50-ШЕ УРОК
Ешлан пиалан лияш мо полша? (2 ужаш)
Йоча-влак — тиде Иегова деч пӧлек. Иегова ача-ава-влак деч тиде пӧлекым аклымым вуча. Тудо нунылан йочаштым ончен кушташ полшышо сай каҥаш-влакым пуа. Тыгак тудо йоча-влакланат каҥаш-влакым пуа, кузе нуно ешлан пиалан лияш полшен кертыт.
1. Иегова ача-ава-влаклан могай каҥашым пуа?
Иегован кумылжо почеш ача-ава-влак йочаштым йӧратышаш да нунын дене пырля шукырак жапым эртарышаш улыт. Тыгак нуно йочаштым тӱрлӧ эҥгек деч аралышаш да нуным библийысе принцип-влак почеш туныктышаш улыт (Притчи 1:8). Юмо ача-ава-влакым йочаштым ончен куштымо годым тудын каҥашыже-влакым кучылташ тарата. (Ефесян-влаклан 6:4 лудын лекса.) Ача-ава-влак тыге ыштат гын да йочаштым ончен кушташ ответственностьым весе-влак ӱмбак огыт пыште гын, Иегова чот куана.
2. Иегова йоча-влаклан могай каҥашым пуа?
Иегова йоча-влаклан ойла: «Ача-авадам чыла шотыштат колыштса». (Колоссян-влаклан 3:20 лудын лекса.) Йоча-влак ача-аваштым пагалат да нуным колыштыт гын, Иеговат, ача-аваштат куанат (Притчи 23:22—25). Иисус йоча-влаклан сай примерым ончыктен. Тудын ача-аваже языкан лийыныт гынат, тудо нуным колыштын да пагален (Лукан 2:51, 52).
3. Кузе ешда Юмо дек эше лишылрак лийын кертеш?
Йочада-влак улыт гын, мутат уке, нунат тендан гаяк Иеговам чотак йӧратышт манын, кугу кумылда уло. Тиде цельыш те кузе шуын кертыда? Библийыште возымо: «Йочада-влаклан нуным [Иегован шомакшым] ушештарен шогыза да нунын нерген корныштат, мӧҥгыштат... эре ойлыза» (Второзаконие 6:7). Те паледа докан: йоча-влак ойлымыдам шарнен кодышт манын, нунылан иктымак икмыняр гана ойлыман. Теве молан туныктымо годым ушештараш кӱлеш. Тиде почеламут ончыкта: тыланда кажне йӧн лекме годым йоча-влаклан Иегова нерген ойлаш кӱлеш. Кажне арнян уло еш дене Библийым шымлашлан жапым ойырыза. Тендан йочада уке гынат, те кажне арнян пелашда дене пырля Юмын Мутшым шымледа гын, тиде тыланда шуко пайдам конда.
КЕЛГЫНРАК ШЫМЛЕН НАЛЗА
Пален налза, могай библийысе принцип-влак ешлан тымык вер семын лияш да пиалым муаш полшен кертыт.
4. Йоча-влакым йӧратымаш дене ончен куштыза
Йоча-влакым ончен кушташ куштылго огыл. Тидым ышташ Библий кузе полшен кертеш? Иаковын 1:19, 20 лудын лекса да вашмутым пуыза:
-
Йоча-влак дене мутланыме годым ача-ава-влак йӧратымыштым кузе ончыктен кертыт?
-
Молан ача-ава-влаклан йочаштым нигунамат шыдешкыме годым наказатлаш огеш кӱл? a
5. Йочада-влакым эҥгек деч аралыза
Йоча-влакым эҥгек деч аралашлан кажныж дене секс теме нерген мутланаш чот кӱлешан. Южо ача-авалан тидын нерген ойлаш йӧсӧ. ВИДЕОРОЛИКЫМ ончалза да вашмутым пуыза:
-
Молан южо ача-ава-влак йочашт дене секс нерген мутланаш вожылыт?
-
Южо ача-ава-влак йочашт дене секс нерген мутланашлан могай йӧн-влакым кучылтыт?
Кызытсе жапыште еҥ-влак утыр-утыр осалрак лийыт да пужлат манын, Библийыште ончылгоч каласыме лийын. 2 Тимофейлан 3:1, 13 лудын лекса да вашмутым пуыза:
-
13-шо почеламутышто тыгай еҥ-влак нергенат ойлалтеш, кудышт йоча-влакым сексуальный шотышто пужат да виешлат. Молан ача-ава-влаклан йочаштлан секс темым умылтарыман да нуным туныктыман, кузе тыгай осал еҥ-влак деч шкем аралаш лиеш?
Паледа мо?
Иегован Таныкше-влак шуко публикацийым луктыныт, кудышт ача-ава-влаклан йочаштлан секс темым умылтараш да нуным сексуальный виешлымаш деч аралаш полшат. Мутлан:
6. Ача-авадам пагалыза
Йоча-влак ача-авашт дене пагален мутланышаш улыт. ВИДЕОРОЛИКЫМ ончалза да вашмутым пуыза:
-
Молан ача-ава дене пагален мутланыман?
-
Ача-ава дене мутланыме годым кузе пагалымашым ончыкташ?
Притчи 1:8 лудын лекса да вашмутым пуыза:
-
Ача-ава йочаштлан мом ышташ ойлат гын, йочалан кузе лийман?
7. Еш шымлымашым эртарыза
Иегован Таныкше-влак ешышт дене пырля Библийым шымлашлан кажне арнян лӱмын жапым ойырат. Тыгай еш шымлымаш кузе эртаралтын кертеш? ВИДЕОРОЛИКЫМ ончалза да вашмутым пуыза:
-
Еш шымлымашым кажне арнян эртараш мо полша?
-
Еш шымлымаш оҥай лийже да пайдам кондыжо манын, ача-ава-влак мом ыштен кертыт? (Урокын тӱҥалтыште сӱретым ончыза.)
-
Ешланда еш шымлымашым эртараш мо мешаен кертеш?
Акрет годсо Израильыште Иегова еш-влак деч теве мом вучен: Священный Возымаш гыч шонымаш-влакым нуно пырля лончылышаш улыт ыле. Второзаконие 6:6, 7 лудын лекса да вашмутым пуыза:
-
Те тиде принципым ешыштыда кузе кучылтын кертыда?
Кузе еш шымлымашым эртараш лиеш:
-
Вашлиймашлан пырля ямдылалтса.
-
Библийысе историйым, кудыжо уло ешлан оҥай лиеш, пырля лудын лекса да лончылен налза.
-
Изи йочада уло гын, jw.org сайт гыч йоча-влаклан заданий-влакым тулен да печатлен налза.
-
Ешыштыда подросток уло гын, jw.org сайт гыч самырык-влаклан статьям пырля лончылен налза.
-
Йочада-влак дене пырля иктаж-могай библийысе историй почеш сценкым шындыза.
-
jw.org сайт гыч видеороликым пырля ончалза да лончылен налза.
ИКТАЖ-КӦ КАЛАСЕН КЕРТЕШ: «Библийым йоча-влаклан умылаш чот йӧсӧ».
-
Вашешыже мом каласеда ыле?
ТӰҤ ШОНЫМАШ
Иегован кумылжо почеш ача-ава-влак йочаштым йӧратышаш, туныктышаш да аралышаш улыт; йоча-влак ача-аваштым пагалышаш да колыштшаш улыт; тыгак ача-ава ден йоча-влаклан пырля еш шымлымашым эртараш кӱлеш.
Ушештарымаш
-
Кузе ача-ава-влак йочаштым туныктен да арален кертыт?
-
Йоча-влак ача-аваштым пагалымым кузе ончыктен кертыт?
-
Еш кажне арнян Библийым пырля шымла гын, тиде могай пайдам конда?
ЕШАРТЫШЛАН
Кузе ача-авалан йочаштым илышлан ямдылаш?
Илалше ача-авам ончышо-влаклан Библий могай каҥашым пуа?
«Илалше ача-авам ончымо нерген Библийыште мом возымо?» (веб-статья)
Пален налза, кузе ик пӧръеҥ, кудыжын йоча-влакым ончен куштымаште опытшо лийын огыл, сай ача лийын кертын.
Пален налза, кузе ача эргыж дене кыл кучымашыжым пеҥгыдемден кертеш.
«Ачалан эргыж дене лишыл кыл кучымашым аралаш мо полша?» («Орол башне» 1 ноябрь, 2011 ий)
a Библий дене келшышын, ончен куштымашыш туныктымаш, йочалан чын решений-влакым лукташ полшымаш да тӧрлатымаш пурат. Но тугодым мут дене сусырташ але торжа лияш ок йӧрӧ (Притчи 4:1).
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
