50 EL SUOBEL
Ngmekera Sebechel Mo er Ngii a Deurreng er a Telungalek er Kau?—Part 2
A rengalek a sengk el mlara Jehovah. Jehovah mengerechir er a rechedam me a rechedil el mo ungil lomekerreu er tia el sengk. Ngmeskid a mellomes el ulekrael el ngosuterir a rechedam me a rechedil el kutmeklii tiang. A ulekrael er ngii a dirrek el sebechel ngosuterir a rengalek el rullii a telungalek er tir el mo er ngii a deurreng er ngii.
1. Ngera el ulekrael a lebesterir a ruungalek a Jehovah?
A Jehovah mengerechir er a rechedam me a rechedil el mo betik a rengrir er a rengelekir e mora tkurrebab el sebechir el mengoit a taem el lobengterir. Ngdirrek el soal a ruungalek a lomekerreu er a rengelekir er a tellemall e lousbech a omellach er a Biblia el mo uchetemel aike el lolisechakl er a rengelekir. (Osisechakl 1:8) Ngdmu er a rechedam el kmo: “Momekeroul er [a rengelekiu] el oba omellach ma osisechakl er a Rubak.” (Monguiu er a Efesus 6:4.) Jehovah dmeu a rengul er a ruungalek sel lomekeroul er a rengelekir loltirakl er tia el ulekrael, e lak loba tia el ngerachel lomsa kuk ta er a chad.
2. Ngera el ulekrael a lebesterir a rengalek a Jehovah?
Jehovah dmu er a rengalek el kmo: “Morrenges a tekingir a re demmiu ma re delemiu.” (Monguiu er a Kolose 3:20.) A rengalek sel longull e lolengesenges er a rechad er a blirir, e te rullii a Jehovah me a rechad er a blirir el mo dmeu a rengrir. (Osisechakl 23:22-25) A Jesus a kiltmeklii a ungil el kerebai er a lengalek. Alta ngmle cherrungel, ngullengesenges e mengull er a delal me a demal.—Lukas 2:51, 52.
3. Ngmekera sebechiu el telungalek el dmak lolekeed er kemiu er a Jehovah?
A lsekum koungalek, e nglocha kmal soam a rengelekem a bo lebetik a rengrir er a Jehovah el uai kau. Ngmekera sebechem el rullii tia el turrekong? Loeak sel moltirakl aike el lolekoi a Biblia: “Mosisechakl [a tekingel a Jehovah] el mor a re ngelekem. Ke mo omelekl cho mngar a blai ma cho mcheroid.” (Duteronomi 6:7) Ke locha mtebengii el kmo ngkirem el blechoel el di omelekl a tekoi el mora rengelekem me lak lobes. Me tia el bades a melekoi el kmo ngkirem losiik a bek el techall el mo mengedecheduch er a rengelekem el kirel a Jehovah. Ngkmal ungil omketmeklii a taem er a bek el sandei el mengull er a Jehovah el telungalek. A lsekum e ngdiak a rengelekem, e ngdirk uchul a klungiolem omongoit a taem er a bek el sandei el mesuub er a Tekingel a Dios.
BOM DMOLECH EL MERRITER
Morriter a bebil ngeso er a uldasu el ngii a ngosuterir a rokui el chedal a telungalek el mo melechesuar er a ulekerreu me a deurreng.
4. Em train er a rengelekiu loba bltikerreng
Ngsebechel mo meringel a de train er a ngalek. Ngmekera Biblia sebechel ngosukid? Monguiu er a Jakobus 1:19, 20 e mosaod aika el ker:
-
Ngmekera ruungalek e ochotii a bltikerreng sel longedecheduch er a rengelekir?
-
Ngera uchul me ngdiak el kirel a chad el omeklemalt er a ngelekel sel lekesib a rengul? a
5. Em protect er a rengelekem
A om protect er a rengelekem e ngkmal klou a ultutelel mongedecheduch er tir el kirel a tekoi er a cheliuaiu. Nglocha mo meringel er kau a meruul er tiang. Momes er a VIDEO e mosaod aika el ker.
-
Ngera uchul me ngmeringel er a rebebil loungalek el mengedecheduch er a rengelekir el kirel a tekoi er a cheliuaiu?
-
Ngera bebil er a rolel e a rebebil loungalek a mla smodii tiang el mora rengelekir?
Ngua ledilu ulaoch, a beluulechad er a Satan a mera el di merael el lmuut el mo mekngit. Monguiu er a 2 Timothy 3:1, 13 e mosaod er tia el ker:
-
A rebebil er a remekngit el chad el losaod er tir a 13 el kekerei el bades a tirke el melemall er a rengalek. Me a leuaisei, e ngera uchul me ngkmal klou a ultutelel a ruungalek a longedecheduch er a rengelekir el kirel a tekoi er a cheliuaiu, me a rolel a rengelekir a sebechir el protect er tir er a remelemall er a rengalek?
Ke medengei el kmo ngerang?
A Resioning er a Jehovah mla otobed a betok el dongu el sebechel ngosuterir a ruungalek el losisecheklterir a rengelekir el kirel a tekoi er a cheliuaiu e protect er tir er a remelemall er a rengalek. El ua tiang, momes er a:
-
Protect Your Children (video)
-
“Teaching Your Child About Sex” (Awake! No. 5 2016)
6. Mongull er a rechad er a blim
Rengalek me a rengeasek a sebechir lochotii omengull el mora rechad er a blirir loeak a rolel a longedecheduch er tir. Momes er a VIDEO e mosaod aika el ker.
-
Ngera uchul me ngmo ungil er a chad a longedecheduch er a rechad er a blil, e meruul er ngii el ngar er a rolel e ngochotii omengull?
-
Ngmekera ngalek e sebechel mengedecheduch er a rechad er a blil el ngar er a rolel e ngochotii omengull?
Monguiu er a Osisechakl 1:8 e mosaod er tia el ker:
-
Ngera kirel meruul er ngii a chad sel lengai a ulekrael er a rechad er a blil?
7. Mongull er a Jehovah el telungalek
Retelungalek el Sioning er a Jehovah mengoit a taem er a bek el sandei el mo dmak e meruul er omengull er tir. Ngsebechel uangerang tia el temel omengull el telungalek? Momes er a VIDEO e mosaod aika el ker.
-
Ngmekera telungalek e sebechel mo er ngii a Temel a Omengull el Telungalek er tir er a bek el sandei?
-
A chad ngera ngsebechel meruul er ngii me a omengull el telungalek er tir a ngosuir a telungalek er ngii e dirrek el uchul a deuil a rengrir?—Momes er a siasing er a uchelel tia el suobel.
-
Ngera sebechel rullii el mo meringel er kemiu a dmak el mesuub?
Ngar er a Israel er a irechar, e a Jehovah milengerechir er a retelungalek me leblechoel el chadecheduch el mesaod a bades. Monguiu er a Duteronomi 6:6, 7 e mosaod er tia el ker:
-
Ngmekera sebechem loltaut er tia el omellach?
Uldasu el kirel omengull el telungalek:
-
Prepare el kirel a miting er a ongdibel.
-
Menguiu e mesaod a cheldecheduch er a Biblia el sorir a telungalek er kau.
-
A lsekum e ngngar ngii a remekekerei el ngelekem, em download me a lechub ke print er a ta er aike el activity el kirir a rengalek el ngar er a jw.org.
-
A lsekum e ngngar ngii a rengeasek el ngelekem e mosaod er a ta er aike el suobel el kirir a rengeasek el ngar er a jw.org.
-
Em act out er a ta er a cheldecheduch er a Biblia lobengterir a rengelekem.
-
Momes e mosaod er a ta er a video el ngar er a jw.org.
A REBEBIL A KMO: “A Biblia meringel el kirir a rengalek.”
-
Ke mo dmu el kmo ngerang?
SUMMARY
Jehovah soal a ruungalek a bo lebetik a rengrir er a rengelekir e soal a rengalek a longull e lolengesenges er a rechad er a blirir, me a telungalek bo el dak el mengull er ngii.
Review
-
Ngmekera ruungalek e sebechir el train e protect er a rengelekir?
-
Ngmekera rengalek a lochotii omengull el mora rechad er a blirir?
-
Ngera klungiolel a deketmeklii a taem er a bek el sandei el mo dmak el mengull el telungalek?
A LSEBECHEM E MOMES
Ngera mo kutmeklterir a rengelekem sel lebo leklou el chad?
Msuub a ungil ulekrael er a Biblia el mo er tirke el lomekerreu er a remechuodel el chad er a blirir.
“What Does the Bible Say About Caregiving for Elderly Parents?” (Suobel el ngar er a Internet)
Mesa rolel a chad el mle metitur lomekeroul er a rengalek a mlo ungil el chedam.
Morriter a rolel e a rechedam a sebechir el smisichii a deleuill er tir me a rengelekir el sechal.
a Ngar er a Biblia e a tekoi el “omeklemalt” a melutk el kirel a ulekrael me a omesmechokl. Ngkmal diak el belkul a kmo, omekringel me a omals.—Osisechakl 4:1.
