LEKSION 50
Panon ya Magmaliw ya Maliket so Pamilyam?—Part 2
Saray ananak et regalo nen Jehova. Iilaloan to ya pabpablien tan alwaran na atateng itan ya regalo. Pian nagawaan da ’tan, angiter si Jehova na praktikal iran bilin ya makatulong ed saray atateng. Makatulong met ed ananak iray bilin to pian magmaliw ya maliket so pamilya.
1. Antoy bilin nen Jehova ed atateng?
Labay nen Jehova ya aroen na atateng iray anak da tan lanang ya walay oras dad sikara anggad posible. Labay to met ya protektaan na atateng iray ananak da ed saray mauges tan usaren da ray prinsipyo na Biblia ya basiyan na pangipasal dad sikara. (Proverbio 1:8) Bibilinen to ray kaamaan: “Itultuloy [yon] pabalegen [iray ananak yo] diad . . . panamilin nen Jehova.” (Basaen so Efeso 6:4.) Naliliketan si Jehova no uunoren na atateng so bilin to diad pamapabaleg dad ananak da tan agda ipapasa ed arum so responsabilidad da.
2. Antoy bilin nen Jehova ed ananak?
Igaganggan nen Jehova iray ananak: “Magmaliw kayon maunor ed atateng yo.” (Basaen so Colosas 3:20.) No rerespetoen tan uunoren na ananak iray atateng da, napapaliket day Jehova tan saray atateng da. (Proverbio 23:22-25) Ugaw ni labat si Jesus, maong lan alimbawa. Anggano perpekto, inunor tan nirespeto to ray atateng to.—Lucas 2:51, 52.
3. Panon kayon mas onapit ed Dios bilang pamilya?
No sakey kan ateng, seguradon labalabay mon aroen na ananak mo si Jehova. Antoy gawaen mo? Gawam so ibabaga na Biblia ya “ipurek mo iratan [say salita nen Jehova] ed saray anak mo tan salitaen mo iratan sano akayurong kad abung mo tan sano manaakar kad dalan.” (Deuteronomio 6:7) Say labay ya ibaga na “ipurek” et ibangat diad pangulit-ulit ed satan. Seguradon antam la ya kailangan mon ulit-uliten iray bilin mod ananak mo pian natandaan da. Say labay ya ibaga na sayan teksto et mananap kan lanang na pankanawnawa ya itongtong ed ananak mo so tungkol ed si Jehova. Kanian maong no walay sinimba-simba ya eskedyul yon mandayew bilang pamilya. No anggapo ni anak yo, siansian makatulong so sinimba-simba ya panaral yo na Salitay Dios.
DAKEL NI NAARALAN MO
Amtaen iray praktikal a suhestion ya makatulong pian mansiansian maliket tan protektado so pamilya.
4. Maaron ipasal iray anak yo
Aliwan mainomay so mangipasal na anak. Panon ya makatulong so Biblia? Basaen so Santiago 1:19, 20, insan ebatan iraya:
-
Panon ya nipanengneng na atateng ya inaro da ray anak da no mitotongtong irad sikara?
-
No makakapasnok so ateng, akin et agto ni dapat disiplinaen so anak to? a
5. Protektaan yo ray anak yo
Pian naprotektaan yo ray anak yo, importantin itongtong yod kada sakey ed sikara so tungkol ed sex. Ompan aliwa yan mainomay. I-play so VIDEO, insan ebatan iraya.
-
Akin et nairapan so arum ya atateng ya itongtong ed anak da so tungkol ed sex?
-
Panon ya impaliwawa na arum ya atateng so sex ed saray anak da?
Impasakbay ed Biblia ya onuges lan onuges so mundo nen Satanas. Basaen so 2 Timoteo 3:1, 13, insan ebatan iya:
-
Saray arum ya mauges a totoo ya abitla ed bersikulo 13 et manggagawa na seksual ya panag-abuso ed ugugaw. Kanian, akin et importante ya ibangat na atateng so tungkol ed sex ed saray ananak da tan no panon dan naprotektaay sarili da ed saray manag-abuso?
Kasin antam?
Dakel so publikasyon na Saray Tasi nen Jehova ya makatulong ed atateng pian ibangat ed saray anak so tungkol ed sex tan naprotektaan ira ed saray manag-abuso. Nia ray pigaran alimbawa:
-
Protektaan Iray Anak Yo (video)
-
Manaral Manlapud Sankamaongan a Managbangat, kapitulo 10 tan 32
-
“No Panon Yon Ibangat ed Anak Yo so Tungkol ed Sex” (Onliing! No. 5 2016)
6. Respetom iray atateng mo
Nipanengneng na ugugaw tan kabataan ya ananak so respeto dad atateng da diad pitotongtong dad sikara. I-play so VIDEO, insan ebatan iraya.
-
Akin et maabig no marespeton mitongtong so kabataan ed atateng to?
-
Panon ya nipanengneng na kabataan ya rerespetoen to ray atateng to no mitotongtong ed sikara?
Basaen so Proverbio 1:8, insan ebatan iya:
-
Antoy dapat ya reaksion na kabataan no bibilinen na atateng to?
7. Idayew si Jehova bilang pamilya
Saray pamilyan Tasi nen Jehova et walay sinimba-simban eskedyul da ya maniiban mandayew. Antoy gagawaen da ed panagdayew na pamilya ra? I-play so VIDEO, insan ebatan iraya.
-
Antoy gawaen na pamilya pian regular so Panagdayew na Pamilya ra?
-
Antoy gawaen na atateng pian praktikal tan na-enjoy na amin so panagdayew na pamilya ra?—Nengnengen so litrato diad gapo na sayan leksion.
-
Anto ray nayarin makasebel ed sikayo pian saniiban manaral?
Nensaman diad Israel, labay nen Jehova ya regular ya pantongtongan na saray pamilya so Kasulatan. Basaen so Deuteronomio 6:6, 7, insan ebatan iya:
-
Panon mon natumbok iyan prinsipyo?
Suhestion parad panagdayew na pamilya:
-
Manparaan parad aral ed kongregasyon.
-
Basaen tan pantongtongan iray salaysay ed Biblia ya labalabay na pamilya yo.
-
No angkekelag ni ray anak yo, man-download odino mangi-print na activity parad ugugaw ya walad jw.org/pag.
-
No tinedyer la ray anak yo, pantongtongan so sakey ya artikulo ya walad jw.org/pag.
-
I-drama yon pamilya so sakey ya istorya ed Biblia.
-
Bantayan tan pantongtongan so sakey ya video diad jw.org/pag.
IBABAGA NA ARUM: “Aliwan parad ugaw so Biblia, agda ni ’tan natalosan.”
-
Antoy ibagam ey?
SUMARYO
Labay nen Jehova ya aroen, ipasal, tan protektaan na atateng iray anak da. Labay to met ya unoren tan respetoen na ananak iray ateng da, tan mankakaiban mandayew iray pamilya.
Rebyu
-
Panon ya nipasal tan protektaan na atateng iray anak da?
-
Panon ya nipanengneng na ananak ya rerespetoen da ray ateng da?
-
Anto ray gunggona no walay sinimba-simba ya panagdayew na pamilya?
DISKOBRIEN
Anto ray makatulong ed ugugaw pian magmaliw iran responsablin adulto?
“Anemiran Leksion a Nepeg ya Ibangat ed Ananak” (Onliing! No. 2 2019)
Aralen iray praktikal ya bilin na Biblia ed saray caregiver.
“Antoy Ibabaga na Biblia Nipaakar ed Pangasikaso ed Saray Maedad Lan Atateng?” (Artikulo ed website)
Amtaen no panon a nagmaliw ya responsablin ama so sakey ya lakin anggapoy kaam-amta to ed pamabaleg na ananak.
Nengnengen no panon ya naka-close na saray ama iray anak da.
“Panon ya Naka-close na Ama so Anak To?” (Say Panag-bantayan-E, Nobyembre 1, 2011)
a Diad Biblia, say “disiplina” et instruksion, panangigiya, tan panangipetek. Aliwan panag-abuso o panagduksa.—Proverbio 4:1.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
