LÉZI 50
Ngouo gning gʉo lékô ta ngwiée lékag tsèe tsiŋé nda? (pag 2)
Pénkʉ kouaʼ ngouô kado yié é foo mbwo Jéova. Jéova né nkouŋo ngié méta goubo lié wôb mboŋo. Aa yèe ta a na méntʉôgô pwo méta lé lôg nkuiété wôb lé gouôgô yèe faʼ. Jéova yiing ngôôn mbwo goubo mmo yié pô gwiée lé gʉo ta tsiŋé nda yôb jouʼ mboŋoo.
1. Ée mée méntʉôgô mié Jéova naa mbwo méta?
Jéova né nkouŋo ngié méta koung goubé yôb émbing njouou tam paa pô néŋé. A yiing né nkouŋo ngié méta pôônté pénkʉ pôb mbing yousé métchʉo mbʉʉ mé lé lôg nkouéʼté wôb (Provèebe 1:8). A gôôn mbwo méta goubé ngié: «Pi tchʉʼʉ lé kouéʼté wôb, ntʉôgté wôb . . . nziʼi wôb mmo yié Tchʉapʉa né nkouŋo» (toŋo Éféso 6:4). Jéova gwiée lékag afʉʼ yié méta goubé né ngiŋé na wôôn ntʉôgô, mbing té naa goubé yôb mbwo gning ndièʼè ngié a kouéʼté wôb wô.
2. Ée wèe ntʉôgô wuié Jéova naa mbwo goubé?
Jéova né ngôôn mbwo goubé ngié: «Pi pénkʉ pi jouʼ ntchwo méta pi» (toŋo Kolosia 3:20). Pénkʉ pié é na mékouʼ mbwo méta pôb mbing njouʼ ntchwo wôb naa lékag mbwo Jéova mboo mbwo méta pôb (Provèebe 23:22-25). Yéeso la na fʉʼ mboŋo afʉʼé a la gnié ngouo mouô. Mboo paʼ a laa ndʉalʉʉa, a lôôn njouʼou ntchwo méta pé mbing nnaa mékouʼ môb (Loukasé 2:51, 52).
3. Ngouo tsiŋé nda gʉo lékô ta nkuiʼi nto né léjʉng Ssé?
O lôôn ngouo taʼ ta, mba o né ntsôôn ngié pénkʉ pou kouŋo Jéova pô paʼ wou. Ngouo o kuiété wôb lékô? Giè mmo yié Biible gôôn: «O ping ngwiée lé ziʼi [méchouŋé Jéova] mbwo pénkʉ pou, fʉʼé o néŋé nda, fʉʼé o né ngiŋé manzsé» (Détéronôm 6:7). Fʉʼé mé gôôn ngié «ziʼi», a lôgô ngôôn ngié o gwiée lé choung mbing sélé choung. Zsé ngié o gwiée lé gôôn mbwo goubé jou, ésélé ngôôn, ta po gʉo nkimté. Wôôn kang ŋwaʼné lôgô ngôôn ngié o gwiée lé faʼ méchʉo fʉʼ ntsém lé lôg ngôôn no nti Jéova pwo goubé jou. Aa mbong lé tʉôgô tam méngaba laʼ ntsém lé wô yié o ziʼi Biible lé tsiŋé nda jou. O lôôn té pénkʉ gwiée, mba o gé ké njʉo paʼ o lôôn ntʉôg lé ziʼi Biible méngab ntsém.
YING NKUIʼI NZIʼI
Giè mmo yié maagning ntsém gwiée lé gʉo ta tsiŋé nda néŋé ngwiée lékag mbing njouʼ mboŋoo.
4. Lôg nkouŋé ntʉôgté goubé jou
Létʉôgtée mouô té zéŋé fʉʼ ntsém wô. Ngouo Biible kuiété wou lékô? Toŋo Jag 1:19, 20, mbing ngôôn no na môôn ménzaté:
-
Ngouo méta gniè ngié po koung goubé yôb fʉʼé paa poo né chouŋé lékô?
-
A té pong ngié o tchʉôgté mouô né yaŋa long wô nti kô? a
5. Pôônté goubé jou
O lôôn né nkouŋo lé pôônté goubé jou, mba aa tʉnzuing lé néŋé chouŋé na méno mié é lié chʉ né pôb. Ndièʼ tso a té né nzéŋé mbwo wou lé néŋé chouŋo moo wô. Tsôʼô VIDÉO, é mbing ngôôn no na môôn ménzaté mié é pôônté.
-
Nti kô a té zéŋé mbwo tso méta lé gôôn no na mmo yié a lié no chʉ mbwo goubé yôb wô?
-
Tso méta la tchʉaté na mée méchʉo lé lôg chouŋo no na mmo yié a lié no chʉ apwo goubé yôb?
Paʼ Biible la tʉ njʉo ngôôn la, njʉo Satan né nkuiʼi mbada paad. Toŋo 2 Timoté 3:1, 13, mbing ngôôn na yôôn nzaté:
-
Tso na pʉa tépong pié mé né ngiè na nkang 13 tchʉngté goubé. Nti kô aa tʉnzuing ngié méta ziʼi goubé yôb méno mié é lié no chʉ, mboo paʼ ngouo po pôônté mboum yôb nti pèe pʉa pié é tchʉngté goubé?
Oo péʼé nzsé?
Pakuié Ntang Jéova kuilé choum ta ngiôôn sié ngouo é kuiété méta goubé lé ziʼi goubé yôb choum sié é lié no chʉ, mboo paʼ ngouo po pôônté mboum yôb nti pʉa pié é tchʉngté goubé. Étsô sôôn:
-
Pi Pôônté goubé yi (vidéo)
-
« Parler de sexualité à son enfant » (Réveillez-vous ! n° 5 2016)
6. Na mékouʼ mbwo méta pou
Pénkʉ paa ngouachoum gniè ngié po gʉo mékouʼ méta pôb ntchʉaté na nti yié po gôôn no mbwo pôb. Tsôʼô VIDÉO, mbing ngôôn no na ménzaté mié ée mvfo.
-
Ngouachoum wuié a lôg mékouʼ ngôôn no mbwo méta pé gwiée yèe pi?
-
Ngouo ngouachoum gniè ngié a na mékouʼ méta pé fʉʼ yié a né ngôôn no mbwo pôb lékô?
Toŋo Provèebe 1:8, mbing ngôôn no na yôôn nzèté:
-
Ngouachoum gwiée lé gʉo lékô fʉʼ yié méta pé né nnaa méntʉôgô mbwo yé?
7. Pi témté ngouʼté Jéova tsaa tsiŋé nda
Métsiŋé nda Pakuié Ntang Jéova tʉôgô tam tsaa ngaba laʼ lé lôg ngʉo léziʼi tsiŋé nda. Léziʼi tsiŋé nda tchʉa lékô? Tsôʼô VIDÉO, mbing ngôôn no na môôn ménzaté.
-
Ngouo tsiŋé nda gʉo lékô ta léziʼi tsiŋé nda lé fée wô?
-
Ngouo taʼ ta gʉo lékô ta léziʼi tsiŋé nda kouaʼ nkuiété mbing mbong? (lié foutou nzhiété na sôôn léziʼi).
-
Angouo kô taté tsiŋé nda jou lé ziʼi Biible?
Jéova la né nkouŋo ngié métsiŋé nda Israel ziʼi Ŋwaʼné yé fʉʼ ntsém. Toŋo Détéronôm 6:6, 7, mbing ngôôn no na yôôn nzaté:
-
Ngouo o gʉo lékô ta ngiŋé na mmo yié Ssé gôôn jʉʼôôn?
Choum sié ngouo mé gʉo na léziʼi tsiŋé nda:
-
Tchoungté métchouʼté.
-
Toŋo taʼ pité Biible wuié tsiŋé nda jou koung, pia pô ping ngôôn no moo.
-
O lôôn ngwiée pénkʉ pié é gnié nkôg, o téléchaagé tsô mé activité mié é lié goubé tsèe jw.org ka nkuilé na pipa wô.
-
O lôôn ngwiée pouô ngouachoum, pia pôô chouŋo na métwo no mié ée tsèe jw.org ndié ngouachoum.
-
Pia goubé jou naʼa fʉʼʉ taʼ pité tsèe Biible.
-
Lié taʼ vidéo tsèe jw.org mbing chouŋo moo.
TSO PɄA GÔÔN NGIÉ: «Biible té pʉlé mbwo goubé wô.»
-
Ta ngouo o pʉè ngié kô?
TA O ZIʼII KÔ?
Jéova né nkouŋo ngié méta goubé koung pénkʉ pôb, ntsiéen wôb, mbing mbôônté wôb. A né nkouŋo ngié goubé na mékouʼ mbwo méta pôb mbing njouʼ ntchwo wôb, mboo ngié métsiŋé nda témté ngouʼté yé.
Ta o né nkimté?
-
Ngouo méta goubé tʉôgté mbing mbôônté goubé yôb lékô?
-
Ngouo goubé na mékouʼ méta pôb lékô?
-
Ée mèe mépi mié angouo mé jʉo afʉʼ yié mé pii tam méngaba laʼ ntsém nti léziʼi tsiŋé nda?
KUIʼI FAʼ
Ngouo mé kuiété mouô léwo ndʉo lékô?
« Six valeurs à transmettre aux enfants » (Réveillez-vous ! n° 2 2019)
Méntʉôgô Biible mié ngouo é kuiété pʉa pié po né ndié ta wôb ka ma wôb wô wuié a tchʉôgtée.
« Prendre soin de ses parents âgés : quʼen dit la Bible ? » (article jw.org)
Pité taʼ mambaŋa wuié a la té né nzsé paʼ ngouo a kouéʼté pénkʉ wô, taʼ a la tchʉʼ nzsozso nkouʼou lé wô taʼ ta mboŋo.
Angouo taʼ ta gʉo lékô ta ntʉté ntémtée yié a gwiée né ming wé?
« Comment un père peut-il rester proche de son fils ? » (La Tour de Garde, 1 novembre 2011)
a Aa tsaa Biible, fʉʼé mé gôôn ngié «tʉôgté», a lôgô ngôôn ngié mé gwiée lé ziʼi mouô mmo, ntsiéen yé, ka nkuiété yé lé koubé ma tépong wô. Mé tée ndôgô ngôôn lé kaga mouô né yaŋa long ka ntchoua yé po sésag wô (Provèebe 4:1).
