OSHILESHWA 50
Ongiini aanegumbo taya vulu okukala ye na ombili? — Oshitopolwa 2
Aanona omagano ga za kuJehova. Jehova okwa tegelela aavali ya kale taye ya sile oshimpwiyu. Okwe ya pa omayele ge li pandunge ngoka taga vulu oku ya kwathela ye shi ninge. Omayele ngoka otaga vulu wo okukwathela aanona ya mone shoka taya vulu okuninga, opo aanegumbo ayehe ya kale ye uvite ombili.
1. Omayele geni Jehova a pa aavali?
Jehova okwa hala aavali ya kale ye hole oyana nokukala pamwe nayo ethimbo olindji, ngaashi tashi vulika. Okwa hala wo aavali ya gamene oyana kiinima mbyoka tayi ya etele oshiponga noya kale haya longitha omakotampango gOmbiimbeli sho taye ya putudha. (Omayeletumbulo 1:8) Okwa lombwela ootate, a ti: ‘Putudheni aanona yeni ne mu ya kumagidhe pauKriste.’ (Lesha Aaefeso 6:4.) Jehova oha kala a nyanyukwa uuna aavali taya landula ewiliko ndyoka e ya pa, sho taya putudha oyana. Ina tegelela oshinakugwanithwa shoka ye shi gandje po kuyalwe.
2. Omayele geni Jehova a pa aanona?
Jehova okwa lombwela aanona, a ti: “Vulikeni aluhe kaakuluntu yeni.” (Lesha Aakolossa 3:20.) Uuna aanona haya vulika kaavali yawo nohaye ya simaneke, ohashi nyanyudha Jehova nosho wo aavali yawo. (Omayeletumbulo 23:22-25) Jesus okwa tulila po aanona oshiholelwa oshiwanawa sho a li okanona. Nonando okwa li a gwanenena, okwa li ha vulika kaavali ye nokwe ya simaneka. — Lukas 2:51, 52.
3. Ongiini tamu vulu okuhedha popepi naJehova pamwe naantu yaandjeni?
Ngele owu li omuvali, kapu na omalimbililo kutya owa hala aamwoye nayo ya kale ye hole Jehova ngaashi ngoye. Ihe ongiini to vulu oku ya kwathela ya kale ye mu hole? Omokutula miilonga omayele gOmbiimbeli. Otayi ti: “[Oohapu dhaKalunga] dhi nongeka aamwoye. Dhi hokolola, uuna u li moyaandjeni nuuna u li mepola.” (Deuteronomium 6:7) Enyolo ndyono olya hala okutya, wu li omuvali owu na okukonga aluhe ethimbo wu popye naamwoye kombinga yaJehova. ‘Okunongeka’ osha hala okutya, okulonga aanona oshinima shontumba, to shi endulula lwiikando. Olundji opo aanona ya dhimbulukwe oshinima shontumba, owu na okukala to shi popi mbali lwaali. Onkee ano, osha simana mu kale hamu itulile po ethimbo mu ninge ekonakono lyuukwanegumbo oshiwike kehe. Ngele ku na aanona, natango oto vulu okumona uuwanawa mokukala ho kongo ethimbo oshiwike kehe wu konakone Oohapu dhaKalunga.
ILONGA OSHINDJI
Tala omaetopo ngoka taga vulu okukwathela yaandjeni ya kale ye uvite ombili noya gamenwa.
4. Putudha aamwoye pahole
Kashi shi oshipu okuputudha okanona. Ongiini Ombiimbeli tayi vulu oku ku kwathela? Lesha Jakob 1:19, 20, e tamu kundathana omapulo taga landula:
-
Ongiini aavali taya vulu okuulika kutya oye hole oyana, uuna taya popi nayo?
-
Omolwashike omuvali kee na okukumagidha oyana, uuna a geya?
5. Gamena aamwoye
Opo wu gamene aamwoye, osha simana wu kale ho popi nokanona kehe kombinga yomilalo. Shoka otashi vulu okukala oshidhigu okuninga. Dhana OKAVIDIO, e tamu kundathana omapulo taga landula.
-
Omolwashike hashi kala oshidhigu kaavali yamwe okupopya noyana kombinga yomilalo?
-
Aavali yamwe ohaya yelithile ngiini oyana kombinga yomilalo?
Ngaashi sha hunganekwa, uuyuni waSatana otawu ende tawu nayipala. Lesha 2 Timoteus 3:1, 13, e tamu kundathana epulo tali landula:
-
Aakolokoshi yamwe mboka ya popiwa movelise 13, ohaya hepeke aanona pamilalo. Ano omolwashike sha simana aavali ya kale haya popi noyana kombinga yomilalo, nonkene oyana ye na okwiikaleka kokule naamboka taya vulu oku ya hepeka pamilalo?
Owe shi tseya ngaa?
Oonzapo dhaJehova odhi na iileshomwa oyindji mbyoka tayi vulu okukwathela aavali ya popye noyana kombinga yomilalo nonkene taya vulu oku ya gamena kaaya hepekwe pamilalo. Pashiholelwa, tala:
-
Okavidio Gamena aamwoye
-
Embo Ilonga kOmulongi Omunene, ontopolwa 10 nosho wo 32
-
Oshitopolwa “Popya naanona yoye kombinga yomilalo” (Penduka mo! No. 5 2016)
6. Kala wa simaneka aavali yoye
Aanona naagundjuka otaya vulu okuulika kutya oya simaneka aavali yawo momukalo moka haya popi nayo. Dhana OKAVIDIO, e tamu kundathana omapulo taga landula.
-
Omolwashike aanona ya pumbwa okukala haya popi naavali yawo nesimaneko?
-
Ongiini aanona taya vulu okupopya naavali yawo nesimaneko?
Lesha Omayeletumbulo 1:8, e tamu kundathana epulo tali landula:
-
Aanona oye na okwiinyenga ngiini uuna aavali yawo taye ya kumagidha?
7. Longeleni Jehova mu li uukwanegumbo
Oonzapo dhaJehova ohadhi kongo ethimbo oshiwike kehe dhi ninge elongelokalunga lyuukwanegumbo. Elongelokalunga lyuukwanegumbo oli na okuningwa ngiini? Dhana OKAVIDIO, e tamu kundathana omapulo taga landula.
-
Ongiini aanegumbo taya vulu okukala haya ningi aluhe elongelokalunga lyuukwanegumbo?
-
Aavali otaya vulu okuninga shike, opo ekonakono lyuukwanegumbo li kale ehokithi notali ti sha? — Tala ethano petameko lyoshileshwa shika.
-
Oshike tashi vulu oku mu imba mu kale hamu konakona pamwe?
MuIsraeli shonale, Jehova okwa li a tegelela aanegumbo ya kale haya kundathana pandjigilile omanyolo. Lesha Deuteronomium 6:6, 7, e tamu kundathana epulo tali landula:
-
Ongiini to vulu okutula miilonga ekotampango ndika?
Shoka tamu vulu okuninga pelongelokalunga lyuukwanegumbo:
-
Okwiilongekidhila okugongala.
-
Okulesha nokukundathana ehokololo lyOmbiimbeli ndyoka yaandjeni ye na ohokwe mulyo.
-
Ngele owu na aanona aashona, tapa nenge wu pilinte iinyangadhalwa yaanona kepandja lyetu lyokointaneta, jw.org.
-
Ngele owu na aagundjuka, kundathaneni shimwe shomiikundathanwa yaagundjuka, mbyoka yi li kepandja lyetu lyokointaneta, jw.org.
-
Otamu vulu okudhana oshinyandwa shopaMbiimbeli pamwe naamwoye.
-
Taleni okavidio kepandja lyetu lyokointaneta, jw.org, e tamu ka kundathana.
AANTU YAMWE OHAYA TI: “Ombiimbeli ondhigu unene okuuviwa ko kaanona.”
-
Ngoye oto ti ngiini?
OWI ILONGO SHIKE?
Jehova okwa hala aavali ya kale ye hole oyana, ye ya putudhe noye ya gamene. Okwa hala aanona ya kale ya simaneka aavali yawo noye ya hole. Okwa hala wo aanegumbo ya kale haye mu longele pamwe.
Omapulo geendululo
-
Ongiini aavali taya vulu okuputudha nokugamena oyana?
-
Ongiini aanona taya vulu okuulika kutya oya simaneka aavali yawo?
-
Ngele aanegumbo ohaya kongo ethimbo ya ninge elongelokalunga lyuukwanegumbo oshiwike kehe, uuwanawa wuni taya ka mona?
UUYELELE WA GWEDHWA PO
Iinima yini tayi vulu okukwathela okanona koye ki ilongekidhile uukuluntu?
“Iinima ihamano mbyoka aanona ya pumbwa okwiilonga” (Penduka mo! No. 2 2019)
Tala omayele gOmbiimbeli ngoka taga vulu okukwathela mboka taya sile oshimpwiyu aavali yawo aakokele.
Tala nkene omulumentu gumwe ngoka a li kee na owino yokuputudha oyana, i ilongo nkene e na okukala omuvali omwaanawa.
Jehova okwe tu longa nkene tu na okuputudha aanona yetu (5:58)
Tala nkene aasamane taya vulu okukoleka ekwatathano lyawo noyanamati.
“Ongiini aasamane taya vulu okukala ye na ekwatathano ewanawa noyanamati?” (Oshungolangelo, 1 Januali 2012)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
