LÈS 50
Kon Bo Por Tin un Bida di Famia Felis?—Parti 2
Yu ta un regalo di Yehova. Yehova ke pa tur mayor kuida e regalo ku nan a haña bon, i e ta duna nan bon konseho pa yuda nan hasi esei. Yehova ta bisa e yunan tambe kiko nan mester hasi pa nan famia por ta felis.
1. Ki konseho Yehova ta duna e mayornan?
Yehova ke pa tur mayor stima nan yunan i pasa mas tantu tempu posibel ku nan. Ademas, Yehova ke pa un mayor protehá su yunan kontra peliger i pa usa prinsipio di Beibel pa siña nan. (Proverbionan 1:8) Yehova ta bisa e tatanan pa ‘sigui inkulká Su manera di pensa den nan yunan.’ (Lesa Efesionan 6:4.) Yehova ta keda kontentu ora e mayornan ta sigui su guia i ta lanta nan yunan nan mes i no ta duna otro hende e responsabilidat ei.
2. Ki konseho Yehova ta duna e yunan?
Yehova ta bisa e yunan: “Obedesé boso mayornan.” (Lesa Kolosensenan 3:20.) Ora un yu ta respetá i ta obedesé su mayornan, e ta hasi tantu Yehova komo su mayornan kontentu. (Proverbionan 23:22-25) Hesus a pone bon ehèmpel den esei tempu e tabata mucha. Aunke e tabata perfekto i su mayornan tabata imperfekto, el a obedesé i respetá nan.—Lukas 2:51, 52.
3. Kon boso famia por hala mas serka Dios?
Si bo ta un mayor, sin duda bo ke pa bo yunan stima Yehova mes tantu ku abo ta stim’é. Kon bo por logra esei? Bo por logra esei ora bo sigui e siguiente konseho di Beibel: “Siña [e palabranan di Yehova] ku tur diligensia na bo yunan, i papia di nan ora bo ta sinta den bo kas, [i] ora bo ta kana riba kaminda.” (Deuteronomio 6:7) E ekspreshon “siña ku tur diligensia” ta nifiká ku bo ta ripití algu pa siña un hende. Siguramente bo sa ku ta importante pa ripití algu vários bes si bo ke pa bo yu keda kòrda esei. E teksto ta mustra ku regularmente bo mester buska oportunidat pa papia ku bo yunan tokante Yehova. Ta importante pa un famia apartá tempu tur siman pa studia Beibel huntu. Asta si bo no tin yu, lo bo benefisiá mashá si bo tuma tempu tur siman pa studia Beibel.
KIKO MAS NOS POR SIÑA?
Wak algun sugerensia práktiko ku por yuda henter famia sinti nan mes safe i felis.
4. Eduká bo yunan ku amor
No ta semper fásil pa un mayor eduká su yunan. Kon Beibel por yuda un mayor hasi esei? Lesa Santiago 1:19, 20. Despues, analisá e siguiente preguntanan:
-
Kon un mayor por mustra su yunan ku e ta stima nan ora e ta papia ku nan?
-
Dikon nunka no ta bon pa un mayor disipliná su yunan ora e ta rabiá? a
5. Protehá bo yunan
Pa un mayor protehá su yunan, ta masha importante pa e papia ku kada yu tokante sèks. Esei por ta un tópiko inkómodo pa papia tokante dje. Pasa e VIDIO. Despues, analisá e siguiente preguntanan:
-
Dikon ta difísil pa algun mayor papia ku nan yunan tokante sèks?
-
Kiko algun mayor a hasi pa splika nan yunan tokante sèks?
Manera a ser profetisá, e mundu di Satanas ta sigui bai di malu pa pió. Lesa 2 Timoteo 3:1, 13. Despues, analisá e siguiente pregunta:
-
Algun di e hendenan malbado ku versíkulo 13 ta menshoná ta hende ku ta abusá seksualmente di mucha. P’esei, dikon ta importante pa un mayor siña su yunan tokante sèks i pa siña nan kon pa protehá nan mes kontra hende ku ke abusá di nan?
Bo tabata sa?
Testigunan di Yehova tin diferente publikashon pa yuda un mayor siña su yunan tokante sèks i pa yuda e mayor protehá su yunan kontra hende ku por abusá di nan. Por ehèmpel:
-
Protehá Bo Yunan (vidio)
-
“Siña Bo Yunan Tokante Sèks” (Spièrta! Num. 5 2016)
6. Respetá bo mayornan
Tantu mucha komo tiner por mustra ku nan ta respetá nan mayornan na e manera ku nan ta papia ku nan mayornan. Pasa e VIDIO. Despues, analisá e siguiente preguntanan:
-
Dikon ta bon pa un mucha òf un tiner papia na un manera respetuoso ku su mayornan?
-
Kon un mucha òf un tiner por papia ku su mayornan na un manera respetuoso?
Lesa Proverbionan 1:8. Despues, analisá e siguiente pregunta:
-
Kon un yu mester reakshoná ora ku su mayornan bis’é kiko pa hasi?
7. Adorá Yehova komo famia
Testigunan di Yehova ta apartá un tempu spesífiko tur siman pa nan por adorá Yehova huntu komo famia. Kon un adorashon komo famia ta bai? Pasa e VIDIO. Despues, analisá e siguiente preguntanan:
-
Kiko un famia por hasi pa nan por tin adorashon komo famia riba un base regular?
-
Kiko un mayor por hasi pa nan adorashon komo famia ta práktiko i algu ku nan tur por disfrutá di dje?—Wak e plachi ku tin na komienso di e lès akí.
-
Kiko por ta algun reto ku por stroba bo famia di studia huntu?
Den Israel di antigwedat, Yehova tabata ke pa famia papia ku otro regularmente tokante e Skritura. Lesa Deuteronomio 6:6, 7. Despues, analisá e siguiente pregunta:
-
Kon bo por sigui e konseho akí?
Algun sugerensia pa bo adorashon komo famia:
-
Prepará huntu pa reunion di kongregashon.
-
Lesa i trata un relato bíbliko ku bo famia lo gusta.
-
Si bo tin yu chikitu, download òf prent un di e aktividatnan pa mucha for di jw.org.
-
Si bo tin yu tiner, trata un di e artíkulonan pa hóben ku tin riba jw.org.
-
Pensa riba un relato bíbliko i aktua loke a pasa den e relato.
-
Wak i trata un vidio riba jw.org.
LOKE HENDE SA BISA: “Beibel ta muchu difísil pa mucha komprondé.”
-
Kon lo bo por kontestá un persona ku bisa esei?
RESÚMEN
Yehova ke pa tur mayor stima, eduká i protehá nan yunan. E ke pa tur yu respetá i obedesé nan mayornan. Ademas, e ke pa e miembronan di famia ador’é huntu.
Repaso
-
Kon un mayor por eduká i protehá su yunan?
-
Kon un yu por mustra rèspèt na su mayornan?
-
Ki benefisio un famia ta haña ora nan apartá tempu pa adorá Yehova huntu tur siman?
MAS INFORMASHON INTERESANTE
Kiko ta algun lès ku bo yu mester siña promé ku e bira adulto?
Wak algun konseho práktiko ku Beibel ta duna e yunan ku mester kuida nan mayornan di edat.
“Dios Ta Ferwagt pa Nos Kuida Nos Mayornan ora Nan Bira Grandi?” (artíkulo riba jw.org)
Wak kon un hòmber ku na promé instante no tabata sa kon pa lanta yu a bira un bon tata.
Wak kon un tata por tin un mihó relashon ku su yu hòmber.
a Ora Beibel ta papia di disiplina, e ta referí na siña i guia un yu i yud’é korigí su manera di pensa òf su kondukta. E no ta referí na maltratá un yu òf trat’é na un manera kruel.—Proverbionan 19:18.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
