TAMACHTILIS 50
Keniuj uelis tionyolpakis iniuan mochankauan (taxelol 2)
Konemej se inetetayokolil Jiova. Yejuatsin kichia maj tetatmej kuali kiyekpiakan nejon netetayokolil, yejua ika kinyolmajxitia keniuj kichiuaskej. No kinyolmajxitia konemej maj tapaleuikan maj yolpakikan nochin.
1. ¿Toni kinyolmajxitia Jiova tetatmej?
Jiova kineki maj tetatmej kintasojtakan ininkoneuan uan maj iniuan yetokan. No kineki maj kinyekpiakan para maj amo kinpano tein amo kuali uan maj kinmachtikan ika tamachtilismej tein kipia Biblia (Proverbios 1:8). Dios kiniluia tetatmej: “Xiksentokakan xikiniskaltikan [namokoneuan] itech [...] itayolmajxitilis Jiova” (xikonita Efesios 6:4, TNM). Jiova kiyolpaktia kiitas ke tetatmej kiniskaltiaj ininkoneuan kemej yejuatsin tanauatia uan ke amo kinkauiliaj oksekin maj kichiuakan.
2. ¿Toni kinyolmajxitia Jiova tekoneuan?
Jiova kiniluia konemej: “Xikintakamatinemikan namoteiskaltijkauan” (xikonita Colosenses 3:20). Komo se tekoneuj kinpoujkaita itatuan uan kintakamati, yejuan yolpakiskej uan no Jiova (Proverbios 23:22-25). Jesús kinextij keniuj moneki yeskij konemej, maski amo katka tajtakolej, nochipa kintakamatia uan kinpoujkaitaya itatuan akin katkaj tajtakolejkej (Lucas 2:51, 52).
3. ¿Toni moneki kichiuaskej nochin kalyetouanij para motokiskej iuan Dios?
Komo tikonpia konemej xa tikonnekis maj kitasojtakan Jiova ijkon kemej tejuatsin. ¿Keniuj uelis tikonchiuas? Komo tikontakamati nejin tein Biblia tayolmajxitia: “Moneki xikchiua maj mokaua inintech mokoneuan [itajtoluan Jiova] uan ika titajtos keman titokotsyetos mokalijtik uan keman tiojtokatos” (Deuteronomio 6:7). Para se kimachtis teisa aksa moneki miakpa se kiluis. Tejuatsin xa tikonmatia ke moneki miakpa tikoniluis mokoneuan teisa para kielnamikiskej. Nejin texto kijtosneki ke moneki tikontemos kemanian uelis ika tiontajtos Jiova iniuan mokoneuan. Uan no, moneki maj nochi semanas nochi kalyetouanij kiixtalikan se tonal keman kiueyichiuaskej Jiova keman mosenmachtiskej Biblia. Uan maski amo tikonpia mokoneuan semi mitsonpaleuis komo tionmomachtia iTajtol Dios sejse semana.
MAJ OKACHI TIMOMACHTIKAN
Maj tikitakan toni kinpaleuis kalyetouanij maj yolpakikan uan maj kuali momachilikan.
4. Xikonixyekana mokoneuan ika netasojtalis
Se kiixyekanas se konetsin uelis yeski semi ouij. ¿Keniuj uelis mitsonpaleuis Biblia? Xikitakan Santiago 1:19, 20 uan ika xitajtokan nejin:
-
¿Keniuj uelis kinextiskej tetatmej ke kintasojtaj ininkoneuan keman kinnojnotsaj?
-
¿Keyej se tepopaj amo moneki kitakaualtis oso kitakakiltis ikoneuj keman kualantok? a
5. Xikonyekpia mokoneuan
Para tikonyekpias mokoneuan semi moneki iniuan xiontajto sejsemej keniuj chijchiujtok se takat uan se siuat uan kemanian uelis mosentekaskej. Maski xa tionpinauas ika tiontajtos. Xikitakan VIDEO uan ika xitajtokan nejin:
-
¿Keyej ouij kinkisa seki tetatmej ika kinnojnotsaskej ininkoneuan kemanian se takat uan se siuat uelis mosentekaskej?
-
¿Toni kinpaleuiani seki tetatmej maj ika tajtokan nejon iniuan ininkoneuan?
Ijkon kemej achto moijtojka, itech taltikpak kampa taixyekantok Satanás okachi mochiua tein semi amo kuali. Xikitakan 2 Timoteo 3:1, 13 uan ika xitajtokan nejin:
-
Sekin akin ininka tajtoua versículo 13 semi amo yolkualmej uan ininka mauiltiaj konemej. Yejua ika, ¿keyej semi moneki maj tetatmej kinmachtikan ininkoneuan keniuj chijchiujtok se takat uan se siuat uan kemanian uelis mosentekaskej? ¿Uan toni uelis kichiuaskej para maj amo ininka mauiltikan?
¿Tikonmatia?
Itaixpantijkauan Jiova kikixtiaj amaixmej tein kinpaleuia tetatmej maj kinmachtikan ininkoneuan keniuj chijchiujtok se takat uan se siuat uan kemanian uelis mosentekaskej para maj amo ininka mauiltikan. Seki yejua nejin:
-
Xikinyekpiakan nanmokoneuan (video)
-
“Cómo hablar de sexo con su hijo” (¡Despertad!, núm. 5 2016)
6. Xikinpoujkaita motatuan
Nochin tekoneuan moneki kinpoujkaitaskej inintatuan, kemej kinnojnotsaskej kinextiskej ox kinpoujkaitaj. Xikitakan VIDEO uan ika xitajtokan nejin:
-
¿Keyej moneki maj se telpoch kinnojnotsa itatuan ika poujkaitalis?
-
¿Keniuj uelis se telpoch kinpoujkaitas itatuan?
Xikitakan Proverbios 1:8 uan ika xitajtokan nejin:
-
¿Toni moneki kichiuas se telpoch keman itatuan kiluiaj tein moneki kichiuas?
7. Xikueyichiuakan Jiova nochin kemej kalyetouanij
Itaixpantijkauan Jiova kiixtaliaj se tonal itech sejse semana para kiueyichiuaskej Jiova kemej kalyetouanij. ¿Toni kichiuaj ijkuak? Xikitakan VIDEO uan ika xitajtokan nejin:
-
¿Toni tapaleuis maj se taueyichiua kemej kalyetouanij nochi semanas?
-
¿Toni uelis kichiuaskej tetatmej para maj taueyichiualis kemej kalyetouanij kinpaleui uan maj kinyolpakti nochin? (Xikonita taixkopin ipeujyan nejin tamachtilis).
-
Uan tejuatsin, ¿teisa mitsontsakuilia xionmomachti iniuan mochankauan? ¿Toni?
Ne uejkauj, Jiova kichiaya maj kalyetouanij israelitas monojnotsanij ika tein kijtouaya iTajtol Dios. Xikitakan Deuteronomio 6:6, 7 uan ika xitajtokan nejin:
-
¿Keniuj uelis tejuatsin tikonchiuas kemej nikan kijtoua?
Tein uelis nankichiuaskej keman nantaueyichiuaskej kemej kalyetouanij:
-
Ximomachtikan tein moitas itech nechikolmej.
-
Xiklerokan uan ika xitajtokan se taman tein ika tajtoua Biblia tein kiuelitaskej nochin.
-
Komo mokoneuan nojnelmejok, xikontemoui oso xikonkixti itech amat tein uelis kichiuaskej konemej itech jw.org/ncj.
-
Komo tikonpia telpochmej xikontemo se tamachtilis tein uelis kichiuaskej telpochmej uan ichpochmej itech jw.org/ncj.
-
Xiknemilikan uan xikchiuakan kemej yeskia nankipanotokej se taman tein kijtoua Biblia.
-
Xikitakan uan ika xitajtokan se video itech jw.org/ncj.
TEIN SEKIN KIJTOUAJ: “Biblia semi ouij para konemej”.
-
¿Toni tikonijtoskia?
TEIN TIKITAKEJ
Jiova kineki maj tetatmej kintasojtakan, kuali kinmachtikan uan maj kinyekpiakan ininkoneuan. No kineki maj konemej kinpoujkaitakan uan kintakamatikan inintatuan, uan maj nochin kalyetouanij kiueyichiuakan.
Maj tikelnamikikan
-
¿Keniuj uelis tetatmej kinmachtiskej uan kinyekpiaskej ininkoneuan?
-
¿Keniuj konemej uelis kinextiskej ke kinpoujkaitaj inintatuan?
-
¿Toni tein kuali tikseliaj komo tikueyichiuaj Jiova iniuan tochankauan nochi semanas?
NO XIKONITA NEJIN
¿Toni kinpaleuis konemej keman moskaltiskej?
“6 taman tein semi kinpaleuis konemej” (¡Taijxitilis!, tapoual 2 xiuit 2019)
Xikonita seki taman tein uelis kinpaleuis akin kiyekpiaj aksa akin xiuejya.
“¿Espera Dios que cuidemos a los padres cuando se hacen mayores?” (Artículo de jw.org)
Xikonita keniuj se takat akin amo kimatia keniuj kiniskaltis ikoneuan mochiuak se kuali tepopaj.
Xikonita keniuj se tepopaj uelis okachi kuali mouikas iniuan ikoneuan.
“¿Qué puede hacer un padre para no distanciarse de su hijo?” (La Atalaya, 1 de noviembre de 2011)
a Keman Biblia ika tajtoua se tetakakiltis, kijtosneki se kimachtis uan se kiixyekanas se konetsin uan maj se kipaleui maj kipata tein kinemilia oso tein kichiuak komo amo kuali. Amo kijtosneki se kieliuisuis (Proverbios 4:1).
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
