SETŠHUTO 50
O ka Maka Byang Gore ka ho Mutšing le Jabole?—Sekopa sa Mabedi
Bananyana bowa re ro neya ke Jehova. O nyaka gore babelegi ba pasope bana bone gabutši. Jehova o botsa babelegi tso di ka ba gelepang gore ba thogo maka tsotsone. Tso a di hlayang di ka gelepa le bananyana ba bona gore ba tšhele letsogo gore ka ho mutšing go jabodise.
1. Jehova o re king mo a yeletsa babelegi?
Jehova o nyaka gore babelegi ba šupetse bana ba bona gore ba ba nyaka ka matla fote ba fokatse nabo. Fote o nyaka gore babelegi ba pasope bana ba bona ba boye ba ba tšhutise ba berekisa ditšhiko tsa Bhayibele. (Diyema 1:8) O botsa bo papa gore: ‘Le ye mahlong le wolola bana ba lune fote le ba tšhutisa tso Jehova a di nyakang.’ (Bala Maefeso 6:4.) Jehova wa jabola mo a bona babelegi ba berekisa tso a ba yetetsang ka tsona mo ba kene ba gudisa bana ba bona fote mmereko wone ba sa wo neye batho ba bangwana.
2. Jehova o re king mo a yeletsa bana?
Jehova o botsa bana gore: “Theetselaneng babelegi ba lune.” (Bala Makolosi 3:20.) Mo bana ba hlompa ba boya theetsela babelegi ba bona, ba jabodisa Jehova fote le babelegi ba bona baa jabola. (Diyema 23:22-25) Jeso o re beyisele gabutši mo a sa le ye monyana. Ke mo go le motho wa go felegelela mara ne a theetsela a boya a hlompa babelegi bage ba gore a baa felegelela.—Luka 2:51, 52.
3. Le ka maka byang gore le šutele thina ga Modimo le le mutši?
Mo nkare ke wene mmelegi, a re kamake gore o nyaka gore bana bago ba tseyele gago, ba šupetse gore ga Jehova ba mo nyaka ka matla. O ka di maka byang tsotsone? Ka go maka tso Bhayibele yi di hlayang mo yi re: “[Mantsu ya Jehova] di nyaka o ma tšhutise barwayi bago gatleletlele fote o bolabole ka wona mo le duli ka ntlong le mo le sepela pateng.” (Dotoronoma 6:7) Go ‘tšhutisa gatleletlele’ go rela go boyelela taba o kene o yi kikitela kela go yi šihlela. Le wene o ka fo ba o di tšiba gabutši tsa gore mo o tšhutisa bana, di nyaka o boyelela gore ba sa lebale. Lengwalo lowa le napa le šupetsa gore di nyaka o dula o ramele lešuba la go tšhutisa bana bago ka Jehova. Di gabutši ka matla gore le be le nako ya go maka morapelo wa mutši beke ye nngwana le ye nngwana. Mo nkare a o na bana, le wene di ka go gelepa go ba le nako ya go tšhuta Lentsu la Modimo beke ye nngwana le ye nngwana.
KENELELA
Lebelela dilo tso di ka le gelepang gore mutši wa lune wo dule wo jabodiye fote wo tšhireletsegiye.
4. Tšhutisa bana bago o kene o ba šupetsa gore o ba nyaka ka matla
Go tšhutisa ngwana ke letogo. Mara Bhayibele yi ka go gelepa ka mokgo mang? Bala Jakobo 1:19, 20, ke mokane le petapete ka diputsiso tsowa:
-
Mo babelegi ba bolabola le bananyana ba bona, ba ka maka byang gore ba di bone tsa gore ba ba nyaka ka matla?
-
Mo mmelegi a kwatiye, ke ntaba di se gabutši gore a wolola ngwanage ka nako yonone? a
5. Tšhireletsa bana bago
Gore o thogo tšhireletsa bana bago, di gabutši ka matla gore ye mongwana le ye mongwana o mo tšhutise ka taba ya tsa ka mapaying. Tsona di ya tšebisa go bolabola ka taba yone. Kgana VIDIYO, ke mokane le petapete ka diputsiso tsa go latela.
-
Ke ntaba di roba ga babelegi ba bangwana go bolabodisana le bana ba bona ka tsa ka mapaying?
-
Babelegi ba bangwana ba makiye byang gore ba thogo hlatollela bana ba bona taba ya tsa ka mapaying?
Seporofeto se hlayye botala gore lefase lowa la Sathane le nyoko fo ya mahlong le kene le befa. Bala 2 Thimothi 3:1, 13, ke mokane le petapete ka putsiso yowa:
-
Batho ba go maka tsa go befa bo temanyana 13 yi bolabolang ka bona ba hlorisa bana ka tsa maroga. Byalo, ke ntaba di nyaka babelegi ba tšhutise bana ba bona ka taba ya tsa ka mapaying le gore ba ka titšhireletsa byang ga batho ba mošaga wonone?
Nje o di kwelele?
Dihlatse tsa Jehova di makiye dikgatiso tsa go tlala tso di ka gelepang babelegi gore ba thogo tšhutisa bana ba bona ka taba ya tsa ka mapaying ba boye ba ba tšhireletse gore ba sa hlorisiwi. Mo re beyisa, lebelela:
6. Hlompa babelegi bago
Bananyana le bowa ba gore ba sa gola ba ka šupetsa ka mabolabolelo ya bona gore ba hlompa babelegi ba bona. Kgana VIDIYO, ke mokane le petapete ka diputsiso tsa go latela.
-
Mo ngwana a bolabola le babelegi bage ka mokgwa wa go šupetsa gore wa ba hlompa di nyoko mmerekela, ke ntaba re reyane?
-
Ngwana a ka šupetsa byang gore o hlompa babelegi bage mo a ba bolabodisa?
Bala Diyema 1:8, ke mokane le petapete ka putsiso yowa:
-
Ngwana di nyaka a titshware byang mo babelegi bage ba mo yetetsa?
7. Rapelaneng Jehova le le mutši
Mitši ya Dihlatse tsa Jehova yi ba le nako ya go tshwara morapelo wa mutši beke ye nngwana le ye nngwana. Mara morapelo wa mutši wo tshwariwa byang? Kgana VIDIYO, ke mokane le petapete ka diputsiso tsa go latela.
-
Mutši wo ka maka byang gore go dule go na le letheto la Morapelo wa Mutši?
-
Mmelegi a ka maka byang gore morapelo wa mutši wo ba berekele fote wo jabodise?—Lebelela sethombhe sa hala mathomisong ga setšhuto sowa.
-
King tso di ka makang gore di sa be lula gore le tšhute ggoši le mutši wago?
Ga Israyele ya ku botala, Jehova ke mo a nyaka gore mitši yi dule yi bolabodisana ka Mangwalo. Bala Dotoronoma 6:6, 7, ke mokane le petapete ka putsiso yowa:
-
Tšhiko yowa le ka yi berekisa byang?
Tso le ka di makang ga morapelo wa mutši:
-
Lukiselelaneng megahlano ya phutego.
-
Balaneng le boye le petapeteneng ka taba ya ka ho Bhayibeleng ya gore ba mutši wago ba nyoko yi jabolela.
-
Mo nkare o na le bananyana, dawonelowuda kela o phrinthe mebereko ya bananyana yo yi leng ga jw.org.
-
Mo nkare o na le bo ba gore ba sa gola, petapetaneng ka hlogotaba ya bo ba gore ba sa gola ya gore yi nyarela ga jw.org.
-
Kgananeng derama ka ho mutšing le na le bana ba lune, go be nkare ke lune batho ba ka ho Bhayibeleng.
-
Lebelelaneng vidiyo ga jw.org ke mokane le petapeteneng ka yona.
BATHO BA BANGWANA BA RE: “Bhayibele a yi puku ya bana, ba ka sa yi kwisisi.”
-
Wene o ka re king?
MONOPO
Jehova o nyaka gore babelegi ba šupetse bana ba bona gore ba ba nyaka ka matla, ba ba tšhutise fote ba ba tšhireletse; bana ba hlompe ba boye ba theetsele babelegi ba bona; ke mokane mitši yi rapele Modimo yi le ggoši.
Tigopotse
-
Babelegi ba ka tšhutisa bana ba bona ka mokgo mang ba boya ba ba tšhireletsa?
-
Bana ba ka šupetsa ka ying gore ba hlompa babelegi ba bona?
-
Go tshwara morapelo wa mutši beke ye nngwana le ye nngwana go ka berekela mutši ka mokgo mang?
NYAKELA
O ka tšhutisa ngwana dilo difeng tsa gore a ka di berekisa mo a šele a gudiye?
“Kobodi ya Dilo Tso Bana ba Tshwaneleng ba di Tšhute” (Hlahlama! ya No. 2 2019)
Tšhuta gore Bhayibele yi ba yeletsa ka mokgo mang bo ba gore ba pasopa babelegi ba gore ba šele ba gudiye.
Morene mongwana ke mo a sa di tšibi tsa go gudisa bana, lebelela gore o makiye ying gore a thogo phomelela.
Jehova o re Tšhutisiye Gore re Thogo Gudisa Mutši wa Rune (5:58)
Lebelela gore bo papa ba ka maka byang gore ba thogo tiyisa senghana sa bona le barwayi ba bona.
a Bhayibele mo yi bolabola ka go “wolola,” yi rela go yeletsa le go yetetsa. A yi rele go kwaletsa kela go maka motho lešidi.—Diyema 4:1.
