YACHAI 50
Cambaj familiahuan cushilla causai (parte 2)
Huahuacunaca Yaya Dios cushca shuj sumaj regalomi can. Paica huahuacunata alli cuidachunmi shuj regalota shina cushca. Chaimantami paica alli consejocunata cun. Familia ucupi tucuicuna cushilla causachunmi huahuacunamanpish huaquin consejocunata cun.
1. ¿Yaya mamacunamanca Jehová Diosca ima consejotataj cun?
Jehová Diosca yaya mamacuna huahuacunata cꞌuyachun, paicunahuan tiempota pasachunmi munan. Shinallataj ima llaquicunamantapish cuidachun, Bibliapi mandashca shina yachachichunpishmi munan (Proverbios 1:8). Bibliapica yayacunamanca: ‘Jehová Dios cushca consejocunata yachachishpa huiñachichij’ ninmi (Efesios 6:4-ta liyipai, NWT). Yaya Diosca yaya mamacuna pai mandashcacunata cazushpa paicunallataj huahuacunata huiñachichunmi munan.
2. ¿Huahuacunamanca Jehová Diosca ima consejotataj cun?
Jehová Diosca huahuacunataca: “Cancunapaj yaya mamacunata tucuipi cazuichij” ninmi (Colosenses 3:20-ta liyipai). Shuj huahua paipaj yaya mamata cazujpi, respetajpica paicunaca cushillami sintiringa. Jehová Diospishmi cushilla sintiringa (Proverbios 23:22-25). Jesús huambraraj cashpaca paipaj yaya mamacuna juchayuj cajpipish tucuipi cazushpa, respetashpami causarca (Lucas 2:51, 52).
3. ¿Tucui familia Jehová Diosta sirvichunca ima shinataj ayudai tucunguichij?
Ima shinami yaya mamacuna Diosta cꞌuyanguichij, chashnallatajmi huahuacunapish Diosta cꞌuyachun munanguichij. ¿Chaitaca ima shinataj pajtachi tucunguichij? Bibliapica: ‘Cambaj huahuacunamanca punllanta cutin cutin Yaya Diosmanta yachachingui. Chai yachachishcacunataca huasipi cashpapish, ñanta puricushpapish yachachirangui’ ninmi (Deuteronomio 6:7). Huaquinpica huahuacuna paicuna yachashcata ama cungarichunca cutin cutin chaillatataj nishpami yachachishcanguichij ¿nachu? Cai versopi nishca shinaca cada punlla cambaj huahuacunaman Diosmanta yachachina oportunidadta mashcai. Ashtahuanpish cada semana familiahuan Diosta adorangapaj tiempota surcunaca allimi can. Huahuacunata mana charishpapish cada semana canllataj Bibliamanta estudianaca achcatami ayudanga.
ASHTAHUAN YACHAI
Familiacuna cushilla, alli causachun huaquin consejocunata ricushun.
4. Huahuacunata cꞌuyaihuan yachachichij
Huahuacunata huiñachinaca mana jahuallachu can. Shinapish ¿Bibliaca ima shinataj ayudai tucun? Santiago 1:19, 20-ta liyipai. Qꞌuipaca cai catij tapuicunatami yachashun:
-
Yaya mamacunaca huahuacunahuan parlanacushpaca, ¿ima shinataj cꞌuyaita ricuchi tucun?
-
¿Shuj yaya pꞌiñarishca cashpaca imamantataj paipaj huahuata mana disciplinana can? a
5. Huahuacunata cuidaichij
Huahuacunata cuidangapajca cada huahuahuanmi aichapi chayarina yuyaicunamantaca parlana cangui. Huaquinpica caimanta parlanaca manachari jahualla can. VIDEOTA ricui. Qꞌuipaca cai catij tapuicunatami yachashun:
-
¿Huaquin yaya mamacunapajca imamantataj chayarina yuyaicunamanta huahuacunahuan parlanaca sinchi can?
-
¿Huaquin yaya mamacunataca huahuacunahuan caimanta parlachunca imataj ayudashca?
Bibliapi nishca shinaca cai punllacunapica ashtahuan millai gentecunami tiyan. 2 Timoteo 3:1, 13-ta liyipai. Qꞌuipaca cai catij tapuicunatami yachashun:
-
Verso 13-pi parlashca huaquin millai gentecunaca huahuacunatami violancuna. Chaimanta ¿yaya mamaca huahuacunaman chayarinacunamanta parlanaca imamantataj importante can? ¿Millai gentecuna huahuacunata ama llaquichichunca yaya mamaca imatataj rurai pudin?
¿Caita yacharcanguichu?
Testigo de Jehovacunaca huahuacunata pi ama dañota rurachun, aichapi chayarina ima cashcata alli intindichunca achca publicacioncunatami llujchishca. Cai publicacioncunahuanmi yaya mamacunaca huahuacunaman yachachi tucun:
-
Huahuacunata cuidaichij (video)
-
“¿Cambaj huahuahuanca chayarina yuyaicunamantaca ima shinataj parlai tucungui?” (Rijchari, Núm. 5 2016)
6. Yaya mamacunata respetaichij
Huahuacunapish, jovencunapish yaya mamataca respetanami can. Paicunata respetashcata ricuchingapajca alaja shimicunahuanmi parlana cangui. VIDEOTA ricui. Qꞌuipaca cai catij tapuicunatami yachashun:
-
¿Jovencunaca imamantataj yaya mamataca respetohuan parlana can?
-
¿Shuj jovenca ima shinataj paipaj yaya mamamanca respetota ricuchi tucun?
Proverbios 1:8-ta liyipai. Qꞌuipaca cai catij tapuitami yachashun:
-
¿Yaya o mama imata rurachun mandajpica huahuacunaca imatataj rurana can?
7. Familiahuan tandalla Jehová Diosta adoraichij
Testigo de Jehovacunaca cada semana familiahuan tandalla Diosta adorangapajmi shuj tiempota surcuncuna. ¿Ima shinataj chaitaca rurancuna? VIDEOTA ricui. Qꞌuipaca cai catij tapuicunatami yachashun:
-
¿Cada semana familiahuan Diosta adorangapajca imataj ayudai tucun?
-
¿Familiahuan Diosta adorashpa tucuicuna beneficiarichunca yaya mamacunaca imatataj rurana can? (Callaripi tiyaj fotota ricui).
-
¿Cambaj familiahuan Diosta adorangapajca ima jarcaicunatataj charishcangui?
Ñaupa punllacunapica Jehová Diosca israelitacunamanca, paicunapaj huahuacunaman Diosmanta yachachina costumbreta charichunmi munarca. Deuteronomio 6:6, 7-ta liyipai. Qꞌuipaca cai catij tapuitami yachashun:
-
¿Cai mandashcataca ima shinataj pajtachi tucungui?
Familiahuan Diosta adorangapaj huaquin yuyaicuna:
-
Tandanacuicunapaj prepararichij.
-
Bibliamanta shuj historiata liyishpa parlanacuichij.
-
Uchilla huahuacunata charishpaca paicuna huaquin tareacunata rurachun jw.org paginamanta surcui o imprimi.
-
Joven huahuacunata charishpaca paicuna munashca temata jw.org paginapi ricui.
-
Bibliamanta shuj historiata agllashpa dramata ruraichij.
-
JW.ORG paginamanta shuj videota ricushpa parlanacuichij.
HUAQUINCUNACA: “Huahuacunapajca Bibliamanta yachanaca sinchimi can” nincunami.
-
¿Canca imatataj yuyangui?
YUYARISHUNCHIJ
Diosca yaya mamacuna huahuacunata cꞌuyachun, yachachichun, cuidachunmi munan. Huahuacunapish yaya mamata cazuchun, respetachunmi munan. Shinallataj tandalla paita adorachunmi munan.
Yuyaringapaj tapuicuna
-
¿Yaya mamaca ima shinataj huahuacunata yachachina, cuidana can?
-
¿Huahuacunaca ima shinataj yaya mamata respetashcata ricuchincuna?
-
¿Cada semana familiahuan Diosta adorashpaca ima bendicioncunatataj charishun?
CAICUNATAPISH RICUI
¿Cambaj huahua jatunyashpa alli causachunca imataj ayudanga?
“¿Huahuacunamanca imatataj yachachina cangui?” (Rijchari, Núm. 2 2019)
Mayorlla yaya mamata ima shina cuidanamanta yachai.
“¿Mayoryashca yaya mamata cuidachunchu Diosca mandan?” (jw.org paginapi ricui)
Shuj runa huahuacunata mana huiñachinata yachashpapish ima shina alli yaya tucushcata ricui.
Shuj yaya ima shina paipaj huahuacunahuan alli amigo cai tucushcata yachai.
a Bibliapi huahuacunata “disciplinana” nishpaca yaya mamacuna huahuacunaman yachachina cashcata, corregina cashcatami nisha nin. Huahuacunata sinchita macanata, maltratanataca mana nisha ninchu (Proverbios 4:1).
Caitapish yachai
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
