CIIYO 50
Nsheenga Mwaciita Kwaamba ayi Mube Alusangalalo Mumukwashi Wanu—Lubasu 2
Baana ncipo kuswa kuli Yehova. Aboobo alalangila bashali kulama kabotu cipo ici. Yehova nshaamba inga shacafwa bashali kukumanisha kabotu mukuli ngwakabapa. Alimwi inga shacafwa abaana kucita sheenga shapa kwaamba ayi mukwashi uswitilile.
1. Ino mbutanjilishi nshi Yehova mbwaapa kubashali?
Yehova alisuni ayi bashali banoosuna bana babo alimwi akucana ciindi cakubaabo pomwi. Alimwi alisuni bashali kushitilisha baana akubaiisha kwiinda mukukonkela njiisho shamu Baibo. (Tushimpi 1:8) Alalwiita bashali basankwa ayi: “Amutolelele kubalela . . . mubutanjilishi bwakwe Yehova.” (Amubelenge Bene Efeso 6:4, NWT.) Yehova alasangalala na bashali kabakonkela butanjilishi bwakwe ndyebatoolela bana babo, kwakubula kupa mukuli uyo kubamwi.
2. Ino mbutanjilishi nshi Yehova mbwaapa kubaana?
Yehova alalwiita baana ayi: “Nobaana amunyumfwile bashali banu.” (Amubelenge Bene Kolose 3:20.) Yehova alimwi abashali balasangalala na baana kabanyumfwila akulemeka bashali babo. (Tushimpi 23:22-25) Yesu wakatondesha cakubonenaako cibotu ndyaakalinga mwanike. Nabi kwaamba ayi wakalinga kumaninite, wakalinga kunyumfwila alimwi akulemeka bashali bakwe.—Luka 2:51, 52.
3. Ino inga mwacita buyani kwaamba ayi muyumye bushicibusa bwanu a Yehova mbuli mukwashi?
Na muli bashali, ncakutatoonsha kwaamba ayi mulisuni bana banu kusuna Yehova bweenka amwebo mbomumusuni. Ino inga mwacita buyani kwaamba ayi mucafwe bana banu kusuna Yehova? Inga mwakonkela Baibo nshoyaamba ayi: “Mulyeelete kwiisha bana banu [maswi akwe Yehova] alimwi akubandika ngawo ciindi ndyemushiite muŋanda yanu, aciindi ndyemutokweenda munshila.” (Dutolonomi 6:7) Ici cilasansulula kwiisha munshila yakubooshaawo. Cilyeelete kwaamba ayi mbuli mushali, mulicishi ayi liinji kwaamba ayi mwaana eebaluke cintu cimwi mulyeelete kubooshawo. Kweelana alilembo ili, lyoonse mulyeelete kucana ciindi cakubandika abana banu pali Yehova. Cilacafwa abuumbi na nsondo ansondo kamuba akulambila kwa mukwashi. Na tamucitewo baana, inga mwafubilaamo na kamucana ciindi cakwiiya Maswi akwe Lesa nsondo ansondo.
AMWIIYILEWO ASHIMWI
Amwiiye nsheenga mwaciita kwaamba ayi boonse mumukwashi banooba basangalete akulinyumfwa kushitilishikwa.
4. Amwiishe bana banu calusuno
Kwiisha baana teshi cuubu. Ino Baibo nshoyaamba inga shamucafwa buyani? Amubelenge Jemusi 1:19, 20, akubandika miipusho iyi:
-
Ino bashali inga batondesha buyani lusuno ndyebatobandika abana babo?
-
Ino nceebonshi mushali na wakalala taeelete kululika mwanaakwe? a
5. Amushitilishe bana banu
Kwaamba ayi mushitilishe bana banu, mulyeelete kwiisha mwaana womwi awomwi pamakani akoonana, nabi kwaamba ayi ici teshi cuubu. Amweebele VIDYO, lyalo akubandika miipusho itokonkelaawo.
-
Ino nceebonshi nciyumu kubashali bamwi kwiisha bana babo pamakani akoonana?
-
Ino bashali bamwi bakacita buyani kwaamba ayi bacikoonshe kusansulwiita bana babo makani akoonana?
Kweelana a Baibo mboyakaamba, cishi cakwe Satana catolelela kuya bubicilaako abuumbi. Amubelenge 2 Timoti 3:1, 13, akubandika mwiipusho uyu:
-
Bantu bamwi bacita shibiibi abo baambwa muvesi 13 balacita shintu shibiibi kubaana. Aboobo ino nceebonshi bashali balyeelete kwiisha bana babo pamakani akoonana, alimwi ino inga bacita buyani kwaamba ayi babashitilishe kubantu bacita shintu shibiibi kubaana?
Sa mulishi?
Bakamboni Bakwe Yehova balicite mabuku aanji eenga acafwa bashali kwiisha bana babo pamakani akoonana alimwi akushitilisha baana kubaabo beenga babacita shintu shibiibi. Kucakubonenaako, amubone:
-
Amushitilishe Bana Banu (vidyo)
-
Libuku lyamu Chitonga licite mutwi waamba ayi, Amwiiye Ku Mwiiyi Mupati mutwi 10 alimwi a 32
-
“Amwiishe Mwanaanu Pamakani Akoonana” (Sinsimuka! No. 5 2016)
6. Amutondeshe bulemu kubashali banu
Baana alimwi abacikula bwaangu inga batondesha bulemu kubashali babo kwiinda munshila mbobabandikaabo. Amweebele VIDYO, lyalo akubandika miipusho itokonkelaawo.
-
Ino nceebonshi ncintu cibotu wacanike kubandika abashali bakwe cabulemu?
-
Ino wacanike inga wabandika buyani abashali bakwe munshila yabulemu?
Amubelenge Tushimpi 1:8, akubandika mwiipusho uyu:
-
Ino wacanike alyeelete kucita buyani na bashali bamulwiita shakucita?
7. Amulambile Yehova mbuli mukwashi
Nsondo ansondo, mikwashi ya Bakamboni Bakwe Yehova balacana ciindi cakucita kulambila kwa mukwashi. Ino nshiinshi nshebacita pakulambila kwa mukwashi? Amweebele VIDYO, lyalo akubandika miipusho itokonkelaawo.
-
Ino mukwashi inga wacita buyani kwaamba ayi banooba a Kulambila kwa Mukwashi lyoonse?
-
Ino mushali inga wacita buyani kwaamba ayi bacite shicafwa alimwi shisangalasha pakulambila kwa mukwashi?—Amubone cikope cili kumatalikilo aciiyo ici.
-
Ino nciinshi ceenga capa kwaamba ayi cibe ciyumu kwiiya pomwi mumukwashi wanu?
Muciindi ca bene Isilaeli bakale kale, Yehova wakalinga kusuni ayi mikwashi banoobandika Malembo lyoonse. Amubelenge Dutolonomi 6:6, 7, akubandika mwiipusho uyu:
-
Ino njiisho iyi inga mwaikonkela buyani?
Nsheenga mwaciita pakulambila kwa mukwashi:
-
Kulibambila mabungano.
-
Kubelenga alimwi akubandika makani amu Baibo eenga asangalasha bamumukwashi wanu.
-
Na mulicite baana baniini, amucite daunilodi na kupulinta shakucita sha baana shicanika pa jw.org.
-
Na mulicite baana bacite myaaka kutalika pa 13 kushika ku 19, amubandike mutwi wamakani umwi waamba pabacanike ucanika pa jw.org.
-
Amucite cisekano abana banu caamba pamakani amu Baibo.
-
Amweebele vidyo yapa jw.org, lyalo akubandikaawo.
BANTU BAMWI BALAAMBA AYI: “Baibo ilaamba makani ayumu ngeenga baana tabanyumfwishishi.”
-
Ino mwebo mulabona buyani?
CITEENTE CINENE
Yehova alisuni kwaamba ayi bashali kabasuna, kwiisha, alimwi akushitilisha bana babo; alisuni baana kulemeka akunyumfwila bashali babo; alimwi alisuni bamumukwashi kunoomulambila pomwi.
Kwiindulukaamo
-
Ino bashali inga bacita buyani kwaamba ayi baiishe akushitilisha bana babo?
-
Ino baana inga batondesha buyani bulemu kubashali babo?
-
Ino mbubotu nshi bwakucita kulambila kwa mukwashi nsondo ansondo?
AMULANGWETEEWO ASHIMWI
Ino nshiiyo nshi nsheenga mwaiisha mwanaanu kwaamba ayi shimucafwe kukula kabotu?
“Shiiyo Shili 6 Baana Nshebayandika Kwiiya” (Sinsimuka! No. 2 2019)
Ino Baibo ilaamba nshi kubaabo bacite mukuli wakulama bashali bacembele?
“Ino Baibo Ilaamba Nshi Pamakani Akulama Bashali Bacembele?” (Makani acanika pa jw.org)
Amubone cakacafwa musankwa watakalinga kucishi bwakulela baana, kwiiya kuba mushali uli kabotu.
Amubone sheenga shacafwa bashali basankwa kunonyumfwana kabotu abana babo basankwa.
a Mu Baibo, “kululika” cilaamba kwiisha alimwi akupa butanjilishi bweenga bwacafwa mwaana kucileka mibo itabete kabotu. Tacaambi kuba alunkutwe kubaana.—Tushimpi 4:1.
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
