TLAMACHTILI 50
¿Kenijkatsa uelis tiyolpakis ininuaya mochampoyouaj? (Tlaxeloli 2)
Jehová kichijtok tetajmej ma kinpiakaj ininkoneuaj uan kineki tetajmej kuali ma kinmokuitlauikaj ininkoneuaj, yeka kiniljuia kenijkatsa uelis kichiuasej. Jehová nojkia kiniljuia konemej tlake uelis kichiuasej uan kiampa inijuantij uan ininchampoyouaj yolpakisej.
1. ¿Tlake kiniljuia Jehová ma kichiuakaj tetajmej?
Jehová kineki tetajmej ma kiniknelikaj ininkoneuaj uan ma itstokaj ininuaya. Nojkia kineki kuali ma kinmokuitlauikaj ininkoneuaj uan kiampa amo kinpanos tlen amo kuali, uan ma kiniskaltikaj kej Biblia kiijtoua (Proverbios 1:8). Jehová kiniljuia tetajmej: “Xikinmachtikaj tlen toueyiTeko kineki ma kimatikaj” (xijpoua Efesios 6:4). Jehová tlauel yolpaki kema kiita tetajmej kichiuaj tlen kiniljuia kema kiniskaltiaj ininkoneuaj uan amo kikauaj sekinok ma kichiuakaj nopa tekitl tlen inijuantij kinmakatok.
2. ¿Tlake kiniljuia Jehová ma kichiuakaj konemej?
Jehová kiniljuia konemej: “Xijchiuakaj nochi tlen inmonana uan inmotata inmechiljuiaj” (xijpoua Colosenses 3:20). Tlaj konemej kintlepanitaj inintatauaj uan kichiuaj tlen kiniljuiaj, inintatauaj tlauel yolpakisej uan nojkia Jehová (Proverbios 23:22-25). Jesús kiampa kichijki kema eliyaya se okichpil. Maske ya amo kipiayaya tlajtlakoli, kintlepanitak itatauaj uan kichijki tlen kiiljuiyayaj maske inijuantij kena eliyayaj tlajtlakolejkej (Lucas 2:51, 52).
3. ¿Tlake uelis kichiuasej tetajmej uan ininchampoyouaj uan kiampa itstosej inechka Jehová?
Tlaj ta tikinpia mokoneuaj, uelis tijneki inijuantij nojkia ma kiiknelikaj Jehová sanse kej ta tikiknelia. Tlauel mitspaleuis tlaj tijchiuas tlen Biblia kiijtoua: “Xikinnextilikaj inmokoneuaj mojmostla. Xikinpouilikaj nochi ni tlanauatili kema initstokej ipan inmochaj, uan kema innejnemij ipan ojtli” (Deuteronomio 6:7). Tikinnextilis kiijtosneki kema tikinmachtis moneki miakpa tikiniljuis tlen tijneki ma kimatikaj. Uelis ta tikitstok moneki miakpa tikiniljuis mokoneuaj se tlamantli uan kiampa inijuantij kiilnamiktosej. Uajka, tlen kiijtoua ni texto kiijtosneki mojmostla moneki tijtemolis kenijkatsa uelis tikinkamanaljuis mokoneuaj tlen Jehová. Nojkia, tlauel mitspaleuis tlaj sejse semana sansejko timomachtis Biblia ininuaya mochampoyouaj. Uan maske amo tikinpia mokoneuaj, nojkia uelis timomachtis Biblia sejse semana pampa nopa tlauel mitspaleuis.
KUALI XIMOMACHTI
Ma tikitakaj tlake kinpaleuis tetajmej uan ininchampoyouaj kuali ma itstokaj uan ma yolpakikaj.
4. Xikintlalnamikti mokoneuaj ika tlaiknelili
Tetajmej uelis ouij kimatisej kuali kiniskaltisej ininkoneuaj. ¿Kenijkatsa uelis kinpaleuis Biblia? Xijpouakaj Santiago 1:19, 20 uan xijnankilikaj ni tlajtlanili:
-
¿Kenijkatsa tetajmej uelis kinextisej kinikneliaj ininkoneuaj kema mokamanaljuiaj ininuaya?
-
¿Kenke se tetaj amo kinamiki kintlalnamiktis ikoneuaj kema kualantok? a
5. Xikinmokuitlaui mokoneuaj
Tlaj tijneki tikinmokuitlauis mokoneuaj, moneki tikiniljuis tlake kiijtosneki kema se tlakatl uan se siuatl motekaj sansejko. Maske uelis ouij tijmatis tikiniljuis ni tlamantli. Xikitakaj nopa VIDEO uan xijnankilikaj ni tlajtlanili:
-
¿Kenke sekij tetajmej kimatij ouij kiniljuisej ininkoneuaj tlake kiijtosneki kema se tlakatl uan se siuatl motekaj sansejko?
-
¿Tlake kinpaleuijtok se keskij tetajmej ma kiniljuikaj ininkoneuaj ni tlamantli?
Biblia ipa kiijtojtoya ipan itlamia tonali maseualmej nojua kichiuaskiaj tlen tlauel amo kuali. Xijpouakaj 2 Timoteo 3:1, 13 uan xijnankilikaj ni tlajtlanili:
-
Kej kiijtoua versículo 13, se keskij maseualmej katli kichiuaj tlen tlauel amo kuali kinijitskiaj konemej o kinchiualtiaj ma motekakaj ininuaya. Uajka, ¿kenke tetajmej moneki ma kiniljuikaj ininkoneuaj tlake kiijtosneki kema se tlakatl uan se siuatl motekaj sansejko? ¿Kenijkatsa uelis kinmokuitlauisej uan kiampa amo kinchiuilisej tlen amo kuali?
¿Tijmajtoya?
Jehová itlanechikol kichijchiua miak tlamantli tlen kinpaleuia tetajmej ma kinmachtikaj ininkoneuaj tlake kiijtosneki kema se tlakatl uan se siuatl motekaj sansejko uan kiampa amo kinchiuilisej tlen amo kuali. Ni eli se keski:
-
Xikinmokuitlaui mokoneuaj (video)
-
“¿Kenijkatsa tikiljuis mokone tlake kiijtosneki kema se tlakatl uan se siuatl motekaj sansejko?” (¡Xitlachixtokaj!, pilamochtsi 5, 2016)
6. Xikintlepanita motatauaj
Konemej uan telpokamej moneki kintlepanitasej inintatauaj, uan kej kinkamanaljuiaj kinextiaj tlaj nelia kintlepanitaj. Xikitakaj nopa VIDEO uan xijnankilikaj ni tlajtlanili:
-
¿Kenke telpokamej moneki kintlepanitasej inintatauaj kema mokamanaljuisej ininuaya?
-
¿Kenijkatsa telpokamej uelis kinextisej kintlepanitaj inintatauaj?
Xijpouakaj Proverbios 1:8 uan xijnankilikaj ni tlajtlanili:
-
¿Tlake moneki kichiuas se telpokatl kema itatauaj kiiljuiaj tlen moneki kichiuas?
7. Xijueyichiua Jehová ininuaya mochampoyouaj
Sejse semana Jehová itlajtoltemakauaj momachtiaj sansejko ininuaya ininchampoyouaj. ¿Uan tlake kichiuaj kema sansejko momachtiaj? Xikitakaj nopa VIDEO uan xijnankilikaj ni tlajtlanili:
-
¿Tlake mitspaleuis nochipa timomachtis ininuaya mochampoyouaj?
-
¿Tlake uelis kichiuasej tetajmej uan kiampa ininchampoyouaj kinpaleuis uan kinpaktis kema momachtisej sansejko? (Xikita nopa achtoui tlaixkopinkayotl).
-
¿Tlake tlamantli ueliskia kichiuas ouij xijmati timomachtis ininuaya mochampoyouaj?
Uejkajkia, Jehová kinekiyaya israeleuanij nochipa ma mokamanaljuikaj ininuaya ininchampoyouaj tlen kiijtoua iTlajtol. Xijpouakaj Deuteronomio 6:6, 7 uan xijnankilikaj ni tlajtlanili:
-
¿Kenijkatsa ueliskia tijchiuas tlen kiijtoua ni texto?
Tlen ueliskia tijchiuas kema timomachtis ininuaya mochampoyouaj:
-
Ximomachtikaj tlen moixtomas ipan tlanechikoli.
-
Xijpouakaj uan xikixtomakaj se tlapoualistli tlen uala ipan Biblia tlen nochi inmechpaktis.
-
Tlaj mokoneuaj ayamo uejueyij, xijkixti ipan jw.org se tlamachtili tlen kinpaleuia konemej.
-
Tlaj tikinpia motelpokauaj o moichpokauaj, xijtlapejpeni ipan jw.org se tlamachtili tlen kinpaleuia telpokamej.
-
Xijchiuakaj kejuak inmojuantij inelij nopa maseualmej tlen Biblia kiijtoua itstoyaj uejkajkia.
-
Xikitakaj uan xikijtokaj kenijkatsa inmechpaleuia se video tlen eltok ipan jw.org.
TLEN SEKINOK KIIJTOUAJ: “Konemej amo uelis kikuamachilisej tlen kiijtoua Biblia”.
-
¿Ta tlake timoiljuia?
TLEN TIMOMACHTIJKEJ
Jehová kineki tetajmej ma kiniknelikaj ininkoneuaj, kuali ma kiniskaltikaj uan ma kinmokuitlauikaj. Uan kineki konemej ma kintlepanitakaj uan ma kinneltokakaj inintatauaj, uan sansejko ma kiueyichiuakaj.
¿Tlake tijyekok?
-
¿Kenijkatsa tetajmej uelis kuali kiniskaltisej uan kinmokuitlauisej ininkoneuaj?
-
¿Kenijkatsa konemej uelis kinextisej kintlepanitaj inintatauaj?
-
¿Kenijkatsa kinpaleuis tlaj sejse semana momachtisej Biblia sansejko?
NOJKIA XIKITA NI
¿Tlake kipaleuis mokone kema ueyiyas?
“Chikuasej tlamantli tlen kinpaleuis mokoneuaj” (¡Xitlachixtokaj!, pilamochtsi 2, 2019)
Xikita kenijkatsa Biblia uelis kinpaleuis katli kimokuitlauiaj se akajya katli ya ueyi.
Xikita kenijkatsa se tetaj kuali kiniskaltik ikoneuaj maske achtouia amo kimatiyaya kenijkatsa kichiuas.
Jehová technextilik kenijkatsa tikiniskaltisej tokoneuaj (5:58)
Xikita tlake kipaleuis se tetaj kuali ma mouika ininuaya ikoneuaj.
a Kema Biblia kiniljuia tetajmej ma kintlalnamiktikaj ininkoneuaj, kiijtosneki moneki kinmachtisej, kinyakanasej uan kintlakaualtisej. Amo kiijtosneki moneki kintlaijiyouiltisej o kinmakilisej (Proverbios 4:1).
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
