ЛЕКЦИЈА 50
Сар шај тли фамилија те овел бахтали? (дујто дело)
О чхаве тане поклон таро Јехова. Ов очекујнела таро родителија шукар те грижинен пе башо адава поклон. Те шај те керен адава, о Јехова дела е родителенге мудра советија. Исто аѓаар, о Јехова дела советија е чхавенге соске лендар да зависинела дали и фамилија ка овел бахтали.
1. Саве советија дела о Јехова е родителенге?
О Јехова очекујнела о родителија те манген пумаре чхавен хем те накхавен кобор со шај повише време ленцар. Исто аѓаар, ов мангела те заштитинен лен хем те воспитинен лен аѓаар со ка користинен лескере начелија (Изреки 1:8). Ов вакерела е даденге: „Воспитинен [тумаре чхавен] аѓаар сар со вакерела о Јехова“. (Читин Ефешаните 6:4.) О Јехова тано бахтало кеда о родителија шунена лескере советија џикоте бајрарена пумаре чхавен хем кеда адаја одговорност на дена ла некаске јавереске.
2. Саве советија дела о Јехова е чхавенге?
О Јехова вакерела е чхавенге: „Шунен тумаре родителен“. (Читин Колошаните 3:20.) Кеда о чхаве поштујнена хем шунена е родителен, ола керена е Јехова хем пумаре родителен бахтале (Изреки 23:22-25). О чхаве шај бут те сикљовен таро Исус. Сар чхаво, иако ов сине совршено, ов шунела сине хем поштујнела сине пле несовршено родителен (Лука 2:51, 52).
3. Со шај те поможинел тле фамилијаке те овел попаше е Девлеа?
Ако сиан родители, сигурно мангеа те чхаве те манген е Јехова добором кобор со ту мангеа ле. Сар шај те успејне ко акава? Ка поможинел туке акава библиско совет: „Чхив [е Девлескере лафија] ко тле чхавенгоро вило хем вакер ленге акала лафија кеда бешеа кхере хем кеда пхиреа ко друмо“ (5. Мојсеева 6:7). Те шај „те чхиве“ е Девлескере лафија ко тле чхавенгоро вило ваљани те повторине лен. Веројатно таро искуство џанеа кај е чхавенге ваљани често те повторине несави бути те шај те памтинен ла. Адалеске, о стихо истакнинела кај ваљани редовно те кере лафи тле чхавенцар башо Јехова. На пример, јекх шукар идеја тани секова курко те одвојнен време заедно сар фамилија те обожавинен е Јехова. Чак ако нане тумен чхаве, ка користинел туменге сар брачно пари ако секова курко проучинена е Девлескоро Лафи заедно.
ДОЗНАЈН ПОВИШЕ
Дикх сар шај сарине ки фамилија те осетинен пе бахтале хем сигурна.
4. Воспитин тле чхавен мангипаја
Нане локхо те воспитинен пе о чхаве. Сар шај и Библија те поможинел? Читин Јаков 1:19, 20, а пало адава керен лафи башо акала пучиба:
-
Сар шај о родителија те сикавен мангипе кеда керена лафи пумаре чхавенцар?
-
Соске о родителија никогаш на ваљани кеда тане хољаме те казнинен пумаре чхавен? a
5. Заштитин тле чхавен
Те шај те заштитине тле чхавен, бут тано важно те кере ленцар лафи баши тема секс, иако адава шај ка овел туке незгодно. Дикх о ВИДЕОКЛИПИ, а пало адава керен лафи башо акала пучиба:
-
Соске несаве родителенге тано пхаро те керен лафи пумаре чхавенцар башо адава со ваљани те џанен башо секс?
-
Сар несаве родителија објаснинѓе пумаре чхавенге адава со ваљани те џанен башо секс?
Сар со сине пророкујмо, е Сатанаскоро свето овела са полошно хем полошно. Читин 2. Тимотеј 3:1, 13, а пало адава керен лафи башо акава пучибе:
-
Несаве лошна мануша сој спомниме ко 13 стихо, сексуално злоупотребинена чхавен. Адалеске, соске тано важно о родителија те керен лафи пумаре чхавенцар баши тема секс хем сар те заштитинен пе таро адала лошна мануша?
Дали џанљан?
Е Јеховаскере сведокија керѓе бут публикацие кола со поможинена е родителенге те керен лафи пумаре чхавенцар баши тема секс хем сар те заштитинен лен таро сексуално злоупотребибе. Дикх некобор примерија:
6. Поштујн тле родителен
О чхаве хем о тинејџерија шај те сикавен поштовање пумаре родителенге преку о начин сар керена ленцар лафи. Дикх о ВИДЕОКЛИПИ, а пало адава керен лафи башо акала пучиба:
-
Соске тано шукар о терне те сикавен поштовање пумаре родителенге кеда керена ленцар лафи?
-
Сар шај те керен адава?
Читин Изреки 1:8, а пало адава керен лафи башо акава пучибе:
-
Сар ваљани о терне те реагиринен кеда о родителија дена лен советија?
7. Обожавинен е Јехова сар фамилија
О фамилие сој тане е Јеховаскере сведокија, секова курко одвојнена време заедно те обожавинен е Јехова. Сар шај те изглединел асавки Фамилијарно рат коте со обожавинела пе е Јехова? Дикх о ВИДЕОКЛИПИ, а пало адава керен лафи башо акала пучиба:
-
Со ваљани те керел и фамилија те шај редовно те икерел и Фамилијарно рат?
-
Со шај те керен о родителија те шај и Фамилијарно рат те овел интересно хем корисно сариненге? (Дикх и слика ко почеток тари лекција.)
-
Со шај те керел туменге пхаро редовно те икерен и Фамилијарно рат?
Ко пурано Израел, о Јехова очекујнела сине таро родителија редовно те сикавен пумаре чхавен башо лескоро Лафи. Читин 5. Мојсеева 6:6, 7, а пало адава керен лафи башо акава пучибе:
-
Сар шај ту те применине акава начело?
Идее баши Фамилијарно рат:
-
Спреминен тумен башо состанокија.
-
Читинен хем керен лафи башо несаво интересно библиско извештај.
-
Ако иси тут тикне чхаве, перав или печатин несаве содржине таро проектија башо чхаве ки jw.org.
-
Ако иси тут чхаве сој тинејџерија, керен лафи баши несави статија башо тинејџерија ки jw.org.
-
Глуминен јекх библиско парамис.
-
Дикхен хем керен лафи башо несаво видеоклипи ки jw.org.
НЕСАВЕ ШАЈ ВАКЕРЕНА: „И Библија нане е чхавенге. Ола нашти хаљовена ла“.
-
Со ка вакере ту?
СО СИКЛИЛЕМ
О Јехова мангела о родителија те манген, те воспитинен хем те заштитинен пумаре чхавен, а о чхаве те поштујнен хем те шунен пумаре родителен. Исто аѓаар, мангела ола сар фамилија заедно те обожавинен ле.
Сар ка одговорине?
-
Сар шај о родителија те воспитинен хем те заштитинен пумаре чхавен?
-
Сар шај о чхаве те поштујнен пумаре родителен?
-
Соске тано шукар заедно сар фамилија секова курко те обожавинен е Јехова?
ИСТРАЖИН
Со ваљани те сикаве тле чхавен панда таро тикнипе?
„6 лекции за кои треба да ги поучиме децата“ (Разбудете се! бр. 2, 2019)
Дикх со поможинѓа јекхе манушеске те овел шукар дад, иако на џанела сине сар те воспитинел пле чхавен.
Дикх сар о дада шај те овен попаше пумаре чхавенцар.
„Како татковците да останат блиски со своите синови?“ (Стражарска кула таро 1 ноември 2011)
a Кеда и Библија керела лафи башо воспитибе е чхавен, тегани мислинела пе кај о родителија ваљани те сикавен, те опоменинен хем те укоринен пумаре чхавен, а на ко физичко или емоционално малтретирибе (Изреки 4:1).
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
