50ǁÎ ǁKHĀǁKHĀǃÂS
Sadu omarisa mati ǂkhîba a ūhâ ǁkhā?—2ǁÎ ǃâb
ǀGôagu ge ǀkhaeba Jehovaba xu. ǁÎb ge ǁgûna ra ǂgaoǀkhā, în ǃgâise nē ǀkhaeba kōǃgâ. Jehovab ge ǃgâi daoǁgaude ǁgûna ra mā nēsa dīs ǃaroma. ǁÎb daoǁgaudi ge ǀgôana ra ǁgau. Tae-en ǁîn tsîna a dī ǁkhāsa. ǂKhî omaris ǃnâ ǃâ-e ūhâs ǃaroma.
1. Tae ǀapemânab Jehovaba ǁgûna ra mā?
Jehovab ge ǂhâba hâ, în ǁgûna ǁîn di ǀgôana ǀnam. În ǁgûna ǃnāsa ǁaeba ǁîn ǀkhā ūhâ. ǁÎb ge ǂhâba hâ în ǁgûna. ǁÎn di ǀgôana tsū xūna xu ǁkhauba. Tsî Elobmîsa sîsenū ǁîna ǁkhāǁkhās ǃnâ. (ǂKhoamîdi 1:8) Jehovab ge papaga ra mîba îgu ǀgôana: “ǃKhūb ǂgōǀaus tsî ǁnamas tsîra ǃnâ kaikai.” (Khomai re Efeseǁîn 6:4 sa.) Jehovab ge a ǂkhî ǁgûra ga. ǁÎra ǀgôana ǁîb mîs ǃoagu kaikai o. Tsî ǀkhara khoen ga ǁîra ǀgôana kaikai tama io.
2. Jehovaba tae-e ǀgôana ra mîba?
Jehovab ge ǀgôana ra mîba: “Sadu îna ǁnâuǀnam.” (Khomai re Koloseǁîn 3:20 sa.) ǀGôan ga ǁîn di ǁgûra ǃgôa tsî ǁnâuǀnam o. On ge Jehovab tsî ǁîn ǁgûra tsîna ra ǂkhî kai. (ǂKhoamîdi 23:22-25) Jesub ge ǃgâi aiǁgausa ge a ǁgau. ǁÎb ge ǀgôa-i ǁaeb ai. ǀOasa kurusab ge ūhâ i, xaweb ge ǁîb di îra. ǁNâuǀnam tsî ǃgôasiba gere ǁgau.—Lukab 2:51, 52.
3. Mati du omaris ase, Elob ǀgūse a hâ ǁkhā?
ǁGûdo, ǂhâba du ge hâ. Sadu ǀgôan Jehovaba nî ǀnam ǃkhaisa. Sadu ǁîba a ǀnam khami. Mati du ǁnāsa a dī ǁkhā? Elobmîs ta mî-e dīs ǃnâ-ū: “Tsîts ge ǁîde [Jehovab mîde] sa ôana nî ǁkhāǁkhāǀāǀā tsî ǁîdi xa nî ǃhoa, ommi ǃnâts ga ǂnûo tsî daob aits ga ǃgûo.” (Deuteronomium 6:7) ‘ǁKhāǁkāǀāǀās’ ge ra ǂâibasen ǀguis xa ǃnāsa ǃnāde xū-i xa ǃhoasa. Sadu ge a ǂan ǀnî xūna du. Sadu ǀgôana ǀguis xa ǃnāsa ǃnāde nî mîbasa. În ǁnā xūna tā ǀuru. Nē xoas ge ra ǂâibasen, sadu ǀgôan ǀkha du Jehovab xa nî ǃhoasa. Tsî ǁaeba ǁnās ǃaroma nî dīsa. ǃGâi i ge nî omaris ase du ga wekheb ǃnâ ǁaeba ǁamaǂui o. Î du Elobmîsa ǀguiba ǁkhāǁkhāsen. ǀGôana du ga ūhâ tama i, xawe i ge nî ǃgâi. Mâ wekheb hoaba du ga ǁaeba ǁamaǂui o. Elobmîsa ôaǃnâs ǃaroma.
ǃGAMSE ÔAǃNÂ RE
Omaride nî ǂkhîse tsî ǃnorasase tsâ kai xūna ôaǃnâ re.
4. Sadu ǀgôana ǀnammi ǀkha ǁkhāǁkhā re
ǀGôana ǁkhāǁkhās ge supu tama hâ. Elobmîsa mati a hui du ǁkhā? Khomai re Jakobub 1:19, 20 sa. Tsî sao ra dîra ǃhoaǃgao re:
-
ǁGûra mati ǀnamma ǁîra ǀgôana a ǁgau ǁkhā. ǁÎn ǀkhan ga ǃhoa o?
-
ǁGûra tae-i ǃaroma ǁîra ǀgôana ǁnama tide ǁaixa ra ga ǁaeb ai? a
5. Sadu ǀgôana ǁkhauba re
Sadu ôana du ga ǁkhauba ǂgao o. O i ge kaise a ǂhâǂhâsa. Mâ i hoa-i ǀkha du ǁgoe-ūgub xa nî ǃhoasa. Nēsa dīs ge a ǃgom ǁkhā. VIDIOBA ǀhuru re. Tsî sao ra dîra ǃhoaǃgao re.
-
Tae-i ǃaroma i, ǀnî ǁgûna a ǃgomba. ǁÎn ǀgôan ǀkha ǁgoe-ūgub xa ǃhoasa?
-
Mâ ǀgaugu ǃnân ǀnî ǁgûna ǁîn di ǀgôana ǁgoe-ūgub xa ge mîba?
Mîheb ge khamib ge Satanni ǃhūbaiba ǁgais ǀguisa ra dī. Khomai re 2 Timoteub 3:1, 13 sa. Tsî sao ra dîsa ǃhoaǃgao re:
-
13ǁÎ ǁaraǃās ǃnâ ra ǃhoaǃgaohe, ǀnî ǁgai khoen ge ǀgôana ra ǀgaiǃkhō. Tae-i ǃaroma i a ǂhâǂhâsa. ǁGûn ǁîn ǀgôan ǀkha ǁgoe-ūgub xa nî ǃhoasa. Tsî matin nē khoena xu nî ǁkhaubasensa?
ǂAn i du go i?
Jehovab ǃoaba-aon ge ǂgui ǂkhanina ūhâ. ǁGûna ra huina în. ǀGôana ǁgoe-ūgub xa mîba. Tsî ǀgaiǃkhō-aona xu sâu. Aiǁgause, mû re:
-
Sadu ǀgôana tsū khoena xu ǁkhauba re (vidiob)
-
Kai ǁkhāǁkhā-aoba xu ǁkhāǁkhāsen, 10ǁî tsî 32ǁî danaǃâra
-
“Sadu ôana ǁgoe-ūgub xa ǁkhāǁkhā re” (ǂKhaikari hâb No. 5 2016)
6. ǀGôado, sadu ǁgûna ǃgôasiba ǁgau re
ǂKham ǀgôan tsî kai ǀgôan tsîn hoan ge. ǁÎn ǁgûna ǃgôasiba a ǁgau ǁkhā. ǁÎn ǀkha du ra ǃhoa ǀgaub ǃnâ-ū. VIDIOBA ǀhuru re. Tsî sao ra dîra ǃhoaǃgao re.
-
Tae-i ǃoroma i a ǂhâǂhâsa ǂkhamkhoe-i. ǁÎ-i ǁgûra ǀkha ǃgôasib ǃnâ nî ǃhoasa?
-
Mati i ǂkhamkhoe-e ǃgôasiba ra ǁgause. ǁÎn ǁgûra ǀkha a ǃhoa ǁkhā?
Khomai re ǂKhoamîdi 1:8 sa. Tsî sao ra dîsa ǃhoaǃgao re:
-
Mati i ǂkhamkhoe-e nî tanisen. ǁÎ-i ǁgûra ga tae-e i nî dīsa ǁî-e mîba o?
7. Omaris ase Jehovaba ǃoaba re
Jehovab di ǃoaba-ao, omaridi ǁanin ge mâ wekheb hoaba ǁaeba ra ǁamaǂui. În Jehovaba ǀguiba ǃoaba. Nē omaris ǃoabasa mati a īǁkhā? VIDIOBA ǀhuru re. Tsî sao ra dîde ǃhoaǃgao re.
-
Matis omaris ǃoabasa hoaǁae a ūhâhe ǁkhā?
-
ǁGûna tae-e a dī ǁkhā în omaris ǃoabasa xu xūna ǁkhāǁkhāsen. Tsî ǃgâi ǁaeba ūhâ ǁkhā?—Nē ǁkhāǁkhāǃâs tsoatsoas ai hâ ai-īsiba mû re.
-
Tae-e sadu omaris ǃoabasa ǀguiba ūhâsa, a ǁkhae ǁkhā?
Jehovab ge Israelǁaes omaride ge ǂgaoǀkhā hâ i. În hoaǁae xoadi xa ǃhoa omaris ǃnâ. Khomai re Deuteronomium 6:6, 7 sa. Tsî sao ra dîsa ǃhoa- ǃgao re:
-
Mati du nē xoara a sîsenū ǁkhā?
Omaris ǃoabas ǃaroma a dīhe ǁkhā xūn:
-
ǀHoahâb ǀhaodi ams ai aiǂhomisens.
-
Elobmîs ǃâ-i hîna sadu omarisa ra khoakhoa tsî a ǁkhoaxaba-e khomai tsî ǃhoaǃgao re.
-
ǂKhariro ǀgôana du ga ūhâ. ǀGôaron xūna jw.orgs ai ǃnaoǁnâ tamas ka io ǁgâiǂui re.
-
ǂKhamkhoen ga omaris ǃnâ hâ o. ǂKhamkhoen xa hâ khomaiǃâ-e jw.orgs ai ǃhoaǃgao re.
-
Elobmîs ǃnâ a xoasa xūna ǀhuruǃâ-i ase ǀhuru re. ǀGôan ǀkha.
-
Jw.orgs ai hâ vidio-e kō tsî ǃhoaǃgao re.
MATI DU NÎ ǃEREAM KHOE-I GA MÎ O: “Elobmîs ge kaise a ǃgom ǀgôa-i xa ǁnâuǃāhes ǃaroma.”
-
Mati du nî ǃeream?
ǃKHŌǀHAOS
Jehovab ge ǂhâba hâ în ǁgûna. ǁÎn di ǀgôana ǀnam, ǁkhāǁkhā tsî ǁkhauba. Tsîb ge ra ǂhâba în ǀgôana ǁîn di. ǁGûra ǃgôa tsî ǁnâuǀnam. Tsî di omaride Jehovaba ǀguiba ǃoaba.
ǁKhāǁkhāsen du go xūna ǂâiǃgâs
-
ǁGûra mati ǀgôana ǁkhāǁkhā tsî a ǁkhauba ǁkhā?
-
ǀGôana mati ǁgûra ǃgôasiba a ǁgau ǁkhā?
-
Tae-i ǃgâiba du ra hō, mâ wekheb hoaba du ga ǁaeba ǁamaǂui. Tsî Jehovaba omaris ase ǃoaba o?
ÔAǃNÂ
Mâ ǁkhāǁkhāde sadu ǀgôana nî aiǂhomi khaikhoesis ǃaroma?
“ǃNani xūn ǀgôan nî ǁkhāǁkhāhese în” (ǂKhaikari hâb No. 2 2019)
Elobmîs kaira hâ ǁgûna ra kōǃgâ khoena ra mā ǀapemādi xa ǁkhāǁkhāsen re.
“Elobmîsa tae-e kaira hâ ǁgûna kōǃgâs xa ra mî?” (Internets ai hâ ǁkhāǁkhādi)
Kō re, matib ge khoeb hîna ǀgôana kaikaisa a ǀūba, a ǃgâi ǁgû kai ǀgausa.
Ôaǃnâ re, matigu ǁgûga ǁîgu ǀhōsagusisa. ǁÎgu ôagu ǀkha a ǀgaiǀgai ǁkhā ǀgausa.
“Mati gu ǁgûga ǁîgu ǀgôagu ǀgūse a hâ ǁkhā?” (ǃKhē xu ǂgō-ommi, Novemberi 1, 2011)
a Elobmîs ǃnâs ge ‘ǁnamasa’ ǁkhāǁkhās, daoǁgaus. Tsî ǂhanuǂhanusa ǃoa ra ǁgau. Nēs ge ǁore tamas ka io karoǂgaoxase hâ-ūs di ǂâibasen tama.—ǂKhoamîdi 4:1.
