MWAHA 50
Echoko Anyu Eni Ewerye Hai Okhala Yoohakalala?—Nikupa 2
Anamwane yamahala yoorweela wa Yehova. Owo onaweherya wi asitiithi ekhapelele phaama yamahala yeela. Yehova onnavahererya miruku seiho inii saakhaviherye asitiithi weerano yeela. Miruku sawe sinanwerya tho waakhaviherya anamwane opaka makupa aya wi echoko ekhale yoohakalala.
1. Miruku taani Yehova onaavaheiye asitiithi?
Yehova onachuna wi asitiithi yaasiveleke anamwane aya ni omaliha elukuluku yincipale ni yaawo wakhala wooweryeya. Owo tho onachuna wi asitiithi yaakhapeleleke anamwane aya wa sawoopiha ni opharihela malakiheryo a Mpiipiliyani wi yaavyakiheno yaawo. (Masiposipo 1:8) Owo onnaaleela asitiithi: “Mwaaphuweke [anamwane anyu] mwaaleelihaka ni waalopola mwa Apwiya.” (Mwaalakhanye Éfeso 6:4.) Yehova onnahakalala wakhala wi asitiithi annachariha ohoolela wawe vaavaa anaaphuwaaya anamwane aya ehimuhiyenrye muchu mukina wi eereno.
2. Miruku taani Yehova onaavaheiye anamwane?
Yehova onnaaleela anamwane: “N’wiweleleke asitithinyu.” (Mwaalakhanye Kolosi 3:20, BNM) Vaavaa anamwane anaacicimihaaya ni owiiwelela asitiithi aya, awo annamuhakalaliha Yehova ni asitiithi aya. (Masiposipo 23:22-25) Yesu ootikitherya yootakiherya yaphaama vaavaa owo aareiye mwaana. Naamwi aari oophaameya, owo aanawiiwelela ni waacicimiha asitiithi awe yaawo yaari oohiphaameya.—Luka 2:51, 52.
3. Ti mwawiihai emusi eneeraaya emwaacamele Muluku?
Waakhanle wi mwa tiithi, moohikhwa minikwa munnachuna wi anamwane anyu emusiveleke vancipale Yehova ntoko nyuwaano. Muni nwerye hai waakhwaniha yoolakelela yeela? Moorweela wa weerano yeeyo Piipiliya onaloceiye: “Waahusiheke [masu a Yehova] anamwane aa, wuuluuleke, nari ori owaani nari vamukwahani.” (Malamulo 6:7) ‘Wuuluulela’ enataphulela ohusiha echu mwawuuluulela. Nyuwaano moosuwela phaameene wi anamwane anyu ekhapelele phaama echu mmuupuweloni, onnachuneya wuuluulela ikwaha sincipale. Mwawiihiiha, yoorepa ela enataphulela wi nyuwaano munaphwanela waavyaka ilukuluku soothene ikari sa oloca ni anamwane anyu vooloca sa Yehova. Echu yaphaama ori waavya elukuluku isumana soothene wi mpake malapelo a echoko. Naamwi muhirino anamwane, ti waphaama waavya elukuluku wi muhuserye Masu a Muluku isumana soothene.
OHUSERYA MWAWIISEELA
Muthokororye sooleeliherya soophara muteko seiho sinahaala okhaviherya echoko okhala yoohakalala ni yookhapeleleya.
4. Mwaahusiheke anamwane anyu moosivela
Waahusiha anamwane echu yoovila. Ti mwawiihai Piipiliya oneereiye ookhaviheryeeni? Mwaalakhanye Tiyako 1:19, 20, nave voocharela muthokororye makoho ala:
-
Ti mwawiihai asitiithi eneeraaya yooniherye osivela vaavaa analocaaya ni anamwane aya?
-
Ntakhara heeni asitiithi hanaphwanela waalaka anamwane aya eri oonyeenyeya? a
5. Mwaakhapelele anamwane anyu
Wi mwaakhapelele anamwane anyu, ti woochuneya olocaka ni mwaana ti mwaana vooloca sa okonihana. Ela enanwerya okhala yoovila. Moone EXILEMA, nave voocharela muthokororye makoho anacharela.
-
Ntakhara heeni ti woovila wa asitiithi akina oloca ni anamwane aya vooloca sa okonihana?
-
Mmikhalelo taani asitiithi akina analocaaya ni anamwane aya vooloca sa okonihana?
Ntoko yaaloheryiwaaya, elapo ya Satana enamvira etepaka okhala yoonanara. Mwaalakhanye 2 Timóteo 3:1, 13, nave voocharela muthokororye nikoho nla:
-
Eversikulu ya 13 enaloca sa oonanara murima, nave noosuwela wi akina a yaawo annaakoniha anamwane. Mwawiihiiha, ntakhara heeni eryaaya yoochuneya wa asitiithi waahusiha anamwane aya vooloca sa okonihana ni mukhalelo wa waasepa achu yaawo anaakoniha anamwane?
Nyuwaano mwaanasuwela?
Anamoona a Yehova annapaka soolaleeryiwa sincipale seiho sinaakhaviherya asitiithi waahusiha anamwane aya vooloca sa okonihana ni waasepa achu yaawo anaakoniha anamwane. Ntoko yootakiherya, moone:
6. Mwaacicimiheke asitiithi anyu
Anamwane ni amiravo ananwerya wooniherya ncicimiho wa asitiithi aya moorweela wa mukhalelo wa oloca ni yaawo. Moone EXILEMA, nave voocharela muthokororye makoho anacharela.
-
Ntakhara heeni eryaaya yaphaama wa amiravo ochekula mwa ncicimiho ni asitiithi aya?
-
Ti mwawiihai mmiravo oneereiye ooniherye ncicimiho vaavaa onaloceiye vamoha ni asitiithi awe?
Mwaalakhanye Masiposipo 1:8, nave voocharela muthokororye nikoho nla:
-
Ti mwawiihai mmiravo onaphwaneleiye waakhulela vaavaa asitiithi awe anamuleelaaya echu yaweera?
7. Mmulapele Yehova ntoko echoko
Imusi sa Anamoona a Yehova sinnaavya elukuluku isumana soothene wi emuhuserye Piipiliya vamoha. Malapelo yaala a echoko anapakiwa hai? Moone EXILEMA, nave voocharela muthokororye makoho anacharela.
-
Ti mwawiihai echoko eneeraaya ekhaleno Malapelo a Echoko moohihiyererya?
-
Tiheeni asitiithi anaphwanelaaya opaka wi Malapelo a Echoko ekhale oohakalaliha?—Moone eruku yoopacerya ya mwaha yoola.
-
Tiheeni enahaala weeriha okhala woovila wa echoko anyu omuhuserya Piipiliya vamoha?
Mu Isarayeli akhalai, Yehova aachuna wi ichoko soothene sivaaneleke moohihiyererya vooloca sa Soorempwa. Mwaalakhanye Malamulo 6:6, 7, nave voocharela muthokororye nikoho nla:
-
Muni mpharihele hai nlakiheryo nenla?
Miruku ntakhara malapelo a echoko:
-
Mwiirehererye ntakhara mithukumano sa muloko.
-
Mwaalakhanye nave muthokororye saweereya sa Mpiipiliyani seiho echoko anyu eneeraaya ephurevo.
-
Waakhanle wi mookhalano anamwane akhaani, mpaxaare naari mwimpirimiire echu ya weera va makupa ani miteko wa anamwane mu jw.org.
-
Waakhanle wi mookhalano anamwane ari amiravo, muthokororye miyaha sa amiravo mu jw.org.
-
Mpake etrama vooloca sa miyaha sa Mpiipiliyani ni anamwane anyu.
-
Moone nave muthokororye exilema ya mu jw.org.
ACHU AKINA ANI: “Ti woovila wa anamwane omwiiwexexa Piipiliya.”
-
Tiheeni mwaahaalaanyu oloca?
MUKWASU
Yehova onachuna wi asitiithi yaasiveleke, yaahusiheke, ni waakhapelela anamwane aya; anamwane yaacicimiheke ni owiiwelela asitiithi aya; nave echoko emulapeke yoowo vamoha.
Makoho awuuluulela
-
Ti mwawiihai asitiithi eneeraaya yaahusiheke ni waakhapelela anamwane aya?
-
Ti mwawiihai anamwane eneeraaya yooniherye ncicimiho wa asitiithi aya?
-
Ntakhara heeni ti yaphaama opaka malapelo a echoko isumana soothene?
OTHOLATHOLA
Miyaha taani inahaala omurehererya mwaninyu vaavaa oninnuweiye?
“Ichu Thanu Nammoha Iri Sookhweleya wa Anamwane” (Vinyani! N.° 2 a 2019)
Muhuserye miruku soophara muteko seiho Piipiliya onaavaheiye yaale anaakhapelela asitiithi aya awuuluvala.
“O que a Bíblia diz sobre cuidar de pais idosos?” (Artigo do jw.org)
Moone ti mwawiihai mulopwana mmoha yoowo aahisuwenle mukhalelo wa waaphuwa anamwane aakhanleiye tiithi aphaama.
Muthokororye mukhalelo asitiithi aneeraaya elipihe onthamwene ni anamwane aya.
“Como o pai pode se manter achegado a seu filho?” (A Sentinela, 1.º de novembro de 2011)
a Mpiipiliyani, “olaka” onaahiwa omuhusiha naari omuhoolela mwaana ni omukhaviherya owo otoroka muupuwelo naari meecelo oonanara. Ela henataphulela ohooxa naari okhaliha moonanara.—Masiposipo 4:1.
