YAĆHACHICUY 50
Imanuypam familiayquiwan cushisha cawsanquiman (ishcay parti)
Wawi-chulicuna Jehovapa regalunmi. Chaymi pay munan tayta-mamacuna chulinta allinta cuidananta. Chaypämi Jehová tayta-mamacunacta un allin consejucunacta. Ñatac Jehová chulicunactapis un allin consejucunactam.
1. ¿Ima consejucunactam un Jehová tayta-mamacunata?
Jehová munan taytacuna chulincunacta cuyananta ñatac paycunawan cananpä tiempunchacunmanmi. Ima problemacuna captinpis yanapaycunmanmi, ñatac Bibliaca nishannümi wawin-chulinta educapäcunman (Proverbios 1:8). Dios nin taytacunata: ‘Chuliquicunacta ishpiychipäcuy […] Jehová yaćhachiśhannü’ (liguicuy Efesios 6:4). Jehová allictam cushicun quiquin taytancuna chulincunacta ishpichiptin.
2. ¿Ima consejucunactam un Jehová chulicunata?
Jehová munan ‘chulicunaca taytancunacta cäsucunantam’ (liguicuy Colosenses 3:20). Juc chuli taytan-mamanta cäsucuptin ñatac respetaptin paycuna cushisham capäcun’a Jehovapis cushicun’am. (Proverbios 23:22-25). Jesús perfectum cala taytan-mamantapis respetalam ñatac cäsuculam masqui imperfecto captinpis (Lucas 2:51, 52).
3. ¿Imactam lulanman llapan familiaca Jehovaman masta aśhuycalinanpä?
Chuliquicuna captin, imacunactam am lulanquiman Diosta cuyapäcunanpä. Jehovami mandan maman-taytancunacta: Yaćhachiy “chuliquicunaman yapalcul-yapalcul wasiquićhu, pulishayquicunäćhu, puñunayquipäpis, śhalcunayquipäpis yaćhaycachinqui” (Deuteronomio 6:7). ¿Ima ninanmi yaćhachiy? Manam juc cutilla yaćhachinantachu nin, chulicunaca ratullam imactapis un’apäcun. Chaymi cada muyun tiempunchacunqui chuliquicunacta Jehovapi yaćhachinayquipä. Chaypi’a cada semanam llapan familiaca tiempunchaculcan cuscan Jehovata adorapäcunanpä. Masqui mana chuliyücuna captinpis, allinmi Bibliata cada semana estudianayqui.
MASTA YAĆHAYCUŚHUN
Yaćhaśhun ima consejucunam yanapanman familiacunata cushisha cawsacunanpä.
4. Wawiquicunacta cuyayllawan educaycuy
Wawicunata yaćhachiy sasam, pero Bibliami yanapamäśhun imanuypa yaćhachinanchicpä paycunacta. Liguiśhun Santiago 1:19, 20 ñatac limaśhun caypi:
-
¿Imanuypam taytacuna licachinman chulincunacta cuyaśhanta paycunawan limal?
-
¿Imapïmi juc tayta mana chulinta anyapanmanchu piñacuśha cayal? a
5.Wawiquicunacta allicta cuidapäcuy
Wawiquicunacta allinta cuidanayquipä limapaycunqui mana pin’acullalmi hombre cayninpi o walmi cayninpi. Licaśhun VIDEUCTA ñatac limaśhun caypi:
-
¿Imapïmi waquin taytacunapä sasa chulincunawan limay juc hombre walmiwan puñuśhampi?
-
¿Imam yanapala taytacunata chulincunawan mana piñacullal limananpä?
Bibliaca nilañam canan tiempućhu anla-juchacunaca milananta. Liguiśhun 2 Timoteo 3:1, 13 ñatac limaśhun caypi:
-
Waquin juyu nunacuna 13 versiculuca nishannümi abusapäcun urucunacta. Chayurá, ¿imapïmi allicta puydin taytacuna yaćhachinan chulincunacta walmi cayninpi o hombre cayninpi? ¿Imactam lulapäcunman taytacuna mana chulincuna abusaśha cananpä?
Yaćhaycunayquipä
Jehovapa testiguncuna lulapäcun yaćhachicuycunacta tayta-mamacunapä chulin-wawincunacta educananpä hombre cayninpi ñatac walmi cayninpi, mana violaśha cananpä. Caycunam:
-
Protejan a sus hijos (video)
-
“Cómo hablar de sexo con su hijo” (¡Despertad!, núm. 5 2016)
6. Taytayquita-mamayquita respetay
Urucunapis wamla-walaśhcunapis taytan-mamanta respetananmi chayta licachipäcun respetullawan limapalmi. Licaśhun VIDEUCTA ñatac limaśhun caypi:
-
¿Imanuypam wamla-walaśhcuna respetullawan taytan-mamanta limapanman?
-
¿Imanuypam wamla-walaśhcuna licachipäcun taytan-mamanta respetaśhanta?
Liguiśhun Proverbios 1:8 ñatac limaśhun caypi:
-
¿Imactam lulapäcunan wamla-walaśhcuna taytan-maman mandaptin imactapis lulananpä?
7. Cada semana familiayquiwan Jehovata adorapäcuy
Jehovapa testiguncuna cada semanam tiempunchaculcan Jehovata adorananpä familiancunawan. ¿Imanuypam chayta lulapäcun? Licaśhun VIDEUCTA ñatac limaśhun caypi:
-
¿Imam yanapanman cada semana familianwan Jehovata adorapäcunanpä?
-
¿Imactam lulanman tayta-mamacuna wawin-chulinwan cushisha Jehovata adorapäcunanpä? (Licaycuy punta fotuta).
-
Ampä, ¿sasachun chuli-wawiquiwan cada semana Jehovata adoranayquipä?
Unay tiempućhu israelitacunata Jehová mandala wawin-chulincunacta Bibliapi yaćhachinanpä. Liguiśhun Deuteronomio 6:6, 7 ñatac limaśhun caypi:
-
Am, ¿imanuypam cay consejuta cäsucunquiman?
Yanapaycuna familianwan Jehovata adoranapä:
-
Preparaculcay utunacuycunapä.
-
Bibliata familiayquiwan liguilcul limapäcuy.
-
Uruyquicuna captin, jw.org nishanta urucunapä cäcunata descargay o copiacta juluy.
-
Müsu-lasacña captin’a, paycunapä jw.org nishanćhu yaćhachicuycunacta liguiy.
-
Bibliapi liguiśhayquicunacta, actuapäcuy.
-
Mayannin videuctapis jw.org niśhanćhu licalcul limapäcuy.
WAQUINCUNA NIPÄCUN: “Urucunapä sasa-sasam Bibliapi yaćhananpä”.
-
Am, ¿ima ninquimanmi?
IMACTAM YAĆHALUNCHIC
Jehová munan tayta-mamacuna chulincunacta cuyananta, educananta ñatac proteginanta; chulicuna taytan-mamanta respetananmi ñatac cäsucunanmi, chaypi’a llapan familiaćhu adorapäcunman.
Yalpaśhun
-
¿Imanuypam tayta-mamacuna educanman ñatac proteginman chulincunacta?
-
¿Imanuypam licachinman chulicuna taytan-mamanta respetaśhanta?
-
¿Imanuypam yanapamanchic cada semana tiempuchacuptinchic Diosta adoranapä familiaćhu?
MASTA YAĆHANAYQUIPÄ
¿Imacunam yanapanman chuliquicunacta allin cawsananpä? Liguiy.
“6 lecciones imprescindibles para sus hijos” (¡Despertad!, núm. 2 2019)
Liguiy yanapaycunacta yaśhacunacta cuidanapä.
“¿Espera Dios que cuidemos a los padres cuando se hacen mayores?” (Artículo de jw.org)
Licay, imanuypam juc hombre mana chulincunacta uywayta yaćhal muyulun allin taytaman.
Yaćhay imanuypam tayta-mamacuna wawin-chulincunawan allin cawsaculcanman.
“¿Qué puede hacer un padre para no distanciarse de su hijo?” (La Atalaya, 1 de noviembre de 2011)
a Bibliaćhu anyapay nishanca manam castigananpächu, nï ma’ananpächu. Aśhwanpa consejucta uycunanpämi ñatac corriginanpämi (Proverbios 4:1).
