LEKCIJA 50
Kana tut ela čačes bachtaľi fameľija? – 2. kotor
O Jehovas diňa le čhaven sar baro daros. Aľe užarel la datar le dadestar, hoj pes pal lende starinena avka sar kampel. Sar oda šaj keren? Andre Biblija hin leskere lava, save lenge pomožinen, kaj len mište te bararen avri. Tiš hin odoj goďaver lava predal o čhave. Te len savore andro kher doľikerena, ena bachtale.
1) So phenel o Jehovas la dake le dadeske?
Užarel lendar, hoj ena peskere čhavenca. Hoj lenge sikavena, sar igen len kamen. A hoj pre lende dena pozoris, kaj pes lenge ňič nalačho te na ačhel. E Biblija phenel le dadenge: „Bararen avri [tumare čhaven] avka, hoj... len dena goďi, sar kamel o Jehovas.“ (Pregen Efezanom 6:4) So oda hin? Le kamibnaha te sikhľarel peskere čhaven pal o Devleskere lava andal e Biblija. (Príslovia 1:8) Te avka kerena, o Jehovas radisaľola, bo ov na kamel, kaj le čhaven te bararel avri e baba o papus, abo vareko aver.
2) So o Jehovas phenel le čhavenge?
Phenel lenge: „Šunen la da le dades.“ (Pregen Kolosanom 3:20) Te o čhave šunen a presikaven lenge paťiv, radisaľola lendar o Jehovas the e daj o dad. (Príslovia 23:22–25) O čhave šaj sikhľon but tiš le Ježišostar. Ov šunelas peskera da le dades, presikavelas lenge paťiv, the te ov sas dokonalo a on na. (Lukáš 2:51, 52)
3) Kana tiri fameľija kamela le Devles mek buter?
Sam peske ista, hoj kames, kaj tire čhave tiš te kamen le Jehovas avka sar tu. Kana oda avka ela? Te doľikeres ala lava: „A thoveha [le Jehovaskere lava] tire čhavenge andro jilo u vakereha pal lende, te bešeha andro kher, te džaha dromeha.“ (5. Mojžišova 6:7) Sar oda šaj keres? Avka, hoj lenca sako ďives vakereha pal o Jehovas, kaj oda lenge te ačhel andre goďi the andro jilo a kaj peske le Jehovas te zakamen. A nekfeder hin, te tumenge sako kurko arakhena o časos a jekhetane tumenge študinena pal o Jehovas. A te tumen nane čhave, tiš hin lačhes, te tumenge sar fameľija sako kurko študinena e Biblija.
DODŽAN TUT BUTER
So šaj keren, kaj andre fameľija te en bachtale a kaj pes ňikaske ňič nalačho te na ačhel.
4) Barar tire čhaven le kamibnaha!
Te bararel avri le čhaven nane lokes. Sar tuke šaj pomožinel e Biblija? Pregen Jakub 1:19, 20 a paľis vakeren jekhetane:
-
Sar šaj e daj o dad presikavel kamiben le čhavenge, te lenca vakeren?
-
Soske e daj abo o dad našťi dophenel le čhavenge akor, te hino choľamen? a
5) Den pozoris pre tumare čhave!
Šaj el, hoj tumen ladžan. Aľe te kamen te del pozoris pro čhave, musaj lenca te vakeren the pal o seks. Šaj el oda phares, aľe kampel. Mukh o VIDEJO a paľis vakeren jekhetane.
-
Soske hin phares predal e daj o dad pal oda lenca te vakerel?
-
So tuke pomožinel lokeder pal oda lenca te vakerel?
Avka sar phenel e Biblija, andre kada nalačho Bengeskero svetos pes furt keren bareder džungaľipena. Pregen 2. Timotejovi 3:1, 13 a paľis vakeren jekhetane:
-
Sar sas pisimen andro 13. veršos, varesave kole bengale manušendar keren le čhavenca bare džungaľipena. Soske vaš oda igen kampel, kaj e daj o dad te sikhľaren le čhaven pal o seks? A soske tiš kampel, kaj lenge te phenen, kaj pes ňikaske te na den te diliňarel?
Džanehas?
Le Jehovaskere svedken hin but kňižki, časopisa the videji, save pomožinen la dake le dadeske, kaj te sikhľaren le čhaven pal o seks a sar len šaj chraňinen ole džungale manušendar.
-
Merkinen pre tumare čhave (videjo)
-
„Ako učiť deti o sexualite“ (Prebuďte sa! č. 5/2016)
6) Presikav paťiv tira dake tire dadeske
O cikne the bare čhave šaj presikaven paťiv la dake le dadeske oleha, sar lenca vakeren. Mukh o VIDEJO a paľis vakeren jekhetane.
-
Soske hin lačhes predal o čhave, te vakeren la daha le dadeha šukares?
-
Sar šaj vakerel o terno la daha le dadeha avka, hoj lenge presikavela paťiv?
Pregen Príslovia 1:8 a paľis vakeren jekhetane:
-
So bi majinelas o terno te kerel, te leske e daj o dad dophenen?
7) Študin tirenca khere
O fameľiji, so hine le Jehovaskere svedki, peske sako kurko arakhen časos, kaj peske jekhetane te študinen sar fameľija. Sar oda dičhol? Mukh o VIDEJO a paľis vakeren jekhetane.
-
So šaj pomožinel, kaj oda študijum te el sako kurko?
-
So šaj kerel e daj o dad, kaj peske olestar savore vareso te len a kaj len oda te bavinel? (Dikh peršo obrazkos andre kadi lekcija.)
-
Soske nane furt loko, kaj te študines tirenca khere?
O Jehovas imar čirla užarelas peskere ľudostar, le Židendar, kaj sako ďives sar fameľija te vakeren pal o Devleskere lava. Pregen 5. Mojžišova 6:6, 7 a paľis vakeren jekhetane:
-
Sar šaj keres ada the tu?
So šaj keres, sar študines tirenca khere:
-
Keren tumenge priprava pro zhromažďeňe.
-
Pregenen tumenge varesavo šukar pribehos andal e Biblija a povakeren pal oda.
-
Te hin tumen cikne čhavore, šaj scirden a vitlačinen ulohici predal o čhavore pre stranka jw.org.
-
Te hin tumen bareder čhave, povakeren pal o članki predal o terne pre stranka jw.org.
-
Keren tumendar le manušen andal e Biblija.
-
Dikhen u vakeren pal varesavo videjo pre stranka jw.org.
VAREKO ŠAJ PHENEL: „Me oda na džanav te ľidžal. Mire bareder čhave manca na kamen te študinel.“
-
So bi pre kada phenehas?
SO SIKHĽIĽAM
O Jehovas užarel le dajendar le dadendar, kaj te kamen, te sikhľaren a te den pozoris pre peskere čhave. Le čhavendar užarel, hoj šunena le roďičen a hoj lenge presikavena paťiv the kamiben. A le fameľijendar užarel, hoj peske jekhetane študinena e Biblija.
So bi phenehas
-
Sar o roďiči šaj sikhľaren a den pozoris pre peskere čhave?
-
Sar o čhave šaj presikaven paťiv la dake le dadeske?
-
So lačho oda anela, te peske e fameľija sako kurko jekhetane študinel?
DIKH TUKE BUTER
Pregen tuke, so pomožinela le čhavenge, kaj lendar te baron avri lačhe manuša.
„Šesť vecí, ktoré sa deti potrebujú naučiť“ (Prebuďte sa! č. 2/2019)
Pregen tuke, so šaj pomožinel olenge, so pes starinen pal peskere daja dada, so hine andro berša.
„Čo sa v Biblii píše o tom, ako sa starať o zostarnutých rodičov?“ (arakheha pro jw.org)
Dikh tuke, sar jekh dad sikhľiľa šukares avri te bararel peskere čhaven.
O Jehovas amen diňa goďi sar te bararel avri le čhaven (5:58)
Pregen tuke, so šaj kerel o dad, kaj te el lačho peskere čhaha.
„Otcovia, ako si môžete udržať blízky vzťah so svojím synom?“ (Strážna veža z 1. novembra 2011)
a Andre Biblija o lav „te dophenel“ hin: Te del goďi, te sikavel sar te dživel a te pomožinel, kaj pes te na kerel o nalačhipen. Ňigda oda nane te koškerel aňi te marel pro meriben. (Príslovia 4:1)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
