IREN MEHN KASUKUHL 50
Ia Duwen Omw Peneinei Ar Kak Nsenamwahu?—Pali 2
Seri kan wia kisakis ehu sang rehn Siohwa. E ketin kupwurki pahpa nohno kan ren apwalih mwahu kisakis wet. Siohwa ketikihda kaweid erpit kan me kak sewese pahpa nohno kan ren wia met. Sapwellime kaweid pil kin kasalehda dahme seri kan kak wia pwehn sewese ar peneinei en nsenamwahu.
1. Kaweid dah me Siohwa ketikihong pahpa oh nohno kan?
Siohwa ketin kupwurki pahpa oh nohno kan ren poakohng neirail seri kan oh kin mihmi rehrail ahnsou koaros me re kak. E pil kupwurki ren perehsang neirail seri kan soahng keper kan oh kin kaiahnehkin irail kaweid en Paipel kan. (Lepin Padahk 1:8) E ketin mahsanihong pahpa kan: ‘Kumwail pousehlahte kakairada [noumwail seri kan] ni . . . kaweid en Siohwa.’ (Wadek Episos 6:4.) Siohwa kin ketin kupwurperenkihda ni pahpa oh nohno kan ar kin idawehn sapwellime kaweid ni ar kin kakairada neirail seri kan oh sohte kin kihong emen tohrohr pwukoa wet.
2. Kaweid dah me Siohwa ketikihong seri kan?
Siohwa ketin mahsanihong seri kan: “Peikiong amwail pahpa nohno kan.” (Wadek Kolose 3:20.) Ni seri kan ar kin wauneki oh peikiong ar pahpa oh nohno kan, re kin kaperenda Siohwa oh ar pahpa oh nohno kan. (Lepin Padahk 23:22-25) Sises ketin wia mehn kahlemeng mwahu ni ahnsou me e tikitik. Mendahki e unsek, e kin peikiong oh wauneki seme oh ine.—Luk 2:51, 52.
3. Ia duwen peneinei pwon ar kak karanihala Koht?
Ma mie noumw seri, ele ke pahn men noumw seri kan en poakohng Siohwa duwehte kowe. Ia duwen omw kak wia met? Sang ni omw wia dahme Paipel mahsanih: “Kataman kin irail [mahsen en Siohwa kan] ahnsou me kumwail kin mihmi nan imwamwail oh pil ni ahnsou me kumwail kin mihmiseli ekis wasa tohrohr.” (Deuderonomi 6:7) “Kataman” kin wehwehki padahk sang ni omw pwurupwurehng nda mehkot. Mweinele, ke kin anahne pwurupwurehng ndaiong noumw seri kan mehkot ehu pwe ren tamataman. Iren Paipel wet wehwehki me ahnsou koaros ke anahne rapahki ahnsou mwahu en koasoiaiong noumw seri kan duwen Siohwa. E pahn mwahu peneineio pwon en koasoanehdi ahnsou ehu nan wihk koaros ren ehupene onopki Paipel. Ma sohte noumw seri, ke pil kak koasoanehdi ahnsou en onopki Mahsen en Koht nan wihk koaros oh met pahn seweseiuk.
KALAUDEHLA OMW ESE MET
Tehk kaweid mwahu kan me kak sewese koaros nan peneinei en sohte kin perki mehkot oh kin nsenamwahu.
4. Kaiahne noumw seri kan ni limpoak
Kaiahnehda seri men kak apwal. Ia duwen Paipel eh kak sawas? Wadek Seims 1:19, 20, oh mwuri koasoiapene peidek pwukat:
-
Ia duwen pahpa oh nohno kan ar kak kasalehda limpoak ni ar kin koasoiong neirail seri kan?
-
Dahme kahrehda pahpa de nohno men en dehr panawih nah seri kan ni ahnsou me e lingeringer? a
5. Pere noumw seri kan
Pwehn pere noumw seri kan, e uhdahn kesempwal ken koasoiaiong emenemen irail duwen wia nsenen pwopwoud. Mwein met kak apwal. Kilang KISIN KASDO, oh mwuri koasoiapene peidek pwukat.
-
Dahme kahrehda e apwal ong ekei pahpa oh nohno kan en koasoiaiong neirail seri kan duwen wia nsenen pwopwoud?
-
Ni soangen ahl dah kan me ekei pahpa oh nohno kan kin kawehwehiong neirail seri kan duwen wia nsenen pwopwoud?
Duwehte me kokohpdahr, en Sehdan sampah kin susuwedla. Wadek 2 Timoty 3:1, 13, oh mwuri koasoiapene peidek wet:
-
Ekei aramas suwed me iretikitik 13 kin mahmahsanih duwe, kin tiahk suwedih seri kan. Eri, dahme kahrehda e kesempwal pahpa oh nohno kan en padahkihong neirail seri kan duwen wia nsenen pwopwoud oh ia duwen ar pahn pereirailsang aramas tiahk suwed kan?
Ke ese met?
Sounkadehdehn Siohwa kan wiahda pwuhk oh kasdo tohto me kak sewese pahpa nohno ren padahkihong neirail seri kan duwen wia nsenen pwopwoud oh pereirailsang tiahk suwed kan. Karasepe, kilang:
-
Protect Your Children (kisin kasdo)
-
Sukuhlki Sang Sounpadahk Lapalapo, irelaud 10 oh 32
-
“Koasoiaiong Noumw Seri kan Duwen Wia Nsenen Pwopwoud” (Kahn Iroir 2010 12/1)
6. Wauneki ahmw pahpa oh nohno
Seri kan oh me pwulopwul kan kak wauneki ar pahpa nohno kan sang ni mwomwen ar kin koasoiong irail. Kilang KISIN KASDO, oh mwuri sapengala peidek pwukat.
-
Dahme kahrehda e mwahu seri de me pwulopwul men en kin koasoiong eh pahpa oh nohno ni elen wahu?
-
Ia duwen seri de me pwulopwul men eh kak koasoiong eh pahpa oh nohno ni elen wahu?
Wadek Lepin Padahk 1:8, oh mwuri koasoiapene peidek wet:
-
Dahme seri de me pwulopwul men pahn wia ni ahnsou me eh pahpa oh nohno kihong ih kaweid?
7. Kaudokiong Siohwa nin duwen peneinei ehu
Peneinei kan me iang Sounkadehdehn Siohwa kin koasoanehdi ehu ahnsou nan wihk koaros ren ehupene kaudok. Ia mwomwen kaudok en peneinei? Kilang KISIN KASDO, oh mwuri koasoiapene peidek pwukat.
-
Dahme peneinei ehu kak wia pwe ren kin wiewia Kaudok en Peneinei nan wihk koaros?
-
Dahme pahpa oh nohno kak wia pwe ar kaudok en peneinei en katapan oh kaperen?—Kilang tepin kilel en iren mehn kasukuhl wet.
-
Dahme kak kahrehda en apwal ong omw peneinei en ehupene onop?
Mahso nan Israel, Siohwa ketin kupwurki peneinei kan en kin kaukaule koasoiapene duwen Paipel. Wadek Deuderonomi 6:6, 7, oh mwuri koasoiapene peidek wet:
-
Ia duwen omw kak kapwaiada kaweid wet?
Dahme ke kak wia nan kaudok en peneinei:
-
Kaunopada ong mihting en mwomwohdiso kan.
-
Wadek oh koasoiapene ehu koasoipen Paipel me omw peneinei pahn perenki.
-
Ma mie noumw kisin seri, download de print sang nan jw.org soahng kan me seri kan kak wia.
-
Ma mie noumw seri pwulopwul (teenager), koasoiapene ehu oaralap sang nan jw.org ong me pwulopwul kan.
-
Iang noumw seri kan kamwomwada ehu poadopoad en Paipel.
-
Kilang oh koasoiapene kisin kasdo ehu sang nan jw.org.
EKEI ARAMAS KIN NDA: “E nohn apwal ong seri kan ren wehwehki Paipel.”
-
Dahme ke pahn nda?
DAHME KE SUKUHLKIER
Siohwa ketin kupwurki pahpa oh nohno kan ren poakohng, kaiahne oh pere neirail seri kan; seri kan en wauneki oh peikiong ar pahpa oh nohno kan; oh peneinei kan en ehupene kaudokiong ih.
Kousapahl
-
Dahme pahpa oh nohno kan kak wia pwehn kaiahne oh pere neirail seri kan?
-
Dahme seri kan kak wia pwehn wauneki ar pahpa oh nohno kan?
-
Ia kamwahupen koasoanehdi ehu ahnsou nan wihk koaros pwehn kaudokiong Siohwa nin duwen peneinei ehu?
PIL TEHK
Mehn kasukuhl dah me pahn kaunopada noumw serio ni eh pahn laudla?
Sukuhlki kaweid mwahu kan me Paipel kin kihda ong irail kan me kin apwalih ar pahpa oh nohno kan me mahla.
“What Does the Bible Say About Caregiving for Elderly Parents?” (Web article)
Kilang duwen emen ohl me sehse ia duwen eh pahn apwalihada seri eh wiahla pahpa pweida men.
Tehk ia duwen pahpa kan ar kak kalaudehla ar nanpwungmwahu rehn neirail pwutak kan.
“Ia Duwen Pahpa kan Ar Kak Karanih Neirail Pwutak kan Ahnsou Koaros?” (Kahn Iroir, December 1, 2011)
a Nan Paipel, ‘kaiahn’ kin pidada padahk, kaweid oh kapwungala. E sohte kin wehwehki wiakauwe de tiahk lemei.—Lepin Padahk 19:18.
