LESON 50
Kouma Ou Fami Kapav Ere?—Parti 2
Bann zanfan zot enn kado Zeova. Zeova anvi ki bann paran pran bien swin sa kado-la. Li donn bann paran bann bon konsey pou fer sa. So bann konsey montre bann zanfan osi seki zot kapav fer pou ki zot fami ere.
1. Ki konsey Zeova donn bann paran?
Zeova atann ki bann paran kontan zot zanfan ek pas maximum letan ki zot kapav avek zot. Li anvi osi ki bann paran protez zot zanfan kont bann danze ek Li anvi ki zot servi bann prinsip Labib pou elve zot zanfan. (Proverb 1:8) Zeova dir bann papa: “Elve zot [zanfan] dan . . . lansegnman Lesegner.” (Lir Efezien 6:4.) Sa fer leker Zeova kontan kan bann paran swiv so konsey pou elve zot zanfan ek kan zot pa donn sa responsabilite-la enn lot kikenn.
2. Ki konsey Zeova donn bann zanfan?
Zeova dir bann zanfan: “Viv dan lakorite toultan ar zot paran.” (Lir Kolosien 3:20.) Kan bann zanfan respekte ek obeir zot paran, zot fer Zeova ek zot bann paran kontan. (Proverb 23:22-25) Zezi finn donn enn bon lexanp kan li ti enn zanfan. Mem si li ti parfe, li ti obeir so bann paran ek li ti respekte zot.—Lik 2:51, 52.
3. Kouma ou fami kapav vinn pli pros ar Bondie?
Si ou ena bann zanfan, sirman ou anvi ki ou bann zanfan kontan Zeova parey kouma ou. Kouma ou kapav fer sa? Kan ou swiv konsey ki Labib done: “To bizin kontign repet [bann parol Zeova] ar to bann garson ek koz sa ar zot kan to asize dan to lakaz, kan to marse lor semin.” (Deteronom 6:7) Nou bien kone ki nou bizin redir bann zanfan enn kitsoz pou ki zot rapel. Ek sa verse-la pe rod dir ki souvan ou bizin rod bann lokazion pou koz lor Zeova avek ou bann zanfan. Alor, li bon ki ou rezerv letan sak semenn pou etidie Labib avek ou fami. Mem si ou pena zanfan, li bon ki ou pran letan sak semenn pou etidie Parol Bondie.
ANOU GET INPE PLIS
Get bann konsey ki kapav ed zot tou dan lafami pou ki zot santi zot an sekirite ek ere.
4. Elve ou zanfan avek lamour
Li kapav difisil pou elve enn zanfan. Kouma Labib kapav ed ou? Lir Zak 1:19, 20, ek apre sa, get sa bann kestion-la ansam:
-
Kouma bann paran kapav montre lamour kan zot koz avek zot zanfan?
-
Kifer fode zame enn paran disiplinn so zanfan kan li ankoler? a
5. Protez ou zanfan
Pou ki ou kapav protez ou zanfan, li bien inportan ki ou koz lor sex avek li. Kitfwa ou zene pou fer sa. Zwe VIDEO-la, ek apre sa, get sa bann kestion-la ansam:
-
Kifer sertin paran gagn difikilte pou koz lor sex avek zot zanfan?
-
Kouma sertin paran finn kapav koz lor sex avek zot zanfan?
Parey kouma Labib ti fini anonse, lemond Satan pe vinn deplizanpli move. Lir 2 Timote 3:1, 13, NW, ek apre sa, get sa kestion-la ansam:
-
Sertin parmi bann move dimounn ki mansione dan verse 13 fer bann agresion sexiel lor bann zanfan. Alor, kifer li bien inportan ki bann paran koz lor sex avek zot zanfan ek explik zot kouma zot kapav protez zotmem kont sa bann dimounn-la?
Eski ou ti kone?
Bann Temwin Zeova inn donn bann paran plizir zouti ki kapav ed zot pou koz lor sex avek zot zanfan ek pou protez zot zanfan kont bann agresion sexiel. Par exanp, get:
-
Protez To Bann Zanfan (video)
-
« Parler de sexualité à son enfant » (Leve! No. 5 2016, an Franse)
6. Respekte to paran
Bann zanfan ek bann adolesan kapav montre ki zot respekte zot paran, par fason ki zot koz avek zot. Zwe VIDEO-la, ek apre sa, get sa bann kestion-la ansam:
-
Kifer li vo lapenn ki enn zenn koz ar so paran avek respe?
-
Kouma enn zenn kapav koz ar so paran avek respe?
Lir Proverb 1:8, ek apre sa, get sa kestion-la ansam:
-
Kouma enn zenn bizin reazir kan so paran dir li seki li bizin fer?
7. Ador Zeova ansam avek ou fami
Bann fami Temwin Zeova rezerv letan sak semenn pou ador Zeova ansam dan zot ladorasion an fami. Me kouma ladorasion an fami deroule? Zwe VIDEO-la ek apre sa, get sa bann kestion-la ansam:
-
Kouma enn fami kapav ena enn program regilie pou zot ladorasion an fami?
-
Ki enn paran kapav fer pou ki ladorasion an fami ed zot tou ek ki zot tou kontan?—Get zimaz dan koumansman sa leson-la.
-
Kifer li kapav difisil pou ki enn fami etidie ansam?
Lontan dan Izrael, Zeova ti atann ki bann fami trouv letan pou koz lor Parol Bondie souvan. Lir Deteronom 6:6, 7, ek apre sa, get sa kestion-la ansam:
-
Kouma ou kapav aplik sa prinsip-la?
Bann lide pou ladorasion an fami:
-
Prepar bann renion ansam.
-
Lir ek koz lor enn zistwar dan Labib ki ou fami kontan.
-
Si ou ena bann zanfan, download ek inprim enn laktivite pou bann zanfan lor jw.org.
-
Si ou ena bann adolesan, koz lor enn lartik pou bann adolesan lor jw.org.
-
Mazine ek fer sanblan ki twa ek to bann zanfan zot bann personaz ki ena dan Labib.
-
Get enn video lor jw.org ek koz lor la.
SERTIN DIMOUNN DIR: “Labib tro konplike pou bann zanfan.”
-
Ki ou ti pou dir?
SEKI NOU’NN APRANN
Zeova anvi ki bann paran kontan, elve, ek protez zot bann zanfan. Li anvi ki bann zanfan respekte ek obeir zot paran. Ek Li anvi ki bann fami ador Li ansam.
Eski Ou Rapel?
-
Kouma bann paran kapav elve ek protez zot zanfan?
-
Kouma bann zanfan kapav onor zot paran?
-
Ki bann bienfe nou kapav gagne kan nou trouv letan sak semenn pou ador Zeova ansam avek nou fami?
DEKOUVER
Ki kitsoz kapav ed ou zanfan pou vinn enn adilt?
Bann konsey ki Labib donn bann dimounn ki pran swin enn paran aze.
“Ki Labib Dir lor Pran Swin Bann Paran Aze?” (Lartik lor jw.org)
Get kouma enn misie ki pa ti kone kouma pou elve so bann zanfan finn reisi vinn enn bon papa.
Gete kouma bann papa kapav vinn pli pros ar zot garson.
« Comment un père peut-il rester proche de son fils ? » (Latour Degard, 1e Novam 2011, an Franse)
a Dan Labib, mo “disiplinn” vedir ansegn, gid, ouswa koriz enn kikenn. Sa mo-la pa vedir maltret ouswa azir dan enn fason brit.—Proverb 4:1.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
