e ntangwa yafwana. Ozolele mpe vo mase bataninanga wan’au muna vonza yo sadila nkanikinu mia Bibila muna kubalonga. (Ngana 1:8) Yave ovovesanga mase vo: ‘Nusansilanga [wan’eno] . . . muna luludiku lwa Yave.’ (Tanga. Efeso 6:4.) Yave oyangalalanga vava mase besadilanga luludiku lwalu muna sansa wan’au yo lembi vana mbebe yayi kwa muntu ankaka.
2. Nkia malongi Yave kevananga kwa wana?
Yave ovovesanga kwa wana vo: “Nulemvokelanga mase meno ye ngudi zeno.” (Tanga Kolosai 3:20.) Vava wana bezitisanga yo lemvokela mase mau, bemwesanga Yave ye mase mau e kiese. (Ngana 23:22-25) Yesu wasonga mbandu ambote. Vava kakala nleke, wazitisanga yo lemvokela mase mandi, kanele vo muntu alunga kakala.—Luka 2:51, 52.
3. Aweyi ngeye ye esi nzo aku nulenda kadila akundi a Nzambi?
Avo u se yovo ngudi, kalukatikisu ko vo ozolele vo wan’aku bazola Yave nze una okunzolelanga. Aweyi olenda lungisila e kani diadi? Bibila kivovanga vo: “[E mvovo miami mia Yave] ofwete mio kotesa muna ntima mia wan’aku yo mokenena mio vava ofonga muna nzo aku, vava okiya muna nzila.” (Nsiku 6:7) Muna “kotesa” e mambu ma Yave muna ntima mia wana, ofwete mo kubalonganga ntangwa zawonso. Nanga ozeye wo vo, muna longa diambu kwa wan’aku divavanga vo wavutukilanga dio nkumbu miayingi kimana balembi dio vilakana. E sono kiaki kisongele vo ofwete sadilanga konso lau mu mokenena mambu ma Yave yo wan’aku. Diambote mu vaulanga e ntangwa konso lumingu mu longoka e Bibila entwadi. Avo kuna yo wana ko, ovua e nluta muna vaulanga e ntangwa konso lumingu mu longoka e Diambu dia Nzambi.
ZAYA DIAKA MANKAKA
Tala mambu malenda sadisa awonso muna nzo mu kala yo lutaninu ye kiese.
4. Longelanga wan’aku kuna zola
Dilenda kala diampasi kwa mase mu longa o wana. Kansi, aweyi e Bibila kilenda kubasadisila? Tanga Yakobo 1:19, 20, i bosi, vana e mvutu za yuvu eyi:
-
Aweyi mase balenda songela o zola vava bemokenanga yo wan’au?
-
Ekuma o se yovo ngudi kafwete longela wan’andi ko avo ku makasi kena? a
5. Taninanga wan’aku
Muna tanina wan’aku, diamfunu mu mokenanga ye konso mwana e diambu ditadidi kikento ye kiyakala. Ediadi dilenda kala diampasi. Tala e VIDEO, i bosi vana e mvutu za yuvu ilende.
-
Ekuma dikadilanga diampasi kwa mase mu mokena yo wan’au e mambu ma kikento ye kiyakala?
-
Aweyi mase mankaka besasilanga kwa wan’au mambu ma kikento ye kiyakala?
Nze una wasakulwa, e nza ya Satana mu beba kaka ina. Tanga 2 Timoteo 3:1, 13, i bosi, vana e mvutu za kiuvu eki:
-
Akaka muna wantu ambi beyikwanga muna tini kia 13, belekanga wan’a kete mu kingolo. Ekuma dinina diamfunu kwa mase balonganga wan’au mambu ma kikento ye kiyakala ye una balenda kukitanina kwa yimpumbulu?
Nga Ozeye?
Mbangi za Yave bevaikisanga nkanda miayingi misadisanga mase mu longa wan’au e mambu ma kikento ye kiyakala yo kubatanina kwa awana belekanga wan’a kete mu kingolo. Tala yaka nona:
-
Tanina o Wan’aku (video)
-
“Como Falar com Seus Filhos Sobre Sexo” (Sikama! No. 5 2016)
6. Zitisanga mase maku
Wana balenda songa luzitu kwa mase mau muna mpila bekubavoveselanga. Tala e VIDEO, i bosi, vana mvutu za yuvu ilende.
-
Ekuma dinina diamfunu kwa nleke kasonganga luzitu vava kemokenanga ye mase mandi?
-
Aweyi nleke kalenda songela luzitu kwa mase mandi vava kemokenanga yau?
Tanga Ngana 1:8, i bosi, vana e mvutu za kiuvu eki:
-
Adieyi nleke kalenda vanga avo mase mandi bamvene longi?
7. Nuvaulanga ntangwa yalongoka e Bibila
Esi nzo bena vo Mbangi za Yave, bevaulanga e ntangwa muna konso lumingu mu sambila Yave entwadi. Nkia mambu nufwete vanganga muna nsambila ya esi nzo? Tala e VIDEO, i bosi, vana e mvutu za yuvu ilende.
-
Adieyi esi nzo balenda vanga kimana bakalanga ye nsambila ya esi nzo konso lumingu?
-
Adieyi o se yovo ngudi kalenda vanga mu kitula e nsambila ya esi nzo se yakiese?—Tala e foto dina kuna lubantiku lwa longi diadi.
-
Nkia diambu dilenda kukakidila mu kala ye nsambila ya esi nzo?
Kuna nz’ankulu, Yave wakanikina esi nzo za Isaele bamokenenanga mambu ma Nzambi ntangwa zawonso. Tanga Nsiku 6:6, 7, i bosi, vana e mvutu za kiuvu eki:
-
Aweyi olenda sadila nkanikinu wau?
Mambu nulenda vanga muna nsambila ya esi nzo:
-
Nulenda kubika malongi ma tukutakanu.
-
Nulenda tanga yo mokenena lusansu lwa Bibila luna esi nzo aku balenda yangalela.
-
Avo wan’akete una yau, olenda kulumuna yovo bandula malongi mevovelanga wana, mena muna nzil’eto ya internete jw.org.
-
Avo wan’aku aleke, nulenda mokenena malongi mevovelanga aleke, mena muna nzil’eto ya internete jw.org.
-
Nulenda vanga yimpa ya tusansu twa wantu beyikwanga muna Bibila.
-
Nulenda tala yo mokenena e video zina muna nzil’eto ya internete jw.org.
AVO MUNTU UVOVESE VO: “Salu yayingi ikalanga yau, kina ye ntangwa ko mu longa e Bibila kwa wana.”
-
Adieyi okumvovesa?
MAMBU MASINA MA LONGI DIADI
Yave ozolele vo mase bazolanga wan’au, kubalonga yo kubatanina. O wana bazitisanga yo lemvokela mase mau. Ozolele mpe vo esi nzo bansambila entwadi.
Nkia Mambu Olongokele?
-
Aweyi mase balenda longela yo tanina wan’au?
-
Aweyi wana balenda songela vo bezitisanga mase mau?
-
Nkia nluta esi nzo bevua avo bavawidi e ntangwa konso lumingu mu kala ye nsambila ya esi nzo?
TALA MPE OMA MALENDE
Nkia mambu olenda longa kwa wan’aku malenda kubasadisa vava bekola?
“Seis Lições Para Ensinar ao Seu Filho” (Sikama! No. 2 2019)
Tala malongi mena muna Bibila mu kuma kia awana belunga-lunganga mase bena vo se anunu.
“Adieyi Bibila Kivovanga mu Kuma kia Lunga-lunga Mase Bena vo se Anunu?” (Longi dina muna jw.org)
Tala una se dimosi ona kazaya sansa wana ko kakitukila se diambote.
Tala una mase balenda siamisina ngwizani au yo wan’au.
“Aweyi Mase Balenda Finamena Wan’au Amakala?” (Eyingidilu, Yanuali-Malusu 2012)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
