CHILAYIJO 50

Ini Zungata Kuti Imhuli Iyo Ishante?—Chikamu 2

LIJA

Bana chipo chinova kuna Jehova. Ulolingilila kuti bazwali bechibhate zubhodo chipo yechi. Jehova unopa kulaya kulochenjela kunobhancha bazwali kuti bete alo. Kulaya kukwe kunobhancha bana kuti bete kuti mumhuli mube nolushanto.

1. Jehova unopa kulayani kubazwali?

Jehova ulolingilila kuti bazwali bede bana babo akale bebenonshaji unji nabo. Unoda kuti bazwali betabilije bana babo kuzunu zungabakubaja akale kuti beshingise zumiso zweBhayibhili pokubalayija. (Zwichimbe 1:8) Unobuja matate kuti: “Kubukisani [bana benu] mukulaya . . . kwendayijo inova kuna Jehova.” (Balani BaEfesu 6:4.) Jehova unoshanta yopo bazwali bewhilila zwaanoleba pokukubusa bana akale besinopa umwe unhu kuti ebalelele bana babo.

2. Jehova unopa kulayani kubazwali?

Jehova unolayilila bana kuti: “Whililani bazwali benu.” (Balani BaKolose 3:20.) Bana pabanolemekeja nokuwhilila bazwali babo, banota kuti Jehova nabazwali babo beshante. (Zwichimbe 23:22-25) Ndizo zwakabetiwa naJesu elintukutuku. Kojoba wakabekapelela, wakawhilila akale akalemekeja bazwali babe—Luka 2:51, 52.

3. Mungata chini kuti musendele pelyo naMwali semhuli?

Kana ulinzwali unoda kuti bana babo bede Jehova sozwawunota. Ungazuta chini yozu? Nokuta zunolebwa neBhayibhili: “Unokwelela kugala usimatija [mawhi aJehova] kubana babo, ulebeleke nozwawo pawunobeli gele mungumba nopawunobekwenda mungwagwa.” (Kuzhajikijwa 6:7) “Kusimatija” kunova kulayija upamulula zwawunobaleba. Ndizo sonzwali ukwelela kugala upamulula kutila kuti mwana uwo ekumbulukwe. Ivesi yeyi inotondeja kuti unokwelela kuwana zubaka zokulebeleka nabana babo nozwaJehova. Zubuya kuti muzubigile unshaji wokunamata semhuli pamwempela inviki nenviki. Kana musina bana mungabhanchikana nokubala iBhayibhili inviki nenviki.

FUNDA ZUNJI

Bona zumiso zunobhancha kuti unhu wose mumhuli eshante akale esinotya.

4. Kubusa bana babo noludo

Kukubusa bana atoba zulelu. IBhayibhili lingakubhancha chini? Balani Jemusi 1:19, 20, akale kwejisani nemibhuzo yeyi:

Bazwali bangatondeja chini ludo kana belebeleka nabana babo?
Neni unzwali esinokwelela kulanga bana babe kana ekanyema? a

5. Tabilija bana babo

Kuti mutabilije bana benu, zulokosha kuti mubalayije zunolebwa neBhayibhili pezhulu penyaya jokunda pabulo. Yozu zungapisa ishoni. Yebani iVIDIYO, akale kwejisani nemibhuzo inotobela.

IVIDIYO: Vikela Abantwabakho ‘Kokubi’ (2:58)

Neni zuli zulemu kuti bazwali belebeleke nabana babo nozokunda pabulo?
Bamwe bazwali bakashingisa jipi inzila kuti bebhawunulile bana babo nozokunda pabulo?

Sozwakalebwa kuchimbeli kuti inyika yaSatani ichalamba ibipisisa. Balani 2 Timoti 3:1, 13, akale kwejisani nombuzo yoyu:

Bamwe banhu babi banolebelekwa nozwabo pevesi 13 banobhata bana chibhalo. Neni zukakosha kuti bazwali belayilije bana babo nozokunda pabulo akale kuti bangazutabilija chini kuti besibhatwe chibhalo?

Wabezuziba na?

BaSumikiji baJehova banamabhuku manji anobabhancha bazwali kuti belayilije bana babo nozokunda pabulo akale kuti bangazutabilija chini kuti besibhatwe chibhalo. Sonkwejaniso, linga:

6. Lemekeja bazwali babo

Bana banotubula kulemekeja bazwali babo nenzila yabanolebeleka nayo. Yebani iVIDIYO, akale kwejisani nemibhuzo inotobela.

IVIDIYO: Ngingakhuluma Njani Labazali Bami? (2:19)

Neni zukakosha kuti mwana elebeleke nabazwali babe nenzila inalulemekejo?
Mwana angatondeja chini kuti unolemekeja paanobelebeleka nabazwali babe?

Balani Zwichimbe 1:8, akale kwejisani nombuzo yoyu:

Mwana unokwelela kushandula chini kana bazwali babe bengombuja zokuta?

7. Namatani Jehova pamwempela semhuli

Jimhuli jabaSumikiji baJehova jinobiga izhuba lyokunamata pamwempela semhuli inviki nenviki. Ini zunosotiwa pakunamata kwemhuli? Yebani iVIDIYO, akale kwejisani nemibhuzo inotobela.

IVIDIYO: Ukukhonza Kwemuli—Akulula Kodwa Kuyanceda (8:04)

Imhuli ingatani kuti ilambe ita kunamata kwemhuli inviki nenviki?
Unzwali angata chini kuti kunamata kwemhuli kube kunonakilija?—Linga ipikicha ipo panotangila chilayijo yechi.
Ini zungakoneja kuti munamate pamwempela semhuli?

Jehova wakabakalingilila kuti jimhuli jabaIsrayeli jigale jilebeleka nozumomumakwalo. Balani Kuzhajikijwa 6:6, 7, akale kwejisani nombuzo yoyu:

Ungachishingisa chini chimiso yechi?

Zwamungate pokunamata kwemhuli:

Bambanyila mishangano yegubungano.
Balani akale kwejisani inyaya imomuBhayibhili ichanakilija imhuli yenu.
Kana mulinabana batukukutu dawunilodani kana kuti kuprinta zwabana zunowanika pe-jw.org.
Kana mulinabana bachinokubuka, kwejisani nenyaya yadeni inowanikwa pe-jw.org.
Itani unzano yenyaya yomuBhayibhili nabana benu.
Yebani akale kwejisani namavidiyo apo pe-jw.org.

BAMWE BANOTI: “IBhayibhili ndilyabanhu bakulwana chete.”

Ungoshandula chini?

INI ZWAWAFUNDA

Jehova unoda kuti bazwali bede, bekubuse akale betabilije bana babo; bana banokwelela kulemekeja akale nokuwhilila bazwali babo; akale jimhuli jinamate pamwempela.